Alyasa’ (a.s.) ham yahudiylarning tarbiyasi va islohi uchun ko‘p urindilar. Alyasa’ning nasablari haqida Ibn Ishoq: «Alyasa’ ibn Axtub edi» - deydi.

Ibn Asokir esa o‘zining «Tarix»ida: «Alyasa’ bu Al-Asbot ibn Adiy ibn Shutlam ibn Afroim ibn Yusuf ibn Ya’qub ibn Ishoq ibn Ibrohim al-Xalildir» - deydi.

Ba’zi olimlar: «Alyasa’ Ilyos (a.s.)ning amakivachchalari edi. Ba’labakka podshohidan tog‘da yashirinib yurgan paytlarida hamroh bo‘lganlar. Ilyos qavmga qaytganlarida Alyasa’ ham birga kelganlar. Ilyos (a.s.) osmonga ko‘tarilib ketganlaridan so‘ng, Alyasa’ o‘rinlariga payg‘ambar bo‘lib qoldilar» - deyishadi.

Alloh taolo Qur’oni karimda shunday deydi:


«Zakariyo, Yahyo, Iyso va Ilyosni ham hidoyat qildik. Barchalari solih bandalardandir. Ismoil, Alyasa’, Yunus va Lutni ham hidoyat qildik va barchalarini butun olamlardan afzal qildik». (An’om, 85-86.)



«Yana Ismoil, Alyasa’ va Zul Kiflni eslang! Barchalari yaxshi kishilardandir». (Sod, 48.) 

Adashgan qavm to‘g‘ri yo‘lni tan olmadi. Alyasa’ (a.s.)ning mo‘‘jizalariga ishonmadi, aksincha isyon qilib, inkor yo‘lini tutishdi. Natijada, ularga Alloh taolo zolim bir qavmni yuborib, Bani Isroil yana xorlikka tushdi.

Ilyos (a.s.) va Alyasa’ (a.s.)ning boshqa payg‘ambarlar kabi hidoyatga erishganlari va solihlardan bo‘lganliklari Allohning nazdida maqbul insonlar ekanligini bildiradi.

MUNDARIJA

Muqaddima

1-bob.
1.1. Zamonning yaratilishi
1.2. Dunyoning yaratilishi
1.3. Iblisning takabburligi

2-bob.
2.1. Odamning yaratilishi
Odam (a.s.) qissasidan dars va ibratlar
2.2. Shis (a.s.)
2.3. IDRIS (a.s.)
Idris (a.s.) qissasidan dars va ibratlar
2.4. NUH (a.s)
Nuh payg‘ambar qissasidan dars va ibratlar
2.5. HUD (a.s)
2.6. SOLIH (a.s.)
Hud va Solih  qissalaridan dars va ibratlar
2.7. IBROHIM (a.s.)
Ibrohim(a.s.) qissalaridan dars va ibratlar
2.8. LUT (a.s)
Lut (a.s.)ning qissalaridan ibratlar
2.9. ISMOIL (a.s.)
2.10. IS'HOQ (a.s.)
2.11. Ya’QUB(a.s)
2.12. YuSUF (a.s.)
Yusuf (a.s.) (qissasidan dars va ibratlar
2.13. ShUAYB (a.s.)
Shuayb (a.s.)ning qissalaridan ibratlar
2.14. AYYuB (a.s.)
Ayyub (a.s.) qissalaridan dars va ibratlar
2.15. ZUL-KIFL (a.s.)
2.16. YuNUS (a.s.)

3-bob. Ommaviy halokatga hukm etilgan boshqa ummatlar           
3.1. «Ashobur-Rassi» (Quduq egalari)
3.2. Yosin Qavmi

4-bob.
4.1. MUSO VA HORUN (a.s.)
4.2. Tavrot
4.3. Muso (a.s.) bilan sodir bo‘lgan boshqa voqe’alar
Muso (a.s.) qissalaridan dars va ibratlar
4.4. ILYoS (a.s.)
4.5. ALYaSA’ (a.s)