Bu ishoratni juda ko'p yerda ko'rdim. Asosan qabrlarning yonida uchraydi.

Bunday ishoralar tug' deb atalib, asosan avliyolar qabri yonida uchraydi. Odatda ko'p joyda otning yoli, yoki dumini osib qo'yishadi.
Ma'nosini tushunmagandim. Ushbu rasmdagi qo'l tasviri ham men uchun yangilik bo'ldi.

Madrasaning yo'laklari. Gapirsangiz ovozingiz jaranglab chiqadi. Odatda madrasa talabalari Qoronni bu yerda yodlashar ekan.

Bir paytlar ayni shu joylar zabardast olimu fuzalolar, tolibi ilmlar bilan gavjum bo'lgan. Menga bu surat, Grenadadagi Al-Hamro saroyi va ilm yuksak rivojlangan Qurtuba masjidlarini eslatadi. Qurtuba, Bag'dod, Damashq kabi, Buxoro ham bir paytlar Islom ilm-fanining yuksak markazi bo'lgan. Ayni o'sha davrlarda mana shu ustunlar tagida necha minglar qoriyu olimlar yetishib chiqqan... Hozir esa u yerlarning tuprog'iga qadam bosish turistlaru, bir guruh ziyoratchilarga nasib etyapti xolos...

Toshkent. Alisher Navoiy nomidagi opera va balet teatri. Bu teatrning 2-Dunyo urushida sovetlarga asir tushgan Yaponlar tarafidan qurilganini o'qiganimda ancha taajjublangandim.