Muallif Mavzu: Payg'ambarlar qissasi (Bolajonlar uchun)  ( 62626 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

ZUBAIR

  • Mehmon
Re: Payg'ambarlar qissasi (Bolajonlar uchun)
« Javob #180 : 16 Mart 2009, 23:56:13 »
35— Iyso alayhissalomning qiyomatdan oldin tushishi

    Iyso alayhissalom Alloh xohlagan mahal Osmondan nozil bo'lib, o'zi haqida nasroniy va yahudiylar g'uluv ketib yoki kamsitib aytgan so'zlariga qarshi hujjat qoim qiladi, haqqa yordam beradi va botil ahlini xonavayron qiladi. Zotan, payg'ambarimiz Muhammad sollallohu alayhi va sallam bu haqda xabar berganlar va u zotdan ishonchli xabarlar va mutavotir rivoyatlar naql qilingan. Buni har bir asrda yashagan musulmonlar e'tiqod qilishgan. Buyuk Alloh haqqi-rost so'zlagan:

    "Har bir ahli Kitob o'limi oldidan unga (ya'ni Iysoga) albatta iymon keltirur. Qiyomat Kunida esa u bularning zarariga guvoh bo'lur." (Niso: 159)

ZUBAIR

  • Mehmon
Re: Payg'ambarlar qissasi (Bolajonlar uchun)
« Javob #181 : 16 Mart 2009, 23:56:50 »
36— Iyso alayhissalomning Muhammad alayhissolatu vassalom haqidagi bashorati

     

     Iyso alayhissalom yahudiylarning qarshiliklari, firiblari, o'zining kuchsiz va yordamchilarining ozligi sababli da'vatdagi vazifasini komil qila olmadi-da, odamlar bilan vidolashib, Robbining amriga bo'ysundi. Biroq, o'zidan keyin kelib boshlagan ishini nihoyasiga etkazadigan, u om qilgan narsalarni xoslaydigan, Alloh O'z ne'matlarini u bilan komil va odamlarga qarshi hujjatni barpo qiladigan payg'ambardan bashorat berdi:

    "Eslang, Iyso ibn Maryam: "Ey Bani Isroil, albatta men Allohning sizlarga  (yuborgan) payg'ambaridirman. (Men) o'zimdan oldingi Tavrotni tasdiqlovchi va o'zimdan keyin keladigan Ahmad ismli bir payg'ambar haqida xushxabar beruvchi bo'lgan holda (yuborildim)", degan edi." (Sof: 6).

ZUBAIR

  • Mehmon
Re: Payg'ambarlar qissasi (Bolajonlar uchun)
« Javob #182 : 16 Mart 2009, 23:57:22 »
37— Sof tavhiddan chigal e'tiqodga

    Dinlar tarixidagi ko'zlarni yoshlatadigan va qalblarni ezadigan taajjub narslardan biri, Iyso alayhissalomning sof tavhidga, chigalliklar, o'zgartish va ta'villardan uzoq bo'lgan qulay dinga, Allohning o'zigagina ibodat qilish, Undangina ehtiyojlarni so'rash, Ungagina iltijo qilish va Unigina yaxshi ko'rishga bo'lgan da'vati noaniq e'tiqod va chigal falsafaga aylanib qolishidir. Natijada, Iysoga ergashganlar u haqida g'uluv ketib, uni bashariy hududlardan chiqarib, xudolik darajasiga ko'tardilar. Ular: "Masih (Iyso) Allohning o'g'lidir" (Tavba: 30) dedilar. "Allohning bolasi bor" (Baqara: 116), va "Alloh — Masih ibn Maryamdir" (Moida: 72), dedilar. Ular tug'magan va tug'ilmagan Beniyoz, Yagona ilohdan uch kishidan iborat oilani qilishib: “Ularning barchasi xudodir! Ular ota, o'g'il va muqaddas ruhdir”— dedilar. Ular Iysoning onasi Mar'yamni muqaddaslash va unga ibodat qilish darajasiga olib boradigan ishlarni qildilar. Ular: “Mar'yam — Allohning onasidir!”— dedilar. Natijada, Mar'yamning surat va haykallari cherkovlarga qo'yildi va nasroniylar unga iltijo, duo, nazr va ta'zim kabi ibodatlar qildilar. Alloh taolo ularning bu e'tiqodlarini inkor qilib va qilgan ishlarini yomon ko'rib dedi:

    "Masih ibn Maryam faqat bir payg'ambar bo'lib, undan ilgari ham ko'p payg'ambarlar o'tgandir. Uning onasi esa siddiqa — Allohga haqqirost iymon keltirgan ayoldir. Ikkalalari ham taom er edilar. (Ey Muhammad sollallohu alayhi va sallam), oyat-hujjatlarni ularga qanday bayon qilishimizni ko'ring, so'ng ularni qanday bo'hton tomonga og'ayotganlarni ko'ring! Ayting: "Allohni qo'yib, sizlar zarar ham, foyda ham berishga ega bo'lmagan narsalarga ibodat qilasizmi? Alloh eshituvchi, biluvchidir". (Moida: 75, 76)

ZUBAIR

  • Mehmon
Re: Payg'ambarlar qissasi (Bolajonlar uchun)
« Javob #183 : 16 Mart 2009, 23:58:01 »
38— Iyso Allohning o'zigagina ibodat qilishga chaqirdi

    Iyso alayhissalom ham boshqa payg'ambarlar singari Allohning o'zigagina ibodat qilishga da'vat etdi. Injilda quyidagi satrlar bor: “Yozilganki, Rob — ilohingga sajda va uning o'zigagina ibodat qil” (Matto: 4/ 10), “Yozilganki, Rob — ilohingga sajda va uning o'zigagina ibodat qil” (Luqo: 4/8).

    Alloh taolo (Qur'on Karimda) dedi:

    "Biror odam uchun Alloh unga Kitob, hikmat va payg'ambarlik berganidan so'ng, odamlarga: "Allohga emas, menga ibodat qilinglar", deyishi joiz emas, balki ularga: "Allohning kitobini odamlarga ta'lim berib va o'zingiz o'qib-o'rganib, yolg'iz Parvardigorga ibodat qiladigan kishilar bo'linglar" (demog'i lozimdir).

    I z o h. Bu oyat ba'zi bir nasroniylarning: "Iyso alayhis-salom bizni o'ziga sajda qilishga buyurgan", degan botil da'volariga raddiya tarzida nozil bo'lgan.

    U (payg'ambar) sizlarni farishtalar va boshqa payg'ambarlarni xudo qilib olishingizga buyurishi ham joiz emas. Axir u sizlarni musulmon — Allohga bo'ysunuvchi bo'lganingizdan keyin kufr — dinsizlikka qaytishga buyuradimi?!" (Oli Imron: 79, 80).

ZUBAIR

  • Mehmon
Re: Payg'ambarlar qissasi (Bolajonlar uchun)
« Javob #184 : 16 Mart 2009, 23:58:31 »
39— Qur'on Iyso alayhissalomning da'vatini ochiq bayon qiladi

     

    O'zidan avvalgi barcha kitoblarni ichiga olgan va ularga hakam bo'lgan Qur'on Karim  Iyso alayhissalomning sof tavhidni e'lon qilib, unga da'vat etganini ochiq-ravshan uslubda naql qildi:

    "Alloh — Masih ibn Maryamdir", degan kimsalar aniq kofir bo'ldilar. Holbuki, Masih: "Ey bani Isroil, parvardigorim va parvardigorin­giz bo'lmish Allohga ibodat qilingiz!" — degandir. Albatta kimda-kim Allohga shirk keltirsa, Alloh unga jannatni harom qilur va borar joyi do'zax bo'lur. Zulm qiluvchilar uchun biron yordamchi bo'lmas." (Moida: 72).

ZUBAIR

  • Mehmon
Re: Payg'ambarlar qissasi (Bolajonlar uchun)
« Javob #185 : 16 Mart 2009, 23:58:58 »
40— Iyso alayhissalomning da'vatidagi tavhidning o'rni

    Iyso alayhissalom tavhid maqomi va payg'ambarlar hayotidan xabardor bo'lgan va Allohning ma'rifati, Unga bo'ysunish va Undan qo'rqish bilan tabiatlangan har bir kishi bila oladigan go'zal uslubda shunday dedi:

    "Masih ham, Allohga yaqin qilingan farishtalar ham Allohga banda bo'lishdan zinhor or qilmaydilar. Kimki Unga bandalik qilishdan or qilsa va kibru havo qilsa, bas, ularning barchasini O'z huzuriga jam qilajak. Ana o'shanda iymon keltirib, yaxshi amallar qilgan kishilarning mukofotlarini komil qilib berib, yana O'z fazlu karamidan qo'shimcha ham qilur. Ammo or qilgan, kibru havo qil­gan kimsalarni esa alamli azob bilan azoblaydi va ular o'zlari uchun Allohdan o'zga na bir do'st va na bir madadkor topolmaslar." (Niso: 172, 173).

ZUBAIR

  • Mehmon
Re: Payg'ambarlar qissasi (Bolajonlar uchun)
« Javob #186 : 16 Mart 2009, 23:59:25 »
41— Qiyomatning hayratomuz tasviri

    Qur'on Karim o'zining balog'ati va mo''jizaviyligi bilan  Iyso alayhissalom odamlar to'qigan va unga nisbatan qilgan ishlardan pok ekanini aytayotgan qiyomat kunining hayrotomuz ko'rinishlaridan birini tasvirlaydi. Iyso alayhissalom o'z da'vatini quvvat va sadoqat bilan izohlaydi va bu ma'noda o'z ummati ichidan g'uluv ketgan kimsalarni ayblaydi hamda ularni ushbu jinoyatdan javobgar ekanliklarini bayon qiladi. (Bolalar,) bu holatning buyukligi va hayratomuzligini his etib tinglang:

    "Eslang (ey Muhammad), Alloh: "Ey Iyso ibn Maryam, odamlarga: "Allohni qo'yib, meni va onamni xudo qilib olinglar", deb sen aytdingmi?" — deganida, (Iyso) aytdi: "Ey pok parvardigor, haqqim bo'lmagan narsani aytish men uchun durust emas-ku. Agar aytgan bo'lganimda Sen albatta bilar eding. Zotan Sen dilimdagi bor narsani bilursan. Ammo men Sening ichingdagi narsani bilmasman. Faqat Sen O'zing g'ayb ilmlarining bilimdonisan. Men ularga faqat O'zing amr qilgan gapnigina aytdim: "Robbim va Robbingiz bo'lmish Allohga ibodat qilingiz!" Va oralarida bo'lgan muddatimda ularning ustida guvoh bo'lib turdim. Meni (Er yuzidagi muddatimni to'latganingdan so'ng) O'z huzuringga ko'targaningdan keyin esa Sen O'zing ularning ustida kuzatuvchi bo'lding. Sen O'zing hamma narsaga guvohdirsan. Agar ularni azoblasang, ular Sening bandalaring. Agar ularni mag'firat qilsang, albatta Sen O'zing qudrat, hikmat egasidirsan". Alloh aytdi: "Bu kun (ya'ni Qiyomat Kuni) haqqi-rost iymon keltirganlarga rost so'zlari foyda beradigan. Kundir". Ular uchun ostidan daryolar oqib turadigan jannatlar bordir. Ular unda abadiy qoladilar. Ulardan Alloh rozi bo'ldi, ular ham Allohdan rozi bo'ldilar. Bu esa ulug' baxtdir. Osmonlar va er hamda ulardagi bor narsa Allohning mulkidir. U hamma narsaga qodirdir." (Moida: 116-120)

ZUBAIR

  • Mehmon
Re: Payg'ambarlar qissasi (Bolajonlar uchun)
« Javob #187 : 17 Mart 2009, 00:00:09 »
42— Chigal e'tiqoddan ochiq butparastlikka

    Nasroniy dini da'vatchilari Evropaga o'z tashabbuslari bilan ko'chib ketdilar (Chunki Iyso alayhissalom ularga buni amr etmagan va faqatgina, Banu Isroilning adashganlarini to'g'ri yo'lga solish uchun kelganini ochiq bayon qilgan edi). Qadim zamonlardan beri Evropada butparastlik hukmron bo'lib, ular butparastlikka quloqlarigacha botishgan edi. Yunonlar butparast bo'lib, Allohning sifatlarini turli olihalar shaklida tasavvur qilishgan, ular uchun haykallar va ibodatxonalar qurishgan edi. Ularning da'volaricha rizq uchun bir xudo, rahmat uchun boshqa bir xudo, g'oliblik uchun yana bir xudo bor edi. Rimliklar qadim-qadimlardan butparastlik va xurofotlarga ishonishardi. Butparastlik ularning qonu-jonlariga singib ketgan edi. Rimliklar turli olihalarga ibodat qilishardi. Ularga nasroniy dini etib kelganida Rim qiroli katta Konstantin 306- yilda nasroniy dinini qabul qilib, uni davlatning rasmiy dini deb elon etdi. Nasroniy dini butprastlik e'tiqodi hamda yunon taqlidchiligi va falsafasidan ko'p narsalarni o'zlashtira va asta-asta ularga yaqinlasha boshladi. Natijada, o'zining payg'ambarlikka xos aslligi, sharqqa xos soddaligi va tavhidga asoslangan hamiyatini yo'qotdi. Bu dinga ba'zi munofiqlar ham kirib, unga qadimgi e'tiqodlari va butparast tushunchalarini qorishtirdilar. Buning oqibatida yangi — butparastlik ila nasroniylik bab-barobar shakllangan yangi bir din paydo bo'ldi.

    Shu kundan boshlab nasroniy dini Iyso alayhissalom yurgan va da'vat etgan yo'ldan boshqasidan yura boshladi. U zulmatli kechada bilib, yoki bilmay adashgan, biroq, birinchi yo'liga aslo olib bormaydigan yo'lda davom etavergan yo'lovchiga o'xshab qoldi.

    Dinlar tarixini yaxshi o'rgangan odamlargina bila oladigan ushbu nozik hikmat sababli, Alloh taolo yahudiylarni “g'azab qilingan” deb sifatlagan paytda, nasroniylarni “adashgan” deb sifatladi. Alloh taolo musulmonlar tilida shunday dedi:

    "Bizlarni, g'azabga duchor bo'lmagan va haq yo'ldan toymagan zotlarga in'om qilgan yo'ling bo'lmish — To'g'ri yo'lga yo'llagaysan." (Fotiha: 6, 7).

    Bu (nasroniy dini) — Evropa uchun va Evropa uzoq zamon boshqargan va xozirda ham boshqarayotgan bashariyat uchun musibat bo'ldi. "Avvalu-oxir barcha ish Allohning (izmida)dir" (Rum: 4).

     

    Allohning tavfiqi ila kitobning tahriri va Islom Nuri veb sahifasidagi nashri melodiy 28/05/2008, 23- Jumodul avval 1429 hijriyda nihoyasiga etdi.


 

Quddus amakining saboqlari (bolajonlar uchun)

Muallif NaqshbandiyBo'lim Islomiy kitoblar

Javoblar: 60
Ko'rilgan: 61256
So'nggi javob 02 Dekabr 2007, 01:21:15
muallifi AbdulAziz
Bolajonlar uchun! (flash)

Muallif RukhiyaBo'lim Oila va jamiyat

Javoblar: 28
Ko'rilgan: 11613
So'nggi javob 03 Aprel 2009, 23:23:19
muallifi ZUBAIR
Bolajonlar va ularni sevuvchilar uchun!

Muallif AbdulAzizBo'lim Forumchilar blogi

Javoblar: 717
Ko'rilgan: 250713
So'nggi javob 02 Avgust 2013, 12:00:43
muallifi Muxsiya
Bolajonlar uchun "pancho" modellari

Muallif AnsoraBo'lim Tikuvchilik

Javoblar: 15
Ko'rilgan: 16592
So'nggi javob 26 Yanvar 2011, 16:51:59
muallifi Ansora
Bolajonlar uchun o'yinchoq tikish yoki to'qish

Muallif AnsoraBo'lim Tikuvchilik

Javoblar: 13
Ko'rilgan: 23371
So'nggi javob 15 Oktyabr 2012, 10:19:17
muallifi Mahdiyah