HIKMATLAR. Jaloliddin Rumiy  ( 67220 marta o'qilgan) Chop etish

1 ... 15 16 17 18 19 20 B


Munavvara  22 Mart 2009, 12:52:37

* * *

Xotami mulki Sulaymondir - ilm,
Jumla olam suvratu jondir - ilm...

* * *

So‘z tilarsen, dilda turmog‘in tila,
Jon toparsen baski xomushlik ila...

* * *

Tangrining qahri buzish ermas, tuzish,
Tangridin jon saqlamog‘ing - jon uzish...

* * *

Sen shikasta dil bila etgil duo,
Ki siniq ko‘ngildadir fazli Xudo...

* * *

Lavhi mahfuz do‘stga - do‘st peshonasi,
Ikki olam sirrining koshonasi...

Qayd etilgan


Munavvara  22 Mart 2009, 12:52:48

* * *

Ishq shivirlaydir qulog‘imga nuqul:
Sayd bo‘lish sayyod bo‘lishdin yaxshidir...

* * *

Mo‘‘jiza ermas falakda oftob,
Mo‘‘jiza olamda ul Ummul kitob...

* * *

Tangri Qur’oniga bo‘lsa rag‘bating,
Avliyolar birla bo‘lgay suhbating...

* * *

Hurmat etgan er bo‘lur hurmatli er,
Kimki qand bergay, o‘shal lavzina  yer...

* * *

Boqma kofirga balanddin besabab,
Bir kuni bo‘lsa musulmon, ne ajab?

* * *

Zohiring garchi qorong‘udir, bashar,
Botining ichra gulistoning yashar...

Qayd etilgan


Munavvara  22 Mart 2009, 12:53:13

* * *

Sen borib, zulmatni yondir nur bila,
Jon quyoshing so‘igra so‘nmaydir sira...

* * *

Soya oftobga dalil bo‘lgaymu hech?
Nur degan nurdir, zalil bo‘lgaymu hech?

* * *

Zid bilan ziddan tug‘ilgaydir fano,
Zidki yo‘q ersa, qaror topgay baqo...

* * *

Baxti kulgan barcha insonlar bilur,
Kibr - Iblis, ishq - Odamdin kelur...

* * *

Podsho ruhi esa nahri zilol,
Bor ariqlarning suvi ham ayni hol...

* * *

Aql erur Haq soyasi, Haq - oftob,
Oftobga soya hech bergaymu tob?

Qayd etilgan


Munavvara  22 Mart 2009, 12:53:29

* * *

Sen qanoat ayla, bu hikmat senga,
Zoti iymondir buyuk ne’mat senga...

* * *

Ishq magar avval emishdir, oxir ul,
Bitta ko‘rgil ishqni, ikki ko‘rmagil...

* * *

Ishqdin o‘zga husni jonon qayda bor?
Jondin o‘zga tanga darmon qayda bor?..

* * *

Ishq sharhin so‘ylasam, etsam davom,
Yuz qiyomat o‘tsa ham bo‘lmas tamom...

* * *

Yuz qiyomat ham o‘tar, turmas abad,
Tangri vasfiga vale bo‘lgaymu had?

Qayd etilgan


Munavvara  22 Mart 2009, 12:53:40

* * *

Haq mayidin kimki bir qultum ichar,
Bir emas, ul ikki olamdin kechar.

Ul musaffo may sururi o‘zgacha,
Mastligi eltar seni mahshargacha...

* * *

Qo‘y bu donolikni, hayronlik go‘zal,
Ul biri - shubha, gumondir, bul - nazar...

* * *

Odamiy - bir kemadir, bor yelkani,
Yel surib, manzilga haydaydir ani...

* * *

Olami avval - jahoni imtihon,
Olami soniy - jazodir beomon...

* * *

Sen o‘zingdin-ku qocholmassen, aniq,
Bas, netib Haqdin qocharsen, ey rafiq?

Qayd etilgan


Munavvara  22 Mart 2009, 12:53:58

* * *

Baski dor uzra yurolmassen dadil,
Yerda yurmog‘ingga sen shukr aylagil...

* * *

Garchi sust yurguvchi, gar chopguvchidir,
Izlagan kimsa magar togxguvchidir...

* * *

Sen talabni ustuvor et doimo,
Ki talabdir yo‘llaguvchi rahnamo...

* * *

Darding ortganda, Xudo, deb bo‘zlagil,
Har ne istarsen, Xudodin izlagil...

* * *

Qayda bir ko‘zdin yiroq vayrona bor,
Unda bir ganji nihon, afsona bor...

Qayd etilgan


Munavvara  22 Mart 2009, 12:54:35

* * *

Haq yaratdi kimiyolar naqshini,
Ko‘rmadi odam sabrdin yaxshini...

* * *

Sersoqol gar uyda ko‘rmas narsani,
Ko‘sa ko‘rgaydir yiroqlardin ani...

* * *

Zoti inson Arshdanam yuksak erur,
Bo‘yla yuksakdirki, sig‘mas so‘zga ul.

* * *

Qiymatin gar so‘ylasam, etsam bayon,
Men kuyarmen, balki yongaydir jahon...

* * *

Ishq tili rubob tilidek sir emish,
Turku yunonu arabga bir emish...

Qayd etilgan


Munavvara  22 Mart 2009, 12:54:53

* * *

Men jamod erdim, keyin bo‘ldim nabot ,
So‘ngra hayvon jismida surdim hayot.

O’ldimu qad rostladim odam bo‘lib,
Men qachon o‘lganda qoldim kam bo‘lib?

Bas, o‘lay bir hamla birlan men, bashar,
So‘ng maloyiklar-la yozgum bolu par.

Men malak ersam, yana qurbon bo‘lay,
Doxili ul dargahi Rahmon bo‘lay...

Qayd etilgan


Munavvara  22 Mart 2009, 12:55:10

* * *

Haq madad aylab, inoyat etdi chun,
Topdi shu oltinchi daftar ham yakun.

Cho‘zma ortiq, yuzga men chekdim niqob,
Gap tamom, vallohu a’lam bissavob...

Bu kitob poyonga yetdi oqibat,
Naqd bo‘lib, unvonga yetdi oqibat.

Osmonga nardbondir bu kalom,
Tirmashib chiqqan ko‘rar tom uzra tom.

Ul oyoq qo‘ymas faqat ko‘k jomiga,
Ul chiqar undan balandroq tomiga.

Ko‘kka yetgaydir o‘shal yoqdin navo,
Charx mudom aylansa, bois ul havo...

Qayd etilgan


AbdulAziz  23 Mart 2009, 06:40:03

Jaloliddin Rumiy. Hikmatlar



Muallif: Jaloliddin Rumiy
Hajmi: 674 Kb
Fayl tipi: pdf, zip
Saqlab olish
Online o'qish

Qayd etilgan