Uhlash duosi

Yotdim o’ng tomonimga,
Tayandim Allohimga.
Malaklar shohid bo’lsin,
Dinimga iymonimga.


Yotdim yo Alloh
Turgizgin Inshaallah
Shu yotgancha turmasam
La ilaha ilalloh!
 
 

DUO

Allohim, qo'lim ochib
Senga duo qilaman.
Ko'zlarimdan yosh sochib
Faqat sendan so'rayman.

Yeru osmonlarni
O'zing yaratding.
Bandam, mendan so'ra,
Beraman, deding.

Robbim senga bo'lsin hamd,
Rasulingga salovat,
Barchamizga insof ber,
Dinu Islomga quvvat.

Avvalo o'zingga bo'lay qul a'lo,
Muhammad alayhissalomga ummat bebaho,
Hayotimda aslo qilmayin hato
Rizoliging topay, ey Haq Taolo. 

Bog'bon amaki

Bog’bon amaki, bog’bon amaki,
Mevalar nega buncha hilma-hil?
Shakli, hidi, rangi, mazasi
O’xshamas biriga boshqasi?
Olma, anor, nok, tarvuz, gilos
Berarmisiz bizga ham biroz?

 Bolajon, gapimga quloq sol.
Mevalardan to’yguningcha ol.
Hammasini Alloh yaratgan,
Ichlariga to’ldirgandir bol.
Bularni yeb sen kuchga to’lgin,
Va Alloh ga shukrda bo’lgin

Mevalar tilidan

Olma

Men olmaman tanib oling,
Gaplarimga quloq soling.
Rangim yashil, qizil, sariq,
Bismilloh deb tishlab oling.

Pishsam shirin va hushbo’yman,
Xomligimda ta’mim nordon.
Temir moddasiga boyman,
Alloh berar qonga darmon.

Qulupnay

Yaratganning san’atiga boq,
Rangim tiniq, kelar havasing.
Bitta tishlab ta’mim biliboq,
Unga ko’proq ortar ihlosing.

Bilsang ichim to’la vitamin,
Shirin hidim qitiqlar dimog’.
Yana ko’rib bo’larsan amin,
Mehribondir naqadar Alloh.

Gilos

Men gilos,
Uyatchangman biroz.
Shuning uchunmi,
Qizilman halos.

Meni yesang,
Va shukr qilsang,
Allohga yoqib,
Bo’lar juda soz

Shaftoli

Shaftoliman shaftoli,
O’zim bog’larning boli.
Rangim pushti, zarg’aldoq,
Tukli, tuksiz, bo’rsildoq.
Yeb qorning to’yganida,
Degin alhamdulilloh. 

Uzum

Ismim kelgan Qur’onda,
Har makonu har onda,
Yemaganlar armonda,
Yegan esa darmonda.

Dona dona dumaloq,
Qora, qizil, sariq, oq.
Uzib uzib yeganlar,
Bo’lar doim vaqti choq.

Tarvuz

Dum dumaloq yashilman,
Qora yo’l-yo’l to’nim bor.
Yozda rohat tashirman,
Ichim qizil sharbat, bol.

Dadangiz keltirsalar,
Alloh rozi bo’lsin deng.
Haqlariga duo qilib,
Mazza qilib meni yeng.

Hamma mevalar

Biz olma, qulupnay, uzum,
Gilos, shaftoli, tarvuz
Bismilloh deb yeganlardan
Juda juda mamnunmiz.

Har birimizni Alloh
O’ziga hos yaratgan.
Barchamizga ayri ta’m,
Ayri shakl, rang bergan.

Bu ne’matlarni yegach,
Albatta qiling shukr.
Mehribon Allohimga
Son sanog’siz tashakkur!