Muallif Mavzu: Savolu-javob. ("Forumdoshdan forumdoshga savollar" arxivi)  ( 95055 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #120 : 07 Dekabr 2009, 09:55:00 »
Uzmusga berilgan savollarga javoblar:

2. Savol: Oila qurganingizdan keyin ayolingizning siz uyda bo'lmagan paytda internetdan foydalanishiga ruxsat berarmidingiz?

Javob: Xudo xohlasa uylansam, avvalo, ayolimni ishlatmoqchimasman. Unga uyda kerakli shart-sharoitlarni baholiqudrat qilib berishga harakat qilaman, jumladan, ilm olishi, ibodat qilishi va kompyuterda ishlashi uchun sharoitlarni ham, inshaalloh. Vaqti-vaqti bilan sayrga olib chiqishni ham unutmayman.
O’zim shu paytgacha yiqqan hamma kitoblarni, media ma’lumotlarni uning ihtiyoriga topshiraman. Birorta yaxshi kitob, jurnal yoki qiziqarli narsa Internetda va Media olamida paydo bo’lsa, o’zim olib kelib qo’yib beraman.
Oldindan bir narsa deyishim qiyin, balki uydaligimda u bu islomiy saytlarda ishlashiga ruxsat berarman. Faqat ma’lum bir muddatgacha uyda Internetga ulanishni kechiktirib turmoqchiman. Qolganini, keyin o’ylashib ko’rarmiz…
Qisqasi uni zeriktirmaslikni, hayotimizni go’zal va sermazmun bo’lishni ming bitta chorasini topishga harakat qilaman, inshaalloh…


3. Savol: Allohga muhabbatni ikki og’iz so’z bilan ifodalang. O’zingizni nechog’lik Allohga muhabbatli deb hisoblaysiz?

Javob: Allohga muhabbat qanday bo’lishini anbiyo va avliyolardan ortiq ta’riflash mahol ish. Ta’riflansa-da, u albatta batafsil sharhga muhtoj bo’ladi…

Allohga muhabbat bu – U zotga butun borlig’ini bag’ishlash, U zotga e’tirozsiz bo’yinsunish va U zotdan kelganiga rozi bo’lish...

“Har holda muhabbat da’vosi ulug’ ish. Shu sabab Fuzayl rahmatullohi alayh deydilar: “Agar sendan: “Allohni yaxshi ko’rasanmi?” deb so’rasalar, sukut saqla. Chunki agar sen, “yo’q”, desang, kofir bo’lasan. Agar, “ha”, desang, sening holing oshiqlarning holi kabi emasdir… ” “Ihyo”dan. Meni ham javobim bundan ortiq bo'lmaydi...


4. Savol: Tanqidga munosabatingiz? Hayotingiz davomida eng esda qolgan tanqid (o’zingizga nisbatan)?

Javob: Tanqidga munosabatim o’rtacha. Tanqidni o’rniga, odamiga qarab, o’sha insonni sal ehtiyotlab aytgan ma’qulroq, menimcha. Chunki inson - xatokor... Agar shaxsan o’zimga taalluqli tanqid bo’lsa, uni o’zimga aytilsa to’g’ri qabul qilaman…

Bu kabi voqealar hayotimda bo’lgan. Men bir narsaga aminmanki, sizga nisbatan eng o’rinli tanqidni sizga joni achiydigan insonlargina berar ekan. Shunday insonlarni boriga shukr…


5. Savol: Ikki jins orasidagi sevgi va ishq nima sizngingcha.Nikohli nikosiz bunday munosabatda chegara qanday bo'lishi kerak?
Sizning yoningizda siz hurmat qiladigan tanishingiz shunday "ishq va sevgi" otashidan nikohdan avval zino sababli "kuyib kul bo'lib"ota yoki ona bo'lishga majbur bo'lib qolganini sezib qoldingiz o'sha inson bilan munosabatlaringizni qay tarzda davom ettirasiz?

Javob: Farhod Shirinni jahonnamodagi aksini ko’riboq oshiqu beqaror bo’lganini yoxud Otabek Kumushni tasodifan ko’rib qolib ishq dardiga mubtalo bo’lganini, so’ngra esa uylangani ko’pchiligimizga ma’lum va mashhur. Demoqchimanki, inson avval sevadi yoki qalbida boshqa bir insonga nisbatan o’zgacha bir mehr va mayl paydo bo’ladi. Ko’ngilda uyg'ongan ana shu pokiza tuyg’uni nikoh qonuniylashtiradi. Bu esa o’rtadagi sevgi va muhabbat rishtasini yanada mustahkamlaydi...
Pok sevgi-muhabbat bu ilohiy ne’mat. Uni taqdir xatiga o’xshatgim keladi. Ko’ngilda pok muhabbatning uyg’onishi g’ayriihtiyoriy hodisa (inson ihtiyorida emas). Shunday ekan, uni ko’ngildan quvish ham uni qo’lidagi ish emas. «Muhabbat qalbning mahbubga maylidir. Muhabbat ko’ngil ishi. U zohiriy a’zolarning ishi emas. Oila er-xotin o’rtasidagi muhabbat va maylga asoslangandagina baxtli va foydali bo’ladi...» (Muhammad Ahmad Kan’on.  “Er-xotinlik asoslari” risolasi ).

Mazkur muallifning nikohdan avvalgi munosabatlar chegarasi haqida shunday fikrlari bor: “Alloh taolo musulmonlarga buzuq yo’llardan saqlanish uchun avvalo ko’zni tiyishni buyurdi. Zero, ko’rish qalb kalitidir. Xato va buzuqlikka oli boruvchi barcha yo’llarni, begona ayol bilan yolg’iz qolish, qo’l olishish va h.k. kabilarni harom qildi. Bu ishlar qalb mayliga sabab bo’ladi. Qalb mayl qilgach, nafsni jilovlash o’ta mushkul bo’ladi. Alloh taolo rahm qilganlargina o’zlarini tiyib qolishlari mumkin...”

Uylangach esa oilada musulmoncha-o’zbekona odobga rioya qilish lozim deb bilaman. Masalan, yigit kishi o’z juftini har qancha yaxshi ko’rsa-da, uni yaqinlaridan yuqori darajaga qo’yib, oiladagi avvaldan mavjud sokin va fayzli iqlimni barbod qilmasligi kerak. Deylik, ishdan yoki safardan qaytganida eng avval ota-onasini so’roqlashi, ularni ziyorat qilishi lozim; ularning huzurida ayoliga, go’yo e’tibor bermaganday o’zini tutishi kerak, ya’ni ayoliga chetdan qaraganda erish tuyuladigan muomalani qilmasligi kerak (qancha shirin gaplari bo’lsa marhamat uyga kirganda gapiraversin…)

Oxirgi savolingizga javob berishim biroz mushkul, chunki bunday vaziyatga tushmaganman. Lekin bu savolingiz menga yoshligimdagi bir ta’sirli voqeani esga soldi... Qo’shni qishloqda ikki sevishgan yigit va qizning to’ydan oldingi “jiddiy ishqiy munosabatlari” haqida gap tarqaldi... Tez orada qishloq ahli ularni qishloqqa isnod keltirganlari uchun bir xafta ichida zudlik bilan qishloqni tark etishlarini talab qilishgandi. Ular shu zaylda qishloqdan badarg’a qilingandi. Aytishlaricha, ular o’shandan beri sira qaytib ko’rinmay ketgan ekanlar...

P.S.

Shu risolani (Muhammad Ahmad Kan’onning  “Er-xotinlik asoslari” ) forumga joylasak yaxshi bo'lardi. U "Hidoyat" jurnaling 2002-2003 sonlarida chop etilgan. Juda yaxshi risola. Bu boradagi ko'pgina savollarga u erdan javob olish mumkin.

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #121 : 07 Dekabr 2009, 09:55:13 »
6. Savol: Kun qizigan, quyosh tig'i ostida soya joy izlab ketayapsiz. Shu payt bir haydovchi mashinasidagi nosozlik tufayli uni itarib yuborishingizni iltimos qildi. Siz rozi bo'lib, asta itara boshladingiz. Haydovchi esa, sizga yordam berish o'rniga o'zi rulga o'tirib oldi. Oftob tig'ida allaqayergacha mashinani itarib bordingiz, rosa qizib, terlab ketdingiz. Haydovchi esa mashinasi o't olishi bilan, orqasigayam qaramay, sizga rahmatni-da nasiya etib, jo'navordi.
Bu holatingizdan achinasizmi? Bu holatga qanday baho berasiz?

Javob: Bunga o’xhash holatlar bo’lib turadi. Odatda, Alloh nasib qilib, birovga yaxshilik qilganimizda yoki ehson qilganimizda “Rahmat!”, “Alloh rozi bo’lsin!” deyishadi yoki biror xos duo qilishadi, shunda ko’nglimiz o’zgacha bir sururga to’ladi... Biz bilamizki, mo’min kishi bir ishni – yordam, ehson va h.k. solih amallarni Alloh rizosi uchun (Fisabilillah) qilishi lozim. Shunda siz keltirgan holatda bo’lgani kabi rahmat aytilmasa ham zinhor hafa bo’linmaydi, boisi o’sha inson biladiki Parvardigori olam har bir qilingan hayrli amalni ko’rib turibdi… Osha holatda ham men ko'pam achinib o'tirmayman. Ha mayli-da, nima ham deysiz, birodar... Yaxshilik qilishda davom etaveramiz... :)
Xalqimizda “Yaxshilik qil suvga ot, baliq bilmasa Xoliq biladi”, yana “Kimdir xizmat, kimdir himmat bilan Haqqa yetishadi”, degan gaplar bor… Yana, hozir esimda yoq bir kitobda o’qigandim, Mavlono Rumiyniki bo’lsa kerak, mazmuni: mobodo rahmat aytilmasa savobi to’liqroq bo’larkan…  Shu o'rinda azizlarimiz hayotidan bir misol. Xoja Bahouddin Naqshband (q.s.) hazratlari ham doim yo’l ustidagi insonlarga ozor etkazadigan narsalarni terib, olib tashlab yurgan ekanlar. Shubhasizki u zotning bu ibratomuz ishlari ham faqat Alloh rizosi uchun bo'lgan, deb bilamiz...

Qur’oni Karimda ham bu haqda ko’plab oyatlar bor. Ulardan ba’zilarini keltirib javobimni yakunlayman.

Kim mo’min holida solih amallardan qilsa, sa’yi-harakati zoye ketmas. Albatta, Biz uni yozib qo’yguvchidirmiz (Anbiyo, 94).

Yo’q! Kimki yaxshilik qilgan holida yuzini Allohga topshirsa, unga Robbi huzurida ajr bordir. Ularga xavf yo’q va ular xafa ham bo’lmaslar (Baqara , 112).


7. Savol: Ramazon bilan bog'liq hayotingizdagi eng go'zal xotiralar bilan o'rtoqlashsangiz.

Javob: Har birimizda Ramazondan qolgan o'ziga xos go’zal xotiralar bor...

Bolaligim, maktab davrlarim ko’proq buvimlarnikida o’tgan. Ramazonda og’iz ochar paytlarida
buvim rahmatlik biz nevaralariga, hali arabcha duolarni bilmaganimiz uchun, o’zbekcha duolarni o’rgatardilar.
- Hoy Farhodjon, eshit!.. – deb qo’llarini qimirlatib, o’sha duoni aytib berardilar:

Ro’za tutdim noz uchun,
Nozu ne’mat bor uchun,
Ro’zamni qabul qilsin,
Ohirat iymon uchun…

Biz esa ularni ortlaridan takrorlardik…

Buvim rahmatlik bundan 10 yilcha burun Ramazon oyida Arafa kuni bu foniy olamdan boqiy olamga rihlat qildilar. Alloh taolo ruhlarini shod qilsin…


8. Savol: Siz yashayotgan yoki siz guvohi bo'lgan to'ydagi uchta eng yaxshi odat qaysi?

Javob: Yaqinda bir nikoh to’yi (valima) munosabati bilan amri-ma’rifda qatnashdik. Go’zal bo’ldi. To’yxonaga barcha yig’ilgach, avval chiroyli Qur’on tilovati qilindi, duolardan so’ng, taklif etilgan hurmatli imom domla chiroyli ma’ruza qildilar. Hamma jon qulog’i bilan eshitdi. Ma’ruzadan keyin dasturxonga osh tortilib, xushovoz hofizlar tomonidan mumtoz qo’shiqlar kuylandi…
Tan olish kerakki, xalqimiz san’atsevar xalq, shu boisdan, menimcha, Navoiy, Haziniy, Muqimiy, Furqat kabi shoirlar g’azallariga bastalangan yaxshi, ma’nili kuy-qo’shiqlarni eshitishni hech zarari bo’lmasa kerak.
Qisqasi, qachonki to’ylar shariatga muvofiq (ichkiliksiz, erkak-ayol alohida-alohida …) o’tkazilsa yaxshi, aks holda yaxshimas...


9. Savol: Deylik net-kafedasiz.. Yonizda o'tirgan qiz (yigit) ning kompiga beixtiyor ko'ziz tushib qoldi. U Sizning nazdingizda o'zi uchun (din, jamiyat uchun) foydasiz ish bilan mashg'ul. Unga tanbeh berarmidiz yoki indamay qo'ya qolarmidiz?

Javob: Bu va bunga o’xshash narsalar kishining atrofga (jamiyatga) munosabatini belgilaydi. Hozir ko’pchilikni shiorlaridan biri – “O’zingni bil, o’zgani qo’y”dek tuyuladi menga. Bu bir tomondan to’giri bo’lsa, ikkinchi tomondan noto’g’ri (o’ta befarq bo’lish ham bo’lmaydi).

Men faqat ishxonada internet ishlamay qolib zarurat tug’ilsagina inet kafega kiraman va ko’pincha shoshilinchda birovni nima ish qilayotganiga unchalik e’tibor bermayman.Umuman olganda, shunda ham ma`lum-ku: bir yonda yosh bollar komanda-komanda bo’volishib Counter Strike o’ynayotgan, talabalar o’ziga kerakli ma’lumotlarni qidirayotgan, pochtasini tekshirayotgan, yana allakimlardir agentlarda o’tirgan bo’ladi va bu aksari inet kafelardagi holat. Begonalarga dabdurustdan nasihat qilish yoki tanbeh berish noqulay va ko’p holda foydasiz. Menimcha, biz eng avvalo yaqinlarimizni ahvolidan boxabar bo’lishimiz lozim.
(Hamma narsaga parvo qilaversangiz, go’yo ularga muakkaldek, o’zingizni qiynab qo’yasiz. Menga ham bir paytlar shunday deb aytishgan edi…)

Qaniydi, shunday bir muttaqiy, ma`rifatli insonlar ko’paysa-yu, boshqalar ularni ko’rganlarida salobatlaridan darrov o’zlarini tuzatib olsalar, ularni yurish turishlaridan va hulqlaridan ibrat olsalar...


10. Savol: Аллоҳ учун яхши кўриш билан боғлиқ ҳаётда ўзингиз гувоҳ бўлган қандай ибратли воқеликни эслай оласиз?

Javob:
Hozir, hayotimda manov voqea bo’lgandi, deb aynan keltir olmasam-da, lekin savolingizga umumiy tarzda bo’lsa ham javob berishga harakat qilaman…

Kishi bir insonni yoshidan (nuroniy cholmi yo yosh bolami), jinsidan (erkakmi yo ayolmi) qat’iy nazar, Alloh uchun yaxshi ko’rib qolishi mumkin ekan… Shunda (kishi) o’sha insonni qattiq hurmat qila boshlaydi, sal ko’rmay qolsa diydorini sog’inadi, unga chin dildan faqat va faqat yaxshilikni sog’inadi…

Bu tug’u qalbga o’rnashib, kuchaysa Payg’ambar (as) bilan Abu Bakr Siddiq (ra) o’rtalaridagi do’stlik va muhabbat yoki deylik Shams Tabriziy bilan Jaloliddin Rumiy ortalarida bo’lgan muhabbat singari tus olishi ham ehtimoldan holi emas… Bu shunday bir pok sevgiki (mehrki), dunyolar uning oldida hechga aylanadi… Abu Bakr Siddiq (ra) holatiga tushib qoladi inson, huddi u kishining Payg’ambar (as) yurganlarida ham, turganlarida ham qaboqlaridan ketmay qolgani kabi… Ajab emaski (umid borki), bu tuyg'u Alloh taologa bo’lgan muhabbatning go'zal ibtidosi bo'lsa… Kimda mazkur tuyg'u bo'lsa Alloh muborak qilsin!..

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #122 : 07 Dekabr 2009, 09:55:22 »
11. Savol: Болалигинингизда ўзингиз иштирокингизда рўй берган энг кулгили ҳодисани эслай оласизми?

Javob: Bolaligimdan juda ko’p qiziqarli voqelar esda qolgan… Uydagi, mahalladagi, hopitgani (cho’milgani) borgandagi  voqelar qay birini aytay  :)

Bolaligimda meni bog’chaga berishgandi. Har kuni ertalab kichkina ammamlar qo’limdan yetaklab bog’cha opaning qo’llariga topshirib yoki bog’cha darvozasidan ichkariga qo’yvorib qaytardilar. Biz u yerda har xil o’yinchoqlar o’ynardik, rasmlar chizardik, bog’cha hovlisidagi sirpanchiqda sirpanardik, ba’zan “oq terakmi ko’k terak” o’yinini o’ynardik. Yoz paytlari tashqariga ekskursiyaga ham olib chiqishardi. Shunda biz ikkita-ikkita bo’lib qo’l ushlashib, allaqanday qo’shiqlarni jo’r bo’lib aytib boraverardik. Ekskursiyadan qaytgach, tush payti mazza qilib yotog’imizda uxlardik. Ko’pincha uyqumiz kelmasdi. Ko’zimizni yumib, jim yotsak-da, lekin sira uxlamasdik. Hammasi bog’cha opamiz chiqib ketishlari bilan boshlanardi....   ;D
Avvaliga past ovozda qiqirlashib bog’cha opamiz chiqib ketganlarini bir-birimizga bildirardik, keyin yo’qliklariga to’la ishonch hosil qilgach, qiyqirishib, kravat ustida chiqib sakrashlarni boshlavorardik. Bu yog’i endi kim balandga sakrash!... Baqir-chaqir qilishib shirin uyqudagi uyquchilarni ham bir zumda uyg’otib yuborardik... Bir payt, maza qilib o’ynayotganimizda, ichimizdan kimdir (ko’pincha qizlardan biri) eshik tomonga, go’yo razvedkaga borganday pusib borib, qaytarkan, qo’qqisdan:
- Opoy kelyaptiii!!! - deb baqirib yuborardi... :o : )
Buni eshitgan zahotimiz hammamiz apil-tapil o’rnimizga kirib, o’zimizni, huddi uxlaganga solib yotishga tushardik... “Ishqilib opamiz bilib qolishmasinda!...”  ;)


12. Savol: "O'zini aqlli qilib ko'rsatish!" Bu iborani hayotta juda ko'p ishlatamiz, lekin baribir hayron qolasan, odam o'zini qanday qilib aqlli ko'rsatishi mumkin?

Javob: Menimcha, bu biroz ilmsizlikning va yoki mutakabbirlikning oqibati bo'lsa kerak. Bir shoira aytganiday (Tursunoy Sodiqova yanglishmasam) "Kibrni ko'proq biroz ilmdan boxabarlar qiladi...", odam ba'zan dunyoda o'zidan ko'ra aqlli insonlar borligini esdan chiqarib qo'yadi. Ilmni ko'z-ko'z qilish ichdagi yashirin shuhratparastlik hissi tufayli namoyon bo'ladi. Ammo, Xoja Bahouddin Naqshband hazratlarining "Shuhratda ofat bordir" deganlarini yoddan chiqarmaslik kerak...

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #123 : 07 Dekabr 2009, 09:56:01 »
Fatimaga berilgan savollarga javoblar:

2. Savol: 1. Eng yaqin do'stingizda qaysi xislatlar bo'lishini xohlaysiz?
2. Joynamoz ustida namoz o'qib turgan paytingizda yig'laganmisiz? Nima sababdan?
3. Siz do'stingiz qaysi xatosini umuman kechira olmaysiz?
4. Issig'ingiz ko'tarilganda termometr ko'rsatgan eng yuqori daraja necha bo'lgan?

Javob: 1. Eng yaqin do`stimni... Eng asosiysi mani tushuna oladigan bo`lishini xohlayman.
2. Ha, yig`laganman. Sababi hammaga ayon.
3. Nima xato qilgandayam baribir kechirardim.
4. Juda ajoyib savol bo`libdi, Allohga shukr hech qachon termometr k`orsatkichi manda uncha yuqori b`olmagan. Eng balandi 37-38.


3. Savol: Oyijoningizga bo’lgan mehringizni qanday izhor qilasiz?

Javob: Onajonimga bo`lgan mehrimni ikki og`iz shirin so`zim, yoki ba`zan ularga yoqqan biror yaxshi ishim bilan, yoki... xullas har xil yo`llar bilan izhor etolaman mehrimni onajonimga.
Alloh rozi bo`lsin.


4. Savol: O’zingiz o’zingizga yoqmaydigan vaqtlar ham bo’ladimi? Shunday holda nima qilasiz?

Javob: O`zimga yoqmaydigan holatlarim juda ko`p bo`ladi. Keskin holatda qaror qilishdan qo`rqaman. Har doim shunaqa bo`lganida "keyingi gal albatta o`ylab qilaman",- deyman yo`q, ba`zan to`g`ri, ba`zan xato o`ylab qaror qilib qo`yaman. Kecha ham shunday xato o`ylab, kimlargadir ishonib adashganimdan, o`sha holatda qilgan qarorimdan hozir afsuslanib o`tiribman.
  Bu uchun forumimizdagi bir yaqin dugonajonim, ajoyib userkamizdan kechirim so`rayman. U kishi bilan Uchrashganimizda, albatta hammasini tushuntirib beraman InshaALLAH.  Hammamizni Yaratgan Egam fitnachi, ig`vogarlardan O`z panohida asrasin.


5. Savol: Oiladaga muhit, sizni ro'mol(hijob)ni tanlab uyda o'tirishlik yoki bo'lmasa ro'mol(hijob)siz dunyoviy ilm olib, biror kasb egasi bo'lish shartini qo'ymoqda qay birini tanlaysiz?

Javob: Man, albatta, har qanaqa holatdayam hijobni tanlagan bo`lardim.


6. Savol: Tasavvur qiling, siz jamoat transportiga - avtobusga chiqdingiz. Yarim yo'lga kelganda cho'ntagingizni titkiladingiz, yo'l kartochkangiz yo'q, pul olishni ham esdan chiqaribsiz. Bir so'm ham pulingiz yo'q, lekin avtobusga to'lash kerak. Uning ustiga yoningizda tanishingiz ham yo'q. Konduktor ham yomon muomalali... Shu vaziyatda nima qilasiz?

Javob: Men ham bunaqa vaziyatga tushmaganman. Agar siz aytganday bo`ladigan bo`lsa: 1) agar avtobus ko`proq vaqt yuradigan bo`lsa, tushadigan joyimga yaqinroq birorta tanishimga telefon qilib, pul olib meni o`sha bekatda kutib turishini iltimos qilardim.

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #124 : 07 Dekabr 2009, 09:59:56 »
Abdulhafizga berilgan savollarga javoblar:

2. Savol: 1. Siz sevib o'qigan badiiy 3 ta asardagi 3 ta zo'r iqtibosni keltira olasizmi?
2. Siz sevib o'qigan 3 ta jahon adabiyotidan 3 ta zo'r iqtibos yoki baytni keltira olasizmi?

Javob: Birinchi savolingizga javob yozolmadim, chunki badiiy asarlarni ko'p o'qimaganman.
2. 1) Dasturxonlar qozon-tovoqlar xalqning yuqori tabaqasi va boshliqlarning uylarida borib kelaveradi. Yurtlar-u odamlar Ummatning payg'ambari Muhammad (s.a.v)ning qo'l ostida. Tuyalar ustida oziq-ovqatlar yuklangan holda kelar, u zotning oldilarida oltin-kumush to'lib toshar edi! Aytingchi Rosululloh(s.a.v)ning yeb-ichishlari qanday bo'lgandi?! Podshohlar hayoti kabi edimi, yoki ulardan ko'ra buyuk va azamatli edimi? Davlatmand boylarning ovqatlari kabi edimi? Yoki ularnikidan yaxshiroq edimi?! Siz Rosululloh(s.a.v)ning taomi, uning ozligi va soddaligini ko'rganingizda hayratga tushmang!
    Anas r.a bizga rivoyat qilib dedi: "Rosululloh(s.a.v)ning oldida kamdan kam holatlarda non va go'sht peshinlik yoki kechki ovqat paytida jamlangan" (Imom Ahmad rivoyati)
 Oisha r.anho dedi:"Rosululloh(s.a.v) vafot etgunlariga qadar u zotning oila a'zolari ketma-ket ikki kun arpa noniga to'ymaganlar"(Muslim rivoyati)...
...Gap ozlik va tanqislikdan emas. Chunki, boyliklar Rosululloh(s.a.v)ning qo'l ostida to'lib toshgan va huzuriga yuklar ortilgan tuyalar kelar edi. Lekin Alloh taolo payg'ambari sallallohu alayhi vasallam uchun mukammal va eng to'g'ri hayotni tanlagan edi...
  "Payg'ambarimiz(s.a.v)ning uyida bir kun"
 2) Agar Rosululloh(s.a.v)ning amrlariga modaga ahamiyat berganimiz kabi munosabatda bo'lganimizda edi, ko'plab pokiza haqiqiy musulmon kishilar yetishardi.
 "O'gay ona" Ahmad Lutfiy
 3) Eyki, sen, Haq, sha'niga urguvchi do'q,
Lashkari Haq ichradirsen, o'yla qo'rq.
Juzvi juzving lashkari Haqdir, biroq,
Bosh egarlar senga, etmasdan nifoq.
Ko'zlaringga yetsa gar Haq buyrug'i,
Shul zamon joningni olgay og'rig'i.
Tishlaringga bersa Alloh amrini,
Ne uqubatlarga solgaydir seni.
Jaloliddin Rumiy.


3. Savol: Tasavvur qiling, siz jamoat transportiga - avtobusga chiqdingiz. Yarim yo'lga kelganda cho'ntagingizni titkiladingiz, yo'l kartochkangiz yo'q, pul olishni ham esdan chiqaribsiz. Bir so'm ham pulingiz yo'q, lekin avtobusga to'lash kerak. Uning ustiga yoningizda tanishingiz ham yo'q. Konduktor ham yomon muomalali... Shu vaziyatda nima qilasiz?

Javob: Xudoga shukr hali bunday vaziyatga tushmaganman. Bizda avtobuslar yo'q, ko'proq damas va yengil mashinalar yuradi. Men iloji boricha tanishroq moshinaga chiqishga harakat qilaman. Agar shunday vaziyatga tushib qolsam, tushintirishga harakat qilaman, agar siz aytganday tushunmaydigan odam bo'lsa, biror narsamni garovga berib ketardim...


4. Savol: Shu forumga deyarli har kuni kirasiz. Sizga bu forum nimasi bn yoqadi?
Va shu forum orqali o'zingiz uchun nimadur foydali ola oldingizmi?

Javob: Menga bu forumda hamma narsa yoqadi, lekin eng asosiysi birodarlarimizni o'zaro samimiyliklari, mehr-muhabbatlarini aytib o'tmoqchiman. Bu yerda yoqtirmaydigan narsam yo'q desam xato qilmayman.
Albatta bu forumdan juda ko'p narsa oldim, olyapman va yana olaman inshialloh. Alloh davomli qilsin.


5. Savol: Rahmat tugmasini POST yoqmasa ham bosgan vaqtingiz bo'lganmi? (Deylik o'sha insonga hurmat yuzasidan Rahmat tugmasini bosgansiz, yoki boshqa sababdan?)

Javob: Menda bunday vaziyat bo'lmagan. POSTni kim yozganidan qat'iy nazar biror joyi yoqsa rahmat aytaman.

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #125 : 07 Dekabr 2009, 10:00:13 »
6. Savol: Aqlingizni tanib, ilk ro'za tutgan kuningizni eslay olasizmi?

Javob: Alhamdulillah 3-4 sinfdaligimda ro'za tutishni boshlaganman, lekin ilk tutgan kunim aniq esimda yo'q uzr!


7. Savol: Siz judayam hurmat qiladigan inson Ramazon oyida, birdan oldingizga keldi-da, sizni tushlikka taklif etdi...
Nima qilasiz? Qanday yo'l tutasiz? Munosabatingiz o'zgaradimi?

Javob: Xudoga shukr hali bunday bo'lmagan. Agar shunday vaziyat bo'lsa, jahlim chiqadi, lekin tushuntirishga harakat qilaman, ammo muloyimlik bilan emas. Agar gunohkor bo'layotganini tushunib, yaxshi tomonga o'zgarsa munosabatim o'zgarmaydi. Tushunib bilib turib shu ishini davom ettirsa, munosabatim o'zgaradi.


8. Savol: Har gal sahobalar hayotini o’qiganimda, huddi shunday filmni ko’rayotgandek tasavvurga ega bo’laman.
Savol:  Siz rejissyor bo’lganingizda qaysi sahobaning hayotini kinofilm qilib ishlagan bo’lardingiz?

Javob: Javobga keladigan bo'lsak, men har bir sahobaning hayotlarini alohida-alohida yoritib beruvchi, serial ishlagan bo'lardim. Chunki hozirgi vaqtda odamlar seriallarni ko'proq berilib ko'rishyapti...


9. Savol: 1.Kundalik odatlaringizda payg'ambar alayhissalomga sevikli odat va ummatlariga sunnat bo'lgan tahajjud namozni o'qishlikni odat qilganmisiz?
2.Bir kunda 1 ju'zdan Quroni Karim mutoalasida toqat bilan davomli o'qiy olasizmi? (shu vaqtgacha o'qimaganlar bo'lsa endi kirisha olasizmi )

Javob: 1. Odatga aylantirishga juda qiynalyapman. Aniqrog'i nafsga hokim bo'lolmayapman.
2. Har kuni odatga aylantirib o'qishmi boshlamaganman, har kuni eshtishga toqatim yetadi Alhamdulillah...


10. Savol: Siz guvohi bo'lgan eng ibratli yoki hayratlanarli to'y qanday bo'lgan edi?

Javob: Ko'plab ibratli to'ylar guvohi bo'lganman va hammasi ham eng ibratli deyishga loyiq deb bilaman(chunki sunnatga xilof bo'lgan to'ylarga anchadan beri bormayman Alhamdulillah).
O'tgan yil bir to'yda bo'lgandik, to'y oxirida bir qoriaka qur'onni judayam chiroyli tilovat qildilar, va ko'plab kishilar beixtiyor ko'ziga yosh olgandi. Bunday holatga boshqa biror to'yda guvoh bo'lmaganim uchun hayratimga sabab bo'lgandi va xotiramda yaxshi saqlanib qolgan...

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #126 : 07 Dekabr 2009, 10:00:24 »
11. Savol: Deylik net-kafedasiz.. Yonizda o'tirgan qiz (yigit) ning kompiga beixtiyor ko'ziz tushib qoldi. U Sizning nazdingizda o'zi uchun (din, jamiyat uchun) foydasiz ish bilan mashg'ul. Unga tanbeh berarmidiz yoki indamay qo'ya qolarmidiz?

Javob: Men hali net-kafeda bo'maganman. Agar net-kafeda bo'lsam va shunday bo'lib qolsa, u insonga tushuntirishga harakat qilib 1-2 ta saytlarni taklif qilardim(biri albatta ziyouz bo'ladi).


12. Savol: Turmush qurishda qiz bilan uchrashuvga chiqqanda Unga berildigan asosiy 3ta savoliz qanday bo'ladi?

Javob: Savollarni u qizni qandayligi va dunyoqarashiga qarab bergan bo'lardim. Uni qanday inson ekanligini bilmasdan, mana bu savolni beraman deyolmayman chunki mendan ilmliroq bo'lishayam mumkinku...


13. Savol: Болалигинингизда ўзингиз иштирокингизда рўй берган энг кулгили ҳодисани эслай оласизми?

Javob: Hozir esga olsam eng kulgim keladigani samolyotni ovozini eshitsam judayam qo'rqardim. Ko'chada bo'sam uyga qarab yugurardim va uyga kirib stolni tagigami biror joyga bekinib olardim, ovoz yo'qolganda keyin chiqardim.
    *  *  *
Adashmasam beshinchi sinflarda o'qirdim bitta qo'shnimizni kichik bolalarini bir-ikki marta urishib beruvdim. Bir kun man yo'q edim qo'shni ayol yig'lab bolasini yetaklab uyimizga chiqib onamga: o'g'liz doim bolamni uradi har kun "Tolib urdi" deb yig'lab kiradi deptila. Onam mani 3-4 kundan beri uyda yo'q amakimnikidaligimi aytiptilar. Qo'shnimiz hayron bo'lib, yaxshilab so'rab bilsala, kim uni ursa o'shani "Tolib" deb o'ylarkan.


14. Savol: Sizga eng yoqadigan, doim yodingizda turadigan biror mashxur insonning aforizmi?

Javob: Doim yodimda turadigan hikmatli so'zlardan biri: Sukut saqlang uning eng oz foydasi omonlikdir.
Ali ibn Abu Tolib r.a


15. Savol: 1. Sizga qilingan eng yaxshi sovg'a nima bo'lgan?
2. Hech begona kishidan ham sovg'a olganmisiz?
3. "Sovg'ani boshqasiga sovg'a qilib bo'lmaydi", - deydi ruslar. Agar yaqin bir insoningiz sizga qilingan sovg'ani yoqtirib qolsa, unga berarmidingiz?

Javob: 1. Rusiyada yurgan paytlarimiz bir birodar "Hikmatli dunyo"(muallif shayx hazratlari) nomli diskni hadya qilgandilar. (Hozir esimga kegani shu bo'ldi).
2. Esimda yo'q.
3. Men yaxshi ko'rgan, hurmat qilgan inson so'rasa albatta beraman.

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #127 : 07 Dekabr 2009, 10:01:05 »
Huseynga berilgan savollarga javoblar:

2. Savol: 1. Siz maza qilib tomosha qilgan 3 ta o'zbek filmi. Nima uchun shu filmlarni tanladingiz?
2. Siz maza qilib tomosha qilgan 3 ta jahon filmi? Sababi?

Javob: "Ватан",  "Утов", "Утган кунлар" - ватанпарварлик ва миллийлик кучли акс эттирилгани учун!
"Титаник", "Чайладан чиккан миллионер", "Зулмат"(Хинд киноси) - инсоний муносабатлар кучли тахлил килинган.


3. Savol: Oxirgi marotaba O'LIMni eslashingizga sabab bo'lgan holat?

Javob: Бугун эсладим. Ишхонамда ёлғиз ухлар эканман, "Мабодо шу ерда омонатимни топширсам, шубҳасиз мени ҳам хизмат вақтида халок бўлган дейишса керак?" деган жиннича фикрлар келганди хаёлимга. Негалигини билмайман...


4. Savol: Siz uchun [kelajakda] ayolingizda bo'lishi kerak bo'lgan eng asosiy 3 hislat?

Javob: 1. Керакли пайтда сукут сақлай олиш
2. Яқинларимни қадрлаш
3. Фаросатли бўлиш

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #128 : 07 Dekabr 2009, 10:01:45 »
Nurzodaga berilgan savollarga javoblar:

1. Savol: Болалигинингизда ўзингиз иштирокингизда рўй берган энг кулгили ҳодисани эслай оласизми?

Javob: Bu voqeaga ancha bo'gan 1-sinda o'qib yurgan vohtlarim edi.
Ammamni qizlari mehmonga keludi keyin zerikdikde uyda ammamni qizi sinilarim bekinmachoq o'ynashga kelishdik o'yinimiz uzoqqa cho'zilda uyda bo'ganiga bekinadigan joyam qomudide keyin nima qilarimni bilmiy oyimlani xonalarida to'yida qilingan kotta sandiq turardide keyin ichidegi narsalani bo'shativolganmande ichiga kirib sandiqni yopganimni bilaman...haligi qulflidigan narsasi bo'ladiyu o'sha ilinib qogande  :( azgina o'tmiy nafasim bo'g'ilib havo yetishmiy boshlagan i bor ovozim b-n baqirib "man betdaman" diganman  :2 keyin sandiqdan chiqib oyimga shunqayam bo'ladimi yasashvotganda ustala u bu joyidan teshik qo'ysa bo'midimi sal kechro ochganiylada sandiqni ichida o'lib qolardim nafasim qaytib dib hafa bo'gan ohangda gapirganimda ...oyimla kulib nima sanga bekinmachoq o'ynaganda bekinish uchun ham ishlatiladigan qiberishlari kereymidi dib rosa kulishgan ...haligachayam etib kulishadi uydegila shu voqeani

shu sandiq yasidigan ustalani havo kiradigan teshik qo'ymaganligidan nolinganmanu sandiqqa tushmasdan oldin siqilib qolaman dib o'ylamaganman  ;D


2. Savol: Sizga eng yoqadigan, doim yodingizda turadigan biror mashxur insonning aforizmi?

Javob: Mani eng yoqadigani doim esimda turadigani  matematika ustozimni aytgan gaplari  " TIRIKMISAN HALI HECH NARSA YO'QOTMAGANSAN" dirdila doim bizaga

keyin yana bir Ximiya darsidan kiradigan o'qituvchimiz bo'lardi yoshlari 70 dan oshgan o'sha o'qituvchimiz har darsga kirganda shu nasihatni doim etardila takror.

Aziz o'g'il qizlarim shuni doim yodiylada tutinglarki ichkilik eng yomon odat derdilarde manashu gaplarini etardila:  "Agar aroqni bitta tomchisi yerga tomsayu ustidan 7 yil daryo oqib o'tib ana shu yerdan bittgina maysa o'sib chiqib shu maysani yegan molni go'shti xarom" dirdila.

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #129 : 07 Dekabr 2009, 10:02:05 »
Salmon Forsiyga berilgan savollarga javoblar:

1. Savol:МеҳÑ€ билан боғлиқ ҳаётда ўзингиз гувоҳ бўлган қандай ибратли воқеликни эслай оласиз?

Javob: Mehr haqida deb berilgan hayotiy savolni ko'rib negadir shu voqea birinchi bulib hayolimga keldi:
Bir kuni yaqinlarim yashaydigan va men tez borib turadigan shaxrimizdagi bir mahallaga bordim.Bu mahalla tuman dehqon bozorini yaqinida joylashgan.Tirikchilik yulida hozirgi kunda ko'pchilik yosh bolalar bozorda aravakashlik qilishadi,bu hayot haqiqati.Men mashina bilan katta yuldan mahallaning tor ko'chasiga burilgan joyda yul ozroq balandlikga ko'tariladi. Usha joyda bir yoshi 11-12 larda bulgan bolakay yuk ortilgan katta aravani usha tepalikga tortib chiqaraolmay yotgan ekan.Yul tor bulganligi uchun utib ketaolmasdan men mashinani aravakashni xavotirga solmaslik uchun ozroq uzoqroqda tuxtatib turdim.Lekin aravadagi yuk juda ham ogir bulgani uchun u bola uni hadeganda tortib chiqara olmayotgan edi.Uni yollagan 30-35 yoshlardagi YIGIT esa unga baqirar:-Kuching etmasa nega aravakashlik qilasan derdiyu lekin umuman unga yordam bermasdi ! Diqqatim oshib mashinadan tushgan edim, shu mahallada yashaydigan, Sirojiddin ismli akaning 10-11 yoshlardagi o'g'li chopib kelib aravakash bolaga yordam bera boshladi. Ularni orqasidan borib men ham ularga ozroq yordamlashib yubordim.Arava haqiqatdan og'ir ekan.

Bir amallab aravani tepalikga chiqarganimizdan keyin, yordam bergan bola ko'zida chinakam qahr bilan aravakashni yollagan YIGITGA baqira boshladi:
-Aka sizda MEHR yuq ekan,bergan 100 so'mingizga shuncha baqirasizu, shu aravani ozroq tortib chiqarishga yordam bergingiz kelmaydi ! Hozir siz bergan 100 so'mga nima beradi ?! O'g'lingiz arava tortsa nima qilasiz ?!
Bolakayni bu ohangdagi gapidan men ham u Yigit ham noqulay ahvolga tushib qoldik.

Men ushanda shu gaplarni aytgan bolakayni ko'zida chinakam MEHRNI (aravakash tengdoshiga nisbattan) va chinakam QAHRNI (aravakashni yollagan Yigitga nisbattan) ko'rgandek bo'ldim.Aravakash bola esa qora mehnatni qilib,terlab ya'na ayibdordek boshini egib turardi. Men bu ikki bir-biriga tengdosh bolakaylarni timsolida doimo DANGAL va doimo SODDA O'zbegimni ko'rgandek bo'ldim.

Mashinaga qaytib borib yulda davom etarkanman usha "tanbeh" eshitgan Yigitni aravakash bolaga yordamlashib aravani bir tomonidan surishib ketayotganini ko'rdim. Nahotki bir bolakayni MEHR tula qalbi bilan rahmi kelib aytgan so'zlari katta yoshdagi Yigitni MEHRSIZ qalbiga ham ozroq bo'lsa ham MEHR kiritgan bulsa...

Biz kattalar "katta ishlarimizni" bitirish uchun o'zi shunday ham qorni to'q kishilarga poralar beramiz, egilib bukilamiz,yaxshi gaplar gapiramiz. Lekin halol mehnat qilib og'irimizni engil qilayotgan oddiy bir aravakash bolaga ozgina MEHR ko'rsata olmaymiz... Axir u ham yaxshi kunidan arava surib yurmagandir ? Nahotki biz shaytoni layinni kasbi bo'lgan kibrni murg'ak qalblarga qilsak !!!


2. Savol: Hayotda o'zingiz qadrlagan eng yaqin kishingizni qabrga qo'yganmsiz? Yaqinlaringiz uchun qabr kovlab ko'rganmisiz? O'sha vaqtlarda qalbingizda o'tgan kechinmalaringiz qanday bo'lgan?

Javob: Qabr kovlab va qabrga tushib kurmaganman.Lekin o'lim har doim Oxiratni eslatib turadi. O'zim qadrlagan insonlarimdan ajralganda qancha harakat qilmayin ovoz chiqarib yig'lay olmaganman. Lekin ko'zimdan yosh tinmay kelaveradi...

Har erkak kishi o'z hayoti davomida kamida uch marta qabr kovlab, bo'lmaganda etti marta tobut ko'tarishi kerak degan gaplarni Bobolarimdan eshitganman. Shunda inson o'zining o'limidan so'ng, uni qabrga quyganlarni mehnatini o'zi uchun halollagan buladi deb eshitganman.

Bu dunyoda ikki joyda insonni qo'lidan hech bir ish kelmaydi. Bu ishlar uning uchun qilinadi, lekin usha vaqtda u eng ojiz bo'ladi:
Birinchisi Inson dunyoga kelgan vaqtda.
Ikkinchisi Inson vafot etganda.

Dinimiz ISLOM naqadar go'zalki unda hamma narsaning hisob kitobi qilingan. Payg'ambarimiz (s.a.v.) musulmon erkaklarni namozlarni har doim JAMOAT bilan o'qishga chaqirganlar, men shu haqda juda ko'p fikr qilaman ! Chunki Jamoatga chiqqan insonni uning atrofidagi barcha musulmonlar taniydi. Uning yaxshi va yomon kunlarida ana usha musulmonlar uning yonida buladi.

Tiriklikda insonlar qanchalik KIBRGA ketishadiki ayrim insonlarni o'zlaridan past hisoblaydilar. Kimlardandir nafratlanadi, mazah qilib aybini topishga, ustidan kulishga, kamsitib odamlar oldida sharmisor qilishga harakat qilishadi. Lekin usha insonlar bilishmaydiki bir kuni ular vafot etishsa balkim usha o'zlari mensimagan, kamsitgan, ustidan kulgan INSON, MUSULMON uning tobutini o'z elkasida ko'tarib uni qabristongacha olib boradi ! Usha INSON, MUSULMON unga atab qabr kovlaydi ! Usha INSON, MUSULMON duoga qo'l ochib JAMOAT bo'lib uning haqqiga ALLOH taolodan unga RAHMAT so'rab DUO qiladi !

Usha vaqtda hozir O'Z KIBRI bilan bu dunyoda yurgan odamni qo'lidan nima ish keladi ?!!
Shuning uchun har doim ALLOH taologa Musulmon bulganimiz uchun, Hidoyatga kirgizgani uchun, ALLOH yulida qasd qilib Do'stlashgan do'stlarimiz borligi uchun Shukr qilishimiz kerak ! Yonimizdagi har bir Musulmonni hurmat qilishimiz kerak, axir ertaga nima bo'lishini ALLOH taolodan boshqa hech kim bilmaydi ! Balkim ertaga usha Birodarlarimiz bizni tobutimizni o'z elkalarida ko'tarishlari mumkin...
INNA LILLAHI VA INNA ILAYHI ROJI'UUN.


3. Savol: Ayolingiz yoki  singillaringiz qisqacha aytganda yaqin mahramlaringizdan birortasi forumlarda qatnashadilarmi? Sizning bunga munosabatingiz? (Ayollar forumlaridan boshqa umumiy forumlarni nazarda tutdim)

Javob: Ibratli savollaringiz uchun rahmat ! Odamni fikrlashga undaydigan savol, to'g'risini aytsam ! ALLOH taoloning eng katta mo'jizasi bu INSON ! Erkak va Ayol ! Bu savolni o'qib mana shu mo'jiza haqida fikr qilgim keldi, negadir !

Har bir erkakka tusatdan shu savolni bersangiz, o'zining erkaklik g'ururi bilan bu savolga birinchi bulib: Yuq !-deb javob beradi !!! Lekin bu dunyoda tushungan inson bor va tushunmagan inson bor ! ALLOH taoloning buyuk mo'jizasi shuning uchun ham Mo'jizada ! Menimcha mana shu birgina javobda juda ham ko'p javoblar mujassamlashgan, aslida...

Bu savolni o'qiganimda mening fikrimga birinchi bo'lib, men uchun qadrli bo'lgan insonning bir fikri keldi.Onamning onalari Buvim (ALLOH rahmat qilsin) bir gapni ko'p takrorlab turardilar:"-Ayol kishi yomon ish qilaman desa paranjini ichida ham qilaveradi !"

Kitob o'qishni umuman yoqtirmaydigan kishiga qanchalar ko'p shox asarlarni olib kelib, ular haqida ma'lumot berib, qiziqtirishga harakat qilsangiz ham u baribir kitob o'qimaydi. Kitob o'qishni sevadigan insonni qanchalik bu ishdan qaytarsangiz ham u baribir ilojini qilib shox asarlarni topib o'qiyveradi, ilm yulida izlanaveradi. Bu fikrim bilan shuni aytmoqchimanki har bir inson har doim o'zi yoqtirgan ishni qilishga harakat qiladi.

Oxir zamon bolalari bulmish o'zimizning davrimizga kelib katta o'zgarishlar sodir bo'ldi, shulardan biri-Internet ! Meni ayolim va ikkala singlim ham forumlarda qatnashishmaydi ! Lekin men ularni Islomiy,Ilm olsa buladigan forumlarda qatnashishlariga norozilik bildirmagan bulardim ! Chunki men ularni hammasini ichki dunyosini, fikrlash doirasini, hayotda menga aytmasada oldiga quygan maqsadini bilaman.Men norozi bo'lmasdim deb ana shularga tayanib aytayapman.

ISLOM dinida Ayolning mavqeyi baland, chunki Payg'ambarimiz (s.a.v) "Jannat onalarning oyog'i ostidadir", deganlar ! Ahamiyat bergan bulsangiz Otalarning emas, balkim Onalarning ! Men bu fikrim bilan Ayollarni Erkaklardan ustun quymoqchi emasman ! Endi bir fikrlab kuraylik, qanday qilib o'zi yaxshi bilimga ega bulmagan Ona, masalan Sizning farzandlaringizga yaxshi ILM berishi mumkin ?! Yuqoridagi fikrim bilan bu fikrlarimni birlashtirsam kitobdan ham, internetdan ham har bir inson o'z bilim salohiyatiga ko'ra foydalanadi. Ana endi savol:- Unda biz erkaklarning vazifamiz nimadan iborat ?

Payg'ambarimiz (s.a.v.) o'z hadislaridan birida shunday fikrni bildirganlar:-"Har bir erkak o'z qo'li ostidagilarga mas'uldir !"

Ayolim, qizim, singillarim, mening qo'l ostimdagilar. To'g'ri singillarim bunga qisman kirarlar, chunki ularning turmush o'rtoqlari bor. Lekin men ularga hozir ham nasihat qilishga haqliman. Men ularni o'z nazoratimdan qoldirmasam, ularni qiziqtira olsam, da'vat eta ololsam, asosiysi ALLOH taolo ularni O'zining Hidoyati, Rahmati, Mehridan benasib qilmasa ular qanday qilib adashishlari mumkin.

Endi ziyouz forumi asosida fikr yuritsam, men bu yerda ko'plab Iymonli, Ilmli, Iffatli opa-singillar bilan tanishdim. Ularning yozgan fikrlarini o'qib ularning dunyoqarashlari haqida tasavvurga ega buldim. Men o'zim sevgan insonlarga yaxshilikni ravo ko'rsam qanday qilib ularni Iymonga, Ilmga, Ayollik Iffatiga da'vat etadigan kishilar bilan do'st bulishga to'sqinlik qilishim mumkin. Axir bu dunyoda Erkakmi Ayolmi kimdandir fikr olib, ilm va iymon o'rganib yashashi kerak-ku !

Har bir Inson o'z bilim doirasidagi fikrlarni gapiradi va yozadi ! Men ham bu yerda O'z fikrim, ojiz ilmim darajasidagi g'oyalarimni bayon qildim. Agar bu yozganlarim kimlarnidir ranjitgan bo'lsa oldindan uzr surayman, bular faqat mening shaxsiy fikrlarim edi...

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #130 : 07 Dekabr 2009, 10:03:54 »
4. Savol: Sizga eng yoqadigan, doim yodingizda turadigan biror mashxur insonning aforizmi?

Javob: "So'zi va harakati bilan senga ALLOHni va Oxiratni eslatmaydigan kimsa bilan aslo do'st bo'lma".
Fuzayil ibn Iyoz.

5. Savol: Сўнгги 10-15 кун ичида ушбу мавзуда берилган жавоблар ичида сизга энг маъқул келганлари қайсилар бўлди?

Javob: Bu mavzuda berilgan barcha Savol va Javoblar men uchun har doim ibrat, hayot haqida ya'na bir bor fikrlashga imkon bo'lmoqda.Barcha javoblarda yodda qoladigan fikrlar mavjud, lekin shular orasida menga eng ta'sir qilganlarini sanab o'tmoqchiman:

1.Ulug'bek 75 ning: "O'lim bilan uchrashuv-Yohud hayotdagi orzularim" nomi ostidagi javoblari.
2.Shokirbekning: Omonotdor yigit; Qabr haqidagi;Ixlos haqidagi fikrlari.
3.Munira xonimning: Shukr,sabr haqidagi va 12 yil deganda ALLOH farzand ato etgan oila haqidagi javoblari.
4.Kapalakning:Onalarimiz mehri haqidagi xikoyalari.
5.Gulining:"Talaba bo'lolmadim,lekin alhamdulillah Musulmon bo'ldim" degan so'zlari.
6.AbdulAzizning:bulajak turmush o'rtoqlari bilan uchrashuvga chiqqanda bermoqchi bo'lgan 3ta savollari; Chimyondagi masjid xizmatchisining ibratli o'limi haqidagi xikoyalari.
7.Abdullohning: "Bugunni o'yladim, kecha o'tdi, erta bormi?! Yoshlikga ham ishonma, o'layotgan faqat qarilarmi?!" deb yozgan hikmatli so'zlari.
8.Imlaahning qaynotalarining chiroyli o'limlari haqidagi xikoyalari.
9.Saltanatning ayol sabri haqidagi xikoyalari.
10.Muhseenaning Payg'ambarimiz s.a.v.ga mehr haqidagi xikoyalari menga juda ham ta'sir qildi.

ALLOH taolo barchamizga,O'zinig yulida Birodar bo'lishlikni hasib qilsin.


6. Savol: 1. Sizga qilingan eng yaxshi sovg'a nima bo'lgan?
2. Hech begona kishidan ham sovg'a olganmisiz?
3. "Sovg'ani boshqasiga sovg'a qilib bo'lmaydi", - deydi ruslar. Agar yaqin bir insoningiz sizga qilingan sovg'ani yoqtirib qolsa, unga berarmidingiz?

Javob: 1.9-sinfda o'qib yurgan vaqtimda Dadam tug'ilgan kunimga chiroyli, qul soati sovg'a qilganlar. Shunda juda ham hursand bo'lganman. O'zimni shundan boshlab katta insonlardek tuta boshlaganman. Hozirgi kungacha ko'plab soatlar oldim, lekin usha soatni xaliyam saqlab yuraman, u menga chiroylik xotiraday bo'lib qolganligi uchun...

2.Taqdir ekan hozir Vatandan uzoqdaman, shu yerda usha vaqtlari menga notanish bo'lgan birga ishlaydigan inson bir kuni yangi qimmat kuylak sovg'a qilgan edi. Notanish, o'zga dindagi insonni menga bunday sovg'a qilganidan dastlab hayratlanganman. Lekin keyinchalik ALLOH taolo har bir insonni qalbiga, u kim va qanday dinda bo'lishidan qatiy nazar mehr nurini solishiga amin bo'ldim.

3.O'zim rus maktabida o'qiganim uchun ruslarda shunday odat borligidan xabarim bor. Men o'zimga berilgan sovg'ani boshqa uni yoqtirib qolgan insonga bermagan bo'lardim. Menimcha, har bir berilgan sovg'ada o'zgacha mehr borday tuyuladi. Men yaxshisi usha insonga huddi shunga uxshagan sovg'ani hadya qilgan bo'lardim. Agar uxhsashini topa olmasam, boshqa sovg'a berardim, chunki qanday bo'lishidan qat'iy nazar usha men bergan sovg'a uni o'ziniki bo'ladi.

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #131 : 07 Dekabr 2009, 10:04:08 »
Lologa berilgan savollarga javoblar:

1. Savol: Do'stga zor, dushmanga xor, nomardga muhtoj qilma Duo iborasini qanday tushunasiz?

Javob: Xalqimiz masalan, suv balosi, o't balosi va tuhmat balosidan Allohdan panoh so'ragani kabi va boshqa horliklar; do'stga zorlik, dushmanga horlik va nomardga muhtoj bb qolishlikdan ham panoh so'rab keladi. Chunki kishi hayotta turli vaziyatlarda bb, boshiga xar hil ishlar tushib borar ekan, qaysidir ma'noda shu horliklarni kichik ko'rinishlariga ham duch kelib qoladi. Hammani ham o'ziga yarasha do'stlari, dushmanlari bor. Va atrofimizda mard va nomard (pastkash) insonlar ham yo'q emas. Xattoki ba'zan "O'zingni eng yaqin odamingdan g'irt begona ming marta yaxshikan" deb qolasan kishi. Shunday qiyinchiliklarni ko'rib, tushunib kelayotgan mulohazali odamlar tabiiyki Allohdan bu vaziyatlardan asrashini so'rab kelishadi.

Endi esa tahlilni so'raganakansiz. Inson zotida his-tuyg'u bor ekan, hayotta turli hil ruhiy holatlarga tushib boradi. Va doimo inson do'stga - hamfikrga, maslahatgo'yga, dardini yoki quvonchini eshituvchiga, hamdard va boshqa asosan ruhan yordam bn kuch bag'ishlab turuvchiga ehtiyoj sezaveradi. Lekin moddiy tomondan ham ko'pincha aynan do'stlar yordam beradi. Shunday ekan, do'stsiz odam, yoki keyin do'stdan ayrilgan odam qattiq iztirobga tushadi. Bu boshida bilinmasligi mn, ammo keyinroq boshiga tashvishlar tushganidagina bilinadi. Shunday vaziyatlarda esa Dushmanning bog'iga shamol keladi va sizga har tomonlama tajovuz qilishga harakat qiladi. Bundan ortig'i bo'lmasa kk. Bu ham juda qattiq ruhiy zarba bb, dushmanga hor bo'lgan hisoblanadi. Ba'zan esa eng g'aroyibi - dushmanda "rahm" paydo bo'lishi yuz beradi! Dushman yaxshilik qiladi! Lekin minnatli! Burningizdan chiqaradi qilgan yaxshiligini (bugin qilmasa ertaga albatta qiladi). Buni nomardlik deb bo'lmaydi, chunki dushman shundog'am dushmanda. Undan hamma narsani kutish mn. Lekin haqiqiy nomardlar boshqacha! Boshida do'stga o'xshaydi, biroq dushmandanda yomonroqdir (bamisoli dinimizdagi munofiqlar singari). Aslida ular faqatgina o'z manfaatini ko'zlagan bb chiqadilar. Yolg'onchilikni va birovni haqqi olishlikni o'zlariga halol sanaydilar. Agar ortiq unga sizni foydangiz tegmaydigan bo'lsa "Borre...", "Sani tanimayman!" deb surbetlarcha hotirjam ketaverishadi. Bu holatga hayotta eng, eng va eng ko'p uchraydigan misol - yigitlar tomonidan aldangan qizlar! Qancha-qancha yolg'on vadalar...! Eng yomoni esa - so'nggi pushaymon! Mana shuda nomardga muhtohlik!
Alloh barchamizga insof-tavfiq bersin! Shunda inshaalloh bunday muhtojliklarga uchramaymiz!


2. Savol: Uchrashuvga chiqqanizda yigitga beradigan asosiy 3 ta savoliz qanday?

Javob: 1. Dunyoviy ilmlardan qaysilarini o'zlashtirgani.
Harf taniganimizadan boshlab o'rtacha 15 yil mobaynida asosan dunyoviy ilmlarni o'rganamiz. Shuncha yil besamar o'tmagani va bularga qo'shimcha ravishda yana qanday fanlarni o'zlashtirgani, hamda bilimi qay darajada ekanligini aniqlashga qiziqaman. (Bir kuyovdan nega unv.larda o'qimaganini so'raganimda javob bergandi: Sahobalayam o'qishmaganku, diplomi yo'qku! Keyin man etganman: Agar o'sha payt unv.lar bo'lgani ular albatta o'qishgan bo'lishardi - eng a'lo baholarga!)
2. Diniy ilmi va tushunchasi qandayligi.
Qaysi yoki qanday mavzudagi kitoblarni o'qishini, iymon kalimasi va tavhid haqidagi bilimini, hamda Qur'ondan necha pora yodlagani yoki harf taniydimi, yo'qmi, shularni so'rayman. (Yana bir boshqa kuyovdan so'radim: Tavhid nima? Javob berdi: Uzr, arabchani bilmiman!)
3. Qanday kasb tanlagani.
Qanday kasb-hunarlarni egallagani va ayni damda yoki keyinroq qilmoqchi bo'lgan ishi haqida yetarlicha surishtirish o'rinli deb ham bilaman, chunki bo'lajak oilasini halol luqma bilan boqishi shart bo'ladi.


3. Savol: Sizga eng yoqadigan, doim yodingizda turadigan biror mashxur insonning aforizmi?
Javob: Sheyh Albaniy rahimahulloh etganla: "Odamni tilidan ko'ra uni qilayotgan ishi gapiruvchiroq!"

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #132 : 07 Dekabr 2009, 10:04:37 »
Ulugbek75ga berilgan savollarga javoblar:

1. Savol: Ихлос билан боғлиқ ҳаётда ўзингиз гувоҳ бўлган қандай ибратли воқеликни эслай оласиз?

Javob: Ixlos. Bu qalb amali, bazi tashqi belgilar bilan uning mavjudligini bazan taxmin qilinishigina mumkin bo'lgan - faqat egasi va uning Egasigagina ayon amal. Omonotdorlik esa umumiy shaklda ,zohiriy amal. Shu sababli ixlosga misol keltiraolamasam kerak.
Mavzudan sal chetroq bo'lsa ham, meni xotiramda qolgan bir kishi va uning hayotida kuzatganim holatni aytib o'tay.

U kishi bilan faqatgina o'gli bellasha oladi xolos!

Arab o'lkalaridan birida yashovchi, ham vatanda va ham u kishining uyida kuzatganim holatlarga tavsifim bu.

U kishi bilan birga bo'lganim bir necha kun muddat davomida, Men kuzatganim bo'yicha, shunchalar hayratga tushdimki, haligacha yodimdan chiqmaydi. Rasmiy diplomlari uncha yuqori emas, ammo ko'plab doktorlik unvonlilardan sharíy ilmida kam emasdi. Kundalik yumushlarida birorta hatto borýo'gí muboh bo'lib qoladigan, ya'ni vojib va mustahab bo'lmagan amalni topish juda juda qiyin edi.
Masjidga hammadan ilgari chiqqan, namozgacha Qurón o'qib o'tirgan, namozdan keyin turib qisqagina va'z o'qigan, undan chiqib yana qandaydir da'vat ishiga bog'liq biror yumushga bog'langan, dukonga kirsak, dukon ichida, yondagi sartaroshxonayu boshqa joylarda kimgadir, amr ma'ruf yoki nahiy munkar qilgan, toýga borsak u yerda ham kimgadir nasihat qilgan, qaysidir dinga bog'liq mavzuda bahs yuritgan, jumadan qaytsak, tushlik mahali o'glini boshqa masjidga yuborgani uchun (menimcha ataylab), undan nima haqida xutba bo'lganini so'ragan. Qisqasi u kishining oldida, o'zimni shunday his qildimki, hatto muboh ishni qilishga ham uyalib qoldim. Undan tashqari shaxsiyati juda siniq, g'o'zal axloqli, muloyim tabiatli, ammo kezi kelganda qattiqqo'l va qatíyat egasi.
Birga qayerga borsak, kim bilan uchrashsak, agar bazida bu kishining fikriga qarshi bó'lishsa ham, hamma hammalari hurmat qilishardi, aynan mana shunday noyob sifatli musulmon bo'lganliklari cuhun, menimcha.

U kishining ijaraga bergan uyida turgan bir kishi bilan suhbatlashib qolib, u kishi va o'g'lining jamoat namozi, yodlagan Qurónlarini takror etishlari va mahalla masjidini obod etishlarini quvonch bilan so'zlaganimda u kishi, hali hali qulogímda jaranglaydigan quyidagi jumlalarni aytgandi:

U kishi bilan faqatgina o'gli bellasha oladi xolos!

Hayotda inson imkoniyati chegarasini chamalashga va ibratlanishga chorlaydigan mana shunday musulmonlar borligiga shukur. Mana shunday kishilarni Allohim ajrlarini buyuk qilib berib, bu yo'lda davomli qilsin, ameen!


2. Savol: Сиз сўнгги марта баҳраманд бўлган ва жуда маъқул келган воқеий ҳикояча(лар)дан бизни ҳам баҳраманд эта оласизми?

Javob: Yaqinda Menga aytib berishgan, o'xshashi kam, nodir, hayotiy bir voqea xayolimni mashg'ul etib keladi. (Menga hikoyani aytib bergan kishi bu oilani shaxsan taniydi). Buni aslida qadrdon maskanim ARBUZda yozmoqchi edim, lekin svol sabab birinchi bo'lib bu fayzli maskandan yer olar ekan endi... :)

Bu hikoyaga o'zimcha sarlavha ham topib qo'ygan ammo yozishga vaqt topa olmayotgan edim, u quyidagicha edi:

MAHBUSNING CHIN YORI VA AG'YORI

Oilali va farzandli bir didndor birodar, hammamizga ma'lum sabablarga ko'ra, juda uzoq muddatga ozodlikdan mahrum etiladi.
Ko'p o'tmasdan esa hali ozodlikda ekan, atrofida parvona bo'lgan xotini ajrashib, bu yigitning xonadonidan ketib qoladi (farzandlari hozir u ayol bilan yoki yigitning ota-onalari bilan ekanligini bilmayman, so'ramagan ekanman). 
O'z - o'zidan ma'lumki, bu bevafolik, yigitning musibati ustiga musibat, dardi ustiga chipqon bo'ladi. Chunki bu ayol, o'zining endi sobiqga aylangan erini, manaviy yordamga eng muhtoj bo'lgan paytida, yaqinlari duosini his etib madad olish va farzandlari o'zining vafodor umr yo'ldoshi qo'lida ekanligini bilib qisman bo'lsa ham xotirjam bo'lishdek ne'matdan ham mahrum etadida.

Hikoya shu yerigacha, neqadar alamli va achinarli bo'lmasin, unchalik ajablantira olmasa kerak. Sababi, bunga o'xshash xiyonat, bevafolik, sabrsizlik va mas'uliyatsizlikdan va aynan muhtoj bo'lganingda qaqshatib ketadigan "do'st"lar xabarini beruvchi boshqa holatlarni, afsuski, Men ham va taxmin qilamanki Sizlar ham ko'p eshitgansizlar.

Kutilmagan nodir hodisa esa keyin sodir bo'ladi.

Imkoniyatlari cheklangan bu dindor mahbus, o'z hayotidagi eng og'ir damlarini boshidan kechirayotgan, kimning unga haqiqiy do'st va kimning aslida dushman ekanligini kun sayin kashf etishda davom etayotgan, SABRning achchiq mazasini butun vujudida, tanasining har bir hujayrasida har bir o'tgan daqiqada takror va takror tuyayotgan kunlarning birida, uning aqli va nafaqat uning, balki ko'plab eshituvchi va o'quvchilarning aqli bovar qilmas hodisa ro'y beradi. Uning ziyoratiga kelgan yaqinlaridan antiqa xabar eshitadi av bir muddat bunga ishonishi ham juda qiyin kechadi.
Ne quloq bilan eshitsinki, mahbusning Parvardigori, unga bevafolik qilgan xotini o'rniga, Men hali-hali izlab ta'rifiga so'z topoolmayotganim, O'zining eng hayratga soluvchi bandalaridan birini - turmush qurmagan bokira qizni halol juft qilib berayotgan bo'ladi.
Qamoqda mahbus bo'lgan, juda uzoq muddat u yerda qolishga mahkum etilgan va balki aynan shu sababli xotini uni tashlab ketgan kishiga - dunyo va undagi holatlarni ko'plab insonlardan butunlay o'zgacha o'lchay oladigan, noyob bir qiz bu dindor mahbusga g'oibona ko'ngil bog'lagan bo'ladi.
To'g'ri, ko'ngil bog'lashni, hurmat etishni, achinishni, qandaydir yordam qo'li cho'zishni boshqalar ham qila olishi mumkindir, ammo bu kabi o'ta jiddiy va turli oqibatlarni o'zida tashigan qarorni hayotda yashay olish, nihoyatda kam uchraydigan, yuksak tahsinga sazovor, noyob holatdir. Kamida Men shunday deb ishonaman.
Bu antiqa nikoh, bundan 3 yil ilgari mahbus yotgan qamoqxonada, uchrashuvga kelgan qiz va ikki taraf yaqinlari huzurida qiyiladi. O'shandan beri qiz, endi esa oilali muhtarama ayol, o'z mahramini har oyda (adashmayotgan bo'lsam 2 marta) ziyoratiga borib turadi.

Antiqa va inshaalloh bu muborak nikoh o'qilarkan, ozodlikka qachon chiqishi va umuman chiqishi noaniq bo'lgan mahbusga, kelajak oilaviy hayotini topshirgan va qaysidir manoda, butun hayotini noaniqliklar qa'riga cho'ktirgan bu QAHRAMON QIZ, o'zining o'ta dovyurak qarori va tan olish kerakki qimmatgina to'lovi bilan (kamida biz bandalar nazdimizda) - Alloh roziligidan va dini uchun bunday og'ir imtihonga solingan bir musulmon birodarini hech bo'lmasa ko'nglini ko'tarishdan boshqa narsani maqsad etgani mening na aqlim va na vijdonimga sig'maydi.

Hikoyani tinglarkanman beixtiyor bu muborak juftga:
Allohim, Sizlarni mukofotlar yurti - JANNATida eng saodatli juftlar qatorida, doimiy mehmonlaridan qilsin, deya duo qilgim keldi. Ilohim shudnay bo'lsin, ameen!

ps. Hikoya hayotiy voqea rivoyatiga asoslangan bo'lib, faqat bazi o'rinlarigina adabiy tasavvur va tasvir bilan boyitildi.


3. Savol: O'zlaringizni e'tiroflaringizcha forum arbuzda ko'p vaqtdan beri ishtirokchi ekansizlar.Shu ishtirokinglar davomida forum sizga nima berdiyu sizlar forumga (yoki forumdoshlar sizlarga ,sizlar forumdoshlaringizga) nima berdinglar?

Javob: FORUMlar - fikr almashish, bahslashish, malumot almashish, nimagadir da'vat etish yoki nimagadir raddiya berish kabi maqsadlarni ko'zda tutgan OMMA sahnasidir.
ARBUZ esa - o'zbek jamiyati turli qatlamlari vakillarini eng ko' proq qamray olgan va birinchilardan bo'lib tashkil etilgan forumlardan biridir, menimcha.

Shuning uchun ARBUZ, Men kabi o'zbeklar bilan bevosita muloqot qilish va ishlash imkoniyati cheklangan, ammo boshqalarga nimalardir demoqchi bo'lgan, o'zbek jamiyati ahvoliga befarq bo' lmagan, uni yaqindan kuzatishni o'z vazifalarifdan biri deb bilgan, boshqalardan o'rganmoqchi, shaxsiyatini doimiy o'stirmoqchi bo'lgan, musulmon intellektual tabaqaga mansub bo'lish uchun intilgan, bunday qatlam hosil bo'lishini kelajakda muhim deb bilgan, jamiyatning turli qatlam vakillari ko'z o'ngida musulmonman deganning aqliy qobiliyati hech birinikidan kam emasligini (buning ahamiyatini anglash uchun SSSR va g'arbning musulmonga bergan tasvirini ko'z oldiga keltirish lozim bo'ladi) takidlamoqchi, buni isbotlamoqchi, boshqacha aytganda, Islomga ko'pincha bil-vosita, bazida bevosita da'vat etishni istaganlar kirib borishi qiyin bo' lmagan va kirishga juda arzigulik joydir.

Bu maqsadga shu shaklda o' ylagan Men va bunga yaqin qarashda bo'lgan ishtirok etgan va etayotgan forumchilar qancha erisholdik?
Bunga ARBUZning kechasi va bugunidan xabardor kishilar, qolaversa o'sha forum foydalanuvchilari baho berishlari mumkin. Meningcha esa biz, bu bo'shliqni ozgina bo'lsa ham to'ldira oldik.

Musulmonlarimiz ichida ham juda ko'plab jiddiy muammolar bor. ARBUZ Men uchun, ana shu muammolarni o'rganish, tahlil etish, ma'lum yechimlar taklif etish, ularni qisman bo'lsa ham sinab ko'rish o'rni hamdir. Bu yo'nalishda nimaga erisha oldim? Bilmayman. (Bilaman, buni samaraliroq qilish uchun, boshqa profili islomiyroq bo'lgan saytlar bilan ham ishlash lozim edi, ammo bunga vaqt va boshqa to'siqlar imkon bermaydi.)

Men din va dindorning faoliyat doirasi imkon qadar keng bo'lishi va ularning insonlar bilan muloqoti imkon qadar tabiiy kechishi tarafdoriman. Forum mana shu manoda ham keng maydon taqdim etadi. Boshqalarni bunga qancha o'rgata oldim? Bilmayman.

Undan tashqari, turli ruhiy, ma'naviy va moddiy ehtiyojlari mavjud, hayot davomida turli holatlarni yashagan va yashayotgan ojiz insonlar sifatida, forum taqdim etadigan turli xizmatlardan foydalanib kelaman. Misol tariqasida, ARBUZning Adabiyot bo'limi bular sirasiga kiradi.

Forum, shu bilan birga, qaysidir ma'noda bizni kimligimizni, boshqalar bahosiga qarab, o'zimga ko'rsatuvchi ko'zgu hamdir. Men ko'zgu oldida imkon qadar bor bo'yim bilan turishni yoqtiraman. Mendan qancha ayb topilsa, demak bular faqat mening ayblarimdir, ARBUZ (shunngdek ZIYOUZ ham) bundan xoli :) , unga bu ayblarimni ko'rsatb bergani uchun esa tashakkurlarim.


4. Savol: Ўлим ҳақ. Унга борар йўл ҳақ.
Ҳеч ўйлаб кўрганмисиз? Сиз қандай ўлим топишни истардингиз?

Javob: O'lim bilan uchrashuv - Yoxud hayotdagi orzularim:
O'lim - amal olami bo'lmish sinov dunyo hayotining nihoyasi va ayni paytda kelajak natijalar dunyosi bo'lmish abadiy hayotning debochasidir.
O'lim eshikni qoqqan on, inson bu hayotda nimaga erishib erisholmagani deyarli aniq bo'lgan ondir.
O'lim oldi lahzalari, kelasi, hisob-kitob, mukofot yoki jazo hayotiga inson nimalarni o'zi bilan olib borayotganini chamalash uchun so'nggi imkoniyat damidir. U shuning bilan birga, quvonch, hayajon, umid, orzu, qoniqish, afsus, nadomat, dahshat va qo'rquv kabi tuyg'ularning bazilari yoki hammasining birdaniga inson vujudida so'nggi bor to'lqinlangan lahza hamdir.

Mening boshimga ham shu holat tushganida, quyidagilarni istardim:
1. O'sha dam, hayotimda Allohning diniga imonim eng kuchli bo'lgan, Robbim marhamati va mag'firatiga eng kuchli ishongan va umid qilgan dam bo'lishini,
2. Eng yaqin halqadan tortib uzoqroq halqadagilargacha bo'lgan yaqinlarimning DINni, hayotlarining birlamchi mezoni qilib yashayotganliriga ishonch hosil qilgan holimda,
3. O'lkamizda, insonlar ISLOMni yashashlariga nafaqat keng yo'l qo'yib berilgani, balki buning ongli, o'rganilgan va rejali tarzda targ'ib etilgani xabarini ham eshitgan holimda,
4. O'lkamizda, bugun Turkiyada shakllangani kabi Islomni, zamonaviy hayot tarzi bilan uyg'unlashtirolgan, qayerlardandir nusxa kochirishni chetlab o'tolgan, yurtimiz va xalqimiz xususiyatlarini unutmagan, islomiy dunyo qarashga ega, o'qimishli, ziyoli tabaqa shakllangani va bu tabaqa o'lkamizdagi dindorlarning eng katta nisbatini tashkil etganini eshitganim holda,
5. Dunyodagi musulmon o'lkalar va kishilar, kamchiliklari uchun birovlarni ayblashni to'xtatib, o'zlarini tuzatishga kirishgani, bu harakat o'z samarasini bera boshlagani, buning natijasi o'laroq boshqalar, musulmon o'lkalar va insonlar bilan hisoblashishga majbur bo'layotganini, demakki yaqin kelajakda musulmonlar o'z shavkatini qayta tiklashi faqat vaqt masalasiga aylanganini eshitgan va/yoki tushungan holimda,
6. Yuqoridagi holatlar yuzaga kelishiga, qaysidir shaklda bo'lmasin, ozgina bo'lsa ham hissa qo'sholganimni taxmin qiladigan holimda,

bu dunyoni tark etishni istardim. Agar bu orzular ruyobga chiqsa, o'limning qayerda va qachon Menga duch kelishining unchalik katta ahamiyati bo'lmasdi.

Lekin negadir bu onning Ramazonda ro'za tutayotganim damda va negadir vatanda sodir bo'lishi va ota-onam yoniga dafn qilinishim qalbimga yaqinroq tuyuladi.


5. Savol: Keyingi kunlarda bu mavzuda qoldirilgan hikoyalardan menga eng manzur bo'lgani qaysilar bo'ldi?

Javob: Hamma hikoyalar go'zal, ammo bazilari boshqalaridan yanada go'zalroq.
Aslida bu, qanday baholashga ham bog'liq. Hikoyaning mazmuniga qarabmi, yoki hikoyachining neqadar tasirli tasvirlay olishiga qarabmi yoxud ikkalasini ham ko'zdan qochirmaslik lozimmi?

Men eng oson yo'lini tutdim :) , ya'ni mazmuni menga eng ta'sirli sezilganlaridan misollar keltiraman:

1. Munira xonim hikoya qilgan, 12 yil sabr qilishib farzandli bo'lgan juftning sabri va shukri.
2. Muhseenaning Janob Payg'ambarimizga bo'lgan muhabbatiga kuchli havasim keldi.
3. Abdulaziz hikoya qilgan, Chimyondagi masjid supurgich kishining husni xotimasi.
4. Kapalak hikoya qilgan, mahalladagi egasiz it va mushuklar g'amini yeb yurgan Istanbullik qarya kampir.
5. Saltanat hikoya qilgan, opasining hasadi tufayli ukasi xotinini taloq qilganda, bu ayol ko'rsatgan ulkan sabr.
6. Imlaahning qaynotalari yashagan namunali hayot va u kishiga haqli tarzda nasib etgan husni xotima. Menga eng tasir qilgan hikoya aslida mana shu bo'ldi. Allohim shunday go'zal xotimani bizlarga ham nasib etsin, ameen!
7. Salmon Forsiyning mehr haqidagi hikoyasi. (Aravakashni yollagan yigitning, voqeadan so'ng unga yordamlashib ketishiga, (faqat) u bolaning gapi emas, aynan Salmonnig va bolakayning chopib yordamga kelgani va u juda noqulay vaziyatga tushib qolgani sabab bo'lgan menimcha...)
8. Gulining talaba bo'lolmadim, ammo muslima bo'ldim degan tasirli iboralari.

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #133 : 07 Dekabr 2009, 10:05:09 »
Muhammad Sohibga berilgan savollarga javoblar:

Ассаламу алайкум!
Аллоҳдан барчангизнинг илм ва зеҳнингизга барака сўрайман! Биродарлар малол олмасангиз Аллоҳнинг биз ғариб қулига ҳам саволларингиз бўлса бераверинглар! :) Хурсанд бўлардик! Умуман олганда шу мавзу анча қизиқарлироқ экан! Биродарлар билан фикр алмашиб, анча самимий суҳбатлар бўларкан! Аллоҳ барча аҳли форумнинг мана шу каби ахиллигини давомли қилсин. :))

1. Savol: Kurtlar vodiysi kabi kinolarni ko'rish insonga yaxshi deb o'ylaysizmi? Bunday kinolarni ko'rish har bir insonning vaqtini olib qo'ymaydimi? Bunday kinolarni ko'rgandan ko'ra kitob o'qishmi yoki Qur'on o'rganish bilanmi shug'ullangan yaxshi emasmi? Bu haqda fikringiz.

Javob: "Куртлар водийси" фильми дунёдан ибрат излаб яшайдиган тоифали одамлар учун унчалик зарарли эмас. Хатто баъзи ўундай саҳналари борки, инсонни қаттиқ таъсирлантиради. Филмдаги Умар ота қаҳрамони орқали шундай ривоят ва хикоялар англитиладики, бу орқали катта ибрат олиш мумкин. Ман ана шу Умар ота қахрамонини Исломий психолог деб қўрқмай айта оламан!
Умуман олганда оз бўлса-да фойдаси ҳам бор. Валлоҳу аълам!


2. Savol: Bilishimcha forum.islom.uz ning aktiv qatnashuvchilaridansiz. Forum.islom.uz va forum.ziyouz.com ning farqi nimada?

Javob: Ажойиб савол! Фарқлар мавжуд! Ислом уз да қатнашчилар кўпроқ. Зиё.узда эса бу кўрсаткич сал камтарроқ Лекин бу Зиё.узнинг камчилиги саналмаслигини алоҳида таъкидлаш керак. Сизнинг саволингизга жавоб тарзида мана шу жиҳатини кўрсата оламан холос.
Қолган фарқларни санашни эп кўрмадим. Чунки, билишимча ҳар икки форумда ҳам иштирок этадиган форумдошлар бор. Яна постимни Ñžқиганлар Muhammad Sohib форумларнинг фарқини санаб ўтирибди деб ёмон хаёлга боришмасин. Валлоҳу аълам!


3. Savol: Kun qizigan, quyosh tig'i ostida soya joy izlab ketayapsiz. Shu payt bir haydovchi mashinasidagi nosozlik tufayli uni itarib yuborishingizni iltimos qildi. Siz rozi bo'lib, asta itara boshladingiz. Haydovchi esa, sizga yordam berish o'rniga o'zi rulga o'tirib oldi. Oftob tig'ida allaqayergacha mashinani itarib bordingiz, rosa qizib, terlab ketdingiz. Haydovchi esa mashinasi o't olishi bilan, orqasigayam qaramay, sizga rahmatni-da nasiya etib, jo'navordi. Bu holatingizdan achinasizmi? Bu holatga qanday baho berasiz?

Javob: Аллоҳнинг Қудрати илоҳийси ва шомил иродасига кўра яратган бандаларининг фитратлари(характерлари) турлича. Қолаверса, турфа инсонлар айни бир хил бўлмаган тарбия кўрадилар ва оилавий мухитга ярашур ўсадилар. Гар мен куннинг иссиғида сиз айтгандай холатга тушсам, энг аввало Аллоҳга хамд айтаман! Ҳамд айтаманки, мени ана шу улов эгасидек рахмат айтишга ҳам хасис қилиб қўймаганига! Яна ҳамд айтаманки, хожатманднинг хожатин чиқариб, бир савоб олиб, бандаларнинг хисоби бандаларда бўлмаганига!
Кейин майли, инсоф ҳам сўраймиз! Зотан лаънат билан ёмон хулқ эгасини баттар бузиш мумкинки, асло яхшилаб бўлмайди.
Юқоридаги айтганларимдан бирортасини бажара олмасам, ўзи дунёда шунақа одамлар хам бор деб ўзимга таскин бераман!


4. Savol: Tasavvur qiling, siz jamoat transportiga - avtobusga chiqdingiz. Yarim yo'lga kelganda cho'ntagingizni titkiladingiz, yo'l kartochkangiz yo'q, pul olishni ham esdan chiqaribsiz. Bir so'm ham pulingiz yo'q, lekin avtobusga to'lash kerak. Uning ustiga yoningizda tanishingiz ham yo'q. Konduktor ham yomon muomalali... Shu vaziyatda nima qilasiz?

Javob: Исломий одоб ила тушунтиришни инсон қиёфасидаги... тушунмаслиги мумкин! Гар мен чиройли тушунтиришимни ҳам инобатга олмаса, на илож! Аллоҳга таваккал қиламиз!


5. Savol: 1. Sizningcha, hozirgi kunimizda Dinga va umuman yaxshiliklarga da'vatni qay yo'sinda olib bormoq lozim?
2. Tasavvur qiling, biror muslima qizga mehringiz tushdi va onangizga u qiz haqida ma'lumot aytdingiz va kelajagingizni u qiz b-n o'tkazmoqchi ekanligingizni bildirdingiz, ammo onangiz bunga qarshilar ya'ni ular o'zlari topgan boshqa qizga sizni uylantirmoqchilar, ham onangizni ham mehringiz tushgan insonni bunday vaziyatda qanday rozi qilasiz va qanday chiqib ketasiz?

Javob: 1. Ҳозирги кунда динга даватни даватга муҳтож бўлган шахснинг нафси қандай муомалани кўтаришига қараб олиб бориш керак. Айни шу нарсага охирги пайтларда амин бўлдим. Ва лекин шундай тоифалар ҳам борки, уларга на гўзал мужодала билан на қаттиқ тегиш билан таъсир этиб бўлмас экан. Ана шу каби инсонларга муомаланинг қайси турини танлаш кераклигин хали-хануз англай олмадим. Аммо қалбида ҳақ томонга мойиллиги бор одамга гўзал мужодала ила олиб борилган дават ижобий бўлади.  Бу борада Ҳақ Таоло марҳамат қилиб:
«(Эй Муҳаммад), Парвардигорингизнинг йўли - динига донолик-ҳикмат ва чиройли панд-насиҳат билан даъват қилинг» деган.(Наҳл сураси, 125-оят)
2. Агар шу нарса реал ҳаётда манда содир бўлиб қолса, онам билан хеч иккиланмай тил топишамиз! Аммо сиз айтган вазият юзага келса, Аллоҳдан айни пайтда менга учраган солиҳа ила жаннатда учраштирмоқни, онам топган қиз эса менга учраган солиҳаданда аълороқ чиқишини сўрардим. Чунки, Аллоҳ таоло «Ð˜ÑÑ€Ð¾» сурасида айтади: «Ð Ð¾Ð±Ð±Ð¸Ð½Ð³ фақат Унинг Ўзигагина ибодат қилишингни ва ота-онага яхшилик қилишни амр этди. Агар ҳузурингда уларнинг бирлари ёки ик-ковлари ҳам кексаликка етсалар, бас, уларга «ÑƒÑ„Ñ„» дема, уларга озор берма ва уларга яхши сўз айт! Икковларига меҳрибонлик ила хокисорлик қанотингни пастлат ва: «Ð Ð¾Ð±Ð±Ð¸Ð¼, алар мени кичикликда тарбия қилганларидек, уларга раҳм қилгин», деб айт» (23–24-оятлар).
Аллоҳнинг амри турганда онамга қайси юз билан "уфф" дейман?!

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Savolu-javob. ("Forumdoshdan forumdoshga savollar" arxivi)
« Javob #134 : 07 Dekabr 2009, 10:05:45 »
6. Savol: Hozirgi ummatda vasatiylik qay darajada ? va vasatiy bo'lishlik insonni mukammal bir darajada ushlay oladimi ?

Javob: Ҳозирги умматда таассуфки, васатийликка интилиш камайган. Бунинг асосий сабабларидан бири васатийлик нима эканини тушуниб етилмаганидир. Биз учун васатийлик - бу Ислом динидир. Чунки агар ислом динининг  таълимотларига худди айтилганидек амал қилсангиз сиз айни васатий, яъни мўътадил ҳаракат қилаётган бўласиз. Бу ҳақиқатни хеч ким инкор эта олмайди. Исломда буюрилган ҳар бир амал васатийликдан намунадир. Демак бир сўз билан айтганда мусулмонликни даво қилингани билан мусулмончиликка Ñ‚Ñžғри келмайдиган ишларни кўп қиламиз. Бу эса четда туриб олиб, мен ўртадаман деган билан баробар.
Васатий бўлиш инсонни мукаммал даражада ушлай олади. Чунки, васатийлик айни Ислом эканини ҳисобга олсак, ким айта олади-ки, Исломга амал қилган мукаммал бўла олмайди деб. Мукаммалликнинг барчаси Исломда-ку. Қолаверса, васатийликка биз мўминларни Аллоҳ ва Унинг Расули амр этмоқда. Аллоҳнинг амрини, Расулининг суннатини бажариб мукаммаллик даражасига етмасак, бошқа қай йўл билан ета оламиз!?
Васатийликка амрдан баъзи мисоллар:
Аллоҳ Таоло "Луқмон" сурасида:
"Юришингда мўътадил бўл ва овозингни пасайтир", деган. (19-оят).
Абу Ҳурайра :ra: дан ривоят қилинади:
Пайғамбар :sw:
"Албатта дин осондир. Кимки динда ашаддий бўлмоқчи бўлса, дин унга ғолиб келади. Бас, Ñ‚Ñžғри амалда бўлинглар, яқинлашиб юринглар. Яхшилик башоратини беринглар..., дедилар".


7. Savol: Sizningcha ilm bilan amal o'rtasida qanday o'xshashligu, qanday farq bor?

Javob: Илм билан амал ўртасида ўхшашликни қандай ифода этиш мумкин.  Тўғриси, мен у даражада катта ўхшашликларни топа олмадим. Ўхшаш тарафи, илмни касб қилаётганингизда ҳам, амални юзага чиқараётганингизда ҳам ақлий ва жисмоний ҳаракат қиласиз.  Фойдалик илм икки дунё саодати учун ажойиб воситалардан биридир. Худди шу каби фойдалик амал ҳам. Ва лекин бир нарсани унутмаслик керакки, Илм бўлган билан амал бўлмаса, амал бўлгани билан илмсизлик оқибати зоҳир бўлса, ҳар иккиси беҳуда. Демак, биз илм билан амалнинг ўхшашлик ёки фарқли томонларини эмас, кўпроқ боғликлик жиҳатларини диққат ила ўрганиб, онгимизга сингдирмоғимиз даркор. Бу икки сўзни деярли айириб ишлатиб бўлмайди. Чунки, "илм талаб қилишда нималарга амал қилиш керак", "фалон амални бажариш учун қандай илм бўлиши керак" деган гапларни жуда кўп эшитамиз ва қўллаймиз! Ана шу каби муносабатлар туфайли келинг биз бу икки ажойиб нарсанинг боғлиқлик жиҳатларига эътибор қаратайли. Аллоҳ Хақ Таоло барчамизни илмига амал қилувчи солих ва солиҳа бандаларидан қилсин. Ҳар икки дунё саодатига омил бўладиган манфаатлик илм ва манфаатлик амалларга соҳиб бўлишимизга муяссар айласин.


8. Savol: Siz Ramazon tarovihlarida muxlislik qilib, qiroatidan ilk marta zavq olgan qori kim edi?

Javob: Таровеҳларда мухлислик қилиб, қироатларидан завқ олган қори Собитхон қори деган киши бўладилар. Аллоҳ у кишига раҳм қилсин. Раҳмоннинг гўзал каломини тартил ва таъсирли қироат қилиб, қалбимизда Аршнинг эгасига бўлган муҳаббатимизни янада ошишига ҳам хиссаларини қўшганлар.
Хеч қайси сас йўқ-ки, Аллоҳнинг каломини тиловат қилингандагидек завқли бўлган. Эшитган қулоққа раҳмат, қироат қилганга шарофат олиб келадиган сўздан бизни баҳраманд айлаб, қалбларимизни титратиб келаётган муҳтарам қориларимизга Зул Жалали вал Икромнинг ўзи муносиб ажр ато этсин!


9. Savol: Har gal sahobalar hayotini o’qiganimda, huddi shunday filmni ko’rayotgandek tasavvurga ega bo’laman.
Savol:  Siz rejissyor bo’lganingizda qaysi sahobaning hayotini kinofilm qilib ishlagan bo’lardingiz?

Javob: Aслида биз эркаклар шундоқ ҳам ҳаётимизни режиссёрлик билан ўтказамиз. Боиси, Ҳақ Таоло ва У буюк зотнинг Расули :sw: томонларидан оила бошқарувини муносиб таъминлашимиз кераклиги уқтирилган. Гар биз комил мўмин бўлишни истасак, ўз-ўзидан одобда, аҳлоқда, адолатда, фазилатда, меҳрда, мурувватта ва қўйингчи барча инсоний аҳлоқларнинг мукаммали ила сифатланган Пайғамбар алайҳиссаломнинг ва у зотга елкадош, ҳамроҳ ва ҳамнафас бўлган саҳобий :ra: ларнинг ҳаётларини кинодан ҳам ÑŽқори савияда аҳли оиламизга кўргазмали дарс қилиб кўрсатиб беришимиз шарт. Ва уйлайманки, бутун ҳаётимни Расулуллоҳ :sw:нинг хулқлари ила хулқланишга интилиб яшашимнинг ўзи менинг кўп сериялик киноимга асос бўлади. Бу кинода албатта, хаётлари ибратга лойиқ бўлган саҳобалар ҳам бош қаҳрамонлар вазифасини ўтаб боришади.


10. Savol: Ba'zi muslimlarni yoki muslimalarni ayblari tufayli barcha muslim va muslimalarni qoralashni siz qanday baholaysiz?

Javob: Энг аввало савол жуда долзарблигини ва бунга жавобни қисқа сатрларда ифодалаб бўлмаслигини айтиб ўтсам. Айни менга шу саволни берганлари учун Мунира опага ташаккурларимни айтаман.
Баъзи муслимларни ва муслималарни айблари туфайлик, бошқаларни омматан қоралаш нотўғри иш.
Аммо шу жойда озгина мулоҳазабоп жойлар бор. Ўша муслим ва ёки муслима содир этган айбнинг аҳамияти ҳамда моҳияти, унинг келиб чиқиш сабабларини чуқур ўрганиш керак. Гар, айб содир этувчининг табиати асли насийҳат ва пандларни қабул қилмайдиган, аввал ҳам огоҳлантирилишага қарамай яна иш кўрсатган бўлса, бунинг учун қолганларни маломат қилиш яхши эмас. Ва лекин, ўзимизга яқин биродаримизнинг содир этган айби учун биз ҳам айбдор эканлигимизни биров уқтирмасада тан олишимиз керак. Боиси, Ислом дийнининг ўзаги насийҳатдир.
Аллоҳнинг Расули :sw: Тамийм ад-Дорий :ra: дан қилинган ривоятда :
" Дин насиҳатдир" деганлар.
Ана шу мўътабар ҳадисга биноан, биз ён-атрофимиздагиларга насийҳат қилиб ва энг асосийси бизга қилинган насиҳатларни ҳам Ñ‚Ñžғри қабул қилиб бормоғимиз лозим.
Саволдан келадиган маънодан четлашмасак, аввало шунга ахамият қаратиш керакки, ҳар қандай холатда ҳам бировга ва мусулмон оммасига айб тақашдан жуда ҳам эхтиёт ҳамда хушёр бўлишимиз лозим. Токи, тилимиздан келадиган офат охир бориб, кўнгилхираликка олиб келмасин.
Кўп айтамиз-ки, мусулмон биродаримиз қўполлик қилса, унга чиройли тушунтириш керак деб. Бу жуда Ñ‚Ñžғри. Аммо ундан аввал эса, ўша қўполлик ила муомала қиладиган биродарни шу жараёнга етиб боришига йўл қўйиб қўймаслигимиз керак. Зотан, ана шу холат мусулмонларнинг айримлари қилган айби учун омматан айбланишига сабаб бўлмоқда. 
Хуллас, биродарлар бир-бирларимизга асоссиз якка тартибда ҳам, бир киши қилгани учун бошқаларни ҳам айблашга ошиқмайлик.

 

"Siz sevgan..." mavzusi savollari arxivi

Muallif LayloBo'lim Forumdoshlar hayoti

Javoblar: 12
Ko'rilgan: 8879
So'nggi javob 12 Noyabr 2007, 07:30:49
muallifi Laylo
,,Islomiy viktorina" savollar.

Muallif Muslim IslomiddiynBo'lim Intellekt

Javoblar: 5
Ko'rilgan: 5381
So'nggi javob 23 Sentyabr 2013, 08:26:03
muallifi Muslim Islomiddiyn
KOREYA: FUTBOL BO'YICHA "TINCHLIK KUBOGI"

Muallif muxbirBo'lim Futbol

Javoblar: 2
Ko'rilgan: 6638
So'nggi javob 31 Yanvar 2007, 12:20:27
muallifi Shoxjahon12
Toshkent haqida "Wikipedia Encyclopedia"da

Muallif AbdusalomBo'lim Toshkent shahri

Javoblar: 6
Ko'rilgan: 13631
So'nggi javob 20 Iyun 2006, 01:51:11
muallifi Abdusalom
Toshkent haqida "Encarta Encyclopedia"da

Muallif AbdusalomBo'lim Toshkent shahri

Javoblar: 0
Ko'rilgan: 7321
So'nggi javob 20 Iyun 2006, 01:52:39
muallifi Abdusalom