Қачон расмий гаплар аслиятга тўғри келсагина, халқда ўзига ва бошқаларга ишонч пайдо бўлади. Қоғоз ва ҳаёт бир-бирига тўғри келмаган жойда эса лоқайдлик пайдо бўлади...
(с) Усмон
Бугунги мавзу ишончсизлик ва умидсизликка бағишланади.
Кичкина болани тасаввур қилинг. 7 ёш... унга карра жадвални ўргатяпсиз... охири 9х ни ёд олиш сал қийинроқ кечяпти. Сиз, нима қиласиз? Уни қизиқтиришга ҳаракат қиласиз..масалан, "бугун келгунимча 9х ни ёдлаб қўйсанг, сенга битта шоколад олиб келаман" бола хурсанд... ишдан келган заҳотингиз югуриб чиқиб, 9х ни шариллатиб ёдлаб беради ва ...шундагина сиз йўлдан шоколад олишни унутганингизни биласиз.. "Ҳа, майли, Эртага обераман" деб вазиятдан чиқиб кетасиз...
Бу кичкина эпизодик вазият.. бола бундан ҳеч қандай хулосага келмайди... "эртага бўлса, эртага-да.." Энди, шу вазият ҳар куни ёки кунора такрорланаётганини тасаввур қилинг-чи... сизнинг бераётган ваъдангизга ҳам, бошқа сўзларингизга ҳам бола ишонмай қўяди... бундан ҳам ёмонроғи - энди бола нафақат сизнинг, балки ҳамма "катталар"нинг гапига ишонмай қўяди, ҳамманинг гапига шубҳа билан қараш, ишончсизлик, умидсизлик...лоқайдлик...
Бугунги мавзу умуман бола тарбиясига бағишланган эмасди...
Яна ўша иқтисод яйловларига...
Масалан, ахборот кўрсатуви сўнгида баъзан "МБ бугундан хорижий валюта курсларининг сўмга нисбатан янги қийматини белгилади, унга кўра доллар фалон, евро пистон..." деган сўзлар қулоғимизга чалиниб қолади... биз бу маълумотга эътибор ҳам бермаймиз ёки уни эшитиб қолсак ҳам ичимизда "Ҳеҳ, барибир бу курсда олиб бўпсан", деган хаёл ўтади...
Ростдан ҳам ҳеч ким бу курсда сотиб ололмайди хорижий валютани.
Гап шундаки, бугунги кунда миллий ишлаб чиқарувчиларимиз энди оёққа туряпти, ишлаб чиқариш энди ривожланиб боряпти.. Шундай экан, улар ҳали ички талабни қондириб, бозорни тўйинтириб ташлашга қодир эмас.. Демак, импорт учун бизга катта миқдорда хорижий валюта керак. Бундай катта миқдордаги валютага бўлган талабни эса қондириш жуда мушкул. Табиийки, банклар бугун МБ ўрнатган курсда доллар бера олмайди. Бунинг устига, бор валюта ҳам қора бозорга чиқарилади...
Агар масалага сал чуқурлашадиган бўлсак, ҳар бир exchangeнинг олдидаги "кеннайи"лар ва улар ёнида юрадиган шоввозлар оддий пиёда экани, долларнинг exchangeдан эмас, қора бозордан жой олишига сабабчи - аввалги мавзуларда қайд этилган "фидойи банкир"лар эканини тушуниш қийин эмас.
Мавзуга бошқа чуқурлашишга ҳожат йўқ.
Бунга қўшимча жуда кўп мисолларни расмий статистикамиздан ҳам топиш мумкин.... масалан, нега инфляция 6-7% бўларкан-у, индексация 20-30%. Нега ишсизликни ҳисоблашда ҳали ҳам эски услуб - меҳнат биржасида рўйхатдан ўтганлар сонига таянилади... нима учун? Бу каби усуллар орқали олинган маълумот, табиийки ишонарли бўлмайди... Статистика кимгадир ёқиш, мақтаниш учун олиб борилмайди-ку, у бизга тўғри маълумотга эга бўлиш ва хатоларни тўғрилаш учун хизмат қилиши керак... демак Статистика қўмитамизга ҳам эътирозлар бор...
Айтмоқчи бўлганим, бугун реал ҳолат қоғоздагига, расмий сўзларга тўғри келмаяпти...
Тўғри, ютуқлар кўп, масалан, Тошкентга анча пайт келмаган одам, бугун келиб, оғзи очилиб қолиши турган гап... юзлаб янги бинолар, кўча тўла Шевролелар... турмуш даражаси...
Лекин бу дегани камчиликлар йўқ деганимас-ку... Майли қанчалар хунук бўлсаям шу камчилик томонлар устида баҳслашиш вақти келмадими? Балки шунда муаммолар ўз ечимини топар? Шунда лоқайдлик, умидсизлик кайфияти йўқолар....