Juma kuni sodir bo'lgan mana shu voqeani albatta forumga yozaman deb ahd qilib qo'ygan emdim, mana fursat yetti...
Soat 1dan o'tgan edi...Tushlik qilib bo'lgach dugonam bilan rossa muzqaymoq yegimiz keldi. Oshxonadan chiqqach har doim muzqaymoq olib yeydigan joyimizga qarab yurdik, bitta yoshgina bolacha o'tiibdi, biz odatdegidek:
-Ikkita 600 so'mligidan.
-Muzqaymoq sotolmayman xozir!
-Iye, nimaga?
-Opalar 15minut kutiylar, darrov solib beraman, -dedi bolacha. Biz hayron turibmiz. Shunda o'zi aniqlik kiritdi:
-Dadam tayinlab kettila, soat 1:30 namoz tugiydi, shu vaqtgacha hech narsa somagin deb, puli biz uchun harom bo'lar ekan.
Subhanalloh! Muzqaymoq yeya olmagan bo'lsakda qalbim quvonchga to'lib, huddi tonna-tonna muzqaymoq yeganday maza qilib qaytib borar ekanman, yo'ldagi, oziq ovqat sotiladigan magazinlardagi "YOPIQ" degan yozuvga ko'zim tushib yanayam sevinib kettim. Mana shunday odamlar ichida yashayotganim uchun Rabbil Alamiynga shukronalar aytib, peshin namoziga shoshildik...