Muallif Mavzu: ЗАМОН ТАНЛАМАС СОҲА  ( 2110 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

Hadija

  • La Ilaha illa-Allah
  • muslima
  • Super Member
  • *****
  • Rahmat
  • -aytdi: 1322
  • -oldi: 1947
  • Xabarlar: 2301
  • Jins: Ayol
  • La Ilaha illa-Allah
:as:

 :bs1:

ЗАМОН ТАНЛАМАС СОҲА

Дунёда жуда кўп соҳа бор. Уларни бир-бир санайдиган бўлсак, ҳаддан ташқари кўп вақÑ‚ кетади. Айтиш мумкинки, кимгадир шу иш юклатиладиган бўлса, у ҳам янги соҳа вакилига айланиб қолади. Соҳаларни ҳисобловчи соҳа! Чиройли ном-а!

Йўқ, мен ҳазиллашмаяпман, чиндан-да соҳалар борган сари кўпайиб бормоқда.

Ҳар бир соҳа вакили ўз ишини кузатаётган пайтда истасин-истамасин бошқа инсонлар сингари оддий томошабин бўлиб тура олмайди. Оддий мисол келтирадиган бўлсак, режиссёрлик соҳаси. Баъзи режиссёр дўстларимиз билан футбол кўрганимизда, мен уларнинг футбол ўйинини кузатишларини кузатардим. Чунки улар бошқаларга ўхшаб хавфли вазият вужудга келса ҳайқириб юборишмайди, балки ҳамма хотиржам ўтирганда, тўп майдон марказида кетаётганда "аҳ" деб қўйишади. Ҳамма телевизорга нигоҳ қадайди: "Ҳа, нима бўлди, гол бўлдими?" Режиссёр дўстимиз эса: "Йўқ, нотўғри план кетиб қолди", деб жавоб беради. Бу сўзни озгина тушунтирадиган бўлсам, стадионга 8 тадан зиёд камера ўрнатилади. Уларнинг ҳаммаси бир пайтда ўйинни суратга тушириб туради, аммо трансляция режиссёри энг керакли вазиятни ифода этаётган кадрни тақдим этади. Яъни, ўша камералардан битта яхлит кўрсатув тайёрлайди. Буни биз билганимиз учун индамай қўямиз, аммо ўша пайтда режиссёр дўстимга ич-ичимдан ачина бошлайман:" Одамга ўхшаб кўролмайди-я футболни!"

Турли фильмларни томоша қилаётганимизда ҳам шу манзара. Ҳамма кино ичидаги воқеаларга шўнғиб кетса, режиссёр дўстимиз: "у кадр нотўғри, бу ерда бошқача олиш керак эди, актёрнинг ижроси ишончсиз чиқибди" ва шунга ўхшаш ичэзишлар билан томоша қилади. Аммо бирон одам уни айбламайди. Чунки дўстимиз футболни ҳам, кинони ҳам бошқача, яъни мухлис бўлиб томоша қила олмайди.

Яна шунга ўхшаш ҳолат. Мен бундан икки йил муқаддам мамлакатимизнинг машҳур мураббийларидан бири билан футбол томоша қилганман. Ўзим у пайтлари телевидениеда шарҳловчи бўлиб ишлаганим боис, озгина бўлса ҳам савияларимиз тенглашиб қолган деб ўйлаган эканман. Бечора мураббий бирон дақиқа бўлсин ўйин кўрмади. Фақат: "фалончи ўнгга ўтиши керак, ҳимояда тўртта болани қолдир, чап қанот оқсаяпти, марказга фалончини дарҳол тушириш керак" деявериб чарчади. Охири ундан сўрадим: "Сиз футболни ҳар доим шунақа томоша қиласизми?" Унинг жавоби оддий бўлди: "Биз мураббийлар футболни томоша қила олмаймиз, биз учун майдондаги ҳар бир футболчи шахмат доналари каби кўринади. Уларни керак жойга тезлик билан қўймаса, ўйин бой берилишини кўриб турамиз. Сизлар у, керак-нокерак жойларда "унақа қилиш керак эди, бунақа қилиш керак эди" деб қоладиган. Мураббий агар футболни мухлисга ўхшаб мазза қилиб томоша қилишни бошласа, билингки, у ўша куни соҳасини ташлабди!"

Хуллас, икки инсон сиймосида футболга бўлган муносабатни кўриб чиқдик. Муштарак бўладиган жойи шуки, режиссёр ўз соҳасидаги камчиликларни кўради, гарчи бу пайтда ҳамма кино ёки футболни роҳатланиб томоша қилаётган бўлса ҳам. Мураббий майдонни кузатади, унинг кўзларига ҳамма нарса шахмат доналари бўлиб кўринади. Демак, бирон бир соҳа вакили бўлиш кузатув жараёнида халққа таниш бўлмаган ғалати ҳолатларни олиб келиши мумкин экан.

Нима учун айнан мана шу соҳа вакилларидан мисол келтираётганимизни пайқамаган бўлсангиз керак. Дунёда яна бир соҳа борки, уни шу пайтга қадар бирон бир киши соҳа деб атамаган. Бироқ, у асрларни елкасида кўтариб, инсоният билан ҳамоҳанг яшаб келмоқда. Бу ДИЛОЗОРЛИК соҳаси! Ҳа, ҳайрон бўлманг, шунақа соҳа бор. Мазкур соҳа вакиллари режиссёр дўстимга ва мен билан футбол томоша қилган мураббийга жуда-жуда ўхшаб кетишади. Фақат уларнинг вазифаси кино Ñ‘ футболдаги камчиликларни илғаш эмас. Улар шу кеча-кундузда яшаётган одамлар орасида юриб, уларнинг хатти-ҳаракатларини кузатиб, айбларини топиш билан кун кечиришади. Ва айбу камчиликларини юзларига солишади. Дилозорлик қилишади. Уларнинг дилозорликлари шу қадар ажибки, режиссёр дўстим ҳеч қандай ҳужум бўлмаганда "аҳ" деб, ҳаммани ўзига қаратгани сингари, улар ҳамма хотиржам яшаётган бир алфозда дод солишга одаланишган. Оила ишлари энди-энди изига тушди, деганда, ҳамма Ñ‘қни остин-устун қилиб юборишади. Мураббий акамиз футболчиларни шахмат доналари каби кузатгани сингари, улар ҳам одамларни қуруқ бир Ñ‘ғоч деб биладилар. Истаган пайтда ДИЛЛАРга тош отиб қолишади. Буни улар бемалол амалга оширишади. Ҳатто пинаклари ҳам бузилмайди бу ишни қилишаётганда, тавба! Чунки улар ДИЛОЗОРЛИК соҳасининг ота-боболаридан мерос бўлиб келаётган катта силсиланинг навбатдаги вакиллари ҳисобланишади. Азизлар, ғирт бекорчи қолиб кетсак, шу соҳа вакили бўлиб қолишдан Яратганнинг Ўзи асрасин! Сўнгги саҳифамизда «Ð”илозорлик соҳасининг рангли кўринишларидан баҳра олишингиз мумкин, марҳамат!

Хайрулло ҲАМИДОВ.

Шу мақола жуда Ñ‘қди, ҳозирги кунда бунданда бошқа бунданда кучлироқ касблар ҳам ривожланмоқда, булардан бири "Ғийбат". Мана шу касб соҳаларининг бири билан умримизни зоя кетказадиганлар қаторидан бўлмоқликни Аллоғнинг ўзи асрасин.
Hayo va sabr qilishdek iymon bo'lmas. Ali ibn Abu Tolib