1. Ko‘rdikim ushbu yaruqnung arasinda bir qiz bar erdi
2. Yalg‘iz o‘lturur erdi, yaqshi ko‘ruklug bir qiz erdi
3. Aning bashinda atashlug‘ yaruqlug‘
4. Bir mengi bar erdi, altun qaziqteg erdi
5. O’shul qiz andag‘ ko‘ruklug‘ erdikim
6. Kulsa Ko‘k Tangri kula turur
7. Yig‘lasa Ko‘k Tangri yig‘layu turur
8. O’g‘uz qag‘an ani ko‘rdukta
9. O’zi qalmadi: qatti sevdi, aldi

1. Anung birla yatti, tilagusin aldi, to‘l bo‘g‘az bo‘ldi
2. Kunlardan so‘ng, kechalardan so‘ng yarudi
3. Uch erkak o‘g‘ulni tug‘urdi
4. Birinchisika Kun ot qo‘ydilar
5. Ikkichisiga Ay at qo‘ydilar
6. Uchunchusiga Yulduz at qo‘ydilar
7. Kena bir kun O’g‘uz qag‘an avg‘a ketti
8. Bir ko‘l arasinda alindan bir yig‘ach ko‘rdi
9. Bu yig‘achnung qabuchag‘inda bir qiz bar erdi

1. Yalg‘uz o‘lturur erdi, yaqshi
2. Ko‘rukluk qiz erdi
3. Anung ko‘zi ko‘ktun ko‘krak erdi
4. Anung sachi muran usug‘idak
5. Anung tishi o‘njudak erdi
6. Andag‘ ko‘rukluk erdikim, yerning el-kuni ani ko‘rsa
7. Ay-ay, ah,ah, o‘larbiz tep
8. Sutdin qumuz bula tururlar
9. O’g‘uz qag‘an ani ko‘rdukta o‘zi ketti, yurakiga atash tushti

1. Ani sevdi, aldi, anung birla yatti
2. Tilagusun aldi, to‘l bo‘g‘az bo‘ldi
3. Kunlardan so‘ng, kechalardan so‘ng yarudi
4. Uch erkak o‘g‘ulni to‘g‘urdi
5. Birinchisiga Ko‘k at qo‘ydilar
6. Ikkinchisiga Tag‘ at qo‘ydilar
7. Uchunchusiga Tengiz at qo‘ydilar
8. Andin so‘ng O’g‘uz qag‘an beduk to‘y berdi
9. El-kunga yarliq yarlap kengashtilar

1. Keldilar. Qiriq shira, qiriq bendang‘ chapturdi
2. Turlug ashlar, turlug surmalar
3. Chubuyanlar, qimizlar ashadilar, ichtilar
4. To‘ydan so‘ng O’g‘uz qag‘an
5. Beglarga, el-kunlarka yarliq berdi
6. Toki dedikim: Men senlarga bo‘ldum qag‘an
7. Alaling‘ ya taqi qalqan
8. Tamg‘a bizga bo‘lsun buyan
9. Ko‘k bo‘ri bo‘lsung‘il uran Temur yidalar bo‘l o‘rman

1. Av yerda yurusun kulan
2. Taqi talun taqi muran Kun tug‘ bo‘lg‘il ko‘k qo‘rig‘an
3. Tep tedi. Kena andan so‘ng
4. O’g‘uz qag‘an to‘rt sariqa yarliq yumshadi
5. Bildurguluk bitidi, elchilarika berip yubardi
6. Ushbu bildurgulukta bitilmish erdikim:
7. Men uyg‘urning qag‘ani bo‘lamankim
8. Yerning to‘rt bulununing qag‘ani bo‘lsam kerak turur
9. Senlardin bash chalung‘uluq tilap men turur

1. O’shul kim mening ag‘izumqa baqar turur bo‘lsa
2. Taratg‘u tartip do‘st tutarman
3. Tep dedi
4. O’shbu kim ag‘izumqa baqmas turur bo‘lsa
5. Chamat chaqip, cherig chekip dushman tutarman
6. Tag‘uraq basip, asturup yo‘q bo‘lsung‘il
7. Tep dedi
8. Kena o‘ng‘ chang‘aqta
9. Altun qag‘an tegan bir qag‘an bar erdi

1. Ushbu Altun qag‘an O’g‘uz qag‘anga elchi yumshap yubardi
2. Ko‘p telim altun-kumush tartip
3. Ko‘p telim qiz yaqut tash alip
4. Ko‘p telim erdanalar yubarip, yumshap
5. O’g‘uz qag‘anqa suyurqab berdi, ag‘iziqa baqindi
6. O’g‘uz qag‘an yaqshi begu birla do‘stluq qildi
7. Anung birla amirak bo‘ldi
8. Cho‘ng yang‘aqida Urum tegan qag‘an bar erdi
9. Ushbu qag‘annung cherigi ko‘p-ko‘p

1. Baliqlari ko‘p-ko‘p erdilar erdi
2. O’shul Urum qag‘an O’g‘uz qag‘annung yarliqin saqlamas erdi
3. Qatag‘lag‘u barmas erdi
4. Muni so‘z so‘zni tutmas man tururman, dep yarliqqa baqmadi
5. O’g‘uz qag‘an chamat atup ang‘a atlag‘u tiladi
6. Cherig birla atlap tug‘larni tutup ketti
7. Qiriq kundun so‘ng
8. Muz tag‘ tegan tag‘nung adoqig‘a keldi
9. Qo‘rig‘anni tushkurdi

1. Shuk bo‘lup uyup turdi
2. Chang erta bo‘lduqta
3. O’g‘uz qag‘annung ko‘rig‘aniqa kun teg bir yaruq kirdi
4. Ul yaruqtun ko‘k tuluklut
5. Ko‘k yalluq beduk bir erkak bo‘ri chiqti
6. O’shul bo‘ri O’g‘uz qag‘ang‘a
7. So‘z berip turur erdi
8. Taqi dedikim: ay, ay O’g‘uz
9. Urum ustika sen atlar bo‘lasan