Muallif Mavzu: Baxt nima? Baxtlimisiz?  ( 53896 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

AbdulAziz

  • Forum Administratori
  • Mega Member
  • *******
  • Rahmat
  • -aytdi: 6942
  • -oldi: 12023
  • Xabarlar: 20359
  • Jins: Erkak
  • Sevelim, sevilelim. Yunus Emre
    • Ziyo Uz
Baxt nima? Baxtlimisiz?
« : 14 Iyun 2006, 21:15:13 »
Inson hamisha go’zallikka, baxtga intiladi, baxtiyor damlarni kutib yashaydi. O’ziga to’kis baxtni sog’inmagan odam zoti topilmasa kerak. Baxt esa, misoli bir qush: qattiqroq ushlasang ham, bir oz bo’sh qo’ysang ham undan ayrilib qolishing mumkin. Shu tufayli uni har kim o’zicha tushunadi, o’zicha tasavvur etadi, o’zicha anglaydi...
Dunyodagi buyuk kashfiyotlar, o’lmas san’at asarlarining yaratilishiga ham aslida insoniyatning baxt haqidagi orzu-armonlari sababchi bo’lgan bo’lsa, ehtimol.
“Til va dunyo” gazetasidan.

Forumimizning aziz ishtirokchilari!
Baxt haqida o'z tushunchalarimiz, donolarning mulohazalari, hikoyatlarni ifoda etarkanmiz, Sizlarga ham ikkita savol bilan murojaat etamiz:
1.Baxt nima? Baxt deganda Siz nimani tushunasiz?
2. O'zingizni baxtli hisoblaysizmi? Nima uchun?


Mavzu arxivi
Ilm o'rganish - Allohdan qo'rqish, uni talab qilish - ibodat, izlash - jihod, bilmaganga o'rgatish - sadaqa, uni o'z ahliga o'rgatish - Allohga qurbatdir. Ilm - tanholikda hamroh, hilvatda - do'st, to'g'ri yo'l ko'rsatuvchi - dalil, begonlar oldida - eng sodiq do'st, Jannat yo'lining minorasidir.
Hazrati Umar ibn Hattob r.a.

Munira xonim

  • Mega Member
  • *******
  • Rahmat
  • -aytdi: 430
  • -oldi: 1300
  • Xabarlar: 4853
  • Jins: Ayol
  • Arsh arkida sulton O'zi...Beaybu benuqson O'zi...
Re: Baxt nima? Baxtlimisiz?
« Javob #1 : 15 Iyun 2006, 12:57:04 »
Assalamu alaykum. Baht - bu musulomligimiz,Rahmatallila'lamiynga ummatligimiz.Menimcha eng oliy Baht shudir.Yana Mening Bahtim oilamni tinchligi, farzandlarimni va turmush o'rtog'imni so'g salomat yonimda bo'lishlari. Mening Bahtim onamni bag'riga boshimni qo'yib bir lahza nasihatlarini tinglashim. Allohga shukr bahtliman. Alloh menga qanday hayotni ravo ko'rsa shunga roziman va shukr qilaman.
U balki mendirman, balki sizdirsiz,
Balki biz tanimas g'arib bir olam.
Nima bo'lganda ham suyganim yolg'iz -
Joynamoz ustida o'tirgan odam!

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #2 : 22 Iyun 2006, 03:59:55 »
Baxt haqida bitta tasavvur:
Nuragan uy, loysuvoq so’ri.
Onajonim non yopgan tandir,
O’choqdagi olovning qo’ri.

Yuzim chaygan zilol ariqcha,
Dadam zardoliga osgan argimchoq.
Belanchakda uxlagan ukam,
Buvim ertagiga solganim quloq.

Kechki taom — hamma jamul-jam
Bir lagandan oshashar palov.
Keyinbuvim urchuq yigirar,
Loypechkada gurillar olov...

Baxt haqida so’nggi tasavvur:
Biz qadriga yetmagan damlar...

Dilband Abrayeva,
Xalqaro jurnalistika fakulteti talabasi

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #3 : 22 Iyun 2006, 04:00:05 »
Baxtli bo’lishni istaysanmi? Unday bo’lsa, avval mashaqqat chekishni o’rgan.
TURGENEV

Yashash majburiy emas, biroq baxtli yashash shart.
J.RENAR

Baxtsiz onlarda eng yaxshi tayanch aql emas, balki jasoratdir.
L.VOVENARG

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #4 : 22 Iyun 2006, 04:00:19 »
MUSULMON SEVGISI

Payg’ambarimiz Muhammad alayhissalomning qilgan g’azotlaridan biri tugagach, bir musulmon xotin tushib qolgan yaradorlarni izlab topmoqchi bo’ldi: o’liklar orasiga kirdi. U yon-bu yonni izlar chog’da “Oh… suv!..” degan bir tovush eshitdi. Bir yarador musulmonning suvdonini ko’rdi. Ozroq suv topib shu yaradorning oldiga keldi. Boshini astagina ko’tarib, suvni ichtirmoqchi bo’ldi. Yarador musulmon dudog’ini suvga yetkuzar chog’da boshqa yoqdan “Oh… suv!..” degan o’zga bir tovush keldi. Yarador suv keltirgan xotinga dediki:
- Bu suvni mendan burun shu tovush egasiga eltib ber. Bir yo’ldoshim yaralanib suvsab yotar ekan, men icholmayman.
Xotin suvni ikkinchi yaradorga olib bordi. U ham suvni ichayin deb turgan chog’ida “Oh… suv!..” degan yana bir tovush eshitdi, xotinga dediki:
- Shu yo’ldoshim suvsiz ekan, men icholmayman, ber suvingni shunga.
Xotin suvni uchinchi yaradorga yetkazdi. U suvni ichayotganda birinchi yaradorning “Oh… o’oldim… suvsizlikdan” degan tovushi keldi. Bu ham xotinga:
- Suvingni mendan burun shu tovush egasiga ber! – dedi va o’zi ichmadi.
Xotin yana qaytib birinchi yaradorning oldiga kelsa, bechoraning o’lib yotganini ko’rdi. Ikkinchi yaradorning oldiga bordi, u ham o’lib yotgan ekan. Uchinchi yarador ham suvsizlikdan o’lib qolmasin deya yugurib ketdi:
- Ey, voh!.. Bu ham o’lib qolibdi! – deb suvni to’kdi.
Musulmonlarning o’lim chog’ida ham bir-birlarini qanchalik sevishlarini o’ylab ko’z yosh qildi.

Abdurauf Fitrat
“O’qi” kitobi, Boku, 1917-yil

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #5 : 22 Iyun 2006, 04:00:48 »
Maknuna:

1. Baxt bu - mening bu dunyoga kelganim. Baxt bu -ota-onamning borligi. Baxt bu - Musulmon bo'lganim. Baxt bu - yaxshi odamlar diydori.
2. Albatta baxtliman!

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #6 : 22 Iyun 2006, 04:01:00 »
Odamlar baxt deganda ko’proq nimani tushunishadi?
Har kim o’zining ongi, tafakkuri rivojiga qarab baxtni har narsada ko’radi. Ayollar asosan oilasining tinch-xotirjamdigi, erining unga mehr-muhabbatli bo’lib, farzandlari barkamol bo’lishini, qizlar esa har tomonlama o’ziga mos kishini uchratishni baxt deb hisoblaydi. Ba’zi erkaklar uchun oilasining moddiy ta’minlanganligi, ayolining shirinso’zligi bo’lsa, ayrimlari uchun ko’chadagi ayol bilan munosabat o’rnatish baxt. Yigitlar kelajagini oila bilan bog’laydi. Ular chiroyli ayolni chiroyli oila deb biladi. Baxtni boylik bilan o’lchab bo’ladimi?
Boylik baxt ko’rsatkichi emas. Masalan, bir buyuk rus olimi o’zining baxtini raketalar yaratishda ko’rgan. U oshxonalardagi qoldiq ovqatlarni yeb kun ko’rgan. Lekin bunday sharoitda ham o’zini baxtli hisoblagan.
O’ziga to’q bo’lish baxtni his qilish uchun ozgina omil bo’lishi mumkin. Odam ehtiyojlarining hech bo’lmaganda o’rtamiyona darajada qondirilishi ham baxtli bo’lish uchun zamin yaratadi.
Ba’zan hamma narsasi yetarli odamlar ham o’zini baxtsiz his qiladi. Kishilar o’zlarini baxtli his etishlari uchun nima qilishlari kerak?
Bu dunyoga inson bo’lib kelishning o’zi baxt, undan inson bo’lib ketish undan ham katta baxt. Afsuski, baxtning qadriga har doim ham yetavermaymiz. Erta bilan turib quyosh nurini ko’rishning o’zi katta baxt. Gap uni his qilib, dunyo ne’matlaridan lazzatlana olishda.
Baxtning davomiyligi qancha?
Bir umrlik deb qarash noto’g’ri. Faqat kasbdan topilgan baxt bir umrlik bo’lishi mumkin.

Naima Holmuhammedova,
"Mehrjon " ayollar uyushmasi rahbari, psixolog.

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #7 : 22 Iyun 2006, 04:01:14 »
Mohinur:

1. Baxt deganda men oila hotirjamligini, qarindosh-urug'lar, do'stlarning shodon chehrasini, ota-onaning farzand kamolini ko'rib, yuzidagi mamnunligini tasavvur qilaman. Dunyodagi eng baxtiyor insnlar esa bolalardir. Ularning bu dunyodan g'amlari yo'q.

2. Baxtlimisiz? Ha, baxtliman, Allohim meni yartaganidan, 4 mucham sog'ligidan, ota-onam, do'stu yorlarim borligidan baxtliman.

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #8 : 22 Iyun 2006, 04:01:24 »
1. Avvallari baxt deganda yetib bo’lmaydigan bir manzilni tushunardim. Hozir esa hayotda orzu qilib, yetishgan barcha manzillarimni baxt deb bilaman.
Bolaligimda bir ertak o’qigandim. Bir bolakay har kuni erta tongda tom tepasiga chiqib, uzoq-uzoqlarga qaraydi. O’shanda juda uzoq tog’ tepasida nimadir oppoq bo’lib yaraqlab turganini ko’radi. Bola har kuni shu narsani ko’rish uchun turadi. Uning nimaligini bilishni, unga yetishishni orzu qiladi. Shu tuyg’u bolaga tinchlik bermaydi. Bolaning nazarida unga yetishish baxt edi.
U ulg’ayadi va bir kuni uzoq yo’lga otlanadi. Ming bir mashaqqat bilan bola manzilga yetib boradi. Qarasa, bir kulba. Uning tomi quyosh nurlarida yaltirab ko’rinayapti. Bolaga necha yillar tinchlik bermagan o’sha narsa shu edi. Ammo u xafa bo’lmaydi. Chunki shuncha bosib o’tgan yo’li, yaqinlari sog’inchi, kechgan yillari -barchasi bir butunlikda uning baxti ekanligini tushunib yetadi.
Xulosa qildimki, mening har bir bosib o’tgan yo’lim, yetgan manzilim — baxtim bo’laklaridir. Mana shu bo’laklar yig’indisini men baxt deb bilaman.

2. Mening baxtim, avvalo, baxt uchun intilayotganimda. Topayotgan so’zim, o’g’lim ham baxtim. Shukrki, barchamizda Olloh in’om etgan, sevgiga, sog’inchga tashna KO’NGIL bor. Shuning o’zi baxtliman, deb aytishga asos bo’lsa kerak.

Zebo MIRZAYEVA

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #9 : 22 Iyun 2006, 04:01:32 »
Baxtiyor damlaringda me’yorni bil, kulfatda esa ishonchingni yo’qotma.
Boshqird maqoli

Baxtda qanoatli, baxtsizlikda oqil bo’l.
PERIANDR

Har qanday baxtsizlikni sabr-toqat bilan yengish lozim.
VERGILIY

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #10 : 22 Iyun 2006, 04:01:51 »
Farzonochka:

Assalomu alaykum.
Bilasmi bu savolga qanqa javob beraman.
Man hozir juda baxtliman, hayotga kelganimni ozi kotta baxt!.
Yaqinlarim yonimda bu yana bir baxt! Xullas, juda ham baxtliman/
Inson har qanday kichik omadsizliklani ham baxtsizlikka yoymaslik kere.
Mobodo mada agar shunaqa omadsizlikla bolsa, "bundan ham battar bolishi mumkin ediku" degan fikrni oylab taskin topaman.

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #11 : 22 Iyun 2006, 04:02:06 »
Behzodbek:

Assalomu alaykum,
Baxt bu nisbiy tushuncha. Uni hamma har xil tushunadi. Kim uchun asl baxt bo'lgan bir hayot tarzi boshqa bir inson uchun jahannamiy hayotning ayni o'zi bo'lishi mumkin. Ya'ni, baxt tushunchasiga baho berishda har bir inson o'z mentaliteti, madaniyati, milliy-diniy an'analaridan kelib chiqib javob beradi.
Masalan, bugun farovon hayotning oliy namunasi deb atalayotgan g'arbona hayotni men hech ham havas qilmayman. Chunki, bu hayot quruq tashqi hashamat va oxiri voy bo'lgan rasvo bir hayot asosiga qurilgandir.
Baxtliman deb aytishga, menimcha, bu dunyoda hech kimning haqqi yo'q. Chunki, haqiqatdan baxtlimi yoki yo'qmi, menimcha, bu savolga hech kim javob bera olmasa kerak. Haqiqiy baxt mo'min uchun oxiratda bo'ladi. Chunki oxirat hayotigina abadiy va barqaror hayotdir. Shuningdek, oxiratingizda sizni nimalar kutyapti, buni bilmasdan turib qanday qilib men baxtliman, deb ayta olasiz?!

Men pessimist emasman, men realistman.

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #12 : 22 Iyun 2006, 04:02:32 »
Gayratjon:

1. Baxt bu mo'mon uchun Allohning rizoligiga erishish!
Bu dunyoda yaxshiliklarni beminnat qilishlikka o'zini o'rgatish.
Hikmatlarda aytganlaridek,
Baxtli kishi birovning holini ko'rib, undan ibrat olgan kishidir

2. Bu dunyoda haqiqiy mo'min bo'lib yasholsam, o'zimni baxtli hisoblayman. Bu degani hali to'liq baxtliman degani emas. Haqiqy holatimiz Behzod aytganidek oxiratda ma'lum bo'ladi.

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #13 : 22 Iyun 2006, 04:02:46 »
samo:

Bu mavzuda har bir bahtli inson ozini bahtli etgan "boglardan" guldastalar uzatibdi.
baht bu boshqa insonlar bahti, hursanchiligi ila sevinish ham bolsa kerak.
Baht bu har bir holatda AFZALINI tanlay bilishda...
bu boglardagi gullarni ayrimlarida tikanlar bolsa ham ular ham bahtli onlarni TEMPini oshirishga hizmat qilsa kerak. Baht bu har bir insonni qanday bolsa shunday korabilishdadir.
shunda insonni ichida gazab mehanizmi orniga sevgi mehanizmi ishga tushadi...
Bagrikenglik (hosgoru) Atmosferasi vujudga keladi...

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: Baxt nima? Baxtlimisiz?
« Javob #14 : 22 Iyun 2006, 04:03:01 »
Assalom:

Baxt bu keng tushuncha. Uni har kim har xil talqin etadi. kim uchundir baxt bo'lgan tushuncha boshqa uchun baxt bo'lmasligi ham mumkin.

 

Farzandingiz ismini nima deb qo'ymoqchisiz?

Muallif maknunaBo'lim Oila va jamiyat

Javoblar: 110
Ko'rilgan: 111311
So'nggi javob 21 Mart 2013, 19:20:45
muallifi duvlaev
Haqiqiy boylik nima???

Muallif maknunaBo'lim Oila va jamiyat

Javoblar: 38
Ko'rilgan: 15792
So'nggi javob 04 Iyul 2011, 21:23:38
muallifi Mutaallim-2010
Baxt shahri haqida ensiklopediyalarda

Muallif muxbirBo'lim Sirdaryo viloyati

Javoblar: 2
Ko'rilgan: 8937
So'nggi javob 12 Mart 2008, 10:48:16
muallifi Chustiy
Ma'rifat nima?

Muallif MargilanetsBo'lim Ma'rifat

Javoblar: 2
Ko'rilgan: 19764
So'nggi javob 16 Noyabr 2008, 14:38:18
muallifi Robiya
Universitetdagi oqishdan nima olaman?

Muallif MargilanetsBo'lim Ma'rifat

Javoblar: 7
Ko'rilgan: 5675
So'nggi javob 05 Iyun 2013, 16:31:21
muallifi Muxsiya