Bizda o'zbekchilikda yaxshi bir udum bor. Biror yangi xonadonga tashrif buyurding-mi?, albatta ko'rmanasi bilan bor. Sizning blogingizda oldin bo'lgan bo'lsamda ko'rmanasini bugun topdim. Avvalo qilayotgan ishlaringizdan Alloh rozi bo'lsin va ziyoda qilsin...

http://www.mefeedia.com/watch/23282274 "Nega islom ko'rinmaydi nasheed"

P.S: Umid qilaman ko'rmana yoqadi

 
Ha, rahmat ko'rmana yoqdi !

Aka, bunisi boshqa gap. Tashakkur. Yangicha qiyoslar kutib qolamiz...

        Rahbar va Chol (Yohud, Aql va Qalb 2 ga misol)

Bir kishi deylik, halqqa ijtimoiy yordam ko'rsatadigan qandaydir
davlat korhonasining rahbari. Uning honasiga keksa va yupun
kiyingan bir chol kirib keldi. "Uff, nima so'rab keldi ekan bu chol",
deya o'yladi u, chol tomonga hushlamaygina yuzini burishtirib
qarar ekan.(Qalb hokim). Chol unga kechagi shamol tomiiga
jiddiy zarar etqazganini va undan 20 dona shifer yordam qilishini
so'rab kelganini, aytdi. U hayolan bazada bor shiferlarni hisobladi,
hammasiga haridor topi qo'ygan! U achingan bir qiyofada cholga
yordam berish istagi juda yuqoriyu, lekin sirayam ilojisi yo'qligini
tushuntira ketdi. So'nggi so'zlarini aytgach, chol bilan hayrlashdi.
(Qalb hokimiyati davom etmoqda). Kutilmaganda chol, juda nozik
bir kishining familiyasini aytib, shu kishi uning jiyani ekanini va uni
bu erga o'sha kishi yuborganligini aytdi. (Hokimiyat to'ntarilishi
yuz berdi, endi hokim Aql!). U familiyasi tilga olingan kishini hafa
qilish oqibati nimalarga olib kelishini o'ylab ko'rdi... Cholga sekin
jilmayib, o'zimizdan ekansizku, shundan boshlamaysizmi deb,
cholga kreslodan joy ko'rsatdi va kotibasini mehmonga qahva
olib kelmagani uchun koyib berdi. Telefon trubkasini ko'tarib,
allakimga mashinaga 60 ta shifer yuklashni buyurdi va choldan
manzilini so'radi, o'zimiz olib borib beramiz, deya iljaydi...
Chol rahmat aytib, ketmoqchi bo'lganida, qo'ymadi qahva ishib
ketasiz, deb. (Aql hokimiyati davom etmoqda.) Qahva ham keldi,
ayni suhbat qizigan damda, telefon jiringlab qoldi. Yaqin kishilaridan
biri unga yuqorida nomi tilga olingan familiya sohibi mansabidan
ozod qilinganini habar qilayotgan ekan. U bir zum jim turib qoldi.
(Ichkarida inqilob! Qalb askar to'plab kelib yana hokimiyatni oldi).
Cholga ho'mrayib qarab, bu erda nima qilib turibsiz?, dedi. Sodda
chol, shifer yuklangan mashinani kutayotganini aytdi. U kurakka
turmaydigan so'z bilan cholni so'kib haydab yubordi va telefonda
yuklangan shiferlarni qayta tushirish haqida buyruq berdi. Asabi
taranglashib, stolga qattiq musht tushirqi. (Hokim hamon Qalb.)
Kutilmaganda telefon jiringlab qoldi, yaqin kishisi boya aytgan
habari noto'g'ri bo'lib chiqqanini, aytdi. (Inqilob! Aql hokimligini
qayta tiklab oldi.) Ko'chaga cholni qaytarish uchun halloslab chopib
chiqdi, lekin chol allaqachon ketib bo'lgan edi ...

Bu hangoma bo'lgan voqea emas, bir misol holos. Aslida ana shu
kabi hodisalardan iborat hayotimiz. Yuqoridagi voqea balki yarim
soat, balki 20 minutda bo'lib o'tishi mumkin-ku. Hokimiyat esa,
qo'ldan-qo'lga necha bor almashyapti. Bu ichki inqiloblarga bizdan
tashqari Alloh guvohdir! Zero:

Ey mo’’minlar, Alloh va uning payg’ambari sizlarni abadiy hayot
beradigan narsaga (ya’ni haq dinga) da’vat qilar ekan, uni qabul
qilinglar va bilinglarki, shubhasiz, Alloh har bir kishi bilan uning
qalbi o’rtasini egallab turur  va shubhasiz, sizlar uning huzuriga
to’planursizlar.(Anfol 24)

Hulosa qilish esa, sizlardan...

oldin kirmagan ekanman bu joyga ...
mana xozir kirdim, postni o'qib ko'rdim, Alloh rozi bo'lsin
xuddi oldin xam o'qiganday yoki bigandek go'yo bu postlarni
rahmat aka, shu mavzudagi postlaringiz bardavom bo'lsin

Allohni dib emas kimnidur dib (qo'rqib) "yaxshilik" qilish har ikki dunyodayam insonni hor qiladi...

Allohni dib emas kimnidur dib (qo'rqib) "yaxshilik"
qilish har ikki dunyodayam insonni hor qiladi...

 

Bu hikoya bir misol xolos. Aslida esa bu har birimizning
ichimizda kechayotgan jarayon haqida, yohud aql va qalb
o'rtasidagi talashuv haqida. Bu jarayon ichimizdan kechsada,
bunga Alloh guvohdir, hikoya so'ngida keltrilgan oyat buning
isbotidir. Bir kunda bizda necha marta shunaqa ichki inqilob
yuzaga keladi? Agar Allohdan hech narsani yashira olmasligimizni
anglab etsakgina, o'zimizni tarbiya qilishga harakat qilamiz...

 
ajoyib qiyoslar,
ALLOH rozi bo'lsin

 




G‘urbatda g‘arib shodmon bo‘lmas emish,
El anga shafiqu mehribon bo‘lmas emish.
Oltin qafas ichra gar qizil gul bitsa,
Bulbulg‘a tikondek oshiyon bo‘lmas emish.

                                                Alisher Navoiy.


Kalit so'zlar:

G'urbat - insonning tanasi
G'ariyb - insonning ruh(jon)i
El - bu dunyodagi jamiyat
Oltin qafas - bu jilvagar yorug' dunyo
Qizil gul - dunyo ne'matlari(boylik, mansab, ...)
Bulbul - bu dunyodagi tirik Inson
Tikan - Jannat!

Izoh :  G‘urbatda g‘arib shodmon bo‘lmas emish   -
Inson toki tirik ekan, ya'ni Ruh tanda ekan, u hech qachon shod
bo'la olmaydi, chunki u o'limga yaqinlashib boraveradi. Bu esa
dunyodagi Inson uchun yahshi oqibat emas, chunki uni bu dunyoning
hamma lazzatu-farog'atidan ayirib ketadi. El anga shafiqu mehribon
bo‘lmas emish - Hech qachon hamma Insonlarni rozi ham qilib bo'lmaydi.
Yoki, Insonlar qancha siz uchun yahshilik qilmoqchi bo'lsalarda,
faqat qabrgacha kuzata oladilar. Undan naryog'ida sizni yakka
qoldirib ketadilar, aqrabolar ham. El(Insonlar) kishiga Mehribon
(Alloh) kabi bo'la olmaslar. Shu tufayli odamlar nima deb o'ylaydi,
deb emas, Alloh rozi bo'larmikan, deb amal qilib yashash kerak.
Oltin qafas ichra gar qizil gul bitsa - agar bu oltin kabi jilvalanib
bizni o'ziga rom etgan dunyoning hamma "baht" deb o'ylaydigan
cho'qqilariga etsak ham, Bulbulg‘a tikondek oshiyon bo‘lmas emish -
bu dunyodagi hamma yahshilklar, Jannatdagi qamchidek ercha
bo'la olmasligi Hadislarda aytilgan. Garchi bulbul tikanzorda
yashasa ham, uni oltin qafasga bandi qilib, yoniga eng chiroyli
qizil gulni solib qo'ysangiz ham, u sayramaydi. Chunki u shodmon
emas, tutqunlikda. Unga tikan bo'lsa ham, o'z oshiyonida yayrab
yurgani ma'qul. Inson(Odam Ato) ilk Jannatda yaratildi, so'ngra
bu dunyo(oltin qafas)ga badarg'a qilindi. Biz esa qafasda tug'ilgan
poloponlarmiz. Asl oshiyonimiz esa - Jannat! Uning bitta tikaniga
ham arzimaydi bu dunyomiz. Biz gumrohlar qandoq ham u oshiyonning
qadriga etaylik. Biz uchun oltin qafas va qizil gullar bo'lsa bas.
Hazrat Navoiy ana shu haqiqatni, bizga tushuntirmoqchidir...

Allox rozi bulsin.