Iye, toshbo'ronmi, mazza-yu, kim kimga tosh otayapti? Manam bir tosh otey!
Forumga birinchi adashib kirib qolganimda "Lu'lu'" ismli nikni ko'rib hayolimga pingvincha Lolo haqidagi multik kelganidi. Keyin forum onaxonini yoshgina qizaloq deb tasavvur qilgan ekanman. Ammo postlarini o'qib ko'rsam... anavi "bir-ikki, bir-ikki" - deb yuradigan pingvincha emas ekanlar. Behosdan "xolajon, ilmiy darajangiz bormi?" - deb savol bervoray degandim. So'zlaridan shunday tuyulayotgandi-da endi.
Yangi kelinchaklarday arazlab forumdan chiqib ketganlarida shunga sabab bo'lganlarni "Hap!" dedim-u moderatorlik qobiliyatim yo'qligi sababli bundan boshqasiga o'tolmagandim.
Umuman olganda AbdulAzizning so'zlariga 99,99% qo'shilaman, o'ta bag'rikenglik qilvorasiz keraksiz paytda. Ha endi siz shunday qilib tursangiz qarshingizdagi u gumroh to'g'ri hulosa chiqarsa yaxshi, aksi bo'lsa battar taltayadida, opajon. Bir kattadan, bir kichikdan - degan naql bor elimizda. Sal tezoplikni, jangarilikni bizdanam o'rganib turingda mundoq.
Boringizga shukur, shunday bo'lganingiz ham yaxshidir balki. Balki biz siz kabi yo'l tutishga o'tarmiz bir kun...
Ammo she'rlaringizga, haligi repingizga, ayniqsa "O'chirg'ich..." da yozgan she'ringizga sakkiz marta rahmat bervoray dedim-u, bunday imkoniyat bizda yo'q ekan. (E uzr, uzr, maqtavoribman.)
Toshlaram ancha yig'ilib qolgan bo'lsa kerak, biror kamaz bo'lib qolgan bo'lsa anavi Aqoidga aytsangiz olib ketadi. Oborib mahallasidan o'tgan ko'chaning chuqurlarini to'lg'azib qo'yarmidi...(Manashi bolaga mahalla-pahallasi bilan hayronman, uy qurganiyam shag'alni asfalt yo'ldan oladimi?!)
Bor bo'ling, biz ham sizning yoshingizga yetib forumda sizday yozib o'shandayam sizga "tosh otib" o'tiraylik.