Ertalab uyg'onsam. Nonushtadan keyin darvozaxonaga chiqsam-u, bir zumda ishxonamda bo'lib qolsam. Yo'llardagi kutishlar, tirbandliklar va men uchun hos bo'lgan "ishga bir soat kechikish" bo'lmasa. Hullas, teleport bo'lib qolsam.
Tushlik payti yonimizdagi oshxonaga, yoki yaqinroqdagi biror ovqatlanish maskaniga bormasam. Bir zumda uyda bo'lib qolsam-u, tushlikni qilib yana bir zumda ishda bo'lsam. Hullas, teleport bo'lib qolsam.
Kechki payt soat 5:00da honamni berkitsam-u, yana bir zumda uyimda bo'lib qolsam. Har kungi yettida ishdan chiqish odati yo'q bo'lsa. Yo'g'e, ishdan chiqib oqshomgi ko'chalarni sayr qilsam va zerikkanimda yana bir zumda uyda bo'lsam. Hullas, teleport bo'lib qolsam.
Yana birovning fikrini so'ramasam, ko'ziga qarab turib o'zim bilib olsam. Hullas, telepat bo'lib qolsam.
Faqat "quyon boqing" demanglar yana.