Umumiy bo'lim > Fikr va mulohazalar
2012-йил 21-декабр куни киёмат бўладими?
Muhammad Amin:
2012-йил 21-декабр куни қиёмат бўладими?
САВОЛ: Ассалому алайкум шайх ҳазратлари.
Мен интернетдан телевидениядан ва бошқа манбаълардан 2012-йил 21-декабр ҳақида кўплаб маълумотларга эга бўлдим. Айнан шу вақтга Маяликларнинг календарининг тугаши, Нибури планетасининг Ерга яқин келиши, Шуман частотасининг 13 даражадан ортиши, 4 та планеталарнинг бир чизиққа тизилиши ва Қуёш системасининг галлактика марказидан ўтиши тўғри келяпти. Уларнинг умумий фикрлари бўйича 2012-йил охирзамон бўлиши ҳақида гапирилган. Бу масалада ҳозирда Ислом дунёси олимлари қандай фикрда эканлигини билмоқчи эдим. Жавобингиз учун аввалдан миннатдорман.
ЖАВОБ: Бисмиллаҳир роҳманир роҳийм.
Бу каби нарсалар фолбинликдан бошқа нарса эмас. Қиёмат қачон бўлишини Аллоҳ таолодан бошқа ҳеч ким билмайди. Сиз айтганга ўхшаганлар неча марталаб қиёмат бўлишини эълон қилишган. Аммо доимо ўзлари шарманда бўлишган. Бизда қиёмат қачон бўлишини суриштиришга эмас, қиёматга тайёргарлик кўришга эътибор берилади.
Қиёмат қачон бўлишини Аллоҳ таолодан бошқа ҳеч бир зот билмайди. Бу улкан ҳақийқат Қуръони Каримда кўп марта таъкидланган.
Жумладан, Аллоҳ таоло «Аъроф» сурасида:
«Сендан соат (қиёмат) қачон собит бўлиши ҳақида сўрарлар. Сен: «Унинг илми фақат Роббим ҳузуридадир. Уни фақат Ўзигина зоҳир қиладир. У, осмонлару ерда оғир иш бўлади. Сизларга фақат тўсатдан келадир», деб айт. Худди сен уни билишинг керакдек, сендан сўрарлар. Сен: «Унинг илми фақат Аллоҳнинг ҳузуридадир. Лекин кўп одамлар билмаслар», деб айт», деган.
Ўлимни, охират кунини, у куни ҳар бир одам бу дунёдаги қилмишлари юзасидан сўроқ-савол қилинишини ўйлаш ҳар қандай шаккок, кофирни ҳам ўйлантириб қўяди. Шундай лаҳзаларда улар охират ҳақида савол бера бошлайдилар. Баъзи ҳолларда қиёмат бўлишига шак келтирганларидан, ўз фикрларини тасдиқлаш, «Қиёмат бўлади» деган ақийдадагиларни ожиз қолдириш учун сўрайдилар. Баъзи вақтларда синаш учун сўрайдилар ва ҳоказо.
Қурайш мушриклари ҳам вақти-вақти билан Расулуллоҳ соллаллоҳу алайҳи васалламдан қиёмат ҳақида, айниқса, унинг қачон собит бўлиши ва келиши ҳақида сўрар эдилар.
«Сендан соат (қиёмат) қачон собит бўлиши ҳақида сўрарлар.»
Яъни, бўладиган бўлса, қачон бўлишини айтиб бер, деб даъво қилардилар. Бу саволдан «Қачон бўлишини айтиб бера олмасанг, қандай Набийсан, шуни ҳам билмайсанми» деган ғаразгўйликнинг ҳиди келади.
Аслида, қиёмат Аллоҳ таолодан бошқа ҳеч ким билиши мумкин бўлмаган ҳодисадир. Унинг қачон рўй беришини фақат Аллоҳ таолонинг Ўзигина билади. Лекин мушриклар Набий соллаллоҳу алайҳи васалламни синаш, ул зотни хижолат қилиш учун, «Қиёмат қачон бўлади?» деб сўроқ қиладилар. Агар ҳар бир сўзни Аллоҳдан қабул қилиб оладиган ҳақийқий Набий бўлмаса, бунга турли жавоблар бериш мумкин. Хусусан, Набийликни даъво қилувчи табиатан телба ва бузуқлар одамлар эътиборини жалб қилиш учун уларнинг қиёматга нисбатан бўлган эҳтиросли қизиқишидан фойдаланишга ҳаракат қилишлари кейинги пайтларда ошкор бўлди. «Қиёмат фалон вақтда бўлади», деб қўйиб, сўнг шарманда бўлганлари ҳам жуда кўп.
Лекин Муҳаммад соллаллоҳу алайҳи васалламга бу саволга қандай жавоб беришни Аллоҳ таолонинг Ўзи сўзма-сўз уқдиряпти:
«Унинг илми фақат Роббим ҳузуридадир. Уни фақат Ўзигина зоҳир қиладир. У, осмонлару ерда оғир иш бўлади. Сизларга фақат тўсатдан келадир», деб айт.
Набий соллаллоҳу алайҳи васаллам ҳам одам, у киши ҳеч қачон «ғайб илмини биламан» деб даъво қилмаганлар. У зот:
«Унинг илми фақат Аллоҳнинг ҳузуридадир», дейдилар. Яъни, қиёматнинг қачон бўлишини фақат бир зот-Роббим билади, холос. Бош-қа ҳеч ким билмайди. Мен ҳам билмайман.
«Уни фақат Ўзигина зоҳир қиладир.»
Қиёматни юзага келтирувчи Зот ҳам ягона Аллоҳ таолонинг Ўзидир. Бошқа ҳеч ким бу ишга аралаша олмай-ди.
«У, осмонлару ерда оғир иш бўлади.»
Унинг ҳақида билганим шу: осмонлар ва ер қанча улкан бўлмасин, қиёмат уларга ҳам оғир келадиган даражада улуғ ҳодисадир. Шунинг учун ўша кунга тайёрланиш керак.
«Сизларга фақат тўсатдан келадир.»
Билмай қоласизлар. Аввал эълон қилиб, вақтини тайинлаб келмайди. У содир бўлмасдан бироз олдин ўзини ўнглаб, у ер-бу ерини тозалаб, ҳеч нарсани кўрмагандек мўмин-қобил бўлиб туришга имкон йўқ. Унинг келишига доим тайёр туриш керак. Унинг қачон содир бўлишини сўраб юришдан самара йўқ. Бунинг устига, бу саволга жавоб берадиган одамнинг ўзи йўқ. Мушрикларнинг саволи эса ноўрин.
«Худди сен уни билишинг керакдек, сендан сўрарлар.»
Расулуллоҳ соллаллоҳу алайҳи васаллам ўзларининг дахллари йўқ нарсаларни Аллоҳдан сўрамайдилар.
«Унинг илми фақат Аллоҳнинг ҳузуридадир. Лекин кўп одамлар билмаслар...»
Қиёматнинг қачон бўлиши Аллоҳнинг Ўзигагина хос илмдир. Уни ҳеч кимга, ҳатто Муҳаммад соллаллоҳу алайҳи васалламга ҳам билдирмаган. У зот фақат қиёматнинг қачон бўлишинигина эмас, бошқа ғайб илмларини ҳам билмайдилар. Бу билмасликлари эса, айб эмас. Валлоҳу аълам.
Манба: www.islom.uz
Mars:
Lekin o'sha yili koinotda qandedir katta o'zgarish bo'lar ekan.Manashu o'zgarish ham behuda bo'lmasa kerak.Chunki azaldan olimlar musulmonlar koinotdagi o'zgarishlardan islom olamida biror o'zgarish bo'lishini kuzatib kelishgan.
Kuroni karimda ham "tungi yo'lchi" va yuchar yulduzlar to'g'risida ham oyatlar kelgan.Esilarda bo'lsa 2001 yili biznig gallaktikamizdagi sayyoraning bir sfga tizilish voqiyasi sodir bo'lganedi .2012 yili butun koinot bo'yicha sayyoralarning bir safga tizilishi bo'lar ekan.Bunga ham islom olamida biror izoh bo'lsa kerak.Biror nima kutilyaptimi nima disizlar?
Robiya:
--- Iqtibos: Mars 24 Aprel 2010, 22:26:35 ---Lekin o'sha yili koinotda qandedir katta o'zgarish bo'lar ekan.Manashu o'zgarish ham behuda bo'lmasa kerak.Chunki azaldan olimlar musulmonlar koinotdagi o'zgarishlardan islom olamida biror o'zgarish bo'lishini kuzatib kelishgan.
Kuroni karimda ham "tungi yo'lchi" va yuchar yulduzlar to'g'risida ham oyatlar kelgan.Esilarda bo'lsa 2001 yili biznig gallaktikamizdagi sayyoraning bir sfga tizilish voqiyasi sodir bo'lganedi .2012 yili butun koinot bo'yicha sayyoralarning bir safga tizilishi bo'lar ekan.Bunga ham islom olamida biror izoh bo'lsa kerak.Biror nima kutilyaptimi nima disizlar?
--- End quote ---
:as:
Bu borada, aynan shu mavzuda ko'p bora taxminlar bo'lgan ekan dadamning aytishlaricha... 2000 yil dunyo tugaydi va h.k. Lekin nima bo'ldi?! Hech nima!
O'zim ham yaqinda "Nostradamus - 2012" degan kinoni ko'rdim, ajablanarli hech bir jihat yo'q. Bu fil'mning ishonchsizligini shundan bilish mumkinki, u yerda Islom, musulmon dunyosi haqida bir o'giz ham gapirilmaydi. To'g'rida, agar aytilganda, Qur'oni Karim 14 asr (!!!) oldin aytib ketgan haqiqatni tan olishga majbur bo'lishardi... Nostradamus kim bo'pti, bor yo'g'i 5 asr oldin dunyoda nimalar bo'lishini o'zicha faraz qilgan bir oddiy olim! Haq Kun - Qiyomat qachon bo'lishini Alloh azza va jalladan boshqa hech bir zot bilishi mumkin emas! Shu sababli, bu mavzuda munozaralarga kirishishning o'zi ham ortiqcha deb bilaman...
Musannif Adham:
--- Iqtibos: Mars 24 Aprel 2010, 22:26:35 ---Lekin o'sha yili koinotda qandedir katta o'zgarish bo'lar ekan.Manashu o'zgarish ham behuda bo'lmasa kerak.Chunki azaldan olimlar musulmonlar koinotdagi o'zgarishlardan islom olamida biror o'zgarish bo'lishini kuzatib kelishgan.
Kuroni karimda ham "tungi yo'lchi" va yuchar yulduzlar to'g'risida ham oyatlar kelgan.Esilarda bo'lsa 2001 yili biznig gallaktikamizdagi sayyoraning bir sfga tizilish voqiyasi sodir bo'lganedi .2012 yili butun koinot bo'yicha sayyoralarning bir safga tizilishi bo'lar ekan.Bunga ham islom olamida biror izoh bo'lsa kerak.Biror nima kutilyaptimi nima disizlar?
--- End quote ---
Menimcha yuqorida savolga to'la javob berilgan. Shayx Muhammad Sodiq Muhammad Yusuf tomonidan. Endi qolgan savol va shubhalar shaytonning vasvasasi. Xayolingizdan chiqarib tashlang. Qiyomatning qachon bo'lishini faqat Alloh biladi.
Eng muhim savolni eslab qoling: Siz bu kunga qanday tayyorgarlik ko'rdingiz? Ana shunda boshqa savollar o'z-o'zidan chetga chiqib ketadi.
HMF:
Mars amaqi qo'shni Yupetrlardan oldizmi bu malumotni? bu kabi kablar juda ko'p bo'p bo'lgan va bundan keyin ham bo'p kelaveradi bularga etibor bermash kere....koinotda nima bo'lishiyu qiyomat qachon boshlanishi bularni barchasi Yaratkanga ayon. To'ri ilmi tomonlardan ham olimlar o'zgarishni his qilayotkani aniq lekin bular hammasi dunyo yaralgandan boshlab bo'lib kelyatkan narsalar buni insonlar faqat endi ahli yetib ilmi dalil bilan ko'rib chiqyapti, ushanga bunaqa o'zgarishlar ga'yri oddiy bo'lib tuyiladi aslida bular avvalan bor narsalar....
Bunaqa narslarga bosh qotirish tupizm.