Bismillohir rohmanir rohiym!

Bizlar taraflarda

1). qayinog'ani - ukacha
2). Mahallaning, qishloqning bir qismini -  guzar
3). yuqorini - do'ng (Misol uchun: do'ngi bozor, do'ngi guzar)
4). do'st, o'rtoqni - jo'ra
5). qushnini - hamsoya
6). Har xil mayda chuyda narsalar turadigan joyni - ombortom
7). belkurakni - lapatka (mana shu so'z ruschamasmikin?)
. Paqirni - satil
9). Tarelkani - lali (manimcha tarelka ham o'zbekcha bo'lmasa kerak-a?)
10). Yumaloq, chuqur asosan hamir qorishga, guruch yuvishga muljallangan matohni - lagan

deyishadi. Hozircha shular.

Borlaringizga shukr!

Har holda tarelka emasu, patnisni lali deyishardi shekilli
Bir marta olcha bilan gilos va achchiq gilos shirin(shampanski) gilos bir narsaligini bilmay ancha tortishgandim
Sizlarda buni qanday atashadi?

Toshkent shevasida latifa

Ertalap eshiy tegida ötirgan Apandidan ötip ketvotkan qöshnisi sörapti:
- Apandim, kechasi minnima hovlizda gupillap kettimi?
- Ha, dipti Apandi, - kechasi tomda yotkandim, choponim chuship ketti.
- Choponam shunaqa gupillab chushadimi tomdan? - hayron böp sörapti qöshnisi.
- Aqlingga qoyilman-e, - dipti Apandi kulip, - ichida odami bögandan keyin tomdan choponam ando gupillap chushsinki, e-vallo digin.

Xorazm shevasida...

Ayag'i kichch suyganini kiyadi, ayag'i ulli siyg'anini kiyadi.

Ötqa tiysang öt öchar, qöngshig'a tiysang, qöngshi köchar.

Avval boshlap Xudani yod etali, yor-yor, Peyg'ambarlar rövuni shad etali, yor-yor.
P.S. Oramizda xorazmliklar yoki bu shevadan xabardorlar bölsa, aytinglar, "qöngshi" nima?

Xorazm shevasi juda ajoyib ekan. masalan Biz (Qo`qonda) kanal deydigan cho`miladigan joyni Xorazmliklar Yop derkan.
Yana bir taom - yupqani xorazmliklar Huvnon deyishadi!

Andijon shevasidagi-so'ri -nima degani

Andijon shevasidagi-so'ri -nima degani

 

Bizda hovlida hamma o'tiradigan kravatni "tapchan" deydi, adabiychada "so'ri " bo'ladi...

Assalam. Kecha kimdandir '' ajabtovur'' degan so'zni eshitdim. Oldin eshitmagan ekanman. Buyam shevaga hos so'zmi? Kim biladi?

Assalam. Kecha kimdandir '' ajabtovur'' degan so'zni eshitdim. Oldin eshitmagan ekanman. Buyam shevaga hos so'zmi? Kim biladi?

 
Ajabtovur so'zi-Arabcha+Forscha-Turkcha so'z bo'lib, sifatdir. Binoyiday, yaxshigina degan ma'nolarni bildiradi.

Manba: O'zbek tilining izohli lug'ati. 28 chi bet. 

Bizdagi Montiqosqon so`zi yana qanaqa ataladi boshqa shevalarda!!!

Keyin bizda pomidor, bodiring va piyoz aralashmasi shakarob deyiladi, bu so`z boshqa joylarda boshqacha ma`no anglatar ekanaa