Vatan siz uchun nima, Vataningizni qanday ta'riflagan bo'lardingiz?  ( 40866 marta o'qilgan) Chop etish

1 2 3 4 5 B


Foniy  28 Oktyabr 2010, 10:48:04

Tushimda "Feruz"ni kuylaydi birov
Bolalar boychechak aytishar ba'zan.
Umr so`ngidaman, boshimda qirov
O`zim muhojirman, nomim bevatan.

Men ne izlaganman - javobsiz so`roq
Boylig-u, shon-shuhrat - barchasi bir pul.
Bugun bu begona osmon tagida
Vatanni qo`msaydi bechora ko`ngil.

Qora kunlarida men tark etganim
O`sha go`zal yurtni - O`ZBEKISTONNI!
Bir bor tuprog`iga qo`yolsam labim
So`ng TANGRIM mayliydi olganda jonni!

Bir hikmat angladim, juda kech, e-voh
Vatanlar bo`lmaskan, bittadir VATAN!
Bugun men boylikka cho`milgan, qashshoq
Beona, beosmon, nomim bevatan...

Tushimda "Feruz"ni kuylaydi birov
Saharlar uyg`onsam yostiqlarim ho`l...
 :2 :2 :2
Darvesh

Manba

Qayd etilgan


Ansora  07 Noyabr 2010, 20:01:54

Vatanim-sutli tandir nonni hidi keladigan mahallam, erta saharlab xo'rozni qichqirishi, handalakni insonni mast qiladigan hidi....

Qayd etilgan


Ansora  12 Avgust 2011, 04:23:42

Mana mustaqilikka oz qoldi, biiiir ilhom qilinglarchi bu mavzuda:)

Qayd etilgan


As-Samarqandiy  12 Avgust 2011, 05:36:36

 :asl3:



Serquyosh, hur o‘lkam, elga baxt, najot,
Sen o‘zing do‘stlarga yo‘ldosh, mehribon!
Yashnagay to abad ilmu fan, ijod,
Shuhrating porlasin toki bor jahon!

Oltin bu vodiylar - jon O‘zbekiston,
Ajdodlar mardona ruhi senga yor!
Ulug‘ xalq qudrati jo‘sh urgan zamon,
Olamni mahliyo aylagan diyor!

Bag‘ri keng o‘zbekning o‘chmas iymoni,
Erkin, yosh avlodlar senga zo‘r qanot!
Istiqlol mash’ali, tinchlik posboni,
Haqsevar, ona yurt, mangu bo‘l obod!

Oltin bu vodiylar - jon O‘zbekiston,
Ajdodlar mardona ruhi senga yor!
Ulug‘ xalq qudrati jo‘sh urgan zamon,
Olamni mahliyo aylagan diyor!

Qayd etilgan


azizbek_mx  12 Avgust 2011, 07:46:05

Vatan... Vatan haqida juda köp ta'riflar, qiyoslar, bitiklar, qasidalar bitilgan. Lekin harchand urinmaylik, uning qiyosini ta'riflab berolmaymiz, uning qanday tuyg'u ekanligini söz bilan ifodalab berolmaymiz...
... Vatan men uchun tong sahardagi mayin, musaffo shabboda... Bu shabadada xalqim ifori, mahallam tarovati, odamlarning mehnati tafti, chaqaloqlarning yig'isi, onalarimiz duosi, kelinlar hayosi, otalarimiz g'ayrati, qariyalarimiz ziyosi mujassam... Har tong turib shu shabadani birinchi bölib darvozadan kiritishga harakat qiluvchi xalqim Vatan. Shu shabadani xush kelibsiz qilib qarshilagan keksalarimiz Vatan. Shu shabada taftini tuyib, ishga-oöqishga otlangan yigitlarimiz Vatan... Eng muhimi, tunashga, issiq sovuqqa boshpana bölishga arzirlik bir qarichgina yer bor ekan, ana shu Vatan. Rizq esa Vatandan kelaveradiimi, tunashga, issiq sovuqqa boshpana bölishga arzirlik bir qarichgina yer bor ekan, ana shu Vatan. Rizq esa Vatandan kelaveradi

Qayd etilgan


Humayro  12 Avgust 2011, 07:49:59

Vatanimiz Jannatdur!!!

Qayd etilgan


AL_laziz87  12 Avgust 2011, 14:18:16

Ватанимиз мустакиллигининг 20 йиллиги муборак азиз ватандошлар!
Буюк ва мукаддассан мустакил, ватан!

Qayd etilgan


tengdosh  12 Avgust 2011, 16:51:10

  Eng qizig’i shundaki, biz undan qochib ketolmaymiz, garchi, chin dildan xohlagan taqdirimizda ham. Negaki, ba’zida u bizni ohanraboga, ba’zida esa temirni tortayotgan ulkan magnitga o’xshaydi. Yana bir jihati, biz uni yaxshi ko’ramizmi yoki yo’qmi buni o’zimiz ham bilmaymiz, go’yoki, bu haqida bosh qotirishga vaqtimiz yo’q. Albatta-da, axir mehru muhabbat mavhum tushunchalar-da. O’zimizga ma’lum bo’lmagan narsalar haqida uzoq va tiniq fikr yuritish esa, insonga xos emas. Ammo, shunisi aniqki, biz uni sevamiz"¦ aniqrog’i, men uni sevaman"¦ Lekin, buni faqat undan, Vatandan uzoqlashgandagina anglab yetamiz.
  Ko’pincha uzoq safarga otlanishimga  to’g’ri keladi. Boradigan joyim uncha uzoq bo’lmasa ham, uzoq muddat qolib ketmasam ham, hattoki, xushmanzara va bahuzur go’shada bo’lsamda, o’zimning yeri sho’r ochgan, qovjiragan tuproqli, chang va to’zonga boy, ha deganda ichimlik suvini topish anchayin mushkul bo’lgan, ammo eng asosiysi o’zim dunyoga kelgan, birinchi bor olgan nafasim shu yerga tegishli bo’lgan joyni qo’msayveradi qalbim.
  Men undan qarzdorman. Chunki, u men dunyo yuzini ko’rganimda, tug’ilishim uchun joy berdi.
  Men undan umidvorman. Qachon, umrim nihoyalab, o’z safarim tugasa, aynan shu maskandan, bir qarich yerni egallashga intilib yashayman. Ha, hatto zamin qa’rida bo’lsa ham-Vatanimda, men tug’ilgan o’lkada, o’zim taniganlarim, ko’nglimga yaqin olganlarim yonida tuproqqa qo’yishlaridan ta’magirman. 
  Shu ilinj bilan yashayman. Dunyo kezishni, jahongashtalar singari butun dunyoni ko’rishni istasamda, ammo bir kuni albatta, omonatimni o’z tuprog’imgagina topshirishni ko’nglimga tugganman.
   Bu men uchun- asl Vatanni sevish tuyg’usi.
   Axir bu-BAXT! Cheksiz-BAXT!


Qayd etilgan


Ansora  11 Sentyabr 2011, 12:04:38

Vatanga eng oson borishni yo'li - tushlar, na bilet tashvishi, na viza tashvisi, na da OVIR dardi bor....

Toshkent ko'chalari, Navoiy teatri, Eski "Tsum", qator qator kitob rastalari, u yerlardan piyoda yurib "Sharq Mir"ga yurib kelishlarim yoki "Mustaqillik" metro bekatidan davlatni jiddiy bir binosidan o'tib, "Zarafshon", "Ardus" larni yonidan yurib kelishlarim....hammasi go'yo tushday tuyuladi, mana bir necha yildan beri.

Ko'z o'ngimdan kino lentasiday o'taveradi, o'taveradi...

Qayd etilgan


Usmon  11 Sentyabr 2011, 12:07:07

Ўша ерлардан стовриб чарчаган одамларни Анталисга боргиси келади..

Qayd etilgan