Allalarimiz  ( 35121 marta o'qilgan) Chop etish

1 2 B


Ansora  27 Avgust 2010, 13:57:10

 :bs1:
 :as:

Azizlar, ma'naviy qadriyatlarimizdan biri- Allalarimizni bir mavzuda jamlashga nima deysizlar.

Alla-onaning nolasi, umidi, niyyati, duosidir...

Rabbim butun bolalarga Alla eshitib katta bo'lishni, barcha qiz-ayollarimizga ham alla aytishni nasib qilsin inshalloh...


Qayd etilgan


Ansora  27 Avgust 2010, 14:03:33

Alla

Xalq ohangida

İkki ko'zim aymog'i-yo allla,
Yuragimning qaymog'i-yo alla,
Qosh farishta beshigingni qo'rg'asin,
Xudo bergan chirog'im-o, alla,
Kaklikchaday sayrog'im-o, alla.

Tulki bola uxlar qiyoq bolishda,
Turna uxlar-belanchagi qamishdan,
Oynako'lda baliq mudrar kumushda,
Chin bahmalda minorim-o, alla-yo,
Ro'molimda tumorim-o, alla.

Gul bargiga chirildoqlar belandi,
Rayhonlardan atru-anbar elandi,
Hayotimga qizil gulning payvandi,
Bog'imdagi qizil lolam, alla-yo,
Kissamdagi mayiz bolam, alla.

Shamol tindi, shaqildog'i-yonboshda,
Oy berkindi to'lqinlarga taloshda,
Uyqu bosib mudraydi tog'u, toshda,
Yangi chiqqan oyim bolam, alla-yo,
İpakdan ham mayin bolam, alla.

Til uchimda halvoyitar beroyin,
Kadining bog'i uzilsin-o, ko'royin,
Kelincha bo'lib suzilsin-o, ko'royin,
Xudo bergan chirog'im-o, alla-yo,
Yuragimning qaymog'i-yo, alla.

Oydin Hojiyeva. "Panohim" 1992.

Qayd etilgan


AbdulAziz  11 Noyabr 2010, 08:13:54

Alla

Alla aytay, jonim bolam,
Quloq solgin, alla.
Shirin allam tinglab asta
Uxlab qolgin, alla.

Yuzlaringga tomga suvga
Hayron bo’lma, alla-yo,
Baxtimga sen katta bo’lgin
Xazon bo’lma, alla.

Istiqboling porloq sening
Jajjiginam, alla-yo,
Baxtimga sen katta bo’lgin
Xazon bo’lma, alla.

Sevganimdan yodgorimsan
Oltin qo’zim, alla-yo,
Men sho’rlikday to’kilmagin
Ko’rar ko’zim alla.

Alla-yo, alla.

Qayd etilgan


AbdulAziz  11 Noyabr 2010, 08:14:07

Yana bir alla matni:

Alla aytay, jonim bolam, orom olgin, alla,
Qo'zichog'im, tinglab nolam, uxlab qolgin, alla.
Onang so'zin tingla bolam, quloq solgin, alla,
Mayli, olim bo'lma, ammo odam bo'lgin, alla.

Ko'zim nuri, ko'zlarimni nurin olgin, alla,
Baxtimga tez katta bo'lgin, omon bo'lgin alla.
Mehrim senda, kamolingni tinglar qalbim, alla
Buloqdek jo'sh, maysalardek tez ulg'aygin, alla.

Onang ko'zi ko'zlaringga ziyo bo'lsin, alla,
Otang so'zi so'zlaringga dunyo bo'lsin, alla.
Toqatli bo'l, otangdayin mard o'g'lon bo'l, alla
Yurtingni sev, xalqing uchun qalqon bo'lgin, alla.

Qayd etilgan


Ansora  14 Avgust 2011, 13:10:39

Forumdoshlar, alla namunalaridan kutib qolamiz:)

Qayd etilgan


BelleQizcha  14 Avgust 2011, 18:43:55

Alabatta.. Bu kaminini Allasi, jiyanimizga to''qigandik....

Uxlab qosin Alla-yoo allla...
Nega bu uxlamapayti Alla-yo allla...
Jonga tegding Behazil Alla-yo alla...
Shuncha ishim turibdi Alla-yo Alla...

Hamza tur (ukamni isimi) Onasini  chaqir.. Alla-yo alla..
Hamza Sanga divoman Alla-yo Alla..
Qani tezroq uxla alla-yo alla...
Nima boldi sanga yo- allla-yo allla..

Uxlab qosin alla-yo alla..
Hammaniyam uxlatsin Alla-yo allla..
Hali shuncha ishim bor Alla-yo Alla..
Shuncha darsim turibdi Alla-yo Alla..
Man sanga nimaman Alla-yo Alla..
Uxlaganga o'xshiydi Alla-yo Alla..
Uxlab qobti-yo Alla-yo Alla..

ketdim..

Qayd etilgan


akula  15 Avgust 2011, 01:44:52

Belleqizchadan  Super kelinchak chiqadi manimcha !
 
 

Qayd etilgan


Rabella  16 Avgust 2011, 00:10:58

Alla bolam, orom ol, alla-yo alla.
So`zlarimga quloq sol, alla-yo alla

Abdulloh bo`ldi oting ,
Allohga munosib bo`l ,
Millati Ibrohimsan ,
Bu bizga bandalik yo`l.
Allohimning bergani, alla, bolam, alla-yo
Jannat umid qilganim, alla, bolam, alla-yo

Ummati Muhammadsan,
Ummati toabadsan ,
Ikki dunyo obodsan ,
Alla, bolam, alla-yo
Allohimning bergani, alla, bolam, alla-yo
Jannat umid qilganim, alla, bolam, alla-yo

Lafzingda bo`lsa Kalom ,
Poyingda bo`lgay olam ,
Haqqa munosib bolam ,
Alla, bolam , alla-yo .
Allohimning bergani, alla, bolam, alla-yo
Jannat umid qilganim, alla, bolam, alla-yo

Jannatdagi iforim ,
Oqibatim ham orim ,
Qalbimdagi tumorim ,
Alla , bolam, alla-yo
Allohimning bergani, alla, bolam, alla-yo
Jannat umid qilganim, alla, bolam, alla-yo

Alla bolam, orom ol, alla-yo alla.
So`zlarimga quloq sol, alla-yo alla

Qayd etilgan


_IYMONA_  17 May 2012, 18:31:51


        Алла...

Алла болам, аллаё, жоним болам, аллаё,
Орзуйимнинг нақдини, ширин болам, аллаё.

Аллоҳ берган ҳосилим, бахтли бслгин ол гулим,
Чаккамдаги сумбулим, нуринг билан оқ йслим.

Алла болам, аллаё, жоним болам, аллаё,
Муаттарлар анбари, ширин болам, аллаё.

Ксзларимнинг нурисан, дилгинамнинг қсрисан,
Мунчоқларим дурисан, алёримнинг жсрисан.

Алла болам, аллаё, жоним болам, аллаё,
Ҳаётимга нақш сзинг, ширин болам, аллаё.

Гул умримнинг мадори, дилдорларнинг дилдори,
булбуллларнинг гуфтори, толеимнинг гулзори.

Алла болам, аллаё, жоним болам, аллаё,
Қалбим аро қуёшим, ширин болам, аллаё.

А оббим оромлар берсин, фаришталар тебратсин,
Бир уйқинг-ла тонг отсин, офтоб келиб уйғотсин.

Алла болам, аллаё, жоним болам, аллаё,
Онажонинг бахтига, омон бслгин, аллаё...

Qayd etilgan


_IYMONA_  17 May 2012, 18:33:44

 Шу сринда бир фикр туғилади:
 Алла айтганмисиз? Аш ота-оналар, алла айтишни биласизми?

Qayd etilgan