Muallif Mavzu: Qashqadaryo haqida she'rlar  ( 16674 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

Mohinur

  • Hero Member
  • *****
  • Rahmat
  • -aytdi: 0
  • -oldi: 31
  • Xabarlar: 588
  • Mohinur al-Buxoriy
Qashqadaryo haqida she'rlar
« : 05 Avgust 2006, 07:35:56 »
BUYUK DAVLAT SHAHRISAN

Qarshi shahrim, chindan ham go‘zalsan jannat misol,
Husn-jamoling ko‘rgach har bir kishi mamnun, lol.

Bag‘ringda yashaganning ko‘ngli shodlikka to‘la,
Farovonlik tufayli odamlarning tili bol.

Ikki ming yetti yuzga to‘ladigan yoshingni
Katta bayram qilamiz, budir senga baxt-iqbol.

Buyuk davlat shahrisan, xalqimizning faxrisan,
Yo‘limiz nurli ekan, yana topasan kamol.

To’ra Juman
Eng katta xato odam o`zini hamma narsada benuqson deb bilishidir.
Karleyl

Mohinur

  • Hero Member
  • *****
  • Rahmat
  • -aytdi: 0
  • -oldi: 31
  • Xabarlar: 588
  • Mohinur al-Buxoriy
Re: Qashqadaryo haqida she'rlar
« Javob #1 : 08 Avgust 2006, 07:06:01 »
Ko‘k gumbazi, osmono‘par tog‘lari,
Oqsaroyi, chamanzor-u bog‘lari,
Sizni kutar ziyoratgoh joylari,
Ko‘hna Keshni tark etmangiz, laylaklar.

Qadimlikda afsonaga boy bo‘lgan,
Temur bobom qadam bosgan joy bo‘lgan.
Falak uzra parvoz etar tilaklar,
Ko‘hna Keshni tark etmangiz, laylaklar.

Uzoqlashib ketdingizmi, aytingiz,
Go‘daklari sizni qo‘msar, qaytingiz.
Ulug‘bekka orzu bo‘lgan falaklar,
Ko‘hna Keshni tark etmangiz, laylaklar.

Ma’mura NIYOZOVA
Eng katta xato odam o`zini hamma narsada benuqson deb bilishidir.
Karleyl

Nodi

  • Super Member
  • ******
  • Rahmat
  • -aytdi: 0
  • -oldi: 29
  • Xabarlar: 1805
  • Jins: Ayol
  • Nodira Shomurodova
Re: Qashqadaryo haqida she'rlar
« Javob #2 : 24 Oktyabr 2006, 20:28:33 »
QASHQADARYOSAN...
(Bitikdan parcha)

      ...Bir chekkasi cho’ldir harsillab yotgan,
      Bir chekkasi qorlar tizzaga botgan.
      Bir chekkasi tog’lar, ko’kni ko’tarib,
      Buloqlari borib, tongni uyg’otgan,
      Bag’rida jannatlar bitgan sahrosan —
      Qashqadaryosan...

      Hisor tizmalari — Nuhning kemasi,
      Nuh to’fonin ham u to’sgan chamasi,
      Bir ulkan dengizning xarsanglarida
      Ulkan dinozavr izi, panjasi...
      Odam Ato ko’rgan ko’hna danyosan —
      Qashqadaryosan...

      Mug’ullar bosqini o’tganda jondan,
      Ozodlik shamshiri tushdi osmondan.
      Nimani yo’qotdi Boyazid, bilmam,
      Dunyo dunyo topdi Sohibqirondan.
      Temur yerga sanchib ketgan tug’rosan —
      Qashqadaryosan...

      Bir qutlug’ maskandir Hazrat Bashirim,
      Pirlar nafasiday havosi shirin,
      Ulug’bek ilmining xazinasini
Shu tog’lar bag’rida saqlar yashirin.
Ali Qushchi izlab kelgan samosan —
      Qashqadaryosan...

      Dunyoda besh sirli nuqta bor, biroq,
      Kitob kengliklari yana sirliroq.
      Osmon darvozasin ochib, yulduzlar
      Kelajak kitobin o’qiydi porloq.
      Oliy ruhlar yurib tushgan havosan —
      Qashqadaryosan...

      Temur avlodidan chiqarib bir zot,
      O‘zga ellarni ham qilsin deb obod,
      Hind sori sargardon etganda taqdir,
      Ortidan ergashib ketgan umrbod,
      Boburga suyanchiq bo’lgan oshnosan —
      Qashqadaryosan...

      Samarqand azmida tik dovon osha,
      Navoiy ishq dardin etganda pesha,
      Shahri Keshning moviy gumbazlaridan,
      Ruhlar olamini qilsa tomosha,
      Bir kosa suv tutgan malaksiymosan —
      Qashqadaryosan...

      Kuyching bor — so’z aytsa Vatan dardidan,
      Shahidlar tirilib kelar qabridan,
      Ne ajab, agar yuz shoir yaralsa
      Abdulla Orifning har bir satridan!
      Navoiy baytidek o’tli navosan —
      Qashqadaryosan...

      Arslon bosadi arslon izini,
      Bu el hech kimsaga bermas izmini,
      Temur tuprog’ida taxtga mingan zot
      Qo’lida bir buyuk KARVON tizgini...
      Yurtning egasini bergan ma’vosan —
      Qashqadaryosan...

      Haq yaqinroq kelsa qulin qoshiga,
      Yaxshi inson bitar elning boshiga.
      Ey, ishning ko’zini bilgan dehqonim,
      Duo qil shu yurtning tog’u toshiga!
      NURing borki, nurli yo’lga peshvosan —
      Qashqadaryosan...

      Senkim, bir kaft tuproq bobom hokidan,
      Bir qatim shu’lasan yurak chokidan.
      Shu qadim zaminni Quyoshga tutsam,
      Yer deb tushib kelgan falak toqidan.
      Bir sodda, bir tanti, mehridaryosan —
      Qashqadaryosan...

      Sen yalpizgulimsan, bolalik sirim,
      Hali yozilmagan eng go’zal she’rim.
      Toshkent tuzoq qo’ysa ko’chalarida,
      Meni qo’llab turgin, ey ona yerim!
      Qayda bo’lmay sen ham bitta Zebosan,
      Qashqadaryosan...

           Zebo MIRZAYEVA
Qachonlardir Biz albatta BAXTLI bo'lamiz!

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Qashqadaryo haqida she'rlar
« Javob #3 : 26 Oktyabr 2007, 15:02:03 »
Deydilar: - Chaqnagan qaysi yurt erur,
Buyuk sohibqiron sochgan ziyodan.
Javob berdilarki, - Hech so‘nmas bu nur,
Taralgan eng avval Qashqadaryodan.
Dedilar:. Qaysi el bedor doimo,
Zavq olar mehnatdan, suluv dunyodan.
Javob berdilarki,. Shoir, ulamo,
San’atkorlar chiqqan Qashqadaryodan.
Dedilar:. Jahonga buyuk yurtboshi,
Parvoz aylagandi qaysi ma’vodan.
Javob berdilarki,. Hurlik quyoshi,
Qalqqandi dastavval Qashqadaryodan.
Dastavval, dastavval Qashqadaryodan!
1999

Abdulla Oripov

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Qashqadaryo haqida she'rlar
« Javob #4 : 26 Oktyabr 2007, 15:17:24 »
FAXR

Xalq deputatlari Qashqadaryo viloyati kengashi sessiyasida o‘qilgan she’r

Kimdir maqtanadi san’ati bilan,
Birov ilmu fanga rag‘bati bilan.
Kimdir she’ri bilan maqtansa, kimdir
Maqtanar mol-dunyo, davlati bilan.

Kimdir o‘rmonlarin ko‘kka ko‘tarsa,
Kimdir gerdayadi shaxmati bilan.
Ularning bari-ku insonga xosdir,
Birma-bir kelgaydir navbati bilan.

Toshkentda haykal bor bir oilaga,
Shon topmish yetimga shafqati bilan.
Ahli Kesh maqtansa arziydi - Temur
Jahonni zabt etdi sarvati bilan.

O’zbekning boshidan zar sochsin dunyo,
Topdi u rizqini zahmati bilan.
Uning asosidir - buyuk bobolar
Bizga ibrat bo‘ldi mehnati bilan.

Bizdek nochorlar-ku yerga qaraymiz,
Kimdir osmon bo‘ldi savlati bilan.
Qashqadaryo xalqi faxr etar doim
Islomi yaratgan shavkati bilan.
1998 yil, iyun

Abdulla Oripov

saraton07

  • Full Member
  • ***
  • Rahmat
  • -aytdi: 0
  • -oldi: 10
  • Xabarlar: 175
  • Jins: Erkak
  • Ollohim,hech kimni ayirma muhabbatingdan!
Re: Qashqadaryo haqida she'rlar
« Javob #5 : 17 May 2008, 18:54:51 »
Assalomu-alaykum Qashqadaryoliklar! ajoyib she'rlar. Yashasin ma'rifat va ma'naviyat!Yashasin  Ziyooooooooooooo! Qani, hamma  Qashqadaryoliklar,  bu yoqqa, Ziyouz.com ga.   Bo'shashmanglar! Hamma narsa   yaxshilik uchun, ilmu-ziyo uchun!Olg'aaaaaaaaaa!
Qalbingiz  Ollohga  itoat  etsin.
Ollohnig  sevgisi barchaga   yetsin.

 

Ota-onalarimiz haqida she'rlar

Muallif KumushbibiBo'lim She'riyat

Javoblar: 78
Ko'rilgan: 316840
So'nggi javob 24 Mart 2013, 06:33:47
muallifi muzaffar.uz92@yahoo.com
Samarqand haqida she'rlar

Muallif MohinurBo'lim Samarqand viloyati

Javoblar: 13
Ko'rilgan: 26853
So'nggi javob 02 Fevral 2012, 14:07:29
muallifi Ansora
O'zbek va millat haqida she'rlar

Muallif shoirBo'lim She'riyat

Javoblar: 21
Ko'rilgan: 50968
So'nggi javob 04 May 2013, 23:30:27
muallifi azizbek_mx
Shoirlik va she'r haqida she'rlar

Muallif shoirBo'lim She'riyat

Javoblar: 8
Ko'rilgan: 13898
So'nggi javob 03 May 2013, 21:42:12
muallifi ilmitolib0720
O'simlik, gul va daraxtlar haqida she'rlar

Muallif shoirBo'lim She'riyat

Javoblar: 2
Ko'rilgan: 10503
So'nggi javob 03 May 2013, 21:37:42
muallifi ilmitolib0720