Héchkim yoq
abduqadir jalalidin
(aptur1964-yili qeshqerde tughulghan)
Shawqunlarning tilsimida özümni tingshidim,
awazimni kesti apilésin renggi.
Untulmaqtimen awat kocha chirighidek,
kiriwalimen kechküzning titrek qoynigha.
Hawa soghuq, awazgha aylan'ghan künüm,
tonglap kettim sayilerning yamrashliridin.
Kala göshi suyuq'éshi turar horlinip
quchaqlidi bir quyun exlet döwisini.
Shakilat hem shirshim kempüt qeghezliri
nur behride üzer idi bélijanlardek.
Méngip yürdüm migh ـ migh adem arisida,
erkinlikim, söyginim pelek siirtida
qelbimdiki küy qushliri
tashtin yiraq, ormandiki söget shéxida
qesemlerge oxshighan warqirashlirim
pitnilerge egiship ketti waqitqa.
Kim u bulbullarni métaldin yasap
ésip qoyghan botkilarning eyneklirige?
Kim u perishtilerning heykellirini
uzun bambuk tayiqida körsitip turup
bir top alsang alte koy dégen?
Yer asti ötüshmining peshtiqida
kim u közlirini yumghiniche
aldirash ademlerge ghijek chalghan
aqarmaqta pul bilen wehshiy daghlar
kitabini durbun qilip bir sen'etkar
sanap baqti bankining pelempiyini
ayallar könmeydu güzellikini
shairlarning pükülüp köyleshlirige
ular ussul oynar höpigerlerning
pulni kanay qilip püwleshlirige
emma, shairlar bek söygüge muhtaj
söyüwerse bolmas shéirnila
shéir emes u tekrarlan'ghini
qedirleydu hetta özini emes
bashqilarni békette kütüshlirini
puldarlar sorun'gha bolidu zinnet
Sen'et u derdlerdin tughulghan himmet
emma, derdmenlerning toyi binawa
bolghachqa naxshichi, sazende qimmet
ezeldin sen'etkarning süpsüzük yéshi
bolup keldi zerdarning eyshige righbet.
Qizim
men téxi yazalmighan yumran bir misra
bir küni u özini yazdi tosattin
minibus ikkimizni tashliwetti
muzlighan aghzigha qéri kéchining
asta chüshüwatqan qar uchqunliri
yapqanidi yüzini xire kochining
chiraghning astigha kelgende, qizim
ـ dada, qar bek chirayliq, - dédi.
ـ he, qar bek chirayliq.
ـ uni dessimisek boptiken, dad?
ــ dessimisek qandaq mangimiz?
Gep qilalmay qaldim bir haza
zey bir kéchini
ötküzdüm men tamaka shorap
oquymen shéir
uxlap yatqan qizimgha qarap
uning qolidiki lay qonchiqi
tikiler goya bir nerse sorap.
Dérizem aldigha kelgende kün
érinip turimen asta ornumdin
ittikla tartimen ténimge niqab.
Bu bir sheher
xeritidin temretkidek körüner manga
derexlerni qumurup tashlap
sémont bilen yasaymiz bu heykelni
néme u
chüshenmeymiz qushlar tilini
doxturxana yataqlarda
ingrighan awazlar sarghiyip ketken
"+" belgisining kölenggiside
chiqim bolup turmaqta paniy hayattin
téléwizorda qilishti dawrang
girim dukinining xojayinini
hélimu mezmut gherbiy chongköwrük
sular aqmas astida emdi
Üstidin öter
tash bilen girim purap turghanlar
astidin tawutlar ötidu pat ـ pat
qutulushqa do tikilgen hayat.
Chöchüp tursammu
heshemetlik mashinilardin
asan emes hemmidin kechmek
illiq bir teselliy tapalmisammu
yürimen özümni özümge sö〗lep
mana bu
güller örten'gen axsham
kishiler witamin'gha boldi intizar
kündüzdin özini qachurup biri
meyxanigha kiripmu alalmidi tin
qélinlap barmaqta dildiki ghubar
renjime shéir
qiliwetme shairingni unchilik nazuk
kishilerge nan kérektur hazir
kündüzde jan körünse güzel
axshimi hesritini pichirlar ünsiz
zaman kün heqqide oquydu dastan
axir temtirep qalghanda nursiz.
menbe: ''tengitagh''zhornili
