Muallif Mavzu: Бодомли сут  ( 4024 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

Mahdiyah

  • HIDOYAT ALLOHDAN...
  • Global Moderator
  • Mega Member
  • *****
  • Rahmat
  • -aytdi: 5209
  • -oldi: 4920
  • Xabarlar: 4369
  • Jins: Ayol
  • Allohim! O'zingdan o'zgaga muxtoj qilmagin...
Бодомли сут
« : 12 Yanvar 2012, 16:14:20 »


Бодомли сут – бу жуда хуштаъм ва соғлиқ учун жуда фойдали ичимлик бўлиб, у сизга ҳақиқий лаззат бахш этади ва кайфиятингизни кўтариб, бутун бир кунга сизни қувватлантиради. Уни тайёрлаш жуда осон, уни тайёрлаш учун керак бўладиган маҳсулотларни топиш эса қийин эмас. Бироқ унинг таъсир натижаси кутилгандан ҳам афзалроқ бўлиб чиқади, мани айтди дерсиз! Хўш, бир ўзингизни ва яқинларингиз қувонтиринг-чи!

Бодом сути таркибида исмалоқ ва сулиникига нисбатан анча кўп магний мавжуд. Бундан ташқари унинг таркибида кўп миқдорда фосфор, кальций, руҳ, фолий кислотаси, тўйинмаган Ñ‘ғ кислоталари, Е витамини бор.

Озуқавийлиги жиҳатдан бодом донаги мағзи гўшт, сут, балиқ, кўпгина мева ва сабзовотлардан ҳам тўйимлироқ, чунки унинг таркибида Ñ‘ғ (деярли 70 %), оқсил (деярли 34% ) ва углеводлар мавжуд.

Машҳур аллома Ибн Сино бодом донагини кўпгина касалликларга даво сифатида ишлатган. Бодом мағзи ва асал аралашмаси астма, зотилжам (плеврит), ичак ярасини даволайди, кўриш қобилиятини яхшилайди  ва эркакларнинг жинсий қувватсизлиги, уйқусизлик, камқонликка қарши яхши восита ҳисобланади. Қадимги қўлёзмаларда ақлий толиқиш, бош оғриғи безовта қилган ҳолларда бодом донагини истеъмол қилиш тавсия этилган, шунда у кишига яна жон киради. Аччиқ бодом донаги буйрак ва сийдик пуфагини “шлак”лардан тозалайди, уларда тўпланиб қолган тошларни майдалайди, бачадондаги шишларни йўқ қилади ва буйрак оғриқларини секинлаштиради.

Хусусан бодомли сут ҳомиладор аёлларга тавсия этилади. У болалар учун сурги дори сифатида, каттаю кичикка иштаҳани очадиган восита, юрак хасталиги борларга тинчлантирувчи восита, зотилжам (пневмония), томоқ оғриғи, метеоризм, томир тортиши (судурги), қандли диабет, мигрень, бронхиал астма ва бош оғриқларига қарши восита сифатида тавсия этилади. Тиббиёт ходимлари бодом мағзи ошқозон ширасини пасайтиришини аниқлаганлар, шунинг учун бодом меъда ва 12-бармокли ичак яраси касаллиги билан касалланганларга тавсия этилади.

Бундан ташқари бодом донагидан А ва Е витаминларга бой бебаҳо бодом мойи олинади. Бодом мойи сурги дори (болаларга) ва ични юмшатувчи восита сифатида ишлатилилади. Бодом мойи тинчлантирувчи, дардни секинлантирувчи, тери шамоллашига қарши восита бўлиб, у ошқозон-ичак тракти фаолиятини тартибга солади, яраларни ва ётаверишдан эзилиб ва қотиб қолган жойларни тузатади.

Бодомли сут учун керакли маҳсулотлар:

Хом бодом мағзи - 1 стакан

Кокос қириндилари - 3 ош қ.

Долчин - 1/2 таёқча ёки 1/2 чой қошиқ талқони

Сув - 3 стакан

Табиий ширин қилувчи воситалар (асал, хурмо, заранг дарахти қиёми, агава қиёми)

Оқланмаган зиғир мойи 1 ош қ. (шарт эмас)

Қандай тайёрланади:

Бодом мағзини беш-олти соатга сувда ивитиб қўйинг, сўнг эски сувини тўкиб, устидан қайнаган сув қуйиб олинг, шунда уни пўстлоғидан тозалаш осон бўлади. Пўстлоғидан тозаланган бодом мағзини ва қолган маҳсулотларни блендер ёки ошхона комбайнида аралаштиринг. Тайёр маҳсулотни марлидан ўтказиб олинг. Энди бодомли сут тайёр, марҳамат!

Мазаси қанақа: бодом ва сариёғ таъмли қуюқроқ ичимлик.

Ичимликни оддий сут каби ишлатинг ва совутгичда сақланг (24 соатдан кўп сақламанг).

Косметология

Бодом отқиндилари (марлида қолган бодом қолдиқлари) анчадан бери косметологияда ювиниш, терини артиш ва унга малҳам каби суртиш учун ишлатилади. У юз терисини нафақат яхши тозалайди, балки юмшатади ҳам. Бодом сепкилларни кетказувчи яхшигина восита ҳисобланади.

Бундан ташқари космитологияда бодом мойи, сути ва суви ҳам кенг ишлатилилади. Бодом мойи терини озиқлантиради ва уни қуёшнинг куйдирувчи нурларидан ҳимоя қилади. Бодом сути ва мойидан тайёрланган ласьон эса баданни парваришлаш учун ажойиб воситадир. Бодом мойи терини яхшилаб тозалайди, уни нозик ва тетик қилади, кўз атрофидаги доғларни ва ажинларни кетказади.

manba: http://uz.islambio.com