Umumiy bo'lim > Islom

Duo qiling...

(1/113) > >>

Laylo:
Assalomu alaykum!
Ushbu mavzuda birodarlarimiz haqlariga birgalashib duo qilaylik.

Allohim, musulmonlarga g'alaba bergin!
Allohim, Livan musulmonlariga o'zing najot ber!
Allohim, kofirlar ustidan g'oliblikni nasib ayla!

Avval Senga so’z berib, so’ngra badnafsimga ergashib, so’zimda turmagan har vafosizligim, qilgan gunohlarim uchun sendan mag’firat so’rayman, Sening roziligingni maqsad qilib, ishga kirishar ekanman, o’zgalardan ham yordam so’raganim uchun, har xayr va yaxshilik uchun Sendan mag’firat tilayman!
Ey maxfiy va oshkor har narsani bilguvchi Allohim! Kun yorug’ida, tun qorong’usida, anjumanda va tanho, yashirin va ochiq qilgan har gunohim uchun sendan mag’firat tilayman! Ey halim! (£ilgan ayblari uchun quliga shoshilinch jazo bermaydigan) Allohim! £ur’oni Karim hurmatidan menga rahmat ayla, £ur’onni menga rahmat, imon, nur, hidoyat, shifo qil, Allohim £ur’ondan unutganlarim bo’lsa xotirlat, tushunmaganlarim bo’lsa anglat, kechayu kunduzda £ur’on o’qishni menga nasib et, £ur’onni menga qiyomat kunida shafoatchi, hujjat, nur qil. Allohim, manfaatsiz ilmdan, maqbul bo’lib huzuringa ko’tarilmaydigan amaldan va qabul qilinmaydigan duodan o’zing asra. Rabbim, Senga kofir bo’lishdan qabr azobidan asra, sendan boshqa iloh yo’q. Rabbim. Sendan pokiza hayotu, rohatli o’lim berishingni so’rayman, oxiratda xor va sharmanda bo’lmaslikni so’rayman. Ey Rabbim, menga hidoyat va taqvo, qalb pokligi va behojatlik ato et. Ilohim, meni ilmga boy qil, halimlik bilan beza. Taqvodorlik bilan hurmatli qil va tan-sihatlik bilan chiroyli qil, dushmanga yengilishdan, ustimdan kuladigan ishni qilishdan o’zing asra. Allohim, Sendan jannating va jamolingni ko’rsatishingni, do’zax azobidan panoh berishingni so’rayman, meni amali solihlardan qil, £ur’on xulqi bilan xulqlantirgin va Firdavs jannati vorislaridan qilgin. Omin!!!
"œEy Allohim! Sen mening Rabbimsan, Sendan boshqa iloh yo’q, meni sen yaratding, men Sening qulingning va joriyangning farzandiman, Sening (qudrat) hovuchingdaman, kokilim Sening (qudrat) qo’lingdadir".
Men kuchim yetguncha sening ahding va va’dang (senga bergan so’zim) uchun harakat qildim. £ilgan amallarimning sharridan (xato gunohlarimdan) Senga sig’inaman, menga ato etgan yaxshiliklaringni iqror etib, mening Senga qarshi gunohlarimni e’tirof etaman, u holda gunohlarimni kechir, chunki, gunohlarni faqat Sen afv etuvchi, faqat Sen kechiruvchisan!
"œEy Rahmlilar rahmlisi, mehribonlar mehriboni! Meni, ota-onamni, iymon keltirgan barcha erkak va ayollarni mag’firat et! Shubhasiz, Sen har narsaga va har ishga qodirsan!".

Laylo:
muslimasubh:
Alloh taolo butun olamlar podshohidir, va u xohlagan narsa bo'ladi, agar Alloh bir narsani iroda qilsa ,butun dunyo bunga qarshi tursa ham bu narsa bo'ladi, chunki U Qudrat va Hikmat sohibi bo'lgan, har narsaga Qodir bo'lgan Zotdir!
Alloh taolo aytgan, mo'min bandalariga , so'ranglar beraman, duolaringizni ijobat qilaman deb, Yo Rabbim deganimizda U labbay deb javob qiladi va yana uch mo'min kishi duo qilsa uni mustajob etajagini ham bayon etgan, va mazlumning, musofirning , ota-onaning duolarini tez ijobat qilishligini aytgan, shunday ekan , ey mo'min birodarlar, musofir birodarlar, Mubashshir birodarimizning haqlariga duo qilsak, chin ishonch bilan!
Alloh hamisha g'olibdir, u o'zi sevgan bandalarini ham adolar ustida g'olib etsin! Alloh adolatli zot, o'zi kimning haq, kimning nohaq ekanligini barcha yaqinlaringiz oldida oshkor etsin!
Alloh ahli oilangizning yuzini yorug' etsin! Alloh sizning:"Parvardigo ..." deya duoga ochgan qo'llaringizni qaytarmasin! Ameen Allohu Akbar!

Laylo:
Feruzabegim:

Olloh hammamizni o'z panohida asrasin, sog'lig'imizni bersin. Yuzimizning yorug'ligini, yo'limizning keng va ravonligini bersin.
Yurtimizga tinchlik, o'zimizga esa insof, vijdon bersin.
Barchangizning ezgu niyatlaringizning ro'yobini bersin.
Musofirchilikda yurganlarga eson omon yurtlariga qaytib borib, ota onasini ko'rish baxtini, qalbida sevgi atalmish tuyg'u egalariga, orzulariga yetishishlarini tilayman.Yuqoridagi barcha insonlarga ham niyatlarining ro'yobini bersin.
Duo qiling, axir duo bilan tirikmiz, u bilanda sog' omonmiz, biz ham qilamiz.

Laylo:
Soliha:

As-Salomu Alaykum hurmatli forum a`zolari , 3ta banda Allohdan nima sorasa ulani soraganini berilar ekan , siladan iltimos , Allohimdan manga o`zi yordam berishini , O`ziga tavakkal qilib qivotgan ishimni qollashini , mani qivotgan ishimga qarshilaga o`zi shu yo`lli to`g`riligini , ko`nglilariga solishini , mani shu sinovladan eson omon o`tvolishimizga yordam berishini chin dildan , namozilada duo qilishilani siladan so`riman , Allohimmi so`raguchilani gunohini kechirsin , Muhammad sav ning shafoatlariga loiq insonladan qilsin , Amin .

Laylo:
* * *

Har kim o‘zi bilganicha va o‘zi xohlaganicha duo qiladi, ya’ni Tangri-taologa iltijo qilib, nimanidir so‘raydi. Ba’zilar bir hafta yoki o‘n kun duo qiladi. So‘ragani berilavermagach, hafsalasi pir bo‘lib, duoni to‘xtatadi. Ko‘pchilik duoni so‘ramoqlik, deb hisoblaydi. Bu fikrni butunlay inkor etish niyatimiz yo‘q. Biroq, so‘rashda ham so‘rash bor-da! «Choynakni uzatib yuboring», «sigaret chektiring» ham so‘rash. Aniqroq aytsak, til uchida so‘rash. Duo esa qalbdan chiqmog‘i kerak. Ya’ni, avval qalbingizni Alloh bilan bog‘lamog‘ingiz, o‘zgacha ta’bir bilan aytsak, Allohni tanimog‘ingiz kerak. So‘rayotgan lahzangizda to‘laligicha Yaratganga bandi bo‘lmog‘ingiz shart. Tilingiz xonadoningizga baraka tilasa-yu, xayolingiz tanish juvonni restoranga taklif etish muammosi bilan band bo‘lsa, bu duo hisoblanmaydi. Deylik, bir qop bug‘doyni ko‘tara olmaysiz. Sizga yordamchi kerak. Ro‘paradan olti yoshli go‘dak bilan yigirma yashar yigit kelyapti. Siz hech qachon olti yoshli bolaga murojaat etib, «ko‘tarishib yubor», demaysiz. Yigitdan iltimos qilasiz. Ayni choqda siz yigitning kuchini tanidingiz, unga ishondingiz. Duo qilinayotgan nafasda ham Allohning buyukligi, yagona qudrat egasi, mehribon va rahmdil ekanini his qilib turish kerak bo‘ladi.
Donishmandlar aytishganki: «agar men senga Xudo haqida gapirsam, tilla yoki kumushdan yasalgan bir buyum haqida gapiryapti, deb o‘ylamagin. Senga bayon qilayotganim Xudo — sening qalbingdandir. Tashqaridagi mavhum narsa emasdir. Yomon xulqing va buzuq ishlaring bilan sen eng avvalo o‘z qalbingni ifloslaysan. qalbingdagi Allohni inkor etgan bo‘lasan. Agar tilladan bir but yasalsayu, «Mana shu Xudo bo‘ladi», deyilsa, sen unga ro‘para kelsang, yoki yonidan o‘tayotganingda ozgina bo‘lsa-da, xayiqasan. Shu haykal poyida gunoh ish qilishdan tiyilasan. Lekin har bir qadamingni ko‘rib turuvchi, har bir nafasingni sezuvchi, har bir niyatingning mohiyatini anglovchi, qalbingdagi Allohdan qo‘rqmaysan, gunohdan qaytmaysan. Birovga zulm qilish uchun reja tuzayotganingda yoki pok ayolni buzuqlikka chorlayotganingda aqalli uyalib ham qo‘ymaysan...
Agar biz Alloh qalbimizda ekanini, barcha yaxshi-yomon ishlarimizga o‘zi guvohligini hamisha yodda tutganimizda edi, gunohlar daftarini to‘ldirmas edik. Alloh ham gunohkor qalblarni tark etmas edi.

Tohir Malik

Navigation

[0] Message Index

[#] Next page