Ro'za haqida hadislar  ( 89513 marta o'qilgan) Chop etish

1 ... 17 18 19 20 21 22 B


saltanat  15 Sentyabr 2009, 09:02:20

Imom Muslim Abu Hurayra r.a.dan rivoyat qilgan hadisda Rosululloh S.A.W.:"Ramazondan keyingi eng afzal ro'za Muharram oyi ro'zasidir, farz namozidan keyingi eng afzal namoz tungi namozdur" dedilar.

Muharram oyining 10-kuni -Ashuro kuni deyiladi.Bu kuni ro'za tutmoq sunnatdir,Rasuli Akram S.A.W. bu kunda ro'za tutganlar,Madinai Munavvaraga tashrif buyurganlarida yahudiylarning ham bu kunni ro'za tutganlarini ko'rganlaridan so'ng sahobalarga yahudiylar kabi bo'lmaslik uchun Muharram oyining 9 va 10-kunlari yoki 10 va 11-kunlari ro'za tutishlikni buyurganlar.
         manba "Muqaddas oylar va mustajob duolar" kitobi
                   "Movaraunnahr" nashriyoti 2003.


Tungi namoz - tahajjud Rosululloh S.A.W.targ'b qilgan va Alloh taolo bu amal egalarini maqtab ularga katta mukofotlar va'da qilgan ibodatdir.Chunki hamma ham kechasi shirin uyqudan voz kechib Allohning zikri bilan qoim bo'lishga mavaffaq bo'lavermaydi.
         manba:"Masjid va honadonlarda o'qiladigan kundalik darslar". 1-kitob.
                   D.Roshid Xusayn al-Abdulkarim.

Qayd etilgan


saltanat  15 Sentyabr 2009, 12:41:44

Imom Buxoriy rivoyat qilgan hadisda Anas r.a.shunday deydilar:Rosululloh S.A.W. Fitr (Ramazon hayiti) kuni bir nechta hurmo yemagunlaricha (hayit namoziga) chiqmas edilar.Bir rivoyatda "hurmolarni toq yerdilar" ziyoda qilingan.

Imom Termiziy rivoyat qilgan hadisda Burayda r.a.shunday dedilar:Rosululloh S.A.W.Fitr (Ramazon hayiti) kuni biron narsa tanovvul qilmasdan namozga chiqmas edilar, ammo Qurbon hayiti kuni iyd namozini o'qimagunlaricha biron narsa yemasdilar.

Qayd etilgan


Hadija  23 Sentyabr 2009, 18:37:38

Rasululloh sallallohu alayhi va sallam shunday deb marhamat qildilar:
""Kimda kim Ramazonda ro'za tutib, uning ketidan Shavvolda 6 kun ro'za tutsa, bir yillik ro'zadek bo'ladi (ya'ni bir yillik ro'za tutganlik savobini oladi) "."
[Sahih Muslim]

Qayd etilgan


Sadulla  10 Iyul 2013, 09:43:08

Assalomu alaykum.

"Sizlarga muborak ramazan oyi keldi. Alloh uning ro‘zasini sizlarga farz qildi Bu oyda jannat darvozalari ochilib, jahannam darvozalari yopiladi, shaytonlar zanjirband qilinadi Bu oyda bir kecha borki, u ming oydan yaxshiroqdir. Kim u kechaning yaxshiligidan mahrum qolsa, (ko‘p narsadan) mahrum bo‘libdi."
Imom Ahmad va Imom Nasoiy rivoyatlari.

Qayd etilgan


Sadulla  16 Iyul 2013, 11:45:28

Assalomu alaykum.

Payg'ambarimiz sollallohu alayhi va sallam dedilar: "Ro'za qalqon bo'lib banda uning vositasida do'zaxdan satrlanadi".Imom Ahmad rivoyati.

Qayd etilgan


MirzoMuhammad  18 Aprel 2019, 15:03:32

Рамазонга тайёргарлик
Ҳадемай рамазон ойи кириб келиб қолади. Имони мукаммал инсон рамазон ойини ўн бир ой интиқиб кутади. Ўн бир ой келгуси рамазон учун тайёрланаи. Биздек гуноҳкор банда инсоф юзасидан ҳеч бўлмаганда ҳали ҳам бўлса тайёргарликни бошлмасак бўлмайди. Акс ҳолда, у муборак ойдан баҳраманд бўлишни бошлагунимизча анча қисмини бой бериб қўйишимиз мумкин.
Шунинг учун ҳам пайғамбаримиз Муҳаммад (соллаллоҳу алайҳи васаллам) бундай дeганлар:
"Жаннат тўрт нафар кишига муштоқдир. Қуръон ўқувчиларга, тилини ёмон сўзлардан тийганларга, очларни едириб-ичириб, тўйдирганларга ва рамазон ойида рўза тутганларга" ("Равноқул мажолис").
Хабарда кeлишича, рамазон ойининг ҳилоли кўринганда, Арш, Курси ва уларни кўтариб турувчи фаришталар: "Муҳаммаднинг умматига жаннат бўлсин", дeб ҳайқирадилар. Аллоҳ ҳузурида тайёрлаб қўйилган кароматларни кўриб, қуёш, ой, юлдузлар, ҳаводаги қушлар, сувдаги балиқлар, шайтонлардан бошқа барча жонзотлар Муҳаммад (соллаллоҳу алайҳи васаллам) умматлари учун Аллоҳдан мағфират сўрайдилар. Ўша кeчада бирор киши мағфиратсиз тонг оттирмайди. Аллоҳ таоло малоикаларга: "Рамазондаги ҳамма саловоту тасбиҳларингизни Муҳаммад (алайҳиссалоту вассалом) умматига бағишланглар", дeйди.
Рамазон ойига тайёргарлик кўриш ушбу тартибда бўлишини тавсия қилибдилар:
1. Ниятни тўғрилаш. Ибодат холис Аллоҳ учун бўлишини ният қилиш. Рамазон озиш учун, чиниқиш учун тутиладиган жисмоний риёзат эмас.
2. Овқатланишни ҳар доим, хусусан, Рамазонда ҳам меъёрида қилиши, ортиқча исрофгарчиликка йўл қўйиш ҳаромлигини эсда тутиши керак.
3. Қуръони каримни кўпроқ тиловат қилиб ўтказишга ҳаракат қилсин. Салафларимиз Рамазон келса, ҳамма Қуръон тиловатига шўнғир эди.
4. Беҳуда гаплар, фойдасиз ишлар, вақт ўғирловчи томошалардан бу қимматли мавсумда ўзни тийиш зарур. Рамазонни бундай бефойда, билъакс, зарарли нарсалар билан ўтказиб юбориш чинакам маҳрумлик, бахтсизликдир. Бундай ҳолга тушиб қолмасликка қаттиқ ҳаракат қилайлик.
5. Ният холис бўлишига тўғаноқ бўлувчи иллатлардан қалбни тозалашга ҳаракат қилиш керак: риё, кўролмаслик, мусулмон фарзандига адоват, нафрат, кибр, ҳасад каби маразлар ўрнини ихлос, биродарларга муҳаббат, уларга яхшилик соғиниш, яхши гумон, камтарлик, синиқлик ва бошқа эзгу хислатлар билан тўлдиришга уриниш лозим. Қуръонни кўп тиловат қилиш бу ўринда жуда катта ёрдамчи бўлади.
6. Ҳар бир киши қўл остидагилардан ҳар доим масъул, Рамазонда эса бу масъулият янада ошади. Айниқса, фарзандлар, ўқувчилардан оила бошлиқлари, муаллимлар масъулдирлар, уларнинг вақти ҳам беҳуда нарсаларга кетиб қолишининг олдини олишга ҳаракат қилсинлар.
7. Чин қалбдан тавба ва истиғфорга машғул бўлиш, тоатидан маҳрум қилиб, беҳуда ишларга машғул қилиб қўйишдан паноҳ сўраб ўтказиш зарур.

Абдураззоқ Фармонов. Асака т. "Сиддиқ ҳожи" жоме масжиди имом хатиби

Qayd etilgan