Umumiy bo'lim > Ro'za

Ramazonda Qur'oni Karimni xatm qilaylik!

<< < (50/50)

MirzoMuhammad:
Қуръон шифодир
   Бизларни Рамазон ойига қалбларимизда имон ила етказган Аллоҳ таолога ҳамду санолар, пайғамбаримизга дуруд саломлар бўлсин. Ер юзидаги барча мусулмонларга Рамазон баракаси нозил бўлсин.
   Ушбу ой кўплаб Қуръон хатмлари бўлгувчи ой экан, Қуръони карим фазилатларини яна бир бора эслаб қўйишлик, хатмлардан кўпроқ руҳий озуқа олишимизга сабаб бўлишини эътиборга олиб, камина ожиз банда ҳам бир навъи уриниб сизларнинг хизматингизда бўлишни ихтиёр айлади.
قال البخاري في فضائل القرآن: حدثنا محمد بن المثنى، حدثنا وهب، حدثنا هشام، عن محمد، بن معبد، عن أبي سعيد الخدري، قال: كنا في مسير لنا، فنزلنا، فجاءت جارية فقالت: إن سيد الحي سليم، وإن نَفَرَنَا غُيَّب، فهل منكم راق؟ فقام معها رجل ما كنا نَأبِنُه برقية، فرقاه، فبرأ، فأمر له بثلاثين شاة، وسقانا لبنا، فلما رجع قلنا له: أكنت تحسن رقية، أو كنت ترقي؟ قال: لا ما رقيت إلا بأم الكتاب، قلنا: لا تحدثوا شيئا حتى نأتي، أو نسأل رسول الله صلى الله عليه وسلم، فلما قدمنا المدينة ذكرناه للنبي صلى الله عليه وسلم فقال: " وما كان يُدْريه أنها رقية، أقسموا واضربوا لي بسهم".
وقال أبو معمر: حدثنا عبد الوارث، حدثنا هشام، حدثنا محمد بن سيرين، حدثني معبد بن سيرين، عن أبي سعيد الخدري بهذا.
وهكذا رواه مسلم، وأبو داود من رواية هشام، وهو ابن حسان، عن ابن سيرين، به. وفي بعض روايات مسلم لهذا الحديث: أن أبا سعيد هو الذي رقى ذلك السليم، يعني: اللديغ يسمونه بذلك تفاؤلا.
   Абу Саъид Худрий разияллоҳу анҳу ривоят қилади – "Сафарга чиққан эдик. Бир жойга бориб тушдик. Бир аёл келиб:
–   Қабила бошлиғини илон чақиб олди. Сизларда дам солгувчи борми? – деб сўраб қолди. Бир киши бор эди, биз уни дам солгувчи дер эдик, ўша ҳалиги аёл билан кетди. Бориб дам солган эди, тузалиб қолди. Унга ўттизта қўй беришни буюрди. Бизлар сутидан ичдик. Қайтган чоғида:
–   Сен илон чаққанни боплаб аврадингми ёки дам солдингми? – деб савол бердик.
–   Йўқ, мен фақат "Уммул Китоб" ("Фотиҳа" сураси) билан дам солдим, – жавоб берди ўша киши.
–   Энди қайтгунимизга қадар ёки Расулуллоҳ саллаллоҳу алайҳи ва салламдан сўрагунимизга қадар ҳеч нарса деманглар, деб келишдик. Мадинага қайтгач пайғамбар саллаллоҳу алайҳи ва салламга айтган эдик:
–   Унинг идрок қилгани ҳақиқатан ҳам дам солиш эди. Тақсимланглар, менга ҳам улушимни ажратинглар, – дедилар саллаллоҳу алайҳи ва саллам. (Имом Бухорий ривояти. Муслим, Абу Довудлар ҳам шу каби ривоят қилганлар. Баъзи ривоятларда баён қилинишича дам солган киши ровий – Абу Саъид Худрийнинг ўзи деганлар)
Яна бир ривоятида "Аллоҳнинг Китобига ижара олди" деганларида Расулуллоҳ саллаллоҳу алайҳи ва саллам: "Ижара олишга ҳақлироғи Аллоҳнинг Китоби-да!" – деганлар.

Улуғбек қори Йўлдошев
02.08.2012.

Navigation

[0] Message Index

[*] Previous page