Bu tortni qo'shnilarimni birinchi marta uyimga chaqirganimda int-dan topgandim. Qolgan ovqatlar qiyin bo'lganligi uchun osonroq shirinlik nima qilsam ekan, deb turganimda bu tort jonimga oro kirgandi:)
Shu kundan beri qo'shnimni bolalarini tug'ilgan kunlari, har xil tadbirlari bo'lganda iltimos qilishadi onalari.
Ayollarni vaqtlari judayam qadrli, tort tayyorlash qiyin, bir dunyo kirli idish tovoq, bir dunyo vaqt (men shunday, deb o'ylayman:) Lekin bu tort vaqtingizni kam oladi, kam kirli idish chiqaradi sizga, lekin mazasi og'zingizda qoladi:)
Shuncha reklama yetar-a:)
Kerakli masalliqlar:
1 dona 2 qavatli kakaoli tort noni (keksi)
1 paket bananli puding
2 dona banan
1 paket shokoldadli sous
1 stakan sut
Hindiston yong'og'i maydalari
Tayyorlanishi:
1 dona tort nonini ichiga strech naylon yoyilgan keng idishga solib 0.5 stakan sutni nonni ustiga surtib chiqing. Xohlaganlar meyva sharbati ishlatsa ham bo'ladi. Bananli pudingni paket ustidagi ta'rifga qarab tayyorlang (sut miqdorini biroz ozaytirsangiz ham bo'ladi) Bananlarni to'grab pudingni ichiga aralashtiring va tort nonini ustiga yoying. tortni 2-chi bo'lagini pudingni ustiga yopib, yana sut bilan namlandiring. Strech naylonni yoping. Agar vaqtingiz bo'lsa bu holda 1 kun muzlatgichda qolsin, lekin 3-4 soat ham yetadi. Skololadli sousni ustidagi ta'rifga qarab tayyorlang. Tortni orqasini o'giring. Ustiga sousni to'kib, Hindiston yong'og'i maydalari bilan bezang.
