Ona Tilim
Marhum Haji Abdul Hamid Yüsüfi
Ey tilim Uyghur tili, sen ana til elning tili,
Sen büyük til, sen yétük til, barche tillar serxili.
Sen güzel til, sen süzük til, sen huzurum, tatliqim,
Sen yuwash til hem asan til sende nusret, shadliqim.
Ewwili "ingnge"œde singding jan’gha, dilni lal qilip,
Keynidin bulbulgha oxshatting zuwanni bal qilip.
Sende chiqti pushti Uyghurning tili Uyghurchilap,
Sen bilen tarqaldi Uyghur lewzidin xushbuy gulab.
Sende hazirlandi, "millet"œ shertning bir maddisi,
Sen bilen bix sürdi "millet"œ shaxlirining qaldisi.
Milliyet mewjut "yaran"œ milliting yoq bolmisa,
Nede u milli sherep, izzet tiling "toq"œ bolmisa.
Til digen ejdad bilen ewladni baghlar, rishte bil,
Rishte chingliqta toqulghay ne isil uz keshte bil.
Ana til-milliy tiling bolghachqa Uyghurluq séning,
Ana til birle jahan ichre yüzüng nurluq séning.
Ana til-til ghelibiside qiliptu bay bilsem méni,
Erebi, Farsi hem ögendim, Orduche, Xenzuchini.
Ey yaran! men "haji"œ liqta qaysi yurtni kezmidim,
Ana til- Uyghur tilidek temde balni sezmidim.
Jan yashardi öz zuwanim birle bir söz anglisam,
Qaldi heyran xeq shu tilda öz élimni danglisam.
Chünki bu til qan’gha singgen etiwar til-yurt tili,
Ushbu tilda pütti dastan sha’irlirim-yurt bulbuli.
Ushbu tilda yazdi ellame-edibler köp zaman,
Ushbu tilda qaldi mewjut Xas Yüsüf, Mahmud haman"¦
Ushbu tilni sepke tizsaq nechche persengler qatar,
Birsi Uyghur, birsi Özbek hem Qazaq, Qirghiz, Tatar.
Tilgha el heghda, uning wayi qelemkesh tilkidin,
Öchmisun bu til Ili, Turfanu, Kashgher, Ilchidin.
Dewrimiz berdi hoquqni, til sapliqin saqla dep,
Til-yeziq erki séning ilkingde burchni aqla dep.
Ey zamanim yashliri ejringde perwish tapsa til,
Shir Nawo’idek chüshüp beygige yengse, chapsa til.
Kim xushhal bolmaydu, rohlar shad bügün hem ete shad,
Ana til-bayliq! uni qoghda, bu yolda tohpe qat.
