Ozgina oldin qaynonamlarnikiga borgandim, qaynonam tomat qilibdilar, tezda tayyorlanishini oldim. Nasib bo'lsa ertaga pomidor olib, qilmoqchiman.
Kerakli masalliqlar:6 kg pomidor (2 kg tomat chiqarkan, albatta bu pomidorni turigaqarab ham o'zgarishi mumkin)
4-5 qoshiq (1 hovuch) tuz
Tayyorlanishi:Pomidorlarni mumkin marotaba yumshoqlaridan oling. Yaxshilab yuvib, 4ga bo'lib, kattaroq idishga soling. Ustidan 1 hovuch tuzni seping, aralashtirmang.
Shu shaklda balkoningizni oz bo'lsada quyosh tushadigan joyiga qo'ying. Orada qarab, pastga ajrab chiqqan suvini suzing, hech aralashtirmang.
Oradan 5-6 kun! o'tgandan keyin (agar pomidoringizni suvi qurib, idishingizga yopisha boshlagan bo'lsa vaqtliroq qaynatishingiz mumkin) pomidorlarni olib po'stlarini yaxshilab ajratish uchun makaron suzadigan asbobga o'hshagan teshikli idishda suzib oling. Hech po'sti qolmasin, po'stini yaxshilab siqib oling ki, suvi zoy'e bo'lmasin.
Pomidor sousi sig'adigan qozonga solib, o'rta olovda to qo'yilgunga qadar qaynating.
Tahminan 4-5 soatlardan keyin qoshiqda olib qarab ko'ring, bilsa bo'ladi tomat bo'ldimi yo'qmi.
Agar muzlatgichda saqlaydigan bo'lsangiz oddiy qopqoqli idishlarga solib, ustiga havo o'tkazmaslisi va ko'karmasligi uchun 1 sm atrofida yog' quying. Agar keyinchalikka olib qo'ymoqchi bo'lsangiz, tomat qaynab turganda bankalarga yoping.
Yaxshi kunlarda ishlating:)