Feruza:
Assalomu alaykum.
Savolingiz jiddiy, javob berishga harakat qilaman.
Sharq bilan musulmonlar haqida ikki xil nuqtai nazar bilan qarashadi. Chunki bular alohida narsalar. Siz Sharqdagi musulmonlar demoqchimisiz? Chunki musulmonlar faqat Sharqda emasku?!
Ular Sharq haqida judayam yaxshi fikrda, ular uchun bu o'zining axloqiy qoidalari-yu, samimiy odamlari bilan boy bo'lgan mamlakatlar. Musulmonlar haqida esa umuman boshqacha. Har kim fikr doirasiga va bilimiga qarab Musulmonlar haqida gapirishadi. Ba'zilarining Musulmonlarga hurmati baland, ular bilan do'stona munosabatdalar, lekin stereotypelarga ishonishadiganlari ham yo'q emas. Ba'zi bir insonlarning qabih harakatlari tufayli boshqalari ham shunday bo'lsa kerak deb o'ylashadi. Lekin, asta sekinlik bilan bu hol qisqarmoqda. Chunki AQSH musulmonlarining o'zlari har xil dasturlar ishlab chiqib, aholiga Islom dini haqida o'rgatishayapti. Keyin o'zlari Musulmonlar bilan birga yashab, asta sekinlik bilan Musulmonlarning tinchlikparvar ekanliklarini ko'rishmoqda. Shunday bo'lsada, haligacha o'sha eski, noto'g'ri fikrlar yo'q emas.
Hozirda men yashayotgan shaharda bittayam musulmon yo'q. Kelishimdan oldin oilamdan Musulmon ekanligimni bilishgach, turli xil gaplar bo'lib o'tgan. Lekin mana keldim, ko'rishdi, juda ko'p narsalarni so'rashdi. Ollohga shukr, hozir unaqa yomon o'ylashmaydi. Maktabda ham ko'p fanlarimdan Islom mavzusini tanlab, proyektimni qilaman. Muhokamadan o'tkazganimizdan keyin yana dinimiz haqida so'rashadi, javob beraman. Mana shu darslarim orqali orqali Islom ning ezgu va xolis din ekanligini ko'rishdi, qolaversa, o'zimning xatti harakatimdan bunga ishonch hosil qildilar.
Shunday qilib, hamma har xil o'ylaydi. Bu o'sha insonga bog'liq