Ahmad Muhammad. Rasululloh (s.a.v.) qaytarganlar  ( 34681 marta o'qilgan) Chop etish

1 2 3 4 5 6 7 8 B


Muslimaxon  20 Oktyabr 2006, 07:43:04

Rasululloh sollallohu alayhi vasallam har qanday mast qiluvchi va bo‘shashtiruvchi (giyohvand) narsalarni iste’mol qilishni man etganlar. (Abu Dovud va Ahmad rivoyatlari)

Abdulloh ibn Abu Qatoda otalaridan naql qiladilar: «Rasululloh sollallohu alayhi vasallam quritilgan xurmo bilan endigina rang kirgan xurmoni hamda quritilgan xurmo bilan mayizni bir-biriga qo‘shmoqdan qaytarganlar. Bularning har biridan alohida sharbat tayyorlanadi».
(Imom Buxoriy rivoyatlari)

Qayd etilgan


Muslimaxon  20 Oktyabr 2006, 07:43:15

Jobirdan (r.a.) rivoyat qilinadi. «Nabiy sollallohu alayhi vasallam: «Kim Allohga va oxirat kuniga iymon keltirgan bo‘lsa hammomga ishtonsiz kirmasin. Kim Allohga va oxirat kuniga iymon keltirgan bo‘lsa, jufti halolini hammomga kiritmasin. Kim Allohga va oxirat kuniga iymon keltirgan bo‘lsa, xamr (aroq) aylantirib turilgan dasturxon atrofida o‘tirmasin», dedilar».
(Imom Termiziy va Hokim rivoyatlari)

Abdulloh ibn Abbos (r.a.) rivoyat qiladilar: «Rasululloh sollallohu alayhi vasallam sut ichgach (suv bilan) og‘izlarini chayqab tashladilar va «sutda yog‘ bor», dedilar (ya’ni tahoratli kishi tarkibida yog‘ bo‘lgan biror ichimlik yoki taom iste’mol qilgach, og‘zini suv bilan chayqab tashlab, so‘ngra namoz o‘qishi kerak). (Imom Buxoriy rivoyatlari)

Qayd etilgan


Muslimaxon  20 Oktyabr 2006, 07:43:22

Zuhriy bunday deydilar: «Inson peshobini ichish qat’iyan man etiladi, chunki u nopokdir. Alloh taolo: «Sizlar uchun pokiza ne’matlar halol qilindi», deydi».
(Imom Buxoriy rivoyatlari)

Qayd etilgan


Muslimaxon  20 Oktyabr 2006, 07:43:35

 OVQATLANISHDAGI QAYTARIQLAR

Anas ibn Molik (r.a.) rivoyat qiladilar. «Rasululloh sollallohu alayhi vasallam vafot etgunlariga qadar xontaxtada ovqatlanmadilar va yumshoq non tanovul qilmadilar».
(Imom Buxoriy rivoyatlari)

Jobir ibn Abdullohdan (r.a.) rivoyat qilinadi. «Rasululloh sollallohu alayhi vasallam Xaybar jangi kunida xonaki eshak, xachir, oziq tishli yirtqich hayvonlar va changak tirnoqli (yirtqich) qushlar go‘shtini iste’mol qilishdan qaytardilar».
(Imom Buxoriy va Termiziy rivoyatlari)

Qayd etilgan


Muslimaxon  20 Oktyabr 2006, 07:43:47

Jobir ibn Abdullohdan (r.a.)  rivoyat qilinadi.  «Rasululloh (s.a.v) bizga ot go‘shtini yedirdilar va eshak go‘shtini yeyishdan qaytardilar». (Imom Termiziy rivoyatlari)

Rasululloh sollallohu alayhi vasallam sabir (aloe) kabi zaharli giyohlarni ko‘p iste’mol qilib, xoh inson, xoh hayvonlarning o‘lib ketishini man etganlar.
(Abu Dovud rivoyatlari)

Qayd etilgan


Muslimaxon  20 Oktyabr 2006, 07:43:56

Jibilla (r.a.) rivoyat qiladilar: «Biz Madinada bir guruh iroqliklar orasida edik. Ibn Zubayr bizni xurmo bilan mehmon qilayotgan edi. Shu asnoda Ibn Umar yonimizdan o‘tib ketayotib: «Janobi Rasululloh juftlab yeyishdan qaytarganlar, ammo bunga egasi ruxsat etsa - joizdir», dedilar».
(Imom Buxoriy rivoyatlari)

Ibn Imron rivoyat qiladilar: «Payg‘ambar alayhissalom Xaybar kuni sarimsoq piyoz va eshak go‘shti yeyishdan qaytardilar».
(Imom Buxoriy rivoyatlari)

Qayd etilgan


Muslimaxon  20 Oktyabr 2006, 07:44:04

Zuhriy (r.a.) rivoyat qiladilar. «Rasululloh sollallohu alayhi vasallam qoziq tishli barcha hayvonlar (sher, bo‘ri, tulki, ayiq, yo‘lbars, fil, maymun va boshqalar) go‘shtini yemoqdan qaytardilar».
(Imom Buxoriy rivoyatlari)

Qayd etilgan


Muslimaxon  24 Oktyabr 2006, 13:38:35

 KIYINISHDAGI QAYTARIQLAR

Abu Umar Barro ibn Ozibdan (r.a.) rivoyat qilinadi. «Rasululloh sollallohu alayhi vasallam yetti narsaga buyurib, yetti narsadan qaytarganlar. Qaytarganlari: 1) tilla uzuk taqmoq, 2) kumush idishda ichmoq, 3) tuya egarlariga kimxob yoki ipakli mato to‘shamoq, 4) ipak va kanop aralashmasidan libos kiymoq, 5) ipak gazlama kiymoq, 6) qalin ipak kiymoq, 7) yupqa ipak kiymoq».
(Imom Buxoriy va Muslim rivoyatlari)

Barro ibn Ozib rivoyat qiladilar. «Rasululloh sollallohu alayhi vasallam bizni (ya’ni erkaklarni) yetti narsadan qaytarganlar: 1) kumush idish tutmoqdan, 2) tilla uzuk taqmoqdan, 3) ipakli kiyim kiymoqdan, 4) deboj (guldor ipakli kiyim) kiymoqdan, 5) qasiy (dag‘al matodan kiyim) kiymoqdan, 7) rivoyatda tushirib qoldirilgan.
(Imom Buxoriy rivoyatlari)

Qayd etilgan


Muslimaxon  24 Oktyabr 2006, 13:38:47

Abu Hurayra va Imron ibn Husayndan (r.a.) rivoyat qilinadi. «Rasululloh sollallohu alayhi vasallam erkaklarni tilla uzuk taqishdan qaytardilar».
(Imom Buxoriy va Termiziy rivoyatlari)

Huzayfa ibn Yamon (r.a.) rivoyat qiladilar. «Rasululloh sollallohu alayhi vasallam oltin va kumush idishda yeb-ichmoqni, harir (yupqa) deboj kiymoqni hamda bunday matolar ustida o‘tirmoqni bizga man qildilar».
(Imom Buxoriy rivoyatlari)

Qayd etilgan


Muslimaxon  24 Oktyabr 2006, 13:38:59

Barro ibn Ozib deydilar: «Rasululloh sollallohu alayhi vasallam qizil maysara va qassiy kiymog‘imizdan qaytardilar».
(Imom Buxoriy rivoyatlari)

Abdulaziz Anas ibn Molikdan (r.a.) naql qilib deydilar: ««Rasululloh sollallohu alayhi vasallam erkaklarning za’faron ishlatmog‘ini man qildilar».
(Imom Buxoriy rivoyatlari)

Qayd etilgan