Ta ezeldin her gunahqa mey seweb dep éytilar,
Bir sözüm bar anglisanglar sir shuningdin échilar.
Ademzat su we tupraq, ot shamaldin tel bolar,
Külli dan, su – shol xuruchqa salsa süzük mey bolar.
Tursa jimjit shéshide mey mewj urmas héchqachan,
Ichmigende meyni adem mörimey jim olturar.
Körse sebiy balilarni kim haraqkesh deydiken?
Mey emes ash toq yéyilse nede ittek qutritar.
Ne sewebtin üch qedehmu otlimayla bezining ---
Azdi eqli, put-qolida qalmidi jan ixtiyar!
Bezi bar nechche tamche mey ichelmes tügitip,
Bezilerge nechche on jam mey qilalmas qilche kar.
Beziler ketse aljip shirkeyplik destidin,
Beziler gherq mest bolupmu jöylümekni bildi ar.
Beziler mey shöhritidin tapti shanu-iftixar,
Zor palaket keltürüp mey bezilerni qildi xar.
Hemme sirning achquchi bopqaldi shunga bir maqal:
“mey kishini mest qilalmas, meyni adem mest qilar”!