Hurmatli forumdoshlar. Ushbu mavzuni ochishimga bir akamiz sababchi bo’ldilar. U kishi yaqin qarindoshlarimdan, bolalikdan beri birga o’sganmiz. Bizga juda ham mehribonlar Alloh rozi bo’lsin. Shu akamiz 3-4 yildan beri bemorlikdan aziyat chekadilar. Xullas bormagan doctor qolmadi. Operatsiya qilib taloqlarini ham olib tashlashdi. Yaqinda gaplashganimda ramazon ro’zasini 3 yildan beri tuta olmayotganlarini afsus bilan aytdilar. Shu kunlarda ahvollari og’irlashyapti. U kishini bir tanishi Jigar sirrozi bilan xastalangan ekan. Lekin u inson Tibet (Hindiston) ga borib davolanib kelgan ekan. Shu inson bilan bog’lanishni iloji bo’lmayotgan ekan. Xullas menga akalari telefon qilib, ukalarini kundan-kunga so’lib borayotganliklarini, Tibetdagi doctor haqida yoki davolash klinikasi haqida internetdan qidirib ko’rsa bo’ladimi, shuni iloji bo’lsa, qarab ko’ring degandilar. Afsus o’sha klinikani adresi ham, websayti ham electron manzili ham yo’q ekan. Borib kelgan odam esa umra safarida, u bilan bog’lanishni iloji bo’lmayotgan ekan. Men google.com dan ham qidirib ko’rdim. Agar oramizda shu haqida bilganlar bo’lsa, xabarlashsangiz. Albatta dardini bergan Alloh, shifosini ham faqat Alloh beradi! Birodarlar Duolarda barcha bemorlar qatori, shu akamizning ham haqlariga duo qilib qo’ysangiz, inshaAlloh duolar qabul bo’ladigan oyda turibmiz"¦
Inna Lillahi va inna ilayhi roji'un.
Ushbu mavzuni ochishimga sabab bo'lgan birodarimizni bugun lahadga qo'ydik. Alloh oxiratlarini obod qilsin. Menga bolaligimda Qur'on o'qishni o'rgatgan, meni xursand bo'lsin deya dendi o'ynashga oborgan va menga doim marojniy oberadigan akajonimni bugun qabrga qo'ydik. Bu dunyoda qorin og'rig'idan azob chekdilar. Alloh qabrlarini munavvar aylasin. Imomning Janoza namozidan oldingi ma'ruzasi hammani yig'latdi. Forumdosh birodarlar, sizlar ham ushbu birodarimiz haqlariga xolis duo qilsangiz. Barchamizdan Alloh rozi bo'lsin!
Inna lillahi va inna ilayhi roj'iun.Allohim, bu akamizni biz tanimaymiz. Lekin haqlariga birodarlik duosini qilamiz:
Allohim, bu birodarimiz og'ir dard bilan dunyodan o'tibdilar. O'zing bu kishinining yaxshi amallariga ko'ra rahmating bilan muomala qil. Qabrlarini keng qilgin. Hisoblarini oson qilgin. Gunohlarini mag'firat qilgin. O'zing bu birodarimizga rahm qilgin. Qabrlarida rohat bergin va Qiyomat kunida Firdavs jannatingga kirg'izgin.
Bu birodarimizning haqlariga qilayotgan duolarimizni ijobat qilgin.