Agar ba’zi birlar seni ranjitsa,
Azob otashida o‘rtanma butkul!
O‘zing bilasanki, hammani esa
Ko‘nglini bir hilda olmoqlik mushkul.
Ba’zida joningni jabborga berib,
Asl haqiqatni so‘zlaganing dam,
Ba’zi birlar sendan butunlay ranjib
Mumkin seni nodon deyishlari ham.
Bordi-yu, yaxshini desang ham yomon,
Aminman topilur senga tarafdor.
Dunyoda bor ekan haqiqat, yolg‘on,
Hammaga teng yoqish mumkinmas zinhor.
Demak, shunday ekan, yolg‘on gap sotib,
Nopoklar ko‘ngliga bo‘lgandan ma’qul.
Do‘stim, haqiqatu rostini aytib,
Faqat, vijdoningni buyurganin qil!

Shukrullo

La’ling ayo, ne ajab rangindur,
So`zi oning ne balo shirindur.

Ham qoshing taqvou toatga balo
Ham ko`zing ofatu aqli udingdur,
Hulla ichra badaning ko`rinur
Go`yo gulbarq aro nasrindur.

Roziman yonimda bo`lolmasang ham,
Ming dardim birini ololmasang ham.
Maylga menchalik sevolmasang ham,
Qoldirma yolg`iz meni, qoldirma yolg`iz...

Za'far yurtga nur to'kar oqshom,
Bog'da gullar javlon urgan payt.
Kel, jonginam, qo'shiq ayt, Hayyom
Kuylab o'tgan qo'shiqlardan ayt
Bog'da gullar javlon urgan payt.

Tong chog`ida turgil, nozanin go`zal,
Maydalab ichaylik, rubbobingni chal,
Dunyoda bor odam uzoq turmaydi,
Ketganlari qaytib kelmas hech mahal.

La’ling g’amidin ko’nglum erur g’uncha kibi qon,
Gulbargi tarim, xohi inon, xohi inonma.

Alamdan yuragim g`ashlandi netay,
Muhabbat azoblari boshlandi netay,
Ko`zim qarog`lari yoshlandi netay,
Dilimdasan doim, ilk muhabbatim.

Men dunyoni nima qildim,
O`zing yorug` jahonim,
O`zim xoqon, O`zim sulton,
Sen taxti Sulaymonim,
Yolg`izim, Yagonam deymi,
Topingan koshonam deymi,
O`zing mening ulug`lardan
Ulug`imsan, Vatanim"¦

Mayli kulib boqsin senga omad-baxt,
Mayli o`zga yor-la bo`lgin to abad,
Lekin bir savolimga javob ber faqat,
Menga nima qoldi sendan azizam....

Mayli kulib boqsin senga omad-baxt,
Mayli o`zga yor-la bo`lgin to abad,
Lekin bir savolimga javob ber faqat,
Menga nima qoldi sendan azizim....