520. Kimki turli vositachilar orqali qozilik mansabini egallagan bo’lsa, u o’z holiga tashlab qo’yiladi. Bordiyu o’zi xohlamasa-da, uni majburan qozi qilib qo’yilsa, Tangri uning so’zlarini to’g’rilab turuvchi yordamchi bir farishtani hamroh qilib qo’yadi.
521. Musibat yetganda sabr qiluvchi, berilgan ne’matlarga shukr qiluvchi, birovlarning qilmishlarini kechiruvchi, o’zi birovga zulm yetkazsa, tavba qiluvchi kishilarga xotirjamlik va hidoyat ado etilur.
522. Kimki biror millatni dilidan sevsa, qiyomatda Tangri uni o’sha millat safida tiriltiradi.