JINLAR
Jinlar bazm qilardi ovloqda, tunda,
Gulxan atrofida xurram, shodumon.
Bir botir suvoriy o‘tarkan, shunda
Bazmga nazari tushdi nogahon.
Botirni qopladi lahzalik titroq,
So‘ng gulxan ustiga ot soldi birdan,
Jinlar to‘zg‘ib ketdi, bittasi biroq,
So‘z qotdi, hayiqmay sira botirdan:
- Bundoq zug‘um qilma bizga, ey botir
Kimsaga bilmasdan bermagil ozor.
Jinlar ichida ham kofiri bordir,
Jinlar ichida ham musulmoni bor.