Qadrdonlarim!!!

Turoldilar uyqudan qolib,
Qiyomatni jazo bilganlar,
Yig’lasinlar dod-faryod solib,
Bomdodlarin qazo qilganlar.

Go’yo kesib tomirlarini,
Unutib Haq amrlarini
Yeb qo’ydilar umrlarini,
Bomdodlarin qazo qilganlar.

Yo’l adashgan oqil so’qirlar,
Endi qanday sabab to’qirlar,
Peshinlarin yig’lab o’riqlar,
Bomdodlarin qazo qilganlar.

Gar his qilsak ko’rmog’in Mavlo,
Yotolmasdik qiliblar yallo,
Tatimagay uyqusi aslo,
Bomdodlarin qazo qilganlar.

Oz rohatlik uyqu qurboni,
Endi Hodiy bo’lmas Qur’oni,
Havoli ne uyg’ongan oni,
Bomdodlarin qazo qilganlar.

Ketkazolmas ko’ngilda dog’in,
Unutolmas namoz firog’in,
Xaqir ko’rar ayol quchog’in,
Bomdodlarin qazo qilganlar.

Bu nafratga men ham arzimayman,
Qachon nafsim g’amini yeyman,
Shu on o’lib qolmasam deyman,
Bomdodlarin qazo qilganlar.

Xitobim shu ketar onlarim,
Hazillashmang qadrdonlarim,
To’rt mahallik namozxonlarim,
Bomdodlarin qazo qilganlar.

Jannatning irmoqlari"¦

Bul jannatning irmoqlari
Oqar Alloh-Alloh deya.
Chiqmish Islom bulbullari
Kuylar Alloh-Alloh deya.

Tebranar Tubo shoxlari
Qur’on o’qiydi tillari
Jannat bog’ining gullari
Hid taratar Alloh deya.

Sof nurdandir ustunlari
Kumushdandir yaproqlari
Uzayguncha butoqlari
O’sar Alloh-Alloh deya.

Oydan oydindir yuzlari
Shakkardan totli ko’zlari
Jannatda huri qizlari
Kezar Alloh-Alloh deya.

Kimlar yeyar, kimlar ichar,
Malaklari rahmat sochar,
Idris nabiy hulla bichar
Tikar Alloh-Alloh deya.

Haqqa oshiq bo’lgan kishi
Oqar ko’zlarining yoshi,
Nurga to’lar ichu tashi
So’ylar Alloh-Alloh deya.

Yunus Emrom, bor yoriga
Qo’yma bugunni ertaga
Erta Haqning devoniga
Borarman men Alloh deya.

Yunus Emro

AbdulAziz tarjima qildi.

Dostlarim Sizlarga aytar gapim bor,
Eshiting bu sizga juda ko'p darkor,
Zamon keldi do'stlar bir ajib zamon,
Ko'paydi juda ham insoni yomon,
Musulmonman deydi Allohni tanimaydi,
O'zidan kattani pisand qilmaydi,
Qizlar yigitlardan soat so'rasa,
Yigitlar ulardan narhin so'raydi.
Qizlarning kiyimi avrat berkitmas,
Yigitlar uchraydi asli yigitmas,
Bu zamon o'tkinchi Ohirat yaqin,
Sen faqat Alloh de,"Alloh"ga sig'in,
Bundayin zamonda asra iymoning,
Vijdoning pok tutgin,ulug' tut noming!!!

HAJ ILOHISI

Ko’ngil qulog’imga kelsa bir sado,
Ey, qulim, kel ayla hajjingni ado,
Etsam, moli-mulkim jonimni fido,
Labbayka deyayin
Allohim labbayk.
Labbayka la sharika laka labbayk.

Bobus-salomingdan baytingga kirsam,
Hajarul-asvadga yuzimni sursam,
Kechib mosuvodan vaslingga yetsam,
Labbayka deyayin
Allohim labbayk.
Labbayka la sharika laka labbayk.

Solih qullaring-la tavofga tursam,
Nuring-la mast bo’lib, fayzing-la to‘ysam,
Tajallii Zoting ruhimda tuysam,
Labbayka deyayin
Allohim labbayk.
Labbayka la sharika laka labbayk.

Oqarkan ko’z yoshim Safoga tushsam,
Yalangoyoq, boshim ochiq Marvada kezsam,
Zamzami sharifdan suv ichib jo’shsam,
Labbayka deyayin
Allohim labbayk.
Labbayka la sharika laka labbayk.

Arafotga avfdan umid-la chiqsam,
Gunohim tavbaning nuri-la yoqsam,
Baqo dengizida jildirab oqsam,
Labbayka deyayin
Allohim labbayk.
Labbayka la sharika laka labbayk.

AbdulAziz tarjima qildi.

RASULULLOH  SOG’INCHI

Gul yuzingiz ro’yomizda,
Ko’raylik, yo Rasululloh!
Gul bog’ingizga dunyoda
Kiraylik, yo Rasululloh! 

Sizsiz ko’ngillar sultoni,
Keltirgan buyuk Qur’onni,
Siz uchun tandagi jonni,
Beraylik, yo Rasululloh! 

Ishqingiz-la, yosharar ko’z,
Hasratingiz-la, yondik biz,
Muborak ravzangizga yuz
Suraylik, yo Rasululloh! 

Vido etib mosuvoga,
Yolvorib buyuk Mavloga,
Shafoati Mustafoga,
Yetaylik, yo Rasululloh! 

Lavlaka dedi sizga Haq,
Yuzimizga boqing ul vaqt,
Huzurullohga yuzi oq
Boraylik, yo Rasululloh! 

AbdulAziz tarjima qildi.

--------------------------------------------------------------------------------
Ксзимга нам келмай қсйди,
Биродарим йиғлат бу кун,
Яратганим, Тангрим, А оббим
Аеъматини сслат бу кун.
Оламларга саид бслган,
Ул Мухаммад Мустафога,
Саловатлар айтай менга,
Дуоларни сргат бу кун.

Сахобийлар иймонини,
Хаётини ссзлаб бергин,
Хақдан келган хушхабарла,
Аажотини ссзлаб бергин.
Тинглаб йиғлай, тинмай йиғлай
Йиғлаганим билмай йиғлай,
Гсзал сшаб сна гсзал
Вафотини ссзлаб бергин.
 
 
 
forum.islom.uz

--------------------------------------------------------------------------------
Rabbim o'zing asragin!

Qalbi fe’li torlikdan,
Shirin so’zga zorlikdan,
Ikki dunyo xorlikdan,
Rabbim, O’zing asragin!
Ig’vo, fitna, tuhmatdan,
G’iybat, turli kulfatdan,
Qalbi qaro ulfatdan,
Rabbim, O’zing asragin!
Manmanlik ham riyodan,
Qabul bo’lmas duodan,
Og’ir damda jazodan,
Rabbim o’zing asragin!
Yomon fe’l, yomon amal,
Yomon nafsdan asragin.
Yaxshilarga yaqin qil,
Har nokasdan asragin!
Yomon tilning zahridan
Shayton la’in sharridan,
Qahhor oting qahridan,
Rabbim o’zing asragin!
Molu dunyo faxridan,
Azobga duchorlikdan.
Rahmatingga zorlikdan,
Rabbim o’zing asragin!
Omonating ol oson,
Iymon bilan chiqsin jon,
Jannatda yashay shodon,
Do’zaxingdan asragin!
 
 

Marvarid Marjondek

Hurlar bor emish u yonda, marvarid marjondek,
Pokiza ermish nihoyat pokiza imondek,
Vasliga yetmak uchun, oniy umr yetmas emish,
Lek anga yetmakka bormish, rahnamo Qur'ondek.

Olloh, Olloh shundayin izzat nasib etgin manga,
Hurlar qoshidagi himmat nasib etgin manga.

Kim yozganligi manga qorong'u 

Bu she'rni Sherali Jo'rayev yozgan.

GULLAR MAKONI

Bir shaharga sayir qildim,
Ko’rdim saroyi guldir — gul.
Sultonimning toju taxti
Bog’i, devori guldir — gul.

Gul olarlar, gul sotarlar,
Guldan tarozi tutarlar,
Gulni gul bilan tortarlar,
Rasta, bozori guldir — gul.

Tuprog’i — gul, toshi — gul,
Qurug’i — gul, ho’li — gul,
Xos bog’chasining ichida
Sarvi chinori guldir — gul.

Guldan tegirmon aylanar,
Uning bilan gul boylanar,
G’ildiragi suv-la yurar,
Bandi kaliti guldir — gul.

Oq gul bilan, qirmizi gul,
Juft o’sibdi bir bog’chada,
Nigohlari xorga qarshi
Xori azkori guldir — gul.

Guldan qurilgan bir chodir,
Ichida ne’mati hozir,
Eshikboni Ilyos, Hizir
Noni sharobi guldir — gul.

AbdulAziz tarjima qildi.

AHLAN VA SAHLAN MARHABO!

Ey anbiyolar sarvari,
Ey avliyolar rahmati,
Ey insu jon payg’ambari,
Ahlan va sahlan marhabo!

Siz jonlarning jononisiz,
Dardlilarning darmonisiz,
Olamlarning sultonisiz,
Ahlan va sahlan marhabo!

Allohu akbar shonuhu,
Sultonahu subhonahu,
Qod jaina burhonahu,
Ahlan va sahlan marhabo!

Siz erursiz mahbub xudo,
Etmang shafoatdin judo,
Ahmad Muhammad Mustafo
Ahlan va sahlan marhabo!

Darvesh Yunus so’ylar so’zni,
Ravzanginga surar yuzni,
Sevarlar mahsharda bizni,
Ahlan va sahlan marhabo!

Yunus Emro

AbdulAziz tarjima qildi.