Meni men istag'an o'z suhbatiga arjumand etmas,
Meni istar kishining suhbatin ko'nglum pisand etmas.

Ne bahra topqamen andinki, mendin istagay bahra,
Chu ulkim bahrai andin tilarmen bahramand etmas.

Alisher Navoiy

Salqin saharlarda, bodom gulida,
Binafsha labida, yerlarda bahor.
Qushlarning parvozi, yellarning nozi,
Baxmal vodiylarda, qirlarda bahor.

Zulfiya

Ruhimda uyg‘onar hayot shovqini,
Vaslingga to‘yadi intizor ilhom.
Umrimning sen bilan o‘tgan har kuni —
Men uchun eng totli, nash’ali ayyom.

Hamid G`ulom

Men hamma qatori bolaman,
O‘zimdan zerikib qolaman.
Bilishim bilmaysiz, bilaman,
Mendan soviyapti ko‘nglingiz.

Sevgi — cho‘g‘, deydilar, o‘chgaydir,
Sevgi — o‘q, deydilar, uchgaydir,
Sevgi yo‘q, deydilar, shundaydir,
Mendan soviyapti ko‘nglingiz.

Qarshimda kundan kun so‘lg‘in, xor —
Gulga suv purkaysiz beozor.
Zarim bor, zo‘rim bor, zorim bor,
Mendan soviyapti ko‘nglingiz.

Iliyapti ummon, dengizlar,
Eriyapti ming yillik muzlar.
Sovuqqina so‘zlar va ko‘zlar"¦
Mendan soviyapti ko‘nglingiz...

Iqbol Mirzo

Zaif o'zim yonarqudek qudrat bila,
Majoz o'zim qushdek uchar himmat bila.
Kechti umrum, keldi, ko'rung, navbat bila,
Do'stlarimg'a so'zum yodgor qo'ymayinmu?
Ahmad Yassaviy

Ul ketgach kun chiqar yorug'liq sochib,
Undan-da so'raymaen sening to'g'ringda.
Ul-da uyatidan berkinib, qochib,
Aytadir:"Bir ko'rdim, tushdamas o'ngda.
Men o'ngda ko'rganda shunchlar go'zal,
Oydan-da go'zaldir"¦ mendan-da go'zal!.."

Cho`lpon

Yillar umrimizga qilarmu shafqat,
Biror so`z bormikin aylagali yod.
Qayta tiklash mumkin barchasin faqat
Qayta tiklanmagay o`chsa xotirot.

Tong otar chogida juda sog‘inib,
Bedil o‘qir edim, chiqdi oftob.
Loyqa xayolotlar chashmaday tindi,
Pok-pokiza yurak bir qatra simob.

G`afur G`ulom

Bu nazm bog'iga kirolmas xazon,
Bizni mahv etolmas zavol lashkari.
Men ketsam mung'aymas o'rnim hech qachon,
Bu bog'lar bir bog'lar bo'ladi,
deb yozgan edi Zulfiya.

Iblisning g‘arazi bo‘lgan bu urush
Albatta, yetadi o‘zin boshiga.
O’g‘lim omon kelar, g‘olib, muzaffar,
Gard ham qo‘ndirmasdan qora qoshiga.

G`afur G`ulom