Toshkent Xalqaro aeraportida samalyotga chiqquncha 7 ta tekshiruvdan utilarkan (manimcha Ginnesga kiritsa buladi):
Men oltita sanagan edim. Endi o'ylab ko'rsam 8 taga ham yetkazsa bo'larkan. Birma-bir aytaman. Aeroportga virtual sayohat
:
1. Aeroport binosidan 50 metrcha uzoqlikda qorovullik punkti o'rnatilgan. Shu yerda chiptangiz qo'riqlash xizmati tomonidan, yukingiz detektor yordamida tekshiriladi. Uyog'iga chiptasi yo'q kishilar, kuzatuvchilar o'tkazilmaydi.
2. Uchish 2-qavatda. Oynavand zalga kirishda yana o'sha chipta va endi skaner bilan yuk tekshirish.
3. Binoga kirib oldingiz. Endi deklaratsiyani to'ldirib, qaydda o'tish(regstratsiya)ni kutasiz. Qayddan o'tish boshlanishi bilan navbatda turib, uchish talonini olasiz. Keyin esa yukingizni o'lchatib, me'yordan ortiqcha chiqib qolsa, iltimos qilib, yoki pulini to'lab, yukxonaga topshirasiz. Bu uchunchi tekshiruv.
4. Endi haligi deklaratsiyani pasport va uchish taloni bilan birgalikda bojxona tekshiruviga olib borasiz. Bu yerda ham samolyot ichiga olib kiradigan shaxsiy yukingizni skaner yordamida tekshirishadi. Deklaratsiyaga muhr bosib, olib qolishadi. Ha, bir ortiqcha savol berishadi: "Rostdan ham ....(deklaratsiyaga yozilgan miqdor) dollar olib ketyapsizmi? Tekshirsak ko'p chiqmaydimi?" Bu savol deyarli hammaga beriladi. Boshqalarni bilmadim, lekin menda bir xil o'y bo'ladi: "E seni aldab bir narsa toparmidim? Lekin ko'p bo'lsa yaxshi bo'lardi"
.
5. Endi pasport nazoratiga o'tamiz. U yerda pasportni tekshirib, chiqish muhrini bosishadi.
6. Uzun yo'lak oxirida bir ayol(yoki bir erkak) o'tiradi. U uchish talonini tekshirib, TEKSHIRILDI degan muhr bosadi.
7. Va nihoyat oxirgisi: samolyotga chiqishdan oldin barcha temir buyumlar(soat, mobil telefon, ruchka), kamar, ustki kiyimlar, qo'l yuki, oyoq kiyim yana skaner tekshiruvidan o'tadi. O'zingiz ham detonator kabinasidan o'tasiz. Endi samolyotga yo'l ochiq.
Men 8 taga yetkazish mumkin dedim:
8. Haligi bojxona nazoratidan o'tishda(4-tekshiruvdan keyin) agar Sizdan shubhalanib qolishsa, yoki deklaratsiyangiz yoqmasa, unda alohida xonaga olib kirib, qo'l yukingiz, yoningizdagi pullaringizni stol ustiga qo'yib, yana bir tekshiruvdan o'tasiz. Bu hammaga emas, lekin taxminan 35% yo'lovchilar o'sha xonaga kirib chiqishadi.
Oxirida hammangizga xayrli parvoz tilaymiz. O'zbekiston Havo Yo'llari Milliy Aviakompaniyasi.