E’LON:
— Tashkilotga huquqshunos talab etiladi. Lekin bir shart bilan. U sinov muddati tugagunga qadar hozirgi ishlab turgan huquqshunosimizni qonunlarga tayangan holda ishdan bo‘shatib berishi lozim.

Rossiyada pivoni jamoat joylarida ichishni taqiqlab qo‘yishgandi. Ma’lum bo‘lishicha, bugungi kunga kelib mamlakatda jamoat joyining o‘zi qolmaganmish

— Do‘xtir, mening kasalimni ham xalqona yo‘l bilan davolasa bo‘ladimi?
— Albatta. Oq xalat sotib olasiz, cho‘ntagiga yuz dollar solib davolaydigan vrachga sovg‘a qilasiz, vassalom!

Foydali maslahat:
— Agar yaqin tanishingning sen to‘g‘ringda qanday fikrda ekanini bilmoqchi bo‘lsang, uning jahlini chiqarib ko‘r!

Ota besh yashar qizini urishayapti.
— Qani, borib uxla-chi! Televizordan ko‘z uzmay o‘tiraverasanmi?
— Dada, bog‘chada aytishdiki, biz ertak kitoblarni ko‘p o‘qishimiz kerak ekan. Lekin men o‘qishni bilmayman. Menga ertak kitob o‘qib beri-ing!..
— Bo‘pti, qizim, o‘tirib televizor ko‘raver!

— Sizga aytib qo‘yay, bugundan boshlab benzin qimmatlashdi!
— Bo‘pti, menga ellik litr kechagisidan bera qoling!

O‘qituvchi:
— Hayvonlar shohi kim?
O‘quvchi:
— Hayvonot bog‘i direktori.

Xotin erini tashlab ketdi va oradan hech qancha o‘tmay qaytib keldi. Bu ishi uchun eridan tinmay kechirim so‘ray boshladi.
Er:
— Mayli, ketganingni-ku, kechirdim! Ammo qaytib kelganingni hech qachon kechira olmayman

— Xo‘sh, mehnat ta’tilingni qanday o‘tkazding?
— Xuddi ishdagiday. Hech narsa qilmayman, o‘tiraman va tushlik vaqti bo‘lishini kutaman.

Talaba:
— Men bugun kechasi yomon uxladim, domla! Tun bo‘yi tushimda sizga imtihon topshirib chiqibman.
Muallim:
— Ha-a, shuning uchun kechasi bilan boshim og‘rib chiqqan ekan-da!