Oziqlangan yer,
To'ydiraman der.

* * *

Oziqli ot horimas,
Horisa ham orimas.

O'zg'in otning ozig'i kam.

* * *

Oriq semirar,
Och to'yinar.

Ot oriqlikda ko'rimsiz,
Qiz - yetimlikda.

* * *

Ot to'rvadan qariydi.

Ot o'lsa, it quturar,
Eshak o'lsa - bo'ri.

* * *

Otni yem bilan hayda.

Och uyda qatiq uyumas.

* * *

Och qorinda non turmas.

Oshiq o'ynagan - arzonchilik,
To'piq o'ynagan - to'qchilik.

* * *

Palaxmon tosh tushgan yerida o'gir.

Pichoq qancha o'tkir bo'lsa ham,
O'z sopini kesolmas.

* * *

Pishirgani topilsa,
Oshirgani topilar.

Pul bo'lsa, changalda sho'rva.

* * *

Pul tilni biyron, dastni daroz qilar.

Puli borlar - yo'rg'a-yo'rg'a,
Puli yo'qlar - zo'rg'a-zo'rg'a.

* * *

Puli borning og'zi o'ynar,
Puli yo'qning ko'zi o'ynar.

Puli borning ishi o'ng.

* * *

Pulim,
Pulim bo'lsa,kimlar bo'lmaydi qulim.