Ziyo-Uz BukToPuHaCu
Xabar: Muxlislarimizning talab va istaklarini hisobga olib, forumimizda online viktorina savol-javob o'yini tashkil etishga kirishdik.
Maqsad: Forumdoshlar orasida bilimni oshirish, bilmagan narsalarimizni o'rganish. O'zaro do'stlikni mustahkamlash.
Ishtirokchilar: Forum a'zolari va mehmonlari ishtirok etishlari mumkin. Hisobni aniq qilish uchun ro'yxatdan o'tgan bo'lsalar yaxshi bo'ladi.
Savollar: Viktorinada turli mavzularga oid qiziq, mushohadali savollar berib boriladi. Savollar administrator, a'zolar tomonidan berilishi mumkin. Savol beruvchi shaxsning zimmasida berilgan to'g'ri javobni e'lon qilish majburiyati turadi. Shuning uchun ham savol beruvchi shaxs viktorinani doimo kuzatib borishi shart. Savollar mazmuni o'ta oson yoki, judayam zerikarli bo'lmasligi kerak. Savolni berayotganda yoki muxlislar taklifiga ko'ra xintlar tashlanishi mumkin. Savol beruvchi shaxs savolning qaysi mavzuda ekanligini yozishi kerak.
Javoblar: Viktorinaga javoblar savol berib bo'lingandan keyinoq boshlanadi. Hamma o'z versiyasini berishi mumkin. To'g'ri javobni esa savol egasi ma'lum qiladi. Mabodo savolga javob bo'lmay, ancha vaqt o'tib ketsa, savol egasining o'zi javob beradi.
Hisob: Viktorinaga berilgan to'g'ri javoblar administrator tomonidan hisoblanib boriladi. Eng birinchi to'g'ri javob bergan muxlis ballga ega bo'ladi. Unga ko'ra:
- to'g'ri topilgan haqiqiy a'zo javobi uchun - 5 ball;
- to'g'ri topilgan yarim javob uchun - 3 ball;
Shuningdek, savol beruvchilar hisobiga ham
1 balldan yozib boriladi (Administratordan tashqari). Agar savolga ancha vaqt javob berilmasa, muallifning o'zi javob beradi. Ungacha savol egasi savollarga xint beradi. Shundan keyin ham javob bo'lmasa, o'zi to'g'ri javobni e'lon qiladi. Shunda savol beruvchi hisobiga 3 ball yoziladi.
Natijalar: Viktorina natijalari muxlislar taklifiga ko'ra haftalik, yoki oylik e'lon qilinishi mumkin. Asosiy tur yakunlari esa 2006 yilning 1 yanvarida e'lon qilinadi. G'oliblar va komissiya taklif qilgan ishtirokchilar guruhi tashkil etilib, boshqa komandalar bilan ham sinashishimiz mumkin.
Nominatsiyalar: Administrator, moderatorlar guruhi, viktorina komissiyasi tomonidan tanlov yakunida quyidagi nominatsiyalar bo'yicha bilimdonlar aniqlanadi:
- Eng bilimdon ishtirokchi;
- Eng yosh ishtirokchi;
- Eng sermahsul ishtirokchi;
- Eng jonkuyar ishtirokchi;
Shuningdek ma'lum mavzular bo'yicha bilmdonlar.
Sovrin: Yuqori beshlik, nominatsiya g'oliblari qimmatbaho sovg'alar bilan taqdirlanadilar, xudo xohlasa (xomiy topsak)! Undan tashqari sayt administratorining ham maxsus sovg'alari bor.
Viktorinada ishtirok eting. Bilimingizni, salohiyatingizni namoyish qiling!