ШИМСИЗ КОЛГАН ЭРКАКЛАР
TRIBUNE-uz, Нурулло Остонов
Дастлаб мода сўзи Францияда пайдо бўлган бўлса-да, аслида келиб чикиши лотинчада ўлчов, кўриниш, усул, коида, колип, кўрсатма маъносини англатади. Фаранглар зукко халк-да, дарров бу сўзни колипга солиб, мода деб атаган. Шунинг учун колипда гишт куйиш хам кадимулаввал фаранглардан таркалган. Лекин махаллий тадкикотчилар бу сўз энг аввал бизнинг беданавозларимиз орасида урф бўлган, деб уриб енгишади. Улар бедананинг нарини тутиш учун бедазорга тузок кўйишиб, модасининг овозида сайраб чакиришган. Бедананинг модаларини сайратиб кўйиб, нарларини уриштиришган. Хуллас, мода фарангларда таркалиб, бизда бедана уриштириш билан тамом бўлган....
Хуллас, энг яхши вино хам, энг яхши атир хам фарангларда чикади, атирига алланимабалоларни солгани учун аёлларни ёшартиради, деган рекламаларни хамма билади. Мода хам, комиклар хам, гомиклар хам ўша ердан таркалади. Айникса, шарм-хаё пардаси кўтарилган хозирги рекламаларнинг хаётга зудлик билан кўчиши табиий хол бўлиб колди. Биз "Сангам" киносида Радханинг эркакларнинг кўйлагини кийиб ўйнаганини кўрганимиз холва экан. Кейин бу кўйлак жониворнинг енги калта бўлди, кейин енгсиз бўлди, кейин майкага айланди. Энди аёллар эркакларнинг шимини хам тортиб олди. Ноилож колган зркаклар чолвор кийишга ўтди.
Аёллар тирсиллаган шимларни кийиб, оркасини юз килолик хисори кўйнинг думбасидай серкиллатиб юрса, эркаклар рўдапо чолворларни кийиб олиб, уларга анграйгани-анграйган. Айникса, даллоллар уларни бехато бахолашади. "Шунака думбали кўй бўлганида, бемалол икки юзтага тортарди",-дейишади чама билан. Халкимизда "Кўргандан кўз хаки сўрама",-деган гап бор. Мода шунчалик кучайиб кетдики, кўз пўстакнинг тешигидан бўлса хам, одам уяладиган бўлиб колди.
Кўча-кўйда нега эркаклар ерга караб юрадиган бўлиб колди? Бу хаммаси мода туфайли. Кўзингни кўтаришинг билан елини майкасидан лорсиллаб чикиб турган, майкаси киндигидан кўтарилиб, шимининг таранглигидан хамма жойи билиниб турган дўндикчага беихтиёр карашга тўгри келади. Яна ерга караб ёнидан ўтиб кетаётганингда модапараст мода майкасини киндигига караб икки марта тортиб хам кўяди. Эркак бундан баттар ўнгайсизланиб, дуч келган томонга суриб колади. Илгари стриптиз кўриш учун одамлар махсус ресторанларга киришарди. Энди бунга хожат хам бўлмай колди. Кўчага чиксанг бас, стриптиз!
Хохлаганингни томоша килавер! Ўша пайтда шайтон Одамга Хаво учун кўзгуни бериб, яна бир навбатдаги шайтонлигини килган экан. Ўшандан аёллар модага берилиб кетиб, эркаклар модапараст бўлиб колди. Бизнинг дўндикчаларнинг кийиниши олдида фаранг дўндикчаларининг кийиниши хеч гап бўлмай колди. Шу кетишда бўлса, бу дўндикчалар эркакларнинг шиминигина эмас , шайтон берган кўзгудан ташкари бошка нарсаларини хам тортиб олиши хеч гап эмас. Астаъфуриллох, астаъфуриллох, бундай кўргиликдан кўра яхшиси, беданавоз бўлган минг марта маъкул. Хам нарини уриштирасан, хам модасини сайратасан. Шундай эмасми?
.......Nega shunday? Tushunmadim, tushunmadim.......