Men ketib boraman, qoramtir samo,
Quvlashib o'ynoqi shamollar bilan.
Taqdirimda mingi aralash, ammo,
Biri yechilmagan savollar bilan.

Men ketib boraman, yorishadi ko'k,
Nogahonda ovoz... nega bo'shashdim.
Chaqirmang, ortimga qaytolmayman, yo'q,
Chaqirmang, yo'q esa qaytguday shashdim.

Men Siz chorlagan payt ojizman, aytdim,
Ketsam ham qulog'im, ko'zim berkitib,
Qaytmasam, yurganim yo'lim unmaydi.
Qaytsam, kelolmayman Sizga ham etib.

Garchand Siz sig'ingan shohman, pirman men,
Aro yo'lda qolib adodirman men.

Mubashshir Muhammad, siz mavzu qoidasini o'qimabsiz shekilli.
Bu yerda so'nggi user yozgan she'rning so'nggi harfiga siz she'r yozishingiz kerak.
masalan, so'nggi yuser Robiya she'rlarini N harfidan tugatgan ekanlar. Siz ham N harfiga boshlashingiz kerak edi.

Novaking ko'nglimga kirgach jon talashmoq bu ekin,
Kim qilur paykonini ko'nglum bila jonim talosh.

Umri jovid istasang fard o'lki, bo'ston Xizridur,
Sarvkim da'b ayladi ozodaliq birla maosh.

Qoshi ollinda Navoiy bersa jon, ayb etmangiz,
Gar budur mehrob, bir-bir qo'ygusidir barcha bosh.

Navoiy

Shu qaroqlar bo'ldi menga ko'z,
Shu qaroqlar til.
Qarzdormiz ulardan beso'z,
Ey mastona dil!
Otlarining quloqlari orasidan sho'x
Behisht shamoli
Esgan shamol misol chavandozlarim,
Sizdan bir nafas ham ayrilganim yo'q,
Qahratonda ham
Ko'ngli yozlarim!

Mayliga o‘zingni girdobga otgil,
Mayliga olovga chirmashib yotgil,
Har neki ma’dan bor - qalbingga qotgil,
Bot gil bo‘lajaksan, bilib qo‘y, bot gil,
Undan o‘zga seni seva olmaydi!
 
Axir, yal-yal senga ko‘zgu tutar u,
Kuysang, sendan oldin kuyib-tutar u,
Xavfsirab nafasin ichga yutar u,
Kutar u, to mahshar seni kutar u,
Undan o‘zga seni seva olmaydi!

Nodir Jonuzoq

Ibtidodan so‘z ochib, o‘y sursam agar,
Mening shu ketishim intiho ekan.
Umrimiz bolalar aylaydi takror,
Buncha ham shoshqaloq bu inson degan.

Nimaga arziydi mening sevganim,
Nimaga arziydi yonib-kuyganim.
Mehr bu-sunnatdir, mehr bu-farzdir,
Sizni Olloh suysin mening sevganim!

Майсадек нозик бсл сув каби зилол,
Сутдек оппоқ бслсин ҳам кснгил уйинг,
Тунлари юзингга термулсин ҳилол,
Беҳиштни сслатсин ҳар лаҳза бсйинг...

uzmus

Garchi shuncha mag'rur tursa ham,
Piyolaga egilar choynak.
Shunday ekan manmanlik nechun...?
Kibr-u havo nimaga kerak?

Kimdir o'lar, kimdir nafas olmoq ekan anglab yetdik,
O'zni mangu da'vo qila go'ristonni manzil etdik,
Oling, mana dunyo sizga, biz habib la birga ketdik,
Endi bizga na go'zallik va na sokin halovat bor.
Rosululloh vafot etdi yana qanday musibat bor?!

Rishtakim, muhlik yaram og'zig'a tiktim angladim,
Kim kafan jinsi qirog'idin suvurgan tor emish.

Ko'yi devoridin og'riq tang'a tushgan soyadek,
Sel g'amidin emdi soya o'rnig'a dildor emish.

Jong'a taxvif ayladim tig'i halokidin aning,
Bilmadim bu ishdin ul o'lguncha minnatdor emish.

Ey Navoiy, xo'blarni ko'rma osonlig' bilan,
Kim biravkim soldi ko'z, uzmak ko'ngul dushvor emish.

Alisher Navoiy

Тush

Шу қаро ксзларни деб,
Мен дунёга келибман,
Ой жамолинг стиб мафтун,
Сенга ошиқ бслибман.

Шу қаро ксзларни деб,
Дунёлардан кечибман,
Камлик қилиб дунёлар ҳам,
Ўзимдан ҳам кечибман.

Шу қаро ксзларни деб,
Яшаш менга арз бслди,
Омонатни сақламоқлик,
Зиммамда бурч, фарз бслди.

Шу қаро ксзларни деб,
Сен - Лайлию, мен - Қайсдир,
Аасиб стса сснг манзилим,
Сенинг бирла Фирдавсдир.

uzmus