— Ziyo akanikida bo'lg'an majlisinngizga kimlar ishtirok qildi?
— Men, Ziyo shohichi, bu kishi (qutidor),—dedi va bir oz o'ylanib oldi,—3iyo akaning o'gli -- Rahmat, Akram hoji, Hasanali, Homid ismlik yana bir kishi.
Homid ismini eshitkan qurboshi tasdiq qilg'andek bir harakat yasab qo'ydi. Qushbegi qo'rboshira yer tegidan ko'z yuborib oldi-da, davom qildi:
— Ikkinchi majlisingizda kimlar bo'ldi?
— Ikkinchi majlisimizda boyag'i kishilarg'ina bo'ldi. Faqat Homid yo'q edi.
— Boya, Marg'ilon kelganimg'a necha kun bo'ldi, dedingiz?
— Qirq kunlar chamasi.
— Yaxshi,— dedi qushbegi,— aytingiz-chi, qirq kunlab Marg'ilonda qolishingizning sababi nima edi?
— Ma'lumki, hozir Toshkand qamal (muxosara) holatidadir. Shunday vaqtda Toshkandga qaytish o'zi aqlsizlik bo'lar edi.
— Qorachoponchi bo'lg'aningiz uchun,— dedi istehzo qilib qush-begi,— qipchoq og'aynilardan qo'rqdingizmi?
— So'zingizga tushunolmayman,—dedi kulib Otabek.