Pashsha ovqatga botiriladimi?
Salomatlik bilan bog‘liq ba’zi hadisi shariflardagi tavsiyalar ba’zi kishilar uchun antiqa, eskirgan yoki g‘alati tuyulishi mumkin. Imom Buxoriy naql qiladilarki: «Ovqat to‘la idishga bir pashsha tushsa, u pashshani to‘laligicha idishning ichiga botirib olgandan so‘ng undan foydalanishingiz mumkin». Bu tavsiya g‘alati ko‘rinishi mumkin.
Holbuki Rasululloh (s.a.v.)ning barcha hadislari ilohiy asosga tayanganidir. Shu bois ularning to‘g‘riligiga ishongan har bir mo‘min uchun hadisning mantiqiy sharhi mavjud. Ehtimol ularga oydinlik kiritilishi uchun balki asrlar o‘tishi kerakdir.
Tibbiyotdan ma’lumki, pashsha vujudining ayrim qismlarida ba’zi patogenlar (kasallikka olib keluvchi mikroblar) olib yuradi. Bu mavzuni o‘rganib maqola yozgan Doktor Samaxining ta’kidlashicha, pashshaning oshqozonida parazit holida yashagan uzun hujayralar ko‘payish vaqtlarida pashshaning nafas olish kanallari tomon chiqadilar. Pashsha suyuqlikning ichiga to‘la botirilganda osmotik bosimda vujudga kelgan o‘zgarish hujayralarning yorilishiga sabab bo‘ladi. Bu hujayralar tarkibi esa pashsha vujudidagi patogenlarga qarshi antidotdir. Ya’ni zaharga qarshi panzahardir. Ovqatga ilashib qolgan pashshadan chiqqan zararli mikroblarni pashsha botirilgach, yorilib o‘rtaga chiqqan antidotlar zararsiz holatga keltiradi.
Yana bir ta’vilga ko‘ra, ovqatga tushgan pashshaning bir qanoassalomu atida bakteriya tashuvchi parazit bo‘lsa, ikkinchi qanotida unga qarshi immuna modda borligi aytiladi. Pashsha to‘la ovqatga botsa, xavf kamayadi. Zero, Alloh bir mikrobni ham shunchaki yaratmagan. Hammasining o‘z vazifasi bor.
Mikrobiologiyadagi so‘nggi kashfiyotlar Rasululloh (s.a.v.)ning 15 asr avval aytgan tavsiyalarini izohlab, uni tasdiqlamoqda.