forum.ziyouz.com

Kutubxona => Didaktika => Bolalar kutubxonasi => Mavzu boshlandi: AbdulAziz 10 Iyul 2006, 19:30:51

Nom: Edith Shrayber Vike. Anton bo'rini uchratgan kecha (qissa)
Yuborildi: AbdulAziz 10 Iyul 2006, 19:30:51

Anton bo'rini uchratgan kecha (qissa)

(http://www.ziyouz.com/images/books/buri.jpg) (http://www.ziyouz.com/index.php?option=com_remository&Itemid=57&func=fileinfo&id=30)

Muallif: Edith Shrayber Vike
Hajmi: 127 Kb
Fayl tipi: pdf, zip
(http://www.ziyouz.com/components/com_remository/images/download_trans.gif) Saqlab olish (http://www.ziyouz.com/index.php?option=com_remository&Itemid=57&func=fileinfo&id=30)
Online o'qish (http://forum.ziyouz.com/index.php?topic=351.0)

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:02:19

Bolalar yozuvchisi Edith Shrayber — Vikening "œAnton bo‘rini uchratgan kecha" qissasi 1986 yilda Avstriyaning "œAnnette Betts" nashriyotida chop etilgan. Mazkur qissada boshlang‘ich sinf o‘quvchisi Antonning boshidan kechirgan qiziqarli voqealar badiiy-falsafiy tarzda ifodalangan.

Muallifning bu qissadan oldin "œAnton bu yerda bo‘lmagan kun", "œG‘oyat xursandman, mening ismim Mulp", "œMushuklar karnavali" nomli kitoblari nashr qilingan. Ushbu qissani O’zbekiston davlat jahon tillari universiteti doktoranti, filologiya fanlari nomzodi, dotsent Odiljon Safarov nemischadan o’zbek tiliga o’girgan.
Edith Shrayber — Vike xonim adabiyot sohasidagi muvaffaqiyatlari uchun Yanusts-Korstsak medali hamda Avstriya bolalar kitobi mukofoti bilan, shuningdek ikki marta Vena shahri mukofoti bilan taqdirlangan.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:02:59

Edith Shrayber — Vike

Oilasi: ikkita qizi, ikkita mushugi, eri va "œo‘quvchi bolalari".
Yashash joylari: Vena, Grundlzee, Venetsiya.
Sevimli hayvonlari: mushuk, tyulen, chayka, senbernar (yungi uzun, katta, kuchli it).
Ezgu niyati: ilhom baxsh etish.
Orziqib kutadigan istagi: o‘quvchilardan xatlar olish. Aks holda Sizlarga nimalar ma’qul bo‘lishini qayerdan bilishim mumkin? (A — 8993 Grundlzee, Auf der Au)
Adabiyot sohasida erishgan yutuqlari: Yanusts — Korstsak medali, Avstriya bolalar kitobi mukofoti, Vena shahri mukofoti (ikki marta).
Annette Bets nashriyotida chop etilgan kitoblari: "œAnton bu yerda bo‘lmagan kun", "œG‘oyat xursandman, mening ismim Mulp", "œMushuklar karnavali".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:03:16

(http://www.ziyouz.com/rasmlar/literature/buri.jpg)

ANTON BO‘RINI UCHRATGAN KECHA

— Yur mushugim, - dedi Anton mushugiga, - tomning tagida nimalar borligini ko‘rib tushamiz.
Mushuk cho‘zilib qaddini rostladi va huzur qilib esnagan holda, bu kichik sayrga xohishi yo‘q emasligini bildirganday bo‘ldi. Anton tepadagi latta-puttalar va eski mebellar orasida qolib ketgan bahaybat, sirli yog‘och sandiqni ko‘pdan beri ochib ko‘rmoqchi bo‘lib yurgandi. Biroq bu ishi onasiga ma’qul bo‘lmasligi mumkinligidan xavotirlanardi. Shuning uchun unga bu haqda og‘iz ochmasdi. Tom tagiga chiqiladigan burama shakldagi yog‘och zinalar qadam bosilgani sayin g‘ichirlardi. Mushuk qiziqsinib iskalandi. Sichqonlarning hidi kelib qolishiga umid qilganday Anton ko‘zlari yarim qorong‘ilikga o‘rganguniga qadar kutib turdi-da, sinchkovlik bilan atrofga qaradi. Ko‘p o‘rgimchak to‘rlari, qovjiragan gullar va giyohlar vassalardan osilib turardi. Bu yerda bir temir stol bilan ustidagi marmariga darz ketgan mis stolcha bor edi.
"œO‘sha sandiq ham shu yerda bo‘lishi kerak", — pichirladi Anton va orqaga tisarildi. Oromi buzilgan bir ko‘rshapalak uxlash uchun o‘ziga boshqa joy qidirishga tushdi. Bundan g‘ashi kelgan mushuk xirilladi. Uchadigan jonivorni tutish, uning uchun oson emas edi-da. Nihoyat, Anton ko‘z ilg‘amas burchakda turgan sandiqni topdi. Qiyinchilik bilan uning og‘ir qopqog‘ini ko‘tardi. Undan qovjiragan gullarnikiga o‘xshash antiqa bo‘y taraldi. U yoqimsiz bo‘lmasa-da, Antonning nafas olishini qiyinlashtirdi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:03:30

 "œNimadan qo‘rqaman? — o‘yladi Anton. — Bu eski narsalar solingan sandiqdan boshqa narsa emask-ku".
U tutqichi itning boshi shaklida chiroyli qilib o‘yilgan hassani, patlar taqilgan katta shlyapani va uvadalanib qolgan kitobni ko’rdi. Kitob unga tushunarsiz tilda edi. Anton uni darhol varaqlab ko‘rdi-da, umidsizlanib qoldi.
Bitta yozuvli qog‘oz yerga tushdi. Anton uni olib keyinroq bafurja ko‘rib chiqish niyatida shimining cho‘ntagiga tiqib qo‘ydi. Antonning mushugi bezovtalanganday bo‘lib, panjalarini yozdi. U tozalikni xush ko‘rardi. Chang, o‘rgimchak to‘rlari va ko‘rshapalaklar uning g‘ashini keltirardi. Buning ustiga u och qolgandi. "œMiyau", - dedi u sabrsizlik bilan.
"œHozir ketamiz", — javob qildi Anton. U mushuk tilida ancha yaxshi gaplasha olardi.
Umuman olganda, Antonning qiladigan ishlari yetarli edi: mushukni ovqatlantirish, matematikadan vazifalarni bajarish, sabzavot sho‘rva ichish, Sibille bilan telefon orqali gaplashish, onasiga ko‘p gaplarni aytish va ayrim gaplarni undan sir tutish. Haligi yozuvli qog‘ozni olib qo‘ygandi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:03:42

Yarim kechada Anton uyg‘onib ketdi. U chiroq yoqiladigan joyni paypasladi. Oyoqlari uchida yotgan mushugi beixtiyor xirrillab qo‘ydi. Kechasi oromi buzilishiga u sira toqat qilolmasdi. Anton katta soatga qaradi. Yarim kecha. Deyarli hech qachon u yarim kechada uyg‘onmasdi. Qorni og‘rigan yoki isitmasi ko‘tarilgan hollardagina uning uyqusi buzilishi mumkin edi. Karavoti yonida jinsisi g‘ijimlangan holda turardi. Shu payt u esladi: yozuvli qog‘oz! Anton uni shimining cho‘ntagidan olib, qo‘li bilan tekisladi. Undagi qiya shakldagi eskicha yozuv ingichka va juda yo‘g‘on chiziqlardan iborat edi. Anton uni qiyinchilik bilan o‘qiy boshladi.
Osuda tun, uvillashlar eshitilar yiroqdan.
Tuman uzra ko‘tarilib, mo‘ralaydi oppoq oy.
Boyo‘g‘lilar emasmikan, g‘uldirashib jar solgan?
To odamsan, baribir bezovtasan ulardan.
Hozirgina chiqqan oy ham
Yoritolmas bu tunni.
O‘shalardan biri bo‘lib,
chaqnat ikki ko‘zingni.
Endi sening isming Lene,
Anton, Gudrun, Rolf emas,
tumshug‘ingni ko‘targin-da, g‘ichirlat tishlaringni
va bilgin-ki, shu zahoti bo‘lib qolding sen - bo‘ri.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:03:56

Anton baland ovozda hijjaladi. Oyoqlari uchidagi mushugi uyg‘onib ketgandi. U tanasidagi tuklarini hurpaytirib, quloqlarini dikkaytirib olgandi.
Sehrli she’r, — dedi Anton. — Biroq u ta’sir qilmaskan. Aks holda men bo‘ri bo‘lib qolgan bo‘lardim.
Mushuk tinchlanganday bo‘ldi va yana Antonning oyoqlari uchida g‘ujanak bo‘lib yotib oldi. Anton chiroqni o‘chirdi. Oy nur sochib turardi, deraza oldidan oppoq bulutchalar suzib o‘tayotgandi.
— "œBu nima?" Anton karavotidan sakrab tushib, deraza oldiga bordi. Yer yuzini qalin tuman qoplagandi. "œTuman uzra ko‘tarilib, mo‘raladi oppoq oy", — takrorladi Anton hayron bo‘lib. Keyin derazadan o‘girilib, karavoti tomon qadam tashladi.
Shu payt unga ko‘zi tushdi.
Bo‘ri xonaning o‘rtasida o‘tirgan holda, chaqnoq ko‘zlari bilan Antonga tikilib turardi. Katta baroq bo‘rining xonada ekanligi g‘alati hol edi. Undan qo‘rqmayotgani Antonga yanada g‘alati tuyuldi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:04:07

— Sen meni chaqirding-a, — dedi bo‘ri.
— Ataylab emas, — dedi Anton.
— Sehrli she’rni aytding-ku. Tegishli kunda, tegishli soatda.
— Bu tasodif edi, — dedi Anton.
— Tasodif bunaqa bo‘lmaydi, — javob qildi bo‘ri. — Yur, men bilan.
— Hosir-a, kechasi, boz ustiga tumandami? — so‘radi Anton.
— Ha, hozir, kechasi va tumanda, — dedi bo‘ri.
Anton jinsisini kiydi va shkafdan jemferini oldi. "œUyimizning darvozasi yopiq-ku", — dedi u ikkilanib.
Biz uchun emas, — uqtirdi bo‘ri.
Bu tush bo‘lsa kerak, — o‘yladi Anton. — Yarim kechada kattakon bo‘ri bilan ketayotganim rost bo‘lishi mumkin emas. Bo‘ri qalin tuman oralab juda tez chopib keta boshladi.
— Sekinroq, men yetolmayapman! — hansiradi Anton.
— Menday yugur! — dedi bo‘ri. — Sen endi bizlarning birimiz ekanligingni xayolingga keltir.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:04:18

Anton urinib ko‘rdi. Shu zahotiyoq u qiynalmasdan yugurib borayotganini his qildi.
"œQani endi soatlab shunday yuguradigan bo‘lsaydim", — o‘yladi u.
"œKeldik". Bo‘ri bahaybat, keksa eman tagida to‘xtadi. "œBu madad maydoni", — dedi u tantanali tarzda. Eman shitirladi, bo‘ri jim o‘tirib atrofga quloq soldi. Qayerdandir uvillashlar eshitildi. Anton bir oz sovqotdi.
— Endi men sening madadkor hayvoningman, — dedi bo‘ri. — Qachon senga kerak bo‘lsam, shu yerdan topasan.
— Madadkor hayvonim? — takrorladi Anton hayratlanib. — Bunaqasi bo‘lishi mumkinligini sira bilmas ekanman.
— Sen bilganlaringdan ko‘proq bilasan, — javob qildi bo‘ri. Yana olisdan uvillash eshitildi.
— Ular meni chaqirishyapti, — dedi bo‘ri. — Men ketishim kerak.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:04:28

— Men esa uxlashim kerak", — pichirladi Anton. Shunday deyishi bilan ko‘zlari yumildi.
Anton uyg‘onganida, quyosh chiqqandi. U atrofga alangladi. Yo‘q, u eman tagidagi maysalar ustiga emas, o‘z karavotida yotgan ekan. Oyoqlari uchida mushugi jimgina uxlayotgandi.
Antonning onasi xonaga kirdi. U Antonnig jinsisini va pastda sochilib yotgan bir nechta narsalarni yig‘ishtirib oldi.
— Shunday issiq havoda senga qalin jemfer nima uchun kerak bo‘lib qoldi?, — so‘radi u hayron bo‘lib.
— Tumanli kechalar uchun, — javob qildi Anton uyqusirab.
Onasi boshini silkitib jemferni yana shkafga tiqib qo‘ydi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:04:43

MUSOBAQA

"œBu musobaqalar bema’nilik", deya hansiradi Anton. Yugurganida uning biqini og‘rib qolardi. "œNega doim kimdir boshqalardan tezroq yugurishi yoki balandroq sakrashi kerak?"
"œO‘taketgan bema’nilik", darhol ma’qulladi baqaloq Dieter. U ancha ozgan bo‘lsa-da, balandlikka sakraganida baribir ortiqcha og‘irligi pand berardi.
"œIkkalasi bir—biriga mos tushgan, mazax qildi raqib jamoadagilardan biri. — Bittasi qopday sakraydi, boshqasi shilliq qurtday yuguradi".
"œQop va Shilliq Qurt", kulishib takrorladi yana bir nechtasi.
Qizarib ketgan Dieter pastki labini tishladi.
"œXohlasam hammalaringdan o‘zib ketaman".
Anton angrayib qaradi. "œHaqiqatan ham, u shunday dedimi?" Go‘yo do‘sti shunchaki maqtanayotgandek tuyuldi unga.
Raqib jamoadagilar yana kulishdi. "œQani, bir korsatib qo‘y-chi, Shilliq Qurt!"
Sport o‘qituvchisining hushtagi churulladi. Anton o‘zini tush ko‘rayotganday his qildi va uyg‘onib ketgisi keldi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:05:45

Uzoqdan start o‘qi uzilganini eshitishi bilan u yo‘lakning bir chetidan g‘izillab yugurib ketdi. Uning yonidagi maysazordan yana kimdir yugurib borayotgandi. "œMenday yugur. — Anton aniq eshitdi. — Sen bizlarning birimizsan". Bu o‘sha tumanli kechadagi bo‘ri edi. Antonning madadkor hayvoni bo‘lishga va’da qilgan bo‘ri.
Anton yugurayotib qadamlarining tezligi qay holda o‘zgarayotganini his qildi. U hech qiynalmasdan yugurib borayotgandi. Anton endi har qanday qiyqiriqlarni ham, sport maydonidagi shovqinni ham eshitmayotgandi. Nihoyat, u marraga yetib keldi va raqib jamoadagilarning alamli yuzlariga hayron bo‘lib qaradi. Sport o‘qituvchisi unga qoyil qolganday qarab boshini silkitdi. Baqaloq Dieter suyunib ketganidan o‘zini qo‘yarga joy topolmay qoldi, kimdir uning yelkasiga turtayotgandi.
"œBiz yutganga o‘xshaymiz", — dedi Anton ishonqiramay va atrofga nazar tashladi.
Ammo bo‘ri g‘oyib bo‘lgandi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:06:47

TELRAMUND BILAN SAYR

Antonning onasini ko‘rishga bir dugonasi kuchugi bilan kelgandi. Baland bo‘yli, qizil sochli bu ayolning ismi Gudrun edi. Sarg‘ish tukli, ko‘rshapalaklarnikiga o‘xshash uzun quloqli kuchukchaning oti Telramund ekan. Anton u yoqdan bu yoqqa otayotgan charm to‘pchani Telramund zavq bilan turtib-turtib keltirayotgandi. Mushuk kitob javoni ustida o‘tirgan joyidan ularga qarab mirilladi. "œBuncha ziqnalik qilasan", — dedi Anton unga ta’na qilib va qo‘lidagi to‘pchani yana uloqtirib yubordi. Telramund shalpang quloqlarini osiltirib shosha — pisha uning ketidan yugurdi.
"œBoshqa joy yo‘qmi sizlarga?" — dedi Antonning onasi o‘ta qat’iy va baland ohangda. Anton to‘pchani ushlab turgan qo‘lini pastrga tushirdi, Telramund qo‘rqqanidan qotib qoldi. "œMayli, o‘ynayveringlar", — dedi Antonning onasi bir ozdan so‘ng. "œAsabim tez-tez buziladigan bo‘lib qolgan. Uyqum ham yomonlashgan".
"œBalki yotadigan joying yaxshi emasdir?" — dedi Gudrun.
Antonning onasi kuldi. "œHar doimgi joyimda yotaman. Bundan ham yaxshiroq joy bo‘ladimi?"
"œYerdan nur taralishi haqida hech eshitganmisan?" — so‘radi Gudrun.
"œHa, ammo men bunaqa gapga ishonmayman", — javob qildi Antonning onasi .

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:07:01

"œO‘zing bilasan, — dedi Gudrun. — Har holda men bir temir tayoqchali ayolni bilaman, u senga joying yaxshi yoki yomonligini aytib berishi mumkin. U giyohlardan foydalanish sirlarini ham biladi. Burungi zamonlarda bundaylarni jodugar deb atashgan".
Anton quloq soldi. U jodugar bilan tanishishni ko‘pdan buyon orzu qilardi.
"œAgar seni haqiqatan ham kamroq urushadigan qilib qo‘yadigan bo‘lsa, o‘sha jodugarni tezroq chaqirtirsak yaxshi bo‘lardi", - dedi Anton.
"œEhtiyot bo‘l, u seni tyulenga (bu so‘z olmon tilida "œdengiz to‘ng‘izchasi" degan ma’noga ega) aylantirib qo‘ymasin. Jodugarlarga bu hech narsa emas".
"œMayli,- dedi Anton. — Shunday qilsa, maktabga bormaydigan bo‘lardim".
Xonaga kiriladigan joydan taqir — tuqur eshitildi. Telramund Antonning etiklaridan birini sudrab keldi. Shundan keyin uning sport poyafzalini ham keltirdi.
"œU sayr qilishga chiqmoqchi", — dedi Gudrun.
Anton ikkinchi etigini ham oldi-da, Teltamundni sirtmog‘idan tortdi. "œYur Telramund, istirohat bog‘iga boramiz!"
Telramund akkilladi, vovvulladi va jo‘shib Antonga talpina boshladi. Mushuk uni kitoblar javoni ustida o‘tirgan joyidan nafrat bilan kuzatib turardi.
"Uni faqat sirtmoqda olib yur", — dedi Gudrun qat‘iy ohangda.
Anton tushunarsiz holda to‘ng‘illab qo‘ydi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:07:14

Istirohat bog‘iga kiraverishda, u Telramundni qo‘yib yubordi.
Istirohat bog‘i it zoti uchun sirli voqealar makoni ekan. Telramund shosha — pisha daraxtlarni, toshlarni, kurtaklarni hidlab chiqdi. Ahyon-ahyonda oyog‘ini ko‘tarib mavjud voqeliklarga ayrim qo‘shimchalar ham kiritib qo‘ydi.To‘satdan u tikilib qoldi. Istirohat bog‘idagi o‘rindiqda o‘tirgan bir keksa ayol kabutarlarni oziqlantirayotgandi. "œTelramund!"— chaqirdi Anton. Biroq endi uni to‘xtatib bo‘lmasdi. U qattiq vovillab, o‘zini shosha-pisha yemish cho‘qiyotgan to‘daning o‘rtasiga tashlandi. Kabutarlar bir-birlariga urulishib, uchib ketishdi, bir bolakay chinqirib yubordi, keksa ayol esa ovozi boricha javrab qoldi.
Telramund qilgan ishidan mamnunday edi. U nariroqqa chopib borib lola jo‘yagini qaza boshladi. Yer nam va yumshoq edi, so‘nggi paytlarda yog‘ingarchilik ko‘p bo‘lgandi. Bir uzun tukli itni sirtmoqlab olgan ayol Antonning yonida to‘xtadi.
"œBuning zoti qanaqa?" — so‘radi u.
"œKo‘proq taksa (oyoqlari kalta, gavdasi uzun it), ozroq spaniel (ovchi itning bir turi), ozgina mittibashara", — dedi Anton barmoqda hisoblagan holda. — Siznikining-chi?"
"œSof afg‘on zot", — javob berdi ayol.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:07:28

 "œZoti bittaginami? — so‘radi Anton hayratlanib. — Baribir chiroyli ekan".
Ayol g‘alati qaradi va itini yetaklab tez-tez yurib ketdi.
Telramund lola jo‘yagida kovlagan chuquridan chiqib keldi. Endi u sarg‘ish emas, balki butunlay to‘q jigar tusda edi.
"œEy yermonqoziq, - dedi Anton koyib. — Buning uchun uyda yana gap eshitaman-ku".
U sirtmoqni Telramundning bo‘ynidagi halqaga mahkam bog‘lab qo‘ydi.
"œBu iflos hayvonga yaqinlashma", — Anton kimdir shunday deganini eshitib qoldi. Ayol itini jahd bilan Telramunddan chetlashtirishga urinayotgandi. Itning basharasi ajinli bo‘lib, ko‘zlari kirtaygan, boshi doka bilan o‘rab qo‘yilgan edi.
"œBuning tishi og‘riyaptimi?" — so‘radi Anton qiziqib.
"œYo‘q quloqlari qirqilgan!" Ayol ketmoqchi bo‘ldi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:07:39

 "œBu nima deganingiz?" — so‘radi Anton.
"œQuloqlar..." Ayol bir oz jim turib qoldi. — Ular qisqartiriladi".
"œQuloqlar qanday qisqartiriladi?" — so‘radi Anton esankirab.
"œBu hayvonlar shifokorining ishi", — dedi ayol.
Antonning jahli chiqdi. "œQuloqlarni kesadilar demoqchimisiz?"
"œHa, shunday. Quloqlarni va dumni. Bokser (olmon buldogi) zotli itlar shunday qilinadi. Yuraqol, Bodo". Ayol tisarilayotgan itini yetaklab ketdi.
Anton ularning ortidan angrayib qoldi.
"œBiror nimani tushundingmi, Telramund?" — so‘radi u nihoyat.
Telramund shunday qattiq silkindiki, tanasiga o‘rnashib qolgan tuproq changi yuqoriga ko‘tarilib quloqlarini ko‘rintirmay qo‘ydi.
"œMen ham", — dedi Anton.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:07:53

TEMIR TAYOQCHALI AYOL

"œKo‘zlarimning osti qavarib qolibdi". Antonning onasi o‘zining oynadagi aksiga xomush qarab turdi.
"œAttang". Anton shunchaki tashvishlanganday bo‘ldi.
"œYomon uxlayapman. Har kechasi uyg‘onib ketyapman, keyin sira uxlayolmayapman".
"œUnda nega jodugarni chaqirmayapsan?" — so‘radi Anton umidvorlik bilan. Antonning undan so‘raydigan muhim savoli bor edi, bunga o‘shandan boshqa hech kim javob berolmasligini bilardi.
"œTemir tayoqchali ayolni nazarda tutyapsanmi? Ehtimol shunday qilib ko‘rarman. Uning telefon raqamlarini qayergadir yozib qo‘ygan bo‘lishim kerak".
"œJodugarlarda telefon bo‘ladimi? — ajablandi Anton. Jodugarlar o‘rmon o‘rtasidagi xaroba hujrada yashamaydilarmi?"
"œBunisi unaqalardan emas, — uqtirdi Antonning onasi. — Bunisi Elizabet ko‘chasidagi 13-uyda yashaydi". U shunday deya telefon raqamlarini terishga tushdi.
"œErtaga soat to‘rtda", — dedi Antonning onasi go‘shakni qo‘yayotib.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:08:04

Anton navbatdagi kuni soat to‘rtda albatta uyda bo‘lishi lozimligini xayolidan o‘tkazib qo‘ydi.
Soat roppa-rosa to‘rtda qo‘ng‘iroq chalindi. Anton shoshib borib eshikni ochdi-da, hayron bo‘lib tashqarida turgan ayolni ko‘zdan kechirdi. Ayol kul rang sochli, ko‘m-ko‘k kostyumli, qalin ko‘zoynakli ekan. U Anton o‘qiydigan maktabdagi ingliz tili o‘qituvchisiga o‘xshab ketardi. "œAgar shu jodugar bo‘lsa, men tyulen bo‘lganim bo‘lsin. Yelkasida qora mushugi ham, qarg‘asi ham yo‘q ekan".
Buning ustiga u hikmatli so‘zlar ham aytmaskan. U ikki qo‘lidagi ikkita egiluvchan tayoqchasi bilan xonani aylanib chiqdi. Temir tayoqchalar goh egilib, goh ko‘tarilib turardi. Hammasi shu ekan, xolos. Gohida ayol belgilash uchun pastga qog‘oz parchalarini qo‘yib chiqardi.
"œJuda yomon, - dedi u nihoyat, keyin nurlar va suv havzalari haqida allanimalar dedi. — Karavotni darhol mana bu yerga o‘tkazishingizni maslahat beraman".
U katta kiyim shkafi turgan joyga ishora qildi.
"œBaribir buning hojati yo‘q-ku", — dedi Antonning onasi.
Ayol kuldi. "œHar kim boshida shunday deydi-da, keyin aynan shuning hojati borligiga ishonch hosil qiladi".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:08:13

Shundan so‘ng ayol Anton yotadigan joyni ham tekshirib chiqdi va u
juda yaxshi ekanligini aytdi. "œMen baribir karavotimni boshqa joyga o‘tkazmagan bo‘lardim, — dedi Anton o‘jarlik bilan. Bunaqasiga sira ishonib bo‘lmaydi".
Antonning onasi choy qaynatish uchun oshxonaga kirib ketdi. Anton jaketini oldi. U sayr qilib kelishga shaylanayotgandi.
"œBo‘ri bilan birga ketasanmi?" — so‘radi ayol to‘satdan.
Anton hayron bo‘lib unga qaradi. Eshitgani rostmikan?
"œUni ko‘ryapsizmi?" — so‘radi u esankirab.
"œKo‘ryapman deyishim balki to‘g‘ri bo‘lmas", — dedi ayol.
"œHamma bolalarning madadkor hayvonlari bo‘ladimi?" — so‘radi u dangal. Shu savol uning xayolini ko‘pdan buyon band etib kelayotgandi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:08:24

 "œHar kim kezi kelganida bir yoki bir nechta madadkor hayvoniga duch keladi, - javob berdi ayol. — Biroq ayrimlar ulg‘ayganlari sari buni unutib qo‘yishadi. Ayrimlar esa madadkor hayvonlari bilan yetarlicha shug‘ullanmay qo‘yishadi. Tabiiyki, ular bundan xafa bo‘lib ketib qolishadi va qaytib kelmaydilar. Ayniqsa, bugungi bolalar juda mashg‘ul. Televizor ko‘rish, kino tomoshalari, komputer o‘yinlari ularning xayolini butunlay band etib qo‘ygan".
"œBizda esa televizor yo‘q", — dedi Anton. U mana shu sababdan xursand bo‘lishi mumkinligini aslo xayoliga keltirmagandi.
Anton ko‘pdan buyon bunchalik xush kayfiyatda bo‘lmagandi.
"œKetdik, bo‘ri, madadkor hayvonlarning eng zo‘ri", — dedi u baland ovozda va zinapoya zinalarining har ikkitasini bir qilib sakray-sakray pastga tushib ketdi. Qo‘shni ayol boshini tebratib uning ortidan qarab qolganini sezmadi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:08:38

ANTON BILAN LABI CHO‘ZIQ AYIQ

Odatdagi kunlardan biri edi. Antonning mushugi uning qora, dumaloq yoqali jemferi ustida uxlab turgandi. Natijada jemfer kul rang tusga burkanib qolgandi. Anton jemferiga nazar tashladi-da, mushugining ustidagi tuklar hali ham borligiga hayron qoldi. U jemferi ustidagi mushuk tuklarini cho’tka bilan tozalab tashlashga urindi. Bir ozdan so‘ng cho’tka ham jemfer va mushukdagi kabi tuklarga burkandi. Shu ahvolda nonushta payti o‘tib ketdi. Buning ustiga u maktabiga o‘z vaqtida kela olmadi.
"œNega kechikding?" — so‘radi undan o‘qituvchi.
"œO‘qituvchilar hamma narsani bilishga qiziqishi yomon-da, — xayolidan o‘tkazdi Anton. — Mushugim jemferimning ustida uxlagani uchun", — dedi u mayusgina. Shunday deyishi bilan hamma kulib yuborgani unga g‘alati tuyuldi. Sibille ham kulgandi. Bu, haqiqatan ham, odatdagi kunlardan biri edi.
Anton maktabdan keyin uyga kelib qarasa, onasi bir qog‘ozchaga yozib ketgan ekan: "œBir joyga borib kelishim kerak, sabzavot sho‘rva muzlatgichda. Uni ichgan, maza qiladi. ko‘rishguncha".
"œO‘sha joyga borib kelish shart ekan-da", — dedi Anton va sabzavot sho‘rvani gaz plitasi ustiga qo‘ydi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:08:47

Keyin Verner unga o‘qish uchun bergan kitobni mutolaa qila boshladi. Hindular kelgindilarning aravalardan qurilgan qal’asiga hujum qilayotganlarida, o‘tli yoylardan taralgan bo‘y Antonning dimog‘iga urilganday bo‘ldi. Aslida bu bo‘y o‘tli yoylarniki emas, balki sabzavot sho‘rvaniki edi. Kastryulchaning usti yopiq turgan bo‘lsa ham. Sho’rva pishillab plita ustiga toshib ketib ko‘mirday qorayib qolayotgandi.
Anton uf tortib, plitani o‘chirdi-da, hayvonot bog‘i tomon yo‘l oldi. U mushugidan, sabzavot sho‘rvadan va ilk bor Sibilledan ham ranjigandi.
Dastlab Anton ancha vaqt maymunlar qafasi oldida turib qoldi.
Kichkina maymun kattalarining boshiga yong‘oqlar otib aybsizday qarab turardi-da, panjalarini bir-biriga urib zavqlanayotgandi. Har safar ular tinchib qolishlari bilan, u yana ularga bildirmay yong‘oq otayotgandi.
Anton mushugidan va sabzavot sho‘rvadan ranjiganini esidan chiqarib yubordi.
"œTurqi sovuq ekan", — Anton kimdir shunday deganini eshitdi. Bir qafas oldida yo‘g‘on oyoqli semiz ayol turardi. U yeyotgan nokning sharbati iyagidan kiyimiga oqib tushayotgandi. Uning yonida uzun, qizil burunli pakana erkak bor edi. Erkakning og‘zi chetida sigareti osilib turardi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:08:58

 "œTurqi, haqiqatan ham, sovuq ekan, — dedi u. — Bunaqasi hayvonot bog‘iga umuman qo‘yilmagani ma’qul edi".
Nok yeyotgan ayol bilan qizil burunli erkak kulib yuborishdi. Erkakning og‘zidagi sigareti tushib ketdi. Ayol kulayotganida ham nok yeyish to’xtamadi.
Ular boshqa joyga o‘tishgach, Anton qorong‘i qafasga qaradi. U bir g‘alati hayvonni ko‘rdi. Bu tumshug‘i boshqacharoq shakldagi ayiq edi. Terisining ko‘p joyida tuki yo‘q ekan. Bamisoli yaramay qolgan po‘stinday. "œLabi cho‘ziq ayiq", — o‘qidi Anton to‘siqqa ilib qo‘yilgan taxtachadan. — "œIltimos ovqatlantirmanglar!"
Labi cho‘ziq ayiq orqa oyoqlarida o‘tirib olgan holda, u yoqdan bu yoqqa tebranardi. Uning kichik ko‘zlarida xomushlik alomati bor edi. Anton yaqinroq bordi. Ayiq o‘kirdi. Bu tarjimada "œO‘sha yerda tur", degani edi.
Anton ayiqqa dedi: "œSeni xunuk deganlarning o‘zlari bir oynaga qarab olishsa, yaxshi bo‘lardi".
Ayiq tebranishdan to‘xtadi.
"œNegadir hamma meni xunuk deydi", — o‘kirdi u.
Anton ayiq tilini uncha bilmasa-da, uning nima deganini anglaganday bo‘ldi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:09:12

 "œMen ayiqlarni yaxshi ko‘raman, — dedi u, — buning ustiga sen juda ajoyib ayiq ekansan. Senday ayiqni hecham ko‘rmaganman".
Ayiq bir panjasi bilan chap qulog‘ining ortini qashidi. Maqtovlar uni ancha xijolat qilib qo‘ygandi. U bunaqa munosabatni kutmagandi.
"œNima yeyishni xush ko‘rasan?" — so‘radi Anton.
Ayiq qafas tubidan so‘ligan ko‘katni olib, unga qarab turdi-da, yana joyiga tashladi.
"œUlar senga ko‘kat bermayaptilarmi?" — so‘radi Anton ajablanib.
Ayiq yana qashiladi. Bu safar o‘ng qulog‘ining ortini. Shunchalik e’tibor qilinayotgani, uni haqiqatan ham xijolatlantirib qo‘yayotgandi.
U qafas ortidan tishlangan olmani oldi va Antonga uzatdi. "œJuda xursandman, - dedi Anton, — biroq bu yerda ‘Iltimos, ovqat bermanglar’, degan yozuv bor ekan". Ayiq olmani yana joyiga tashladi. Anton panjara orasiga qo‘l tiqish mumkin emasligini bilardi. Hatto yaxshi niyat bilan ham.
"œBilasanmi nima, — dedi Anton, — men hozir borib, biror tuzukroq yegulik olib kelaman. Keyin uni senga berishi uchun boquvchingga beraman".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:09:23

Ayiq jim turib qoldi.
"œTez orada ko‘rishguncha", — dedi Anton.
Anton uyiga kelishi bilan meva yoki sabzavot qidirishga tushdi. Nihoyat, u onasining bozor sumkasi ichidan bir tup ko‘k karam topib oldi. Anton darhol uni qo‘ltig‘iga tiqdi va hayvonot bog‘i tomon yugurib ketdi.
Anton surishtirib ayiq boquvchini topdi. U baland bo‘yli, keng yelkali bo‘lib, ko‘zlari kichkina, burni cho‘ziq, qo‘llari esa uzun va serjun edi.
"œXayrli kun", - dedi Anton.
Erkak qaradi, ammo indamadi.
"œMen bir hayvonga yegulik olib kelgandim", — dedi Anton.
"œMumkin emas", - to‘ng‘illadi erkak.
"œHech bo‘lmasa uni shu yerda qoldirsam, maylimi?" — so‘radi Anton.
"œO‘zimizniki yetadi", — to‘ng‘illadi erkak javob tarzida. U gapdon emasligi ko‘rinib turardi.
"œBuni labi cho‘ziq ayiq uchun keltirdim", — ta’kidladi Anton.
Boquvchi qaradi-da, — "œNima uchun", — deb so‘radi. Uning ovozi ayiqnikiga o‘xshab ketdi.
"œMen unga buni va’da qilgandim", — dedi Anton.
"œKel",— dedi boquvchi. Uning ovozi bu safar ham ayiqnikiday eshitildi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 02 Noyabr 2007, 11:09:36

Anton u bilan labi cho‘ziq ayiqning qafasi oldiga bordi. Ayiq panjara ortida uni orziqib kutganday edi. U Antonni ko‘rishi bilan darhol qaddini rostladi.
"œXursand bo‘lyapti", — to‘ng‘illadi boquvchi. U Anton keltirgan karamni olib, yon tomondagi eshik orqali qafasga kirdi. Keyin samimiy tarzda ayiqning yelkasiga urib, unga karamni uzatdi. Ayiq ikki panjasi bilan ikki qulog‘ining ortini qashladi.
"œUyalma. Yeyaver", — dedi Anton.
Keyin ayiq karamni panjalari o‘rtasiga olib, bir boshidan kemira boshladi.
"œYoqimli ishtaha", — dedi Anton samimiy ohangda va ketishga shaylandi.
Ayiq karamni darhol chetga qo‘yib, panjara yaqiniga keldi.
Qafas ichida turgan boquvchi Antonga qarab to‘ng‘illadi: "œU endi sening do‘sting bo‘lib qoldi. Kelib tur. U kutadi". Boquvchining og‘zidan chiqqan eng uzun gap shu edi.
"œFaqat ertaga emas, — dedi Anton. — Chunki tushdan keyin jismoniy tarbiya va rasmdan darslarim bor. Ertadan keyin kelishga harakat qilaman".
"œBo‘pti", — to‘ng‘illadi ayiq. Buni boquvchi aytgan bo‘lishi ham mumkin edi.
Anton juda mamnun holda uyiga qaytdi.
Endi u Sibilledan ranjiganini ham unutib yuborgandi. Ehtimol o‘shanda Sibillening o‘rnida o‘zi bo‘lganida ham o‘sha gapga kulib yuborgan bo‘lardi.
Anton uyiga kelib qarasa, onasi kelgan ekan. Onasi hovliqib dedi: "œMen uni topa olmayapman".
"œKimni?" — so‘radi Anton.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:39:21

 "œKaramni", — dedi onasi.
"œEndi uni izlamay qo‘yaqol, — dedi Anton, — men olgandim".
"œUnday bo‘lsa marhamat qilib uni menga qaytarib ber, — dedi onasi. — Makaronni karamli salat bilan yeymiz".
"œAfsus, buning iloji yo‘q, — dedi Anton, — karam labi cho‘ziq ayiqda".
"œLabi cho‘ziq ayiqda degin, — dedi Antonning onasi. — Bizning ko‘kat labi cho‘ziq ayiqqa ozuqa bo‘larkan-da. Juda yaxshi. Balki unga makaronni ham olib borib berarsan?"
"œYo‘q, — dedi Anton, onasining baqirishi endi hech nimani hal qila olmasligini bilgan holda. — U yangi ko‘katni xush ko‘rarkan".
"œMen ham", — dedi onasi battarroq baqirib.
"œUlar uning ustidan kulayotgandilar-da", — dedi Anton o‘zini oqlaganday bo‘lib.
"œYangi ko‘katning kulgi bo‘lishdan saqlaydigan xususiyati bormikan?" — so‘radi onasi. Uning ovozi yana o‘z holiga qaytgandi.
"œAyiqlarga shu ham madad bo‘lishi mumkin", — dedi Anton yengil tortib.
Nihoyat ular makaronni ko‘katsiz yeydigan bo‘lishdi.
Anton bo‘lgan voqeani aytib berdi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:39:56

TANLOV

Antonning onasi yettinchi marta chashkaga choy quyib ichdi. Antonning mushugi bir chetda turib yumshoqqina tuxumni paqqos tushirayotgandi. Anton suli yormasining qutisi ustidagi yozuvni o‘qib chiqdi. Bu hech kimni shoshiltirib qo‘ymaydigan yakshanba kunining ertalabki mahali edi.
"œIltimos, menga suli yormasidan o‘n quti olib kel?" — dedi Anton to‘satdan.
"œNima uchun? — so‘radi Antonning onasi. — U shunchalik mazali ekanmi?"
"œYo‘q, — dedi Anton, — mazasi har doimgidek".
"œAha", — dedi onasi va kutib turdi.
"œVelosiped yutib olish mumkin ekan, — dedi Anton, — o‘ninchi tezlikkacha haydaladiganidan, unga g‘ildiraklarining ustiga o‘rnatiladigan to‘g‘inlari ham qo‘shib berilarkan".
"œXo‘sh, buning uchun nima qilish kerak ekan?"
"œHar bir quti ustida bittadan marka bo‘larkan, shulardan yigirmatasini yig‘ib ochiq xat orqali jo‘natganlargina tanlovda qatnasha olarkan".
"œSeningcha, bu tanlovda necha kishi qatnashadi?" — so‘radi onasi Antondan.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:40:14

 "œBilmadim, — dedi Anton pinagini buzmay, — besh kishi bo‘lib qolishi ham mumkin. Chunki yutuqqa beshta velosiped qo‘yilarkan".
"œUnda minglab kishilar qatnashadi, — dedi Antonning onasi, - shuning uchun sening yutish imkoniyating haddan tashqari oz bo‘ladi".
"œMayli-da, — qovog‘ini soldi Anton, — sira imkoniyatsizlikdan shu yaxshi. Menimcha, shuncha velosipedni sovg‘a qilmoqchi bo‘layotganlar juda saxiy kishilar bo‘lsa kerak".
"œBuning saxiylikka mutlaqo daxli yo‘q, — ularning maqsadi — shu yo‘l bilan suli yormasini xaridorgir qilib, iloji boricha ko‘proq daromad qilish".
"œShunday qimmatbaho velosipedlarni sovg‘a qiladigan bo‘lsalar, ular qanday qilib ko‘proq daromad qilishlari mumkin?" — so‘radi Anton ishonqiramay.
"œChunki ular shu yo‘l bilan o‘sha velosipedlar narxidan bir necha barobar ko‘p pul ishlaydilar".
"œAxir, — bo‘sh kelmadi Anton, — ular bunga qancha kishi qatnashishi mumkinligini oldindan bilmaydilar-ku?"

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:40:39

 "œUlar ahmoqlar yetarli ekanligini juda yaxshi biladilar", — dedi Antonning onasi.
Anton baribir fikridan qaytmadi. "œBordi-yu, shu tanlovda besh kishigina qatnashadigan bo‘lib qolsa, unda velosipedlarning bittasi menga tegadi, shunday emasmi?"
"œAmmo beshtadan ko‘p kishi qatnashadi-da". Antonning onasi sabrsizlandi.
"œSen qayerdan bilasan?" — so‘radi Anton.
Antonning onasi endi toqat qilolmay qolgandi. "œBo‘ldi endi, baribir keragidan ziyod suli yormasi sotib olish haqida bosh qotirmoqchi emasman".
"œUnda markalar yig‘ishim bir necha oyga cho‘zilib ketarkan", — arazladi Anton.
"œXuddi shunday, o‘g‘lim", — dedi Antonning onasi. U "œo‘g‘lim" deganida ko‘pincha jahldor holda bo‘lardi.
Anton buni nohaqlik deb bildi. U indamaygina likobchasiga bir quti suli yormasini bo‘shatdi-da, uni alam bilan chaynab yuta boshladi.
Onasi unga bir oz noxush qarab turdi-da, dedi: "œBundan keyin shunchalik ko‘p yeydigan bo‘lsang, velosipedning ustiga chiqolmaydigan bo‘lib qolasan".
"œVelosipedim bo‘lsa, ozishga harakat qilaman", — javob berdi Anton og‘zidagini chaynab.
Antonning mushugi qochib ketdi. U mojaroni nam panjalaridan ham battar yoqtirmasdi. Keyingi kuni Anton maktabiga borib, doskaga yozdi: "œLazzatli suli yormasi markalariga eski Mikki Maus jurnallarini almashaman".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:41:02

 "œMen ahmoq emasman, — dedi Tomas har doimgidek yoqimsiz ohangda, — o‘zim ham velosiped yutmoqchiman".
"œMen ham", — baqirdi kimdir. "œMen ham", — dedi yana kimdir.
Sinfdagilarning deyarli hammasi lazzatli suli yormasi markalari yig‘ayotgan ekanlar. Sibille ham.
Anton bir lahza o‘zi bilan o‘zi kurashdi. Bu kurashdan yengib chiqqan Anton Sibillega dedi: "œMening markalarimni ham olaqol. Meniki ikkita bo‘lgandi".
Sinf a’lochisi Verner ham shunday qildi. "œMen ham senga markalarimni bermoqchiman, - dedi u Sibillega. Meniki to‘rtta".
"œTo‘rtta? — dedi Sibille sevinchini yashirolmay. — Qoyilman senga".
Anton shu zahotiyoq suli yormasidan, ayniqsa, uning lazzatli turidan nafratlana boshlaganini his qildi.
Oqshom payti Antonning onasi uyga lazzatli suli yormasidan uch quti olib keldi.
"œAgar velosiped yuta olmasang, mendan xafa bo‘lma", — dedi u yarashib olish niyatida. — Yoqimli ishtaha".
Anton qutilarga nazar tashladi. "œSuli yormasidan o‘zimni yomon his qilyapman, — dedi u, — velosiped yutishga ham qiziqmay qoldim".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:41:13

Antonning onasi esankirab qaradi. "œUnda markalarni tashlab yuborsak bo‘larkan-da".
"œYo‘q, — dedi Anton darhol, — ularni boshqa narsalarga almashtirish mumkin".
"œQanaqa narsalarga?" — so‘radi Antonning onasi.
"œHar qanaqa, — dedi Anton, — Mikki Maus jurnallariga, shilliq qurtlarga, saqichga, tyulenga"¦"
"œXo‘sh, sen markalaringni nimalarga almashtirmoqchisan?"
Shu payt Antonning xayolidan Sibillening Vernerga aytgan gapi o‘tdi: "œQoyilman senga".
"œBilmadim", — dedi u to‘g‘risini aytishga jur’at etolmay.
"œHar holda, bu yerda tyulenlarni boqmasang kerak, shundaymi?" — so‘radi onasi hafsalasi pir bo‘lib.
"œYo‘q, — dedi Anton endi to‘g‘ri so‘zlab. — Tyulenlar haqida o‘ylayotganim yo‘q".
Oxir oqibatda Sibille tugul Antonning boshqa sinfdoshlaridan birortasi ham velosiped yuta olmadi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:41:25

QORA YOPING‘ICHLI ERKAK

Anton kitob do‘konining sarguzasht kitoblar bo‘limida kitob varaqlab ko‘rish bilan mashg‘ul edi. Keksa sotuvchi ayol unga baqrayib qarab turardi. U bolalarning kitoblarni varaqlab turishlarini xush ko‘rmasdi. Uning fikricha, bolalarning qo‘llari kir, pullari esa oz bo‘larkan. Anton bir g‘alati sarlavhali qalin kitobni qo‘liga oldi. Kitob "œYashil tosh siri", deb atalgan ekan. Anton dastlab uning oxirini o‘qidi: "œJuda kech. Ular juda kechikishgandi. Murda yashil toshni barmoqlari bilan qisib ushlagan holda yotardi". Anton seskanib ketganidan "œbrrrr" deb qo‘ydi. U voqeaning yakuni murdaning qisilgan barmoqlarida nimadir borligi bilan emas, balki yaxshi natijalar bilan tugashini ma’qul ko‘rardi.
Bir erkak do‘konga kirib keldi. U juda baland bo‘yli, keng yelkali bo‘lib, enli qora yoping‘ichga o‘ranib olgandi.
"œQiziq, shunday issiq kunda ham shunaqa narsaga o‘ranib olibdi", — deb o‘yladi Anton.
Sotuvchi ayol u bilan quyuq so‘rashdi. U qo‘li kir va puli ozlarga o‘xshamasdi-da.
"œJanob, nima istaydilar?" — so‘radi ayol.
"œKomikslar" (tagida matnchalari bo‘ladigan rasmli jurnallar), — dedi erkak qisqagina qilib.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:41:42

Anton unga qaytadan nazar tashladi. "Bular unga nima uchun kerak bo‘lib qoldiykan", — o‘yladi u hayron bo‘lib. Sotuvchi ayolning ta’bi bir oz xiralashganday bo‘ldi. "œChapdagi ikkinchi javonda", — dedi u. Haligi joy Antonning yonginasida edi. Erkak komikslarning birinchi jildini javondan olayotganida, Anton uning qo‘llari titrayotganini ko‘rdi. "œYashil tosh siri" endi Antonni umuman qiziqtirmay qo‘ydi. Uning butun e’tiborini qora yoping‘ichli erkakning sirli qiyofasi o‘ziga tortardi.
"œTushunarli, — o‘yladi Anton, — u ta’qib qilinayotganga o‘xshaydi".
Komikslarning jildlaridan biri pastga tushib ketdi.
Uning tovushi butun do‘konga taraldi. Sotuvchi ayol jahd bilan qarab qo‘ydi. Anton kitobni olish uchun egildi, erkak ham egildi. Shu payt uning yoping‘ichi sirg‘alib tushdi. Anton erkakga tikilib qoldi.
"œSupermen", — dedi u hayratlanib. Erkakning yoping‘ichi ostidagi ko‘k-qizil tusdagi ichki kiyimidagi S yozuvi ko‘rinib turardi.
"œTss", - dedi erkak va qo‘rqa-pisa atrofga qaradi.
"œNega o‘ranib olgansiz va nega qaltirayapsiz?" — so‘radi Anton.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:41:56

 "œEndi uddalay olmayman", — "œuh" tortdi Supermen.
"œNimani?" — so‘radi Anton tushunolmay.
"œIxtirochilarim meni har ko‘yga solishadi. Men halokatga uchragan samolyotlarni ushlab olishim, zilzilalarni bartaraf qilishim, ba’zan esa sevgi tuzog‘iga ham tushib qolishim kerak".
"œQiyin ekan", — tasdiqladi Anton. U halokatga uchragan samolyuotlarni ushlab olmagan yoki biror marta zilzilani bartaraf etmagan bo‘lsa-da, sevib qolish qanchalik qiyin ekanligini bilardi.
"œNima uchun o‘zingizga boshqa kiyim sotib olmaysiz. Shunday qilsangiz, sizni hech kim tanimasligi mumkin, — maslahat berdi Anton. — Kasbingizni ham o‘zgartirib olsangiz yomon bo‘lmasdi. Hech bo‘lmasa, gazeta sotuvchi yoki kinoteatrda joy ko‘rsatuvchi bo‘ling".
"œMen o‘zimga kiyim sotib ololmayman, — dedi erkak. — Pulim yo‘q".
"œPulingiz yo‘q?" — hayron bo‘ldi Anton.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:42:13

 "œHa, pulim yo‘q, — dedi Supermen xomush. — Voqealarda men doim qimmatbaho mashinalar minib, o‘zgalarga qimmat-qimmat sovg‘alar ulashib yuraman, ammo ixtirochilarim bular uchun pulni qayerdan olishimni menga ma’lum qilmaganlar. Balki eski jildlardan birida bu haqda biror nima yozilgandir, degan maqsadda jurnallarni ko‘rib chiqishga kelgandim. Ammo bu haqda biror nima deyilgan joyni topa olmayapman".
"œNahotki", — dedi Anton kuyunchaklik bilan.
"œOrtiq xohlamayman, — xo‘rsindi Supermen. — Endi mana bu ko‘k-qizil kiyimimdan butunlay qutulmoqchiman. Buning ustiga bu kiyim mening yoshimga to‘g‘ri kelmaydi".
"œAmmo u sizga yarasharkan, - dedi Anton yupatib. U o‘ylab turib dedi: "œNima uchun siz bu ishdan boshqasiga o‘tib ketmayapsiz? Osonroqlari ham bordir?"
"œQaysiga o‘tsam ekan? — so‘radi Supermen. — Menga o‘xshaganlar qayerga sig‘ardi? "œQorqiz" qissasidagi mittivoylardan biri bo‘laymi? Yoki Vinnetu o‘rniga apachlarning ( hindu qabilasi) yangi sardori bo‘laymi?"
"œBular to‘g‘ri kelmaydi", — dedi Anton.
Supermen burnini tortdi. "œShamollab qolganga o‘xshayman. Kecha muz dengizida kema halokatiga uchraganlarning bir necha yuztasini qutqarishimga to‘g‘ri kelgandi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:42:30

Ro‘molchang bormi? Mening ixtirochilarim bu haqda ham o‘ylab ko‘rmagan ekanlar".
Anton ozgina ishlatilgan qog‘ozli ro‘molchasini cho‘ntagidan chiqarib Supermenga berdi. U burnini qattiq qoqdi. Keksa sotuvchi ayol unga o‘qrayib qaradi.
Antonga esa o‘ylab-o‘ylab shunday dedi: "œGazetalarda ishga takliflar yozilgan joyi bo‘ladi. Balki o‘shalarda sizga mos keladigan yumush topilib qolar".
"œSarguzashtlimi?" — so‘radi Supermen.
"œUnaqasi kamroq, — tushuntirdi Anton, — lekin ishlar ko’p".
Supermen o‘zining qimmatbaho qo‘l soatiga qaradi. "œYaxshiyamki, yaratuvchilarim buni ham unutib qo‘yishmagan".
"œEsim qursin, — dedi u, — men hozir buzg‘inchilar izidan chiqarib yuboriladigan odamlar to‘la poyezdni qutqarib qolishim kerak".
"œAxir siz"¦", — deyishgagina ulgurdi Anton.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:43:05

 "œTezroq o‘n yettinchi jildni och, — dedi Supermen hovliqib. — Hozir o‘sha yerda bo‘lishim kerak".
Anton izladi. U o‘girilib qarasa, Supermen qo‘yib bo‘lgan ekan. 17-bob ochiq holda stol ustida turardi. Supermen baquvvat qo‘llari bilan temir yo‘l ko‘prigini ushlab turib, poyezdni o‘tkazib yubordi.
"œUnga yordam berib bo‘lmaydi", — o‘yladi Anton.
"œHozirgina kelgan janob qani?" — so‘radi sotuvchi ayol.
"œO‘n yettinchi bobda", — javob berdi Anton.
"œHech nima sotib olgani yo‘q, buning ustiga surbetlik ham qiladi, — pichirladi sotuvchi ayol va Supermenga oid voqeaning 17-jildini yopib qo‘ydi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:44:50

KIR YUVISH MASHINASI

"œSblubb", — qildi kir yuvish mashinasi. Keyin esa "œbluq-bluq", "œg‘ayt-g‘uyt" qildi-da, to‘xtab qoldi.
"œEshitdingmi?" — so‘radi Antonning onasi.
"œHa", — dedi Anton va rasm chizishni davom ettirdi. U bir soatdan buyon mushugining suratini chizishga urinayotgandi. Biroq mushuk har safar mo‘ylovli zebraga o‘xshab qolayotgandi.
Antonnig onasi kir yuvish mashinasini silkitdi. "œHayvon", — dedi u jahl bilan. Antonning mushugi xirilladi.
"œSengamas, mushugim, — dedi Anton mushugiga, — anavi kir yuvadigan oq hayvonga aytyapti".
Antonning mushugi boshini yana old panjalari ustiga qo‘ydi. Suratlar uncha o‘xshamayotganini bilib turgan bo‘lsa-da, u o‘zini Antonga chizdirayotganidan mamnun edi.
Antonning onasi kir yuvish mashinasining tugmalarini burab chiqdi. Bo‘lmadi. Hatto oynali tuynugi ham ochilmay qolgandi. Antonning onasi nimadir deb pichirladi, Anton uni tushunmay qoldi. "œNima deding?" — so‘radi u qiziqib. "œHech nima, hech nima", — dedi Antonning onasi dovdirab.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:45:17

Qo‘ng‘iroq chalindi.
"œIltimos, ochib yubor, — dedi Antonning onasi, — bu tuz va shakar so‘rab turadigan qo‘shni ayol bo‘lsa kerak. U doim xuddi shunaqa paytda keladi".
Anton eshikni ochdi va qaytib oshxonaga kirdi.
Antonning onasi « uff » tortdi va qo‘shni ayol uchun non qoldiqlarini bir qog‘oz xaltachaga sola boshladi. "œBu hol menga noqulay albatta", — deya xijolat bo’ldi qo‘shni ayol har doimgidek.
"œBalki kir yuvish mashinasiga yaxshi « gapirib » ko‘rishimiz kerakdir, — dedi Anton onasiga, — uni silab, biz uchun qanchalik muhim ekanligini aytaylik-chi !".
"œUni tashlab yuborganimiz ma’qul!", - dedi Antonning onasi.
"œKir yuvish mashinangiz ishlamay qoldimi? — so‘radi qo‘shni ayol. — Ha, bu yangi chiqqanlaridan emas ekan-da. Buni bemalol tashlab yuborib, o‘rniga yangisini olsangiz bo‘larkan", — dedi u o‘zicha aql o‘rgatib.
"œAgar u shu gaplarni eshitayotgan bo‘lsa , — dedi Anton, — keyingi safar paxtali jemferlarimizni yuvayotganida bujmaytirib tashlaydi".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:45:34

 "œMashina jonsiz narsa-da, — dedi qo‘shni ayol Antonga uqtirib. — Ular gapga tushunarmidi".
Bu gap Antonga umuman yoqmaydigan ohangda aytildi. U o‘rnidan turib, kir yuvish mashinasining oldiga bordi va uning silliq sirtini ohista siladi. "œBiz unga ko‘rsatib qo‘yamiz, — pichirladi Anton. — Endi meni uyaltirib qo‘yma. Aytganimni qilasan-a?" Keyin u dastur tugmachasini bosdi. Kir yuvish mashinasi sekin g‘iriladi va odatdagiday "œbluq — bluq" qilib ishlay boshladi.
"œIshonib bo‘lmaydi", — qichqirib yubordi Antonning onasi.
"œBu tasodif", — dedi qo‘shni ayol va non qoldiqlarini olib xayrlashdi.
"œBuni qanday tuzatding?" — so‘radi Antonning onasi.
"œBilmayman, — dedi Anton. — Shunchaki men uni ishlab turganday tasavvur qildim. Menimcha, uni dam oldirib turishimiz kerak".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:45:52

 "œBo‘pti, — dedi Antonning onasi. — Keyingi haftada unga uch kun dam beramiz".
Yana qo‘ng‘iroq chalindi. Eshik oldida haligi qo‘shni ayol entikib turardi.
"œBiror nima esingizdan chiqib qolganmidi?" — so‘radi Antonning onasi.
"œYo‘q, - dedi qo‘shni ayol, — mening mikserim (meva va sabzavotni sharbatga aylantiradigan asbob) ham ishlamay qoldi".
"œMenikini olib turmoqchimisiz?" — so‘radi Antonning onasi.
"œHa"¦ yo‘q’e "¦ mikseringizni emas, — dedi qo‘shni ayol duduqlanib, — Antoningizni. U mikserim bilan "œgaplashib" qo‘ysa maylimi?"
"œBu gal ham ta’sir qildimi?" - so‘radi Antonning onasi, Anton qaytib kelgach.
"œAlbatta, - dedi Anton. — Bir gap bilan ishlab ketdi".
"œRostdanmi? — dedi Antonning onasi angrayib. — Nima deding?"
Anton kulgisi kelganidan gapirolmay turdi.
"œUlagichni rozetkaga ulashini aytdim", — deya qiqirlab yubordi u nihoyat.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:46:05

ANTON VA QORBOBO

Anton yana qo‘lqopchalarini izlashga tushdi. Ular ko‘m-ko‘k edi. Nihoyat u chapini topdi va suyunib ketdi. Chunki bir qo‘lini jaketining cho‘ntagiga tiqib yursa ham bo‘lardi-da.
"œMen yangi yil tomoshalarini ko‘rishga ketyapman", - ogohlantirdi u. Onasi indamay boshini qimirlatdi. U keyingi kungacha bir ishni qilib tugatishi kerak edi.
Anton ko‘cha bo‘ylab ketarkan, kul rang qor etiklariga chalpillab yopishib qolayotgandi.
"œQuturgan qo‘y", - dedi bir yoqimsiz ovoz. Yo‘l chetiga mashinasini sozlayotgan haydovchi shunday deb yo‘lda ketayotgan haydovchiga ta’na qilib qoldi. Unisi esa yon derazadan boshini chiqarib, - "œYangi yilingiz bilan!" — deya javob qildi-da, o‘tib ketdi. Birinchisi uning ortidan qarab qoldi. Shundan so‘ng u og‘zini sekin yopib, yuzini qattiq burushtirdi. Anton miyig‘ida kulib qo‘ydi va yo‘lini davom ettirdi.
"œG‘arch-g‘urch". Anton qor ustida etiklari bilan mana shunday tarzda qadam tashlab ketayotgandi. Ko‘cha eniga chiroqlar zanjiri tortilgandi. Peshtaxtalarga archalar, o‘yinchoqlar va qorbobolar qo‘yilgandi.
"œQayerga ketyapsan?" - so‘radi kimdir. U maktabda Antondan uch qator ortda o‘tiradigan Markus edi.
"œYangi yil tomoshalarini ko‘rishga, - dedi Anton, - senchi?"

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:46:19

 “Pochtaga ketayotgandim, - javob berdi Markus, - onam pul jo‘natishga yubordi. Vaqti yo‘qligi uchun, u yangi yil arafasida do‘kondan chiqolmaskan”.
Markus kapyushonli kurtkasining cho‘ntagidan bir yashil konvert chiqardi.
“Anchagina pul”, - dedi u ta’kidlab.
“Biz pulimizni hech qayerga jo‘natmaymiz, balki xarajat qilamiz”, - dedi Anton. Pul uni uncha qiziqtirmasdi.
Markus yashil konvertni ehtiyotkorlik bilan joyiga solib qo‘ydi.
“Men universal do‘konga kiraman, - dedi Anton, - bu yil u yerga qorbobo kelgan.”
“Aslida bunaqalar kiyimlarini almashtirib olgan kishilar bo‘ladi, ularga buning uchun universal do‘kon pul to‘laydi”, - dedi Markus bepisand holda.
“Senga kim aytdi?” - so‘radi Anton.
“Dadam. Uning aytishicha, ular xaridorlar ko‘proq pul xarajat qilishlari uchun qo‘yilarkan”.
“Men pul xarajat qilolmayman, - dedi Anton, - chunki menda yo‘q”.
Shu payt universal do‘konda qorbobo shirinliklar va to‘rvachalar ulashayotgandi. Uning soqoli yopishtirilgan, egnida uzun, qizil choponi bor edi, peshonasidan ter to‘kilayotgandi. Universal do‘konda uzun chopon juda issiqlik qilayotgandi. Bir nechta bolachalar unga zo‘r ishtiyoq bilan qarab turishardi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:46:54

 "œDadamning aytishicha, faqat nodon bolalargina qorboboga ishonisharkan". Markusning ovozi e’tirozli ohangda chiqdi.
"œU o‘sha nodon bolalarga qiziqarli tuyulsa kerak-da", - dedi Anton o‘ylanib.
"œOxirgi qavatga chiqaylik, - undadi Markus, - u yerda komputer o‘yinlari bor".
"œSen pul jo‘natishing kerak edi-ku?" — eslatdi Anton.
"œBuni keyinroq ham qilsam ham bo‘ladi", - dedi Markus va eskalatorga chiqdi.
To‘rtinchi qavatda avtomatlar ko‘p edi. Pippillagan, g‘izillagan va g‘uvillagan shovqinlar taralib turardi. Ekranlardagi oq pufakchalar bir tomondan ikkinchi tomonga uchib o‘tayotgandi; to‘siqlar ko‘tarilgach, nishonlar g‘oyib bo‘layotgandi. Faqat tugmachalar o‘z vaqtida bosilsa yoki buralsa bas. Yangi yil sharofati bilan bolalar bepul o‘ynash imkoniyatiga ega edilar. Ulardan ikkitasi bitta joy uchun talashib qolishdi. Xizmatchilardan biri pippillayotgan avtomatlar va chinqirayotgan bolalar o‘rtasida nima qilarini bilmay qolgandi. Markus avtomatlardan birini egallashga muvaffaq bo‘ldi. Hayajondan uning yuzi qizarib ketgandi. U juda yaxshi o‘ynadi. Anton ham shunday o‘ynashga harakat qildi. Ammo u tugmachalarni yo oldin, yo keyin bosib qo‘yayotgandi.
Keyin Anton ozgina nariroqqa o‘tib, kitoblar bolimiga kirdi va bir qalin kitobni qo‘liga oldi. Unda, - "œBolalar uchun yangi yilning katta kitobi", - deb yozilgan ekan. Anton uni varaqladi. Keyin to‘xtab qoldi. Kitobdagi bir hikoya "œAnton va qorbobo" deb atalgandi. Anton uni o‘qiy boshladi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:47:02

 "œAnton yana qo‘lqopchalarini izlashga tushdi. Ular ko‘m-ko‘k edi. Nihoyat u ulardan bittasini topdi va suyunib ketdi. Bitta qo‘lini jaketining cho‘ntagiga tiqib yursa ham bo‘lardi-da"¦"
"œAnton", - dedi bir g‘amgin ovoz. Kimdir uning bilagidan tortdi. Anton o‘qishdan to‘xtamadi.
"œMen bu yerdaman. Bir hikoyaning ichidaman", - dedi u hayajonlanib.
"œAnton! Pulni yo‘qotib qo‘yibman!" Anton o‘girildi. Uning yonida Markus turardi.
Endi uning yuzi o‘yin paytidagiday qip-qizil emas, balki bo‘zarib ketgan edi.
"œNima deysan? Anton kitobni joyiga qo‘ydi. —Yaxshilab ko‘rchi".
Markus kurtkasining hamma cho‘ntaklarini ag‘darib ko‘rdi. Yo‘q ekan. Uning bo‘zarib ketgan yuzida husnbuzarlari aniq ko‘rinib qolgandi. Ular avtomatlar yaqiniga borib, pastni ko‘zdan kechirib chiqishdi. Yo‘q ekan. Yashil konvert topilmadi.
"œYur, - dedi Anton, - biror joyga borib bafurja o‘ylab ko‘ramiz".
Universal do‘konning ortida bir kichik istirohat bog‘i bo‘lib, uning ichida bir nechta yaproqsiz butalar bor edi. Bir nechta o‘tirg‘ichlar. Bitta daraxt. Antonning o‘ng qo‘li sovqotdi. U uni jaketining cho‘ntagiga tiqdi. Uning yonida Markus tishlarini qichirlatib turardi. Ular bir o‘tirg‘ichga o‘tirdilar.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:47:15

 "œO’ylab ko‘r-chi, - dedi Anton. Uni biror joyda cho‘ntagingdan chiqargandirsan".
Markus boshini silkitdi.
"œQancha edi o‘zi?" - so‘radi Anton.
Markus javob berish o‘rniga, yig‘lay boshladi.
Kimdir ular o‘tirgan o‘tirg‘ichga o‘tirdi. Qalin etiklar, uzun, qizil chopon, oq soqol. Qorbobo.
"œSiz universal do‘kondanmisiz?" - so‘radi Anton.
Qorbobo jilmayib boshini qimirlatdi. Anton unga sinchkovlik bilan qaradi. Haqiqatan ham buning sochi va soqoli boshqacha edi. Jilmayishi ham.
Markus hamon yig‘layotgandi.
"œUning puli yo‘qolib qoldi, - tushuntirdi Anton. — U uni onasining o‘rniga pochta orqali jo‘natishi kerak edi".
Qorbobo boshini qimirlatdi. U choponining cho‘ntagidan ikkita to‘rvacha chiqardi va dedi: "œTaskin bo‘lishi uchun".
Anton pul yo‘qotmagan bo‘lsa ham, shu ikkita to‘rvachadan bittasini oldi.
"œYangi yillaringiz qutlug‘ bo‘lsin", - dedi qorbobo va yo‘lga tushdi.
"œOchsangchi!" — Anton qovog‘ini solib tilla rang to‘rvachaga qarab qolgan Markusni shoshiltirdi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:47:24

 "œBarisi be’manilik", — dey pichirladi Markus, ammo to‘rvachani ochdi. Uning ichidan bitta yassi quti chiqdi. Quti ichida bitta yashil konvert bor edi. Markus ishonqiramay unga tikildi, keyin uning ichidagi pulni sanadi. "œTo‘g‘ri", — dedi u va qorbobo tomonga o‘girildi. Ammo endi u ko‘rinmay qolgandi.
Anton ham to‘rvachasini ochdi. Uning ichidan ko‘m-ko‘k qo‘lqopchasi chiqdi. O‘nggi.
"œTushundingmi?", - so‘radi Markus.
Anton qo‘lqopchaga yaxshiroq qaradi. U uniki edi. Uni bosh barmoq yonidagi yamoqchali joyidan tanidi.
"œBu haligi universal do‘kondagi qorbobo bo‘lsa kerak, - dedi Markus, - demak konvertni o‘sha yerdan topib olgan. Ertaga unga minnatdorchilik izhor qilib qo‘yarman".
Anton hech nima demadi. Ammo Markus bu qorboboni universal do‘kondan topa olmasligiga uning ishonchi komil edi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:47:35

QUSH TORTI

"œHamma eshitsin, yakshanba kuni menikida fashing (qishni kuzatish bayrami)ni nishonlaymiz!" — qichqirdi Gundi. Gundi qiz bola emasdi. Asli ismi Gundomar bo‘lgan Gundi jismoniy tarbiya bo‘yicha hammadan zo‘r edi. Sinfdagi shovqin-suron shodlikka ulanib ketdi. Gundi qo‘llarini ko‘tarib ishora qildi. U yana nimadir demoqchi ekanligi ko‘rinib turardi. Meni sira Gundi deb chaqirmanglar. Aks holda onamning jahli chiqadi. U meni hamma Gundomar deb chaqirishini xohlaydi". Sinfdagilarning bari kulib yubordi, Gundomarning o‘zi ham.
"œSinfimizdagilarning hammasi yakshanba kuni Gundinikiga fashingni nishonlashga taklif etilgan. Y’ani Gundomarnikiga", — bildirib qo‘ydi Anton onasiga. U hozirdanoq yangi ismga ko‘nikishga harakat qilayotgandi.
"œSinfingizdagilarning hammasi?" — hayron bo‘ldi Antonning onasi. "œUning oilasidagilarning asabi mustahkam bo‘lsa kerak-da. Qanday qiyofada bormoqchisan?"
"œBilmadim, — deya o‘ylab qoldi Anton, — balki sherif (politsiya boshlig‘i) qiyofasida borarman".
"œYaxshi, — dedi onasi, — unda senga bitta yulduz va bitta chavandozlar shlyapasi ham kerak".
"œTo‘pponcha-chi", — qo‘shib qo‘ydi Anton.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:47:50

 "œO‘yinchoq qurollarga munosabatim qanaqaligini bilasan-ku, - Antonning onasining kayfiyati yomonlashdi. — Yaqin kelajakda o‘shalar portlovchi minachalar sotadigan bo‘lishadi. Keyin ular yordamida qo‘g‘irchoqlar va o‘yinchoq ayiqchalar portlatib yuboriladigan bo‘ladi".
"œJuda oshirib yubording", — dedi Anton. U qurolsiz kurashishga ham tayyor edi: baroq mushuklar uchun, Sibille uchun, uy ishlari kamaytirilishi uchun, gapiradigan daraxtlar uchun. Ammo to‘pponchasiz sherif bo‘ladigan bo‘lsa, ishonarli chiqmasdi.
"œTo‘pponchani o‘zim yig‘gan pulga sotib olsam-chi?" - so‘radi u.
"œUnda konflikt (mojaro) chiqadi," — dedi Antonning onasi. "œKonflikt" so‘zi Anton uchun yangi edi. Shunday bo‘lsa-da, u onasining ohangidan, konflikning bo‘lmagani ma’qulligini tushundi.
Keyinroq Anton fashing kiyimlari va turli narsalar sotiladigan do‘konchaga bordi. Unga hech nima yoqmadi. Nihoyat u bir ajoyib qush niqobini ko‘rib qoldi va kiyib ko‘rdi. Ko‘zlari kichik tirqishlardan qarab turardi, og‘zi bilan burni esa katta sariq tumshuq ortidan ko‘rinmasdi. "œMen antiqa qush bo‘lib boraman", — ahd qildi Anton va so‘nggi paytlarda yig‘qan puliga bu niqobni sotib oldi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:48:00

Antonning onasi bundan juda mamnun bo‘ldi. U darhol bir eski qora matodan keng yengli ko‘ylak tikib berdi. Anton qo‘llarini yuqoriga va pastga harakatlantirganida, xuddi qanot qoqayotganday ko‘rinardi.
Anton yakshanba kuni Gundinikiga, yo‘q Gundamarnikiga borayotganida, kayfiyati juda xush edi. "œEndi meni hech kim taniyolmasa kerak", - o‘yladi u.
"œXayrli kun, Anton", — dedi Gundining, yo‘q Gundomarning onasi uni ko‘rishi bilan.
Anton atrofga nazar tashladi. Bu did bilan jihozlangan juda go‘zal uy bo‘lib, uning tevaragida katta bog‘ bor edi. Uzun stolga pishiriqlar, tortlar, qaymoqli likobchalar, quymoqlar, pechenyelar, kakao, hamda malina sharbatlari qo‘yilgandi. Gundining, yo‘q Gundomarning dadasi uydan chiqib ketgan ekan. Shuning uchun uning onasiga ikkita oq etakli ayol yordamlashayotgandi.
Anton tamaddi va ichish paytida yuzidagi qush niqobini xalaqit bermasligi uchun yuqoriga ko‘tarib qo‘yardi. Pishiriqlar va tortlar juda mazali edi-da. Keyinroq o‘yinlar tashkil etildi. Ular Antonga yosh bolalarnikiday tuyuldi. Ammo ulardan zo‘r yutuqlar yutish mumkin edi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:48:14

Anton ham shu o‘yinda ishtirok etib, Karl Mayning (hindular haqidagi qiziqarli kitoblar muallifi) bir jildini, rangli qalamlar, pechenye shaklidagi o‘chirgich uchta Komik jurnallarini yutib oldi. O‘yin mobaynida u judayam isib ketdi, shuning uchun boqqa chiqiladigan kichkina eshikni izlab topdi. Anton u yerga chiqib bir oz qanotlarini qoqdi va o‘zini xuddi ucha oladiganday tasavvur qilib ko‘rdi.
"œSovuq", — dedi bir ovoz.
"œHozir bahor bo‘lsaydi", — javob berdi boshqasi.
Anton atrofga qaradi. Hech kim ko‘rinmadi.
"œBugun biror nima yedingmi?" — so‘radi birinchi ovoz.
"œYo‘q", — javob berdi boshqasi mayusgina.
Aslida bu ovozlar yuqoridan keldi. Anton tepaga qaradi. Tepasidagi quruq shoxlarda ikkita qushcha o‘tirardi. "œMen qushlar ovozini tushunyapman, — o‘yladi Anton hayratlanib, — niqobim tufayli bo‘lsa kerak".
"œHoy qo‘shaloqlar", — xitob qildi Anton. Aniqrog‘i, u ularni shunday deb chaqirmoqchi bo‘ldi. Uning tumshug‘idan "œkroaks" degan sado chiqdi.
"œSen qanaqasan?" — so‘radi daraxtdagi ikkita qushchadan biri.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:48:30

 "œMen haqiqiy emasman, shunday kiyinib olganman, xolos" — tushuntirdi Anton. Bu "œkreks rak oak" tarzida eshitildi.
"œBizning tilimizda so‘zlashyapsan-ku, demak haqiqiy bo‘lsang kerak", - dedi qushcha.
"œMen ucholmayman". Anton gapini tasdiqlash maqsadida, qora qanotli qo‘llarini qoqib ko‘rsatdi.
"œO‘zi shunday bo‘ladi, — yupatdi qushcha. — Chunki sen juda katta ekansan. Demak, senga doim biznikidan ancha ko‘p ovqat kerak bo‘ladi. Hozir sen ham bizday ochsan, shundaymi?"
"œYo‘q, — dedi Anton xuddi ayb ish qilib qo‘yganday. — Men shuncha ko‘p ovqat yeb yuboribman-ki, bundan o‘zimni ancha yomon his qilyapman. Sizlarga ham biror yegulik olib kelib beraymi?"
"œG‘alati savol!" Qushcha jon talvasasida qanotlarini qoqdi. "œKelinglar, kelinglar!"
"œMen boshqalarni chaqirib kelaman", — sayrab uchib ketdi ikkinchisi.
"œMen hoziroq qaytaman", — va’da qildi Anton. Bu "œkra rida ra" tarzida eshitildi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:48:39

U tuzalgan stol oldiga bordi va o‘ylab qoldi. Mevali tort juda shirinlik qilardi, shokoladlisi yopishqoqroq edi, quymoqlarni esa yaxshi ushatib bo‘lmasdi. Nihoyat Anton bir chekkadagi qiyomsiz va kremsiz tortni ko‘rib qoldi va shuni oladigan bo‘ldi. Qo‘shni xonadan kulgi va shovqin-suron eshitilar. Yutuqlar egasini topib ketgan.
Anton hech kimga bildirmay boqqa kirdi. U haligi tortni o‘sha yerda ushatib, daraxt tagiga tashladi. Keyin mamnun holda uzoqroqda turib, tort ushoqlari atrofida to‘planayotgan qushlarni kuzatib turdi. "œKerk kekk kirk", - dedi Anton xayrlashib. Bu "œyoqimli ishtaha", — degani edi. Keyin u yana uyga kirdi.
"œEndi yong‘oqli tortimni ham bir ta’tib ko‘ringlar-chi, — dedi Gundining onasi haligi ikkita ayolga. — Faqat sakkizta tuxumdan tayyorlangan".
"œAttang, — o‘yladi Anton, — har holda men ushatgan tort bo‘lmasin-da".
Afsus aynan o‘sha tort nazarda tutilgan ekan. Va Gundining onasi uni topishga qat’iy kirishganligi sezilib turardi.
"œBalki, — o‘yladi Anton, — tortni qushlar maza qilib yeyishganini eshitsa, xursand bo‘lar". Anton niqobini ko‘tardi va yong‘oqli tortga nima bo‘lganini aytdi. Gundining onasi xursand bo‘lmadi. U kulishga urindi-yu, biroq buni uncha uddalay olmadi.
Anton yaxshisi uyiga qaytishga qaror qildi. U hamma yutuqlarini yig‘ishtirdi va katta xona tomonga qarab qichqirdi: "œMen ketyapman, Gundi".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:48:49

Hamma qotib qoldi. Gundomarning onasi chuqur nafas oldi. "œU seni nima deb chaqirdi?" — so‘radi u qat’iy.
Gundomar bir lahza o‘ylanib qoldi va dedi: "œMeni sinfimizdagilar Gundi deb atashadi. O‘zimga ham shu ma’qul".
Anton uyiga qaytgach, onasi unga noxush qarab dedi: "œGundomarning onasi menga qo‘ng‘iroq qilgandi".
"œIkkalangiz bir-biringizdan qolishmaysiz", — o‘yladi Anton. Ammo hech nima demadi.
"œNima uchunligini bilarsan?" — so‘radi Antonning onasi.
Bu savol Antonni hecham tashvishlantimadi.
"œMen ikkita qush gaplashayotganini eshitib qoldim, — tushuntirdi u, — ular och edi".
Antonning onasi burnini tortdi. "œO’zim ham shunga o‘xshash hol yuz bergan bo‘lsa kerak, deb o‘ylagandim. Endi senga chumchuqlar murojaat etadigan bo‘lsa, nonushta qiladigan pishiriqlarimizni ham ularga derazadan tashlarkansan-da. Qo‘y, yaxshisi unday qilma. Aks holda..."
"œBilaman, aks holda mojaro bo‘ladi", — qo‘shib qo‘ydi Anton bo‘g‘iq ovozda. Bitta yong‘oqli tort uchun, chuncha tashvish", — pichirladi u xonadan chiqayotib. Yaxshiyam buni onasi eshitmay qoldi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:49:04

MO‘MATALOQ

"œTomas bir haftadan buyon yo‘q", — dedi o‘qituvchi. U sinf jurnalidagi kunlarni sanab chiqdi. "œNima uchun bundayligini biladiganlar bormi?"
Hech kim indamaydi.
"œNima, hech kim u bilan do‘st emasmi?"
Hech kim indamadi. Tomas hammani turtkilardi, sochlaridan tortardi, daftar bilan urardi. Yo‘q, hech kim Tomas bilan do‘st emas edi.
"œBalki uning turar joyini biladiganlar bordir?"
"œBo‘pti, — o‘qituvchi toqatsizlandi. — Uning turar joyini devonxonadan ham bilib olish mumkin. Kimdir unikiga borib, nima bo`lganini bilib keladi". Uning sinchkov nigohi sinfdagilarga qadaldi.
"œMenga aytib qolmasin-da", — o‘yladi Anton va matematika daftariga ko‘z yugurtirishga tushdi. Biror narsaga diqqat bilan qarab turganida, u o‘qituvchisining nazaridan chetda qolishi mumkinligini bilardi. Biroq bunday holda, "œU meni ko‘rmasin, u meni ko‘rmasin"¦", degan fikrni xayolidan o‘tkazishi kerak edi. Bu hol doim o‘z ta’sirini ko‘rsatardi.
"œAnton, - dedi o‘qituvchi, — bu ishni senga topshiraman".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:49:12

 "œRasvo bo‘ldi, — o‘yladi Anton. — Shu paytgacha hamma istagim ro‘yobga chiqardi-ya".
"œNima uchun aynan men o‘sha ahmoqdan xabar olishga borishim kerak? — shikoyat qildi Anton uyiga kelib.
"œMayli, mayli, hechqisi yo‘q , boraqol, faqat kechga qolma", — dedi Antonning onasi, bir varaq oq qog‘ozdan nigohini uzmay qalamni tishlab turgan holda. Antonning divan ustida uxlayotgan mushugi uyqusida panjalarini qimirlatib qo‘yardi. Anton uf tortdi. Buni hech kim eshitmadi. U g‘azablanib manzilgoh yozilgan qog‘ozga qaradi, uzoq emasmikan, degan ma’noda. Har holda u Tomasni maktab yo‘lida tez-tez uchratardi.
Baribir Anton anchagina yo‘l yurishiga to‘g‘ri keldi va nihoyat o‘sha uyni topgach battar g‘azablandi. Kul rang tusli, katta uyning atrofida bog‘i ham, derazalari oldida gullari ham yo‘q ekan.
"œUyi o‘ziga o‘xsharkan", — o‘yladi Anton g‘azabga to‘lib. U chang bosgan taxtachalarga yozib qo‘yilgan nomlardan tegishlisini topib, qo‘ng‘iroq qildi.
Unga mujmal ovozlar hamda shoshilinch qadamlar eshitildi. Keyin bir lahza jimlik bo‘ldi. Anton yana bir marta qo‘ng‘iroq qildi. Kimdir aynan shuni kutib turganday darhol eshikni qiya ochib qaradi. Anton bir ayolning yuzini ko‘rib qoldi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:49:22

 "œMeni maktabdan yuborishdi, — tushuntirdi u. — Men Tomas bilan ko‘rishib, qachon maktabga borishini bilib ketishim kerak".
Ayol boshini qattiq qimirlatdi. "œU bilan ko‘risholmaysan. Maktabingdagilarga ayt, u bir necha kundan keyin boradi". Shunday deb ayol eshikni Antonning burniga urguday qilib yopdi. Anton nima qilarini bilmay, bir oz shu yerda turib qoldi.
Yana qo‘ng‘iroq qilsinmi? Tomasga nima bo‘lganini bilolmadi-ku.
"œKetdimi?" Anton eshik ortidan kimdir so‘raganini eshitdi.
"œPsssst!" — dedi boshqasi.
Anton o‘girilib o‘ychan qadam tashladi.
Bu yerda bir sir borga o‘xshardi. Bu hol unga Sibille bilan ko‘rishish uchun yaxshigina bahona bo‘ldi.
Sibille cho‘pli qizil-yashil qandni yalagan holda voqeani qiziqib eshitdi. "œBalki uni birov o‘g‘irlab ketgandir, — dedi Anton. - Shuning uchun uning ota-onasi bu haqda hech kimga aytolmayotgandir".
"œO‘g‘irlab ketgan, — Sibille qat’iy ravishda bosh silkitdi. — Undaylarni o‘g‘irlagan kishi darhol qaytarib keladi. Buning evaziga pul ham talab qilmaydi."

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:49:31

 "œTo‘g‘ri aytasan", — dedi Anton uning gapiga qo‘shilib. — Balki unga qizamiq chiqib qolgan bo‘lsa, qizil donachalaridan or qilib yurgandir".
"œSen gaplashib turganingda ham cho‘pli qizil-yashil qandni yalayotganingni tushunolmayapman", — shikoyat qildi Anton.
"œMasalaning mohiyatini chuqur tushunish kerak edi-da", — uqtirdi Sibille va cho‘pli qizil-yashil qandning qolganini tishlab-tishlab yutib yubordi.
"œTishing og‘rib qolmaydimi?" — so‘radi Anton.
"œOg‘riydi", — javob berdi Sibille.
"œAna", — Anton Sibille cho‘pli qand yalamaydigan bo‘lganidan keyingina, unga uylanishini ko’ngliga tugib qo‘ydi.
Anton o‘sha xunuk kul rang uyga bir oz yetmasdan to‘xtadi. "œMana shu uy. — Uy yaqinida hech kim bo‘lmasa ham u pichirlab gapirdi. - Endi nima qilamiz?"
"œQo‘ng‘iroq qilamiz va tez yugurib borib anavi plakatning orqasiga yashirinamiz, — taklif qildi Sibille. — Ko‘ramiz, qani nima bo‘larkan".
"œMen hecham bunday qilib ko‘rmaganman, — to‘ng‘illadi Anton tashvishlanib. — Buni sezib qolishlari mumkin-ku".
"œHaqiqatni bilishimiz uchun shunday qilmasak bo‘lmaydi", — tushuntirdi Sibille.
"œBo‘pti, — Antonning ovozi uncha dadil chiqmadi. — Kim qo‘ng‘iroq qiladi?"

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:49:40

"œSen, — dedi Sibille. — Fikr mendan chiqdi".
Anton qo‘ng‘iroq qildi va darhol plakatning ortida turgan Sibillening yoniga yugurib bordi. Ular yashirinishgan joyidan uy eshigi bir oz ochilganini va bir lahzadan so‘ng yana yopilganini ko‘rishdi.
"œYana bir marta shunday qilib ko‘ramiz ", — dedi Sibille.
"œXo‘p", — uf tortdi Anton. Sibille ba’zan o‘ta tirishqoq bo‘lib ketardi.
"œYo‘q, endi men, - dedi Sibille. — Sen nafasingni rostlab olganing yo‘q".
"œQoyil", — dedi Anton Sibillening gapidan ruhlanib.
Bu safar eshik to‘liq ochildi. Bir ayol chiqib, ikkala tomonga qaradi va boshini silkitib yana uyga kirib ketdi.
"œEndi navbat meniki", — dedi Anton va yugurib ketdi. U qo‘ng‘iroq tugmachasini bosish uchun qo‘lini ko‘tarishi bilan eshik lang ochildi. Uning oldida Tomas turardi. Anton Tomasga tikilib qoldi. "œYuzingga nima bo‘ldi?" — so‘radi u qo‘rqib ketib. Tomasning o‘ng ko‘zi shishib ketgan atrofi ko‘k, yashil, sariq aralash tusda edi. Sibille yashiringan joyidan chiqib keldi. "œO‘zingdan kattaning jig‘iga tegdingmi—so‘radi u qiziqib. — Kichikroq bo‘lganida, balki kuching yetgan bo‘lardi".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:49:49

 "œQo‘l ko‘tarsa kerak", — o‘yladi Anton. U Sibilleni himoya qilish yoki qochib qolish afzalligini beixtiyor xayolidan o‘tkazdi. Biroq Tomas turgan joyidan jilmadi va hech nima qilmadi.
"œShuning uchun maktabga bormaganmiding?" — dedi Anton duduqlanib va Tomasning rang-barang ko‘ziga ishora qildi.
"œ Dadam bunaqa bo‘lib qolishini bilmagan ekan", — dedi Tomas.
"œDadang? - so‘radi Anton qizishib. — U tez-tez shunday qilib turadimi?"
"œFaqat ko‘proq ichganida. — Tomas ehtiyotkorlik bilan ko‘zini siypaladi. — Shunday paytlarda meni mo‘mataloq qilib qo‘yishi mumkin".
"œMo‘mataloq?" — Anton va Sibille deyarli bir vaqtda so‘radilar.
"œBuni mutaxassis shunday deb ataydi, — tushuntirdi Tomas. — Dastlab u siyoh rangda bo‘ladi".
Uchalasi bir lahza jim turib qolishdi. "œSizlarni ichkariga kirita olmayman", — dedi Tomas. — Hozir uyimiz o‘zimizga ham torlik qilib qolgan".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:49:57

 "œHa, unda biz ketdik." Anton Sibillega savolomuz qaradi. U esa indamay boshini quyi soldi.
"œMo‘mataloq bo‘lib qolganimni sinfdagilarga aytsangiz, miriqib kulishsa kerak", — dedi Tomas o‘ta dardli ohangda.
"œBo‘lishi mumkin", — dedi Anton. U Tomasdan doim hadiksirab yurganini ko‘z oldiga keltirdi. Endi esa Tomas undan va Sibilledan hayiqib turardi. G‘alati hol.
"œXo‘p, hozircha", — dedi Tomas. U o‘girildi va orqasidan eshikni yopdi.
Bir necha kundan keyin Tomas maktabga keldi. Ko‘zi yana o‘z holiga qaytgan bo‘lsa-da, boshini ko‘tarolmay o‘z joyida jimgina o‘tirardi.
"œQalay, grippdan yaxshi qutuldingmi?" — so‘radi o‘qituvchi birinchi darsda samimiylik bilan.
Tomas boshini ko‘tardi va ishonqiramay sinfdagilarga nazar tashladi. Hech kim kulmadi. Keyin u Anton va Sibille tomonga qaradi-da, "œha, rahmat", dedi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:50:10

GRIPPO

"œYon daftarim qani? — dedi Antonning onasi. — Hozirgina o‘zimda edi, endi topolmayapman." U jahl bilan stol tortmalarini ochib yopdi. Yon daftarcha qolib ketgan bo‘lishi mumkin bo‘lgan hamma narsaning tagini ko‘rib chiqdi. U qo‘lqoplarini hamda kurtkasi va paltosining cho‘ntaklarini paypaslab ko‘rdi.
"œUning ustiga Grippo o‘tirib olgan shekilli", - to‘ng‘illadi Antonning onasi.
"œKim, qayerda o‘tiribdi? - so‘radi Anton qiziqib.
"œAx, mening buvim, ya’ni sening buvingning onasi biror nimani topolmay qolsa, doim shunday derdi".
"œGrippo" Antonga bu so‘z juda ajoyib tuyuldi. Onasi endi oshxona tomonga o‘tib izlayotgandi. U past ovozda kimnidir koyidi.
Anton uy vazifalarini bajarishga kirib ketdi. Maktab sumkasidan matematika kitobini, siyohli ruchkasini va bir nechta daftarlarini chiqardi. U matematika kitobini qo‘liga olmoqchi bo‘ldi, ammo uni qo‘ygan joyidan topolmay qoldi. "œNima bo‘lyapti o‘zi", - o‘yladi Anton. Bugun matematika kitobi ham, yon daftar ham yo‘qolib qoldi. Haqiqatan ham bu o‘sha yaramas Gripponing ishi bo‘lsa kerak".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:50:31

 "œBo‘lishi mumkinmi meni bilganlar,
amal-u nomimni zikr qilganlar?"
Antonga shu ovoz eshitildi. U atrofga qaradi. Hech kim yo‘q edi. Biroq endi uning matematika kitobi qo‘yilgan joyida turardi.

"œYo‘qolmasdan oldin bor bo‘lgan narsa,
albatta topilar izlab ko‘rilsa", - sado berdi u.

"œGrippo! - qichqirdi Anton. - Qayerda yashirinib olgansan? Men seni ko‘rmoqchiman".
"œYashinday tezkorlik fazilatim bor,
meni ko‘rolmaysan, urinma zinhor".
Antonning oldidagi daftarlari g‘oyib bo‘lib qoldi.
"œGrippo! - qichqirdi Anton. Bu nima qilganing. Axir, men ertaga o‘qituvchimga, uy vazifalarimning ustiga Grippo o‘tirib olgandi, deya olmayman-ku".
"œVazifalar zo‘r narsa,
bajaraver, berilsa", - javob qildi ovoz quvnoq ohangda.
"œU maktab nimaligini bilmaydi-da, aks holda vazifalar nimaligini tushunardi", - o‘yladi Anton.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:50:49

 "œSafsata sening fikring,
menga tanish maktabing".
"œU fikrni ham o‘qib olarkan", - hayratlandi Anton.
Daftarlar yana stol ustida paydo bo‘lib qoldi.
"œRahmat, Grippo, - dedi Anton. — Ertaga men bilan maktabga bormaysanmi? Borsang, juda zo‘r bo‘lardi".

"œTaklifingga roziman,
sakkizgacha boraman".

"œBuni sabrsizlik bilan kutaman, - dedi Anton. Va u javobni kutdi. Ammo hamma yoq jimjit bo‘lib qoldi.
Keyingi kuni nonushta payti Anton Gripponi chaqirdi. Hech nima sodir bo‘lmadi. Choynak ham, bo‘tqa solingan likobcha ham, asalli idish ham yo‘qolib qolmadi. Anton noxushroq holda maktabiga jo‘nadi.
"œSen olgan bo‘lsang kerak, men uni hozirgina shu yerga qo‘ygandim", - Anton sinfga kirmasidanoq kimdir shunday deganini eshitdi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:50:57

 "œDemak, - o‘yladi Anton. - U shu yerda ekan-da".
"œMening matematika daftarim ham ko‘rinmayapti". — qichqirdi Verner.
"œMening esa olmam!" - shikoyat qildi Dieter.
"œAna xolos!" - o‘yladi Anton qoyil qolib.
O‘qituvchi sinfga kirdi. "œTinchlaninglar, — dedi u baland ovozda. Keyin yo‘qolgan chizg‘ichlar, daftarlar, olmalar va boshqa narsalar haqidagi shikoyatlarni eshitdi, keyin sabrsizlik bilan gapni boshqa tomonga burdi: "œO‘zi sizlarda tartib-intizom yo‘q. Behuda gaplarni yig‘ishtiringlar. Yaxshisi, yechishim kerak bo‘lgan misollar haqida o‘ylanglar"¦" U qo‘li bilan stol chetidagi matematika kitobini paypaslay boshladi. "œBu bo‘lishi mumkin emas, - dedi u, - aniq bilaman"¦"
Sinfdagilarning ayrimlari qiqirlab kuldi.
"œTinchlaninglar deyapman, - takrorladi o‘qituvchi jahl bilan. — Qani, uyga berilgan mashqlarni tekshiraylik-chi". U kurtkasining ko‘zoynak turadigan cho‘ntagiga qo‘lini tiqdi. "œBo‘lishi mumkin emas. Aqlim bovar qilmayapti", - to‘ng‘illadi o‘qituvchi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:51:06

Bu safar sinfdagilarning hammasi kulib yubordi. O‘qituvchining boshi qotib qoldi. "œKulgili ish bo‘lgani yo‘q", - dedi u va stol ustiga qarab hayron bo‘lib qoldi. Matematika kitobi yana joyida turardi.
"œMana ishlarimiz yaxshi tugadi,
endi boshqa sinfga navbat tegadi".
Anton Gripponing shunday deganini eshitishi bilan atrofga qaradi. Buni undan boshqa hech kim eshitmaganday edi. O‘qituvchi ko‘zoynak burnining ustida ekanligini to‘satdan payqab qoldi. U boshini silkitib uni yechdi va yana joyiga taqib qo‘ydi. "œEndi o‘ttizinchi betdagi yettinchi misolni yechishga o‘tamiz", — dedi u shundan so‘ng.
Bu ham maktabdagi kunlardan biri edi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:51:17

BOBO
 
Anton istirohat bog‘iga kirdi va har doimgidek dastlab o‘rdaklar hovuzi oldiga bordi. O‘rdaklar juda band edilar. Ular bir oq sochli kishi qarshisida jon jahdlari bilan u yoqdan bu yoqqa suzishayotgandi. Qirg‘oqda o‘tirib olgan bu kishi qotgan uzun nonlaridan birini qo‘liga olib, o‘rdaklarni oziqlantirayotgandi. Ahyon-ahyonda uning o‘zi ham shu nondan tishlab yeb turgandi. Uning yonidagi maysa ustida bir eski ryukzak (orqaga ilib yuriladigan xalta) turardi. Anton yaqinroq bordi. U o‘rdaklar mayda nonlarni tumshuqlariga olgan holda suvda rosa uvitib, yutib yuborayotganlarini tomosha qilib turdi.
"œSengayam bir bo‘lak non beraymi?" — so‘radi oqsoch.
"œO‘zim yeyishim uchunmi yoki o‘rdaklarga berishim uchunmi?" — bilmoqchi bo‘ldi Anton.
"œSenga qaysi ma‘qul bo‘lsa shu". Chol nonning qolganini Anton bilan bo‘lib oldi. O‘rdaklarni oziqlantirishda ularning faqat chaqqonlari va olg‘irlari yemishni yulib ketavermasligiga e’tibor berib turilishi kerak edi.
"œSayr qilib yuribsizmi?"— so‘radi Anton ryukzakga ishora qilib.
"œYo‘q, uydan qochib yuribman", - dedi chol.
"œNima-a-a?" — so‘radi Anton ishonqiramay.
"œXuddi shunday, uydan ketib qolganman", - ta’kidladi chol taskin topganday bo‘lib.
"œKishi keksaygach boladay bo‘lib qolarkan. Har holda yoshlar shunday deb o‘ylashadi. Agar shu to‘g‘ri bo‘lsa, ikkalamiz tengqurmiz, desa bo‘ladi". U Antonga qo‘lini uzatdi.
"œMening ismim Ervin".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:51:26

 "œMen esa Antonman. Kimlardansiz"¦"
"œSen degin"¦" — tuzatdi Ervin. Axir, tengqurlar bir — biri bilan sizlashmaydilar-ku".
"œXo‘p, - deya gapini davom ettirdi Anton. — Sen kimlardan qochib yuribsan?"
"œQizimdan va uning eridan".
"œNima, ular senga yomon munosabatda bo‘lishdimi?" — so‘radi Anton qiziqib.
"œYo‘q, unday emas. Chol miyig‘ida kulib qo‘ydi. - Ular menga doim, - ‘sog‘lig‘ingni o‘yla, dada. Unday qilma, dada. Sen o‘zingni asrashing kerak. Bu sening yoshingga to‘g‘ri kelmaydi, dada’, - deyaverishadi. Shuning uchun bugun ryukzakimga narsalarimni solib ketvordim".
"œXayrlashuv xati yoki shunga o‘xshash narsasizmi?" — so‘radi Anton kuyunib.
"œMen ularga meni izlab ovora bo‘lmasliklari haqida ma’lumot qoldirdim", - tushuntirdi Ervin xotirjamlik bilan va ryukzakini bog‘ladi. Non tugagandi.
"œUlar xavotirlanishi mumkin", - dedi Anton.
"œHamma narsaga aqli yetadi-ya, - to‘ng‘illadi Ervin . — Ehtiyot bo‘lmasang tez katta bo‘lib qolishing mumkin".
Ervin ryukzakini orqaladi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:51:34

 "œBir oz siz bilan birga yursam, maylimi? - so‘radi Anton. — Uyidan qochgan kishini hech uchratmaganman".
"œMayli, - dedi Ervin. — Lekin mendan oyoq kiyimimni kiyib olishimni talab qilmasang bo‘ldi". Ervin o‘zining yengil poyafzalini ryukzakiga bog‘lab olgandi.
Ular daryo bo‘yiga borishdi. Ervin ryukzakdan rasm daftarini chiqarib, qalam bilan chiza boshladi.
"œBu men-ku!" — qichqirib yubordi u Ervinning yelkasi ustidan qarab.
"œUni senga sovg‘a qilaman, - deya jilmaydi Ervin. - O‘zingni taniganing uchun". Keyin u toza rasm qog‘ozlaridan kemachalar yasay boshladi. Ular haqiqiy san‘at asarlariga o‘xshardi: tutun chiqaradigan quvurlari, boshqarish maydonlari va unga tegishli barcha jihozlari bilan. Ervin kemalarni daryoga qo‘yib yubora boshladi. Keyin ular qirg‘oqda o‘tirib kun botayotganida suv yuzida oppoq kemalar ulardan uzoqlashib ketayotgan oppoq kemalarchalarga qarab qolishdi.
"œNabiralaring bormi?" - so‘radi Anton kutilmaganda.
"œAfsus yo‘q, - javob berdi Ervin. — Bobolaring bormi?"
"œAfsus yo‘q, - dedi Anton. - Mening bitta mushugim, bitta qiz do‘stim, bitta onam va boshqa joyda yashaydigan dadam bor. Ammo bobom umuman yo‘q".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:51:44

 "œUnday emas, - dedi Ervin. — Endi bor desang ham bo‘ladi. Senday aqlli bolaning hech bo‘lmaganda bitta aqlsiz bobosi bolishi kerak. Aks holda tez orada katta bo‘lib qolishing mumkin".
"œBunga onam nima derkin?" — ikkilandi Anton.
"œXohlasam, o‘zimni yaxshiroq tutaman, - dedi Ervin jiddiy ohangda. — Kerak bo‘lsa, oyoq kiyimlarimni ham kiyib yuradigan bo‘laman".
"œEndi men uyga qaytishim kerak, - dedi Anton. — Kech bo‘lib qoldi".
"œEndi uydan qochib yurishimdan ham voz kechsam kerak , - dedi Ervin o‘ychan holda. — Chunki senday nabiraga ega bo‘lish mendan juda mas’uliyatli bolishni taqozo etadi".
Ervin o‘zi chizgan rasmining orqasiga ismi-sharifini hamda telefon raqamlarini yozib qoydi. "œSenga bobo kerak bo‘lsa, menga qo‘ng‘iroq qil", - dedi u.
"œShu paytgacha qayerda eding? - so‘radi Antonning onasi jahl bilan. — Xavotirlanishimni bilasan-ku".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:51:58

 "œMen bobo topdim, - dedi Anton. — U rasm chizishni va qog‘ozdan kemachalar yasashni bilarkan. Oyoq yalang yurishni juda yoqtirarkan.Va u aynan bugun uyidan qochib ketmoqchi bo‘lgan ekan".
"œEy, xayolparast, - dedi Antonning onasi. — sen har kuni biror gap topmasang ko‘ngling joyiga tushmaydi".
.Anton indamay rasmni stol ustiga qo‘ydi.
"œJuda zo‘r ekan, - dedi Antonning onasi hayron bo‘lib. — Qani, bir boshidan so‘zlab ber-chi".
"œQiziq, - xayolidan o‘tkazdi Anton, nima uchun kattalar bo‘lgan voqealarni uydirmalardan afzal ko‘rishadi.
Shunday qilib u voqeani batafsil so‘zlay boshladi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:52:09

KASANDRA

Anton nonushta qilib o‘tirgandi.
"œMushugim, - chaqirdi u. - Bu yoqqa kel, nom topishga yordamlashasan!"
Anton nihoyat mushugiga nom topishga ahd qilgandi. U o‘ziga ma’qul nomlarni bir qog‘ozga yozdi va ularni mushugiga birin-ketin ovoz chiqarib o‘qib bera boshladi. Har holda tanlanadigan nom uning o‘ziga ham ma’qul bo‘lishi kerak edi-da. Nomlar yozilgan uzundan-uzun ro‘yxatlarning bir nechtasini u shu paytgacha rad etgandi.
Mushuk kelib stol ustiga o‘tirdi va Antonga diqqat bilan termulib turdi.
"œStol ustida o‘tirma, - dedi Anton. — Onam urishadi".
Mushuk boshini quyi soldi. U buni bilardi. Anton unga achinganday bo‘ldi. "œHa bo‘pti, o‘tirsang-o‘tir". Mushuk Antonga qarab turaverdi. Anton uni haydamasligini juda yaxshi bilardi. Doim shunday bo‘lgan.
Anton o‘qidi: "œMatilde". Mushuk esnadi. "œNastasya". Mushuk bir pashsha ortidan qarab qoldi. "œGo‘zal. Qirolicha. Birinchi Raqam". Mushuk maqtovlarga sira o‘ch emasligi ko‘rinib turardi. "œYo‘lbars Lilli. Mautsdibauts. Uzunmo‘ylov". Mushuk qulog‘ini ham qimirlatmadi. "œFelitsitas, Yesika, Klarisa". Mushuk boshini qimirlatib, stoldan sakrab tushdi va divan burchagidagi uxlaydigan joyiga borib yotib oldi.
Anton uh tortdi. U bu safargi takliflarini ham taqdim etib bo‘lgandi. Buning ustiga maktabga boriladigan vaqt ham bo‘lib qolgandi.
Anton yugurib ketdi. Navbatdagi burilishda u qo‘qqisdan kimgadir urilib ketdi. Bu Tomas edi. "œ Kechirasan", - hansiradi Anton.
"œHechqisi yo‘q", - dedi Tomas samimiy tarzda.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:52:28

Anton bu safar ham hayron qoldi. Mo‘mataloq voqeasidan keyin Tomas umuman boshqacha munosabatda bo‘lib qolgandi. Nafaqat unga, balki Sibillega nisbatan ham. Shunaqa.
Birinchi dars har doimgidan qiziqarli o‘tdi. O‘qituvchi qadimiy yunonlar haqida gapirib berdi. Kim kim bilan va nima maqsadda jang qilganini. Ular ancha puxta bo‘lishgan ekan. Biror kattaroq ishga kirishishlaridan oldin, oqibati qanday bo‘lishi mumkinligini bashoratchi ayoldan so‘rab bilib olarkanlar. Bu taqdir haqida ob-havoni oldindan bilib olishday hol ekan.
Anton sinf ishidan oldin u haqida bashoratchi ayoldan so‘rab bilib olishni ko‘z oldiga keltirdi. Hozirgina ularga so‘zlab berilgan bashoratchi ayolning ismi Kasandra ekan. U uzun, to‘zigan sochli, nigohlari o‘tkir bo‘lgan qora kiyimli ayolni tasavvur qildi. Uning oldida yarqirab turgan billur sharini ham. "œBelgilar mos kelmayapti", - derdi u qat’iy ohangda. Shundan so‘ng maktabga bormasa bo‘lardi, uy vazifalarini bajarishga ham hojat qolmasdi.
Tushlik paytida Anton onasidan so‘radi: "œBirorta bashoratchi ayolni taniysanmi?" U shunday dedi-da, o‘ychan holda ovqatini kovladi.
"œKimni?" - so‘radi Antonning onasi hayron bo‘lib.
"œHaligi oldindan ayta oladigan ayolni".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:52:39

 "œHa, - dedi Antonning onasi. — O‘zim ham senga oldindan aytishim mumkin-ki, agar ovqatingni tezroq yemasang, sovib qoladi".
Anton sanchqi bilan olgan ovqatini yana joyiga qo‘ydi. O‘sha Kasandra qila olganini boshqalar ham qilishi mumkin demoqchimisan?"
Darhol mushukda allaqanday o‘zgarish sodir bo‘ladi. U shu paytgacha divan burchaqidagi joyida jimgina uxlab yotgandi. Endi esa birdan o‘rnidan turib, qaddini rostladi-da, Antonga ma’noli qarab qoldi.
"œMushukga nima bo‘ldi?" — hayratlandi Antonning onasi.
"œBalki nomingni Kasandra qo‘yarmizlar?" - so‘radi Anton bu nomni urg‘u bilan talaffuz qilgan holda. Mushuk divandan sakrab tushib, Antonning oyoqlariga suykaldi va uning gapiga ko‘nganday bo‘lib qaradi.
"œBizning oilamizda ham bitta bashoratchi bo‘larkan-da", - dedi Antonning onasi kinoya bilan.
"œKasandra". Anton haligi nomni ehtiyotkorlik bilan yana bir marta takrorladi. Mushuk baland va Antonga tushunarli holda mirilladi: "œHa, nihoyat topding".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:52:55

SARDOR

"œYozef Blumrix qaytib kelibdi", — dedi Antonning onasi.
"œKim?" — so‘radi Anton.
"œBir yozuvchi. U qarshimizdagi uyda turadi".
"œHmm", — deb qo‘ydi Anton. Yozuvchilar uni uncha qiziqtirmasdi.
"œU Amerikada yashagan, - gapini davom ettirdi Antonning onasi. — Hopi hindulari yurtida. Ular uni o‘z qabilalariga qabul qilishgan. Faxrli sardor sifatida bo‘lsa kerak. Hozir u ular haqida kitob yozayotgan ekan".
Anton diqqat bilan eshitdi. Hindular sardori bilan tanishishni u ko‘pdan buyon orzu qilardi.
Janob Blumrix qanday kishi ekanligini bilish, Antonni qiziqtirib qo‘ydi. U ro‘paradagi uyni kuzata boshladi. U yerda bir keksa, semizroq ayol yashardi. Tabiiyki, u Yozef Blumrix emas edi. Uch farzandli yosh er-xotin. Ularni ham gumon qilib bo‘lmasdi. Yolg‘iz yashaydigan, oddiy kiyinadigan va uyidan kam chiqadigan mo‘ysafid. "œFaxrli hindu bo‘lishga hecham yaramaydi", - o‘yladi Anton. Baland bo‘yli, qorachadan kelgan uzun oq sochli erkak Antonning e’tiborini boshqalardan ko‘proq o‘ziga tortdi. Uning kiyinishi ham boshqacha bo‘lib, har qanday ob-havo sharoitida, hatto havo juda issiq bo‘lgan paytlarda ham, bo‘yniga rang-barang tusli uzun sharf o‘rab yurardi.
"œShu bo‘lsa kerak, - xulosa qildi Anton. — Hoziroq borib u bilan tanishaman".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:53:11

Ammo bu uncha oson emas edi. Ko‘chada biror begona kishidan yo‘lni yoki soatni so‘rash mumkin.Nima bo‘lganda ham undan hindular yurtidagi hayoti haqida so‘rash noqulay edi.
Shu payt Antonga bir tasodif qo‘l keldi. Bu tasodifga xat tashuvchi sababchi bo‘ldi.
Anton uy ostonasidagi temir qutichadan pochtani olayotganida, bir nechta zerikarli yashil konvertlar va reklama qog‘ozlarining ichida bitta juda qiziqarli xatni ko‘rib qoldi. Xorij markalari, ko‘p muhrlar va yuboruvchining manzili ko‘rsatilgan joyda SShA yozuvi bor edi. "œBizga Amerikadan kim yozgan ekan?" — hayron bo‘ldi Anton. Shundan so‘ng u konvert ustidagi yozuvga qaradi. "œMister Yozef Blumrix". Xat tashuvchi pochtani tarqatishda adashganligi ayon bo‘ldi.
Anton darhol ro‘paradagi uy tomonga yugurib bordi. U eshiklardagi taxtachalarga yozib qo‘yilgan nomlarni o‘qib chiqdi. Matelar, Froydiglar, Komarek va u izlagan yozuv — Y. Blumrix. Anton qo‘ng‘iroq qildi. Bir lahzadan so‘ng eshik ochildi. Bu o‘sha oddiygina kiyinib yuradigan mo‘ysafid edi. Anton o‘ta hayron qolganidan, unga xatni berib qo‘yishni unutayozgandi.
"œBu Sizmi?" - so‘radi Anton uncha sevinmagan holda.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:53:19

 "œXuddi shunday, - javob berdi janob Blumrix samimiy tarzda. — Bu men. O‘zingchi?" Anton hayratlanishdan to‘xtadi. "œXat bizning pochta qutimizda ekan, - tushuntirdi u. — Men Antonman".
"œRahmat, Anton". Janob Blumrix konvertni olib, unga nazar tashladi-da, eshikni yopmoqchi bo‘ldi.
Anton joyidan jilmay unga qarab turardi.
"œNimadir demoqchimisan?" - so‘radi janob Blumrix.
"œHa", — dedi Anton va savolni qanday boshlash haqida o‘ylab qoldi.
"œEsim qursin, — deya janob Blumrix kurtkasining cho‘ntagini paypaslab pul chiqardi va, — xizmating uchun", — deb uni Antonga uzatdi.
Anton boshini silkitdi.
"œUnda nima?" Endi janob Blumrix nima qilarini bilmay qolgandi.
"œSiz haqiqatan ham hindular sardorimisiz?" — so‘radi Anton gapini qanday boshlash haqida bir qarorga kela olmagan holda. Shunday bo‘lsa-da, janob Blumrix tasodifan berilgan savoldan esankirab qolmadi.
"œIchkariga kir", — dedi u.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:53:31

Anton qiziqsinib atrofiga qaradi. Kitoblar va qog‘ozlar tagida qolib ketgan stol. Ko‘p gilamlar, biroq ular boshqalarnikidagi singari pastga to‘shalgan emas, balki devorlarga ilingandi. Bir kichikroq stol ustida ko‘p suratlar va rangli bog‘ichlar bilan bog‘langan uzun nay turardi. "œTinchlik nayi shu bo‘lsa kerak", - o‘yladi Anton. Suratlarda janob Blumrix pat bezakli bir hindu yonida tasvirlangandi.
"œZo‘r-ku", — dedi Anton zavqlanib.
"œBu sardor Oqayiq", — tushuntirdi janob Blumrix.
"œHaqiqatan ham shunaqa ekan, - dedi Anton. U janob Blumrixga sinchkovlik bilan qaradi. — Sizni men sira hindular sardoriga o‘xshatmagan bo‘1ardim".
"œMen faqat faxriyman, xolos", — jilmaydi janob Blumrix. Buning evaziga men bir ish bajarishni o‘z zimmamga olganman".
"œQanday ish? — so‘radi Anton. — Faxriy sardor nima qilishi kerak?"
"œMen Hopilarning murojaatnomasini qog‘ozga ko‘chiryapman", — javob berdi janob Blumrix. — Hindular zaminimizning o‘tmishi va kelajagi haqida qadimiy bilimlarga ega. Ularning fikricha, endi o‘sha bilimlar biz oq tanlilarga ham yetkazilishi lozim payti kelgan".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:53:54

 "œShu gaplar kitobingizda bormi?" - so‘radi Anton.
"œShu gaplar kitobimda bor", — ta’kidladi janob Blumrix.
"œBu kitob bolalar uchunmi?" — bilmoqchi bo‘ldi Anton.
"œMenimcha, yo‘q. - Janob Blumrix boshini qimirlatdi. — Uni tushunish qiyinroq".
"œAfsus, - dedi Anton. — Men tushunish qiyin bo‘lgan kitoblarni yoqritmayman. Menga qiziqarli va sarguzashtlarga boy kitoblar yoqadi".
"œMen bolalar uchun kitob yozish haqida o‘ylab ko‘rmagan ekanman", — dedi janob Blumrix.
"œAmmo o‘ylab ko‘rsangiz yaxshi bo‘lardi, - dedi Anton. — Kattalar ham bunga e’tiroz bildirmasdilar".
"œMen bir hindu ayol o‘z bolalariga aytib bergan hikoyani eshitgandim, - dedi janob Blumrix. — Senga shuni aytib beraymi?"
"œMayli", — dedi Anton. U qo‘ng‘ir baxmalli, suyanchig‘i quloqsimon shakldagi pastqam kresloga o‘tirib oldi.
Va Janob Blumrix hikoyani boshladi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:54:12

YAHU

"œBu hindularning uzoq zamolardan qolgan rivoyati. Uning qancha uzoq zamonga borib taqalishini, hech kim aniq bilmaydi . O‘shanda osmon shunchalik pastga osilib turgan emish-ki , yo‘lda yurish ham qiyin bo‘lgan ekan. Ayrim joylarda u shunchalik pastlashib olganmish-ki, hushyor bo‘lmagan kishi unga boshini urib olarkan. Bunday sharoitda kim hushyor bo‘lib turishga majbur bo‘lgan .-Albatta hindu ahli. Ko‘plar o‘zlariga ozor berayotgan osmonni o‘sha paytda so‘zlashilgan tilda allanimalar deb haqoratlashgan va uni yana unga tegib ketgunlariga qadar unutganday bo‘lib yurgan.
Daryo bo‘yidagi bir qishloqda Patli Yoy degan yigit yashagan. Zilol suvlarda ovqat bo‘lishga tayyor holdagi baliqlar mo‘l bo‘lgan. Mevali daraxtlar kishilarni o‘z ne’matlaridan doim bahramand qilib turishgan. Giyohlar esa o‘zlarining dorivorlik quvvatini taqdim etishga muntazir bo‘lganlar. Kishi ulardan faqat me’yoriga yarasha so‘rab olishi va hech qachon keragidan ko‘p olmasligi lozim bo‘lgan.Umuman olganda, Patli Yoy yashagan davrda hammaning hayoti osoyishtagina kechgan.
Osmon tahdid sola boshlaganiga qadar.
Patli Yoy 236 marta — u sanab yurgan — boshini osmonga urib olganidan keyin, o‘z tilida bir yomon so‘z aytadi. Keyin u bunday holda yashab bo‘lmasligiga iqror bo‘ladi. Natijada, u ko‘ngildagidek balandlikdagi joyni izlab topishga ahd qiladi. Yigit yo‘lga chiqishidan oldin tabibdan yaxshi maslahatlar, onasidan esa quritilgan baliqlar oladi. So‘ngra toychog‘i Pintoga minib, yo‘lga tushadi. Shu ahvolda keta-ketguncha u oldinga egilib boraveradi, chunki ot choptirib ketayotganida pastlashib qolgan osmon unga tegib ketishi mumkin bo‘lgan.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:54:36

Patli Yoy ko‘p qabilalar va xalqlar tomonga boradi. Ularning barchasi turli urf-odatga, til va shevalarga ega bo‘lsalar-da, hammasini bitta umumiy muammo tashvishlantirib qo‘ygandi: pastlashayotgan osmon.
‘Umumiy muammo birgalikda hal qilinishi kerak’, - Patli Yoy shunday xulosaga kelgan. O‘sha paytdagi kishilar juda sodda bo‘lishgan. Shuni nazarda tutib u barcha tillarda bir xil ma’noga ega bo‘lgan so‘zni topgan. ‘Yahu’, - ekan bu so‘z va u ‘birgalikda’, - degan ma’noni bildirarkan.
Keyin voqea shunday etgan. Bir kuni aniq belgilangan paytda hamma tegishli xabarni eshitish uchun shaylanib turgan.
‘Yahu’, - deyishgan ular barchasi birgalikda va pastlashib qolgan osmonni yuqoriga itarishgan. ‘Yahu’ shunday kuchli jaranglagan-ki, uni dunyoning hamma yerida eshitish mumkin bo‘lgan. Shundan so‘ng osmon yana o‘zining yuqoridagi joyiga ko‘tarilgan — bunga ayni paytda ham har kimning o‘zi bemalol ishonch hosil qilishi mumkin".
Janob Blumrix ozgina jim turdi. Anton esa hikoya tugagani, tugamaganini bilmay qoldi.
"œOsmon-ku o‘sha paytlardan buyon hech kimni tashvishga solayotgani yo‘q, - dedi janob Blumrix gapini davom ettirib. — Savlatli kishilar ham boshlarini hatto bulutlarga urib olishayotgani yo‘q. Ammo zamin-chi. ‘Ona zamin’, - uni hindular shunday atashadi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:54:47

Daryolardagi suvlar o‘sha paytlardagiday toza emas. Giyohlar dorivorlik quvvatiga ega bo‘lishi mumkinligini deyarli unutib qo‘yganmiz. Buning ustiga hamma yerda daraxtlarga qirg‘in kelmoqda. Biz birgina sabab tufayli, ya’ni qurbimiz yetgani uchun, narsalar kashf qildik, ammo ular qanday oqibatlarga olib kelishlari mumkinligi haqida sira o‘ylab ko‘rmadik. Ko‘pincha oddiygina masalalarni hal qilishqa fahm-farosatimiz yetmay qolyapti. Endi yana hammamiz birgalikda ‘yahu’ deyishimiz lozim bo‘lgan payt keldi".
Janob Blumrix bir lahza jim turdi va Antonga qaradi. "œHindular bu rivoyat orqali nima demoqchi bo‘lganliklarini tushundingmi?"
"œMenimcha ha",- Anton shunday deya o‘ylanib qoldi. - Ammo men nima qila olishim mumkin? Men bittaginaman-ku".
"œYoq, - dedi janob Blumrix. — Sen bittadan ko‘psan".
Anton o‘rnidan turdi. "œYahu", - dedi u ishonqiramay.
"œYahu", - javob berdi janob Blumrix.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:54:57

ZAMON GARDISHI

"œTo‘xtab qolibdi", - dedi Antonning onasi tutaqib.
"œKim, qayerda to‘xtab qolibdi?", - so‘radi Anton.
"œSoatim, - javob berdi Antonning onasi. — Uni soatsozga olib borasanmi?"
"œDoim men ekan-da". Anton noliganday bo‘ldi. Aslida uning o‘zi ko‘pdan buyon keksa soatsozning oldiga bormoqchi bo‘lib yurgandi.
"œKechga qolma, kechki ovqat tayyor bo‘lyapti", - baqirib qoldi onasi uning ketidan.
Anton ustaxona peshtaxtasi oldida to‘xtadi. Keksa soatsoz o‘sha yerdagi soatlarning yurishini ko‘zdan kechirayotgandi.
"œXayrli tun, - dedi Anton. — Men tuzattirishga soat olib keluvdim".
Devorlardagi soatlar chiqqillab, tiqqillab, ku-kulab turardi.
Anton devorlardan biriga osib qo‘yilgan bir taxtachaga tikilib qoldi. Unda titroq qo‘l bilan yozilgani bilinib turgan shunday yozuv bor edi: "œZamonga sayohat, borish va qaytish. Har bir zamonga qilinadigan sayohat mas’uliyati har kimning o‘ziga yuklatiladi".
"œZamonga sayohat nima?"- so‘radi Anton. U nomi aytib turganidek, boshqa zamonga sayohat qilish".
"œQaysi zamonga ?"- so‘radi Anton.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:55:06

 "œMasalan, kechagi kunga. Yoki o‘rta asrlardagi ritsarlar huzuriga.Yoki kelajak asrga. Zamon o‘tib ketmaydi, qaytib ham kelmaydi.U doim sayohatchi bilan birga bo‘ladi".
"œTushunmayapman", - dedi Anton.
"œTushunmayotganing uchun ham sen bunga ishonmaysan", - deya jilmaydi soatsoz vaziyatni anglagan holda.
"œMen o‘zim tushunmagan narsalarga ko‘proq ishonaman, - e’tiroz bildirdi Anton. — Axir, bu qiziq-ku. Shuning uchun men zamonga sayohat qilib ko‘rsam bo‘larmikan? Faqat kechki ovqatga kechikib qolmasam bo‘ldi".
"œZamonga sayohat qilish xatarli, - dedi soatsoz. — men zamonga sayohatdan qaytilmagan ikkita holni bilaman. Biri, yanglishmasam, o‘tgan asrda, ikkinchisi esa tosh davrida yuz bergan".
"œBalki ularga o‘sha yerlar yoqib qolgandir?"- faraz qildi Anton.
Soatsoz boshini qimirlatdi. "œYo‘q, ular qanday qaytishni bilmay qolishgan. Ular hikmatli so‘zlarni unutib qo‘ygan bo‘lishlari mumkin. Yoki boshqa zamondan biror nima olib kelishga uringandirlar. Ammo sira unday qilish kerakmas, eshityapsanmi, sira".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:55:32

 "œTushunyapman, - dedi Anton. — Men albatta qaytib kelishni xohlayman. Onam ataylab xushbo‘y pudding (guruch va boshqa yormalardan tvorog va mevalar qo‘shib tovada pishiriladigan pishiriq) pishirayotgandi. Iloji bo‘lsa, men zamonga qisqagina sayohat qilib ko‘rmoqchiman. Darrov tosh davriga emas".
"œQisqagina degin, - dedi soatsoz o‘ychan holda. — Xo‘p, sen aytgancha bo‘laqolsin. Yur men bilan." U oynali eshikka, - "œHozir kelaman", - deb yozilgan taxtachani ilib qo‘ydi.
Do‘kon ortidagi qorong‘i xonada ham ko‘p soatlar bor edi. Yorug‘ qilib yoritilgan ish stoli ustida murvatlar va temirli ehtiyot qismlar yotardi. Anton orqa tomoniga qarashi bilan xiraroq yoritilgan bu devorda ilingan katta gardishni ko‘rdi. Uning qora qoplamasi ustida bittagina mili bor edi.
"œMen seni yigirma daqiqa oldingi zamonga yuboraman", - dedi keksa soatsoz.
"œYigirma daqiqa oldingi?" — ajablandi Anton. Bu hol sarguzashtdan darak bermayotganday tuyuldi unga.
"œKo‘prog‘i xatarli bo‘lishi mumkin", - uqtirdi chol. U gardish milini ozgina orqaga burdi. Anton aylana boshlagan gardishga qarab turdi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:55:41

 "œBaland, pastmi — kechami, erta,
bir lahzada bo‘lar mangulik.
Xohlaganlar ko‘rishi mumkin,
hech nima o‘tmaydi — vaqt ham shuningdek".
Anton soatsoz shunday deganini eshitdi. "œOson ekan, - o‘yladi u. — Har holda maktabda yodlatiladigan uzundan-uzun she’rlarday emas-da".
Atrofdagi soatlarning chiqqillashi go‘yo jo‘r bo‘lib kuylanayotgan kuyday yangrayotgandi. Antonni uyqu bosganday bo‘ldi.
"œTo‘xtab qolibdi", - dedi Antonning onasi tutaqib.
"œBilaman", - dedi Anton.
"œQayerdan bila qolding? — hayratlandi Antonning onasi. - O‘zim buni hozirgina ko‘rdim-ku".
"œSoatni soatsozga olib borishimni aytmagandingmi?" - so‘radi Anton ikkilanib.
"œAytganim yo‘q, - tushuntirdi onasi. — Lekin bu fikring menga ma’qul. Bor, tezda boraqol".
"œDoim men ekan-da", - noliganday bo‘ldi Anton.
"œKechga qolma, kechki ovqat tayyor bo‘lyapti", - baqirib qoldi onasi uning ketidan.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:55:50

Anton o‘zini shu kuni soatsoznikiga yana bir marta borib qolganday his qildi. Oynali eshikka, - "œHozir kelaman", - degan yozuvli taxtacha ilingandi. Anton nima qilarini bilmay uning oldida turib qoldi. U kutib turishni ham, uyga qaytishni ham bilmay qolgandi"¦
Gardish sekingina to‘xtadi. Anton hayron bo‘lib atrofga qaradi. "œEshikni ochsangiz-chi, - dedi u. — Anchadan buyon kutib turibman, axir".
Keksa soatsoz kuldi. "œTashvishlanma, sen ikkita bo‘lib qolganing yo‘q".
"œUnday bo‘lsa yaxshi", - dedi Anton. — Ikkita bo‘lib qolganimda, xushbo‘y pudding ham yetmay qolardi".
Soatsoz Anton olib kelgan soatni ingichka asbob bilan sekingina ochdi. Anton shu payt uning qo‘li titrayotganini ko‘rdi. "œBuni bir oz kutishingga to‘g‘ri keladi, - dedi u. — Uni ertadan keyin olib ketishing mumkin".
"œSiz zamonga ko‘p sayohat qilasizmi?" — so‘radi Anton.
"œJuda ko‘p, - javob qildi chol. - Ba’zan shuni o‘ylab qolaman"¦"
"œNimani?"— so‘radi Anton, chunki chol gapini davom ettirmay qo‘ygandi.
"œBiz yashaydigan zamondagilar keksalarga toqat qilolmay qolganlar. Hamisha va hamma joyda shunday bo‘lgan emas. Shuning uchun men ba’zan o‘tmishga sayohat qilib, xitoyliklar huzurida qolib ketish haqida o‘ylab qolaman. Yoki hindular qabilasida".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:56:32

Antonga o‘zining titroq qo‘llarini ko‘rsatib kuldi va dedi: Hech bo‘lmasa, tinchlik nayini ushlab turishga qurbim yetar".
"œUnda Sizga oq yo‘l tilayman", - dedi Anton va xayrlashdi. Onasi kechki ovqat bilan kutib turgani uning esiga tushib qoldi.
Ikki kundan keyin Anton yana soatsozning ustaxonasi oldiga kelib, turib qoldi. Eshikka yozuvli taxtacha ilingandi: "œNoaniq zamonga sayohatga ketgan".
Anton yon tomondagi novvoyxonaga kirdi. "œSoatsoz qachon qaytib kelishini bilasizmi? — so‘radi u. Unga soatimizni tuzatishga bergandik".
"œHa, bu sen ekansan-da", - dedi oq etakli semiz ayol. - U uni ketishidan oldin bizga tayinlab ketgandi". U Antonga bitta kichkina to‘rvachani uzatdi.
"œUning o‘zi qayerdaligini bilasizmi?" — bilmoqchi bo‘ldi Anton.
"œBuni hech kim bilmaydi, - dedi ayol. — Agar mendan so‘raydigan bo‘lsang, chol so‘nngi paytlarda parishonxotir bo‘lib qolgandi. Hamma narsani joyida qoldirib, eshigiga, - `Noaniq zamonga sayohatga ketgan`, - deb yozilgan taxtachani ilib qoyardi-da, ko‘rinmay qolardi".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:56:45

 "œNoaniq zamonga, - o‘yladi Anton. — Bunaqasi yo‘q edi-ku". Keyin u ko‘knor urug‘i sepilgan nonchadan ikkita xarid qildi va o‘ychan holda uyi tomon yo‘l oldi. To‘rvachada onasining qo‘l soati bor edi. Endi u har doimgidek chiqqillab to‘g‘ri yurayotgandi.
Anton to‘rvacha ichiga qarasa, unda yana bir narsa bor ekan: oq qog‘ozcha. Undagi titroq qo‘l bilan yozilgani bilinib turgan, ammo o‘qisa bo‘ladigan yozuvda shunday deyilgandi: "œMen o‘zimga judayam yoqadigan zamonga tushib qoldim. Endi shunda qolmoqchiman. Senga omad tilayman, Anton".
Antonning onasi xonaga kirdi. "œSoatni tuzattirish qanchaga tushdi?" — so‘radi u.
"œHech qanchaga", - dedi Anton.
"œKeksalik-da, - dedi Antonning onasi. - U qaytganidan keyin pulini berib qo‘yishimiz kerak".
Anton indamaygina oq qog‘ozchani yashirib qo‘ydi. Chunki agar u aytib beradigan bo‘lsa, onasi ham, boshqa birov ham baribir bu voqeaga ishonmasligini bilardi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:56:57

CHAYQOV BOZORI

Anton chayqov bozoriga bordi. U yerda bahor nafasi, pufakchali kuyadori hamda qars-qurs kartoshka hidi ufurib turardi.Tiqilinchda odam yurishi qiyin edi. Bir sotuvchi balandparvoz so‘zlar aytib, o‘z mollarini reklama qilayotgandi. Bu yerda juda zo‘r narsalar bor edi. Karnayli eski sharmanka, Morze telegraf apparatlari, durbinlar, avtosignal qismlari, o‘yinchoq soatlar, chinni yuzli qo‘g‘irchoqlar, bir qo‘lli o‘yinchoq ayiqlar. Anton gohida olomondan chetga chiqib, ba’zi narsalarni ushlab-ushlab ko‘rdi va yana joyiga qo‘ydi. Narxini esa so‘ramadi. Chunki o‘zi yoqtirgan narsani sotib olishi uchun, baribir puli yetmasligini bilardi.
Anton bir yog‘och do‘konda sotilayotgan qars—qurs kartoshkadan bir to‘rvacha sotib olishi, olmasligini o‘ylab turganida, bir narsani ko‘rib qoldi. U to‘xtab turgani uchun, o‘tib qaytayotganlarning yo‘lini to‘sib qo‘ygandi. Bu keksa soatsozning do‘konidagi zamonga sayohat qilish uchun ishlatiladigan sirli gardish edi.
"œBu g‘alati narsa nima?" — so‘radi u sotuvchidan vazmin holda.
"œBilmadim, - dedi u. — Devor bezagi bo‘lsa kerak". Anton savol berayotganida, o‘zini o‘sha narsaga nisbatan iloji boricha befarqday tutishga urindi: "œQancha deyapsiz bu narsani?"

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:57:04

Sotuvchi yelkasini qisdi va Anton uchun ham baland bo‘lmagan narxni aytdi. Ammo buni olishi uchun, u qars-qurs kartoshkadan voz kechishi kerak edi.
"œBo‘pti, men uni olaman" — dedi Anton va qo‘lidagi chaqalarni aniq sanab berdi. Keyin u zamon gardishini avaylabgina qo‘ltiqlagan holda yo‘lga tushdi.
"œBuning nima?" — so‘radi Antonning onasi, u uyiga qaytgach.
"œChayqov bozoridagi kishining aytishicha, devor bezagi ekan", - dedi Anton rostgo‘ylik bilan.
"œG‘alati bezak", - pichirladi Antonning onasi. Uning kayfiyati yomon edi. Anton dadasi bilan birga o‘tkazishi kerak bo‘lgan kunlarda, u mana shunday ahvolga tushib qolardi.
"œTayyorlanib turarkansan, dadang seni soat o‘n ikkida olib ketarkan", - dedi u.
Anton zamon gardishini qo‘liga olib, nimadir deb pichirladi-da, o‘z xonasiga kirib ketdi. Axir, ota-onasi bir-biri bilan kelisha olmasa, u nima ham qila olardi.
Anton asboblar qutisidan bir mix oldi va uni ozgina qiyinchilik bilan devorga qoqdi. Keyin u gardishni o‘ziga ma’qul joyga ilib qo‘ydi va ko‘zini uzmay unga qarab turdi. "œBu haqiqatan ham keksa soatsozning zamon gardishimi? Balki u ishlamay qolgandir." U buni tekshirib ko‘rmoqchi bo‘ldi. Dadasi uni olib ketishga kelgunicha, shunga ulgurishi kerak edi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:57:12

Mushuk Kasandra notanish narsani shubha ostiga olganday hidlab ko‘ra boshladi. Anton gardish milini ozgina orqaga burdi. Gardish aylana boshladi. Mushuk tezlashayotgan aylanma harakatlarni pinagini buzmay kuzatib turdi. Anton gardishning o‘rtasiga qaradi. "œSoatsoz aytgan hikmatli so‘zlar qanday edi-ya?"
"œBaland, pastmi — kechami, erta,
bir lahzada bo‘lar mangulik.
Xohlaganlar ko‘rishi mumkin,
hech nima o‘tmaydi — vaqt ham shuningdek".
Anton baland va aniq ohangda shunday dedi. Biroq hech qanday o‘zgarish sodir bo‘lmadi.
Anton hafsalasi pir bo‘lib atrofga qaradi. U hamon o‘z xonasida edi. Ammo uning yon atrofida unga mutlaqo tegishli bo‘lmagan bir uyum narsalar turardi. "œKasandra qayerda qoldi?" Shu payt bir eshik ochildi va undan Antonning ota-onasi ichkariga kirishdi. Ular Antonga e’tiborsiz holda, uning yonginasidan o‘tib ketishdi. Antonning karavoti o‘rnida g‘ildiraklar turardi, ularning yonida bir katta savat bor edi. Usti ko‘kimtir mato bilan qoplangan bu savatning ichida murg‘akkina bola yotardi. "œMenimcha, Anton menga o‘xshaydi", - dedi Antonning dadasi so‘yinib.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:57:21

 "œDemak, bu men ekanman", - o‘yladi Anton. Chaqaloq yuzini burishtirib chinqira boshladi.
"œBu yerdagi Antonlardan biri ortiqchalik qilyapti, - o‘yladi Anton. — Men haqiqiy yoshimda bo‘lib qolishimni istayman".
U zamonga sayohat qilish uchun aytiladigan hikmatli so‘zlarni xayolidan kechirdi. U o‘sha so‘zlarni xayolidan kechirib tugatishi bilan aylanishi susayib to‘xtagan zamon gardishining oldida o‘tirib qoldi.
Anton dadasi uni tashqaridan chaqirayotganini eshitdi.
"œMeni o‘zingga o‘xshatasanmi?" — so‘radi undan Anton.
"œBu haqda umuman o‘ylab ko‘rmaganman" - javob berdi Antonning dadasi xijolatlanganday bo‘lib.
"œKattalar o‘zi shunaqa-da, hamma narsani unutib yuborishadi. Hatto bir-birini qachondir yoqtirishganini ham".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:57:32

ANTONNING DADASI

Anton shaharni aylanayotganida, o‘zini xuddi "œxaridorlik o‘yini" o‘ynab yurgandek his qildi. U xayolida go‘yo bir boyvachcha edi va ko‘ngliga yoqqan narsani sotib olayotgandi: uch kilo yumshoq karamel, hayvonlar do‘konidan ikkita mushuk, uchta it, yettita to‘tiqushcha, Sibille uchun qip-qizil baxmaldan yasalgan kattakon to‘ng‘iz.
Shu payt Anton ko‘chaning narigi betidan ketayotgan dadasini ko‘rib qoldi. U chaqirmoqchi bo‘lib qarasa, dadasi yolg‘iz emas ekan. Yonidagi ayol uning qo‘lidan mahkam ushlab olgandi. "œUni qo‘yib yubor, u mening dadam", — pichirladi Anton qizg‘anib va ularning ketiga tushdi. Dadasi bilan o‘sha begona ayol oyna ortidagi peshtaxtalarga qarab qolganlarida, Anton yurishdan to‘xtadi. Shu payt Antonning dadasi nimanidir sezganday orqasiga o‘girildi. Ammo Anton tezda bir uy ostonasiga kirib yashirindi. Shundan so‘ng ular ikkalasi bir qahvaxonaga kirib ketishdi.
Anton tashqarida o‘ylab qoldi-da, bir ozdan so‘ng eshik oynasidan astagina mo‘raladi. Ha, ular shu yerda o‘tirardilar. Ayol qo‘lini Antonning dadasining qo‘li ustiga qo‘ydi. Buni ko‘rgan Antonning xayoliga bir fikr keldi. U eshikni ochdi-da, to‘ppa-to‘g‘ri dadasining oldiga keldi.
"œAnton! — qichqirdi Antonning dadasi. — Sen bu yerda nima qilib yuribsan?"
"œSeni izlab yuribman", - dedi Anton.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:57:47

 "œNima uchun? — Antonning dadasi birdan xavotirga tushib qoldi. — Onang yubordimi?"
Anton boshini quyi soldi. U endi uyga har doimgidek kech kelmasliging kerakligini aytib qo‘yishimni tayinlab yubordi".
"œNima-a-a", — dedi Antonning dadasi tushunolmay.
"œSen ajrashgan emasmisan?" - so‘radi Antonning dadasining yonida o‘tirgan ayol.
"œAjrashganman",— tushuntirdi Antonning dadasi xijolatlanib.
"œUnaqaga o‘xshamayapti, - dedi ayol. — Uyingga yana kechikib borishingga men sababchi bo‘lib qolmay".
U paltosini oldi va ketdi.
Antonning dadasi hech nimani tushunolmay uning orqasidan qarab qoldi.
"œBu nima qilganing?" — dedi u nihoyat Antonga.
"œU menga yoqmadi", — pichirladi Anton.
"œMenga yoqsa bo‘ldi-da", — uqtirdi Antonning dadasi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:58:29

Anton o‘girilib ketmoqchi bo‘ldi.
"œTo‘xta, ketmaysan! — qichqirdi Antonning dadasi. — Endi qahvasini bir o‘zi ichadi, deb o‘ylayapsanmi?"
Anton issiq shokolad buyurtma qildi. Antonning dadasi qahva keltirtirdi. Ikkalasi ham indamaygina chashkalaridagini aralashtirishdi. Antonning dadasi aksirdi.
"œEndi, - o‘yladi Anton. - Nihoyat endi u menga nima uchun ko‘plab dadalar singari o‘z oilasi bilan yashamasligini tushuntirib beradi".
Antonning dadasi yana aksirdi.
"œBiror nima desangchi", - o‘yladi Anton iltijo qilganday.
"œBu yerdagi pirojniylar juda yaxshi. Bittasini yeb ko‘r", — dedi Antonning dadasi nihoyat.
Anton indamaygina boshini silkitdi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:58:41

KATTA SAYOHAT

Anton ko‘pdan beri qulay imkoniyat kutib yurgandi. Nihoyat u katta zamonga sayohat qilmoqchi edi. Bir necha daqiqa yoki yillargagina emas. Biroq buning uchun u yolg‘iz qolishi kerak edi. Shunday ishlar bor-ki, ularni amalga oshirishga aksariyat hollarda onalar xalaqit berishadi.
"œBugun biror joyga borishing kerakmi?" - so‘radi Anton tushki ovqat paytida umidvorlik bilan.
"œYo‘q, yo‘q", — tinchlantirganday bo‘ldi Antonning onasi. Aslida u savolning tub ma’nosini tushunmagandi.
Keyin telefon jiringlab qoldi.
Antonning onasi go‘shakni joyishi bilan shosha-pisha qog‘ozlarni sumkagasiga sola boshladi.
"œUzr, ketishimga to‘g‘ri kelib qoldi, - dedi u Antonga. — Endi tushdan keyingi vaqtimning hammasi o‘sha yerda o‘tadiganga o‘xshaydi".
"œHechqisi yo‘q", — dedi Anton sevinchini yashirishga urunib.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 14:59:21

Anton yolg‘iz qolgach, karavotining tagidan safar anjomlarini oldi: bitta olma, bir nechta yassi shokoladlarni oziq-ovqat sifatida, gugurt, eski cho‘ntak pichog‘ini, bir o‘ram arqon, cho‘ntak fonusini hamda zamonga sayohatning hikmatli so‘zlari yozilgan qog‘ozni. Anton o‘sha hikmatli so‘zlarni yoddan bilsa-da, qog‘ozni har ehtimolga qarshi o‘zi bilan birga olib ketishni lozim topgandi. U orqasiga ilib olish uchun, hamma narsani matoli xaltachaga joylashtirdi. Chunki ikki qo‘li bo‘sh bo‘lishini xohlardi. Kasandra ham darhol bir marta yegulik ovqat va toza suv bilan ta’minlandi. Zamonga qilinadigan bunaqa sayohat qancha davom etishi mumkinligini bilib bo‘lmasdi-da.
Anton zamon gardisining oldiga o‘tiridi va ishonchsizroq ohangda hikmatli so‘zlarni aytdi. Keyin u yana ozgina kutib turdi-da, gardish milini ancha orqaga burib yubordi. Gardish sekin g‘uvillab aylana boshladi.
Bu safar Anton uyqusiramadi. U o‘zini bir qop - qorong‘i chuqur jar oldida turganday his qildi. "œYo‘q!" — deya qichqirdi u va pastga tushib ketdi.
Tushib ketaverdi, tushib ketaverdi, tushib ketaverdi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:01:44

 "œZamonga sayohat qilish xatarli", - keksa soatsozning shu gapi uning qulog‘iga chalindi.
Agar bu yerdan bir amallab chiqib olsam, - xayolidan o‘tkazdi Anton, - hech qanaqa zamonga sayohat qilmayman". U tushish tezligi yuqoriligidan biror nimani o‘ylashga ham ulgurolmay qoldi.
Tarap, tarap, tarap. Anton qo‘rqib ketdi. U sarosimaga tushib atrofga qaradi. U bir bahaybat eman daraxti tanasiga suyanib o‘tirgan ekan, ro‘parasidan tosh yotqizilgan ko‘cha o‘tgandi.
Anton oyoqlarining barmoqlarini astagina qimirlatib ko‘rdi. Ular qimirladi. Keyin esa qo‘llarining barmoqlarini harakatlantirdi. Hammasi joyida edi. U sekin o‘rnidan turdi. Hech qayeri og‘rimadi. Demak, yiqilganida unga hech qanday shikast yetmagan ekan. Shundan so‘ng anjomlari solingan xaltani paypaslab ko‘rdi. U ham joyida edi.
Tarap, tarap yana takrorlandi. Antonning oldidan bir otliq o‘tib ketdi. Otning taqasi yerdagi toshlarga tegib tovush chiqarayotgan ekan. Bir kichkina, kul rang tusli uy oldiga kelgach, otliq sakrab pastga tushdi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:02:21

Uy! Bu uyni u qayerda ko‘rgandi? U o‘ylab qoldi. Bu kichkina uy Anton yashagan ko‘chada edi. Anton uni aniq esladi. Uning eshigi yonida, - "œMadaniyat yodgorligi", - degan yozuvli ko‘k-oq taxtacha ilingandi. U o‘zi yashagan uyni hech qayerdan topolmadi. Uy hali ancha yangi edi-da. Anton tasavvur qilib ko‘rishga harakat qildi. U taxminan o‘zi tushgan joyda bo‘lishi kerak edi. Bunday holda xushmanza keksa emanning bu yerda bo‘lmasligi achinarli bo‘lardi.
"œDemak, meni hozircha yo‘q bo‘lgan mushuk hali qurib bitirilmagan uyda kutayotgan ekan-da", - o‘yladi Anton. Bu tushunarsiz hol edi. Shuning uchun Anton bu to‘g‘rida sira o‘ylamaslikka qaror qildi.
Yana otliqlar o‘tib ketishdi, uzun ko‘ylakli ayollar sayr qilishib va do‘konlarga kirib-chiqib yurishardi, kichkina bolalar ko‘chada o‘ynayotgandilar. Yon atrofda mashina, mototsikl, tramvay yo‘q edi. Haligi tovushlar eshitilmay qolgandi. Faqat otning axlati atrofida o‘ralashib qolgan chumchuqlarning chug‘urlashlari quloqqa chalinayotgandi.
Anton nima qilishi kerakligini o‘yladi. Maktabiga boriladigan yo‘l oxirida maktabi ham yo‘q bo‘lishi mumkinligi haqidagi fikr uning xayolidan o‘tdi. Bu fikr unga ma’qul bo‘lgani uchun, u o‘sha tomonga yura boshladi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:03:00

Tomi baland nishabli kichkina qo‘ng‘ir uy kelajakda madaniyat yodgorligi bo‘lishiga ishonib bo‘lmasdi. Uning eshigi tepasida, - "œTaqa qoqish va aravalarni sozlash ustaxonasi", - deyilgan yozuv bor edi. Anton shu uy ichkarisida bir bo‘lak cho‘g‘li temirni ter to‘kib bolta bilan urayotgan semiz erkakni ko‘rdi. Uy oldida bir ot o‘ziga taqa qoqilishini kutib turardi. Anton yassi shokoladning qog‘ozini ochdi va uning yarmini kaftiga qo‘yib otga uzatdi. Ot yassi shokoladni zo‘r ishtaha bilan paqqos tushirdi. Anton unga qolgan yarmini ham berdi. Uning o‘zi umuman och qolmagandi. "œQaysi zamonda ekanligimni bilmadim-u, lekin bu menga juda yoqyapti, - o‘yladi Anton. - Hamma yoq osoyishtagina ekan".
"œEy, do‘zax maxluqi! Yo‘qol, shaytonvachcha!" — o‘shqirdi bir ovoz.
Anton hadiksirab bir qora mushuk ketidan dastlab yog‘och tuflisini, keyin esa toshlarni otib qolgan kampirga qarab qoldi. Mushuk qochib bir devorning qop-qorong‘i oralig‘iga kirib ketdi.
"œBu yoqqa kel, mushuk, - dedi Anton. — U vaysayveradi. Mendan esa qo‘rqmasang ham bo‘ladi".
"œU yerda gaplashayotgan kim?"- so‘radi bir sovuq ovoz.
Anton yuqoriga qaradi. Maxsus kiyimli erkak turardi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:03:40

 "œSiz kimsiz?" - so‘radi Anton.
"œShahar qo‘riqchisi. Ko‘rib turibsan-ku", - dedi erkak qovog‘ini solib.
"œU yerda kim bilan gaplashayotganding? — Qani, ayt!"
"œBunga uning nima daxli bor, - o‘yladi Anton. Biroq u maxsus kiyimli kishining jahlini chiqarib yubormaslikka harakat qildi. - Bir qora mushuk bilan", - javob berdi u va mushukni izlash uchun, cho‘ntak fonusini yoqdi.
"œShaytonchiroq!" - qichqirdi erkak va darhol undan o‘zini orqaga tortdi.
"œYo‘q, cho‘ntak fonusi", - tushuntirdi Anton va fonusni qayta-qayta yoqib o‘chirdi.
"œJodugarlik, - qichqirdi shahar qo‘riqchiligidagi erkak va Antonning qo‘lidan ushladi. - Sening joying qamoqda".
Anton undan o‘z vaqtida qutulishga harakat qildi va iloji boricha tez yugurib qochib ketdi. Bu ahmoqona zamon edi. Undagi odamlar qora mushuklarni ham, cho‘ntak fonuslarini ham yomon ko‘rardilar.
Antonga uning ortidan ta’qib qilib kelayotgan kishining qadam tovushlari eshitilidi. U navbatdagi tor ko‘chaga burilib qarasa, ko‘chaning oxiri berk ekan. Uning oldida baland devor bor edi. Anton og‘ir nafas oldi. U qamoqqa tushishni xohlamasdi! Buning ustiga biqini ham og‘rib qolgandi. Shu payt uning yonidagi tor eshik qiya ochildi va Anton darhol qop-qorong‘i joyga tortib olindi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:03:53

 "œPssssst!" — dedi kimdir.
Anton tashqaridagi qadam tovushlari va ovozlarni eshitdi. Shahar qo‘riqchiligidagi kishi boshqalarni ham yordamga chaqirganga o‘xshardi.
"œShu yerda bo‘lishi kerak, - u kimdir shunday deganini eshitdi. — Hamma yoqni tintinglar!"
Antonning ko‘zlari sekin qorong‘ilikga o‘rgandi. Uning yonida qisqartirilgan kul rang soqolli hamda ko‘zlaridan mehr taralib turgan bir kishi turardi. "œKel, - dedi u Antonga sekingina. — Sen yashirinishing kerak".
"œNima uchun? — so‘radi Anton. — Bu yerdagilarning hammasi jinnimi yo ularga biror nima bo‘lib qolganmi?"
Sen qora mushuk bilan gaplashding. Shuning o‘zi seni jodugarlikda ayblashlari uchun kifoya. Kelaqol, tezroq".
Erkak Antonni o‘zi tomonga tortdi. Ular bir necha qadam pastga tushishdi, keyin uzun yo‘lakdan yurib, ko‘rinmay turgan yog‘och eshikdan ichkariga kirishdi. Bu g‘alati, ammo juda xushbo‘y hid taralib turgan katta xona edi. Shipning hamma joyida quritilgan giyohlar osig‘liq turardi. Bir uzun stol ustida turli likoblar, qadahlar, o‘lchov idishlari turardi. Biroq Antonni hammasidan ham ko‘proq hayratlantirgan narsa qora mushuklar edi. Antonning hisobiga ko‘ra ular yettitadan kam emas edi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:04:03

 "œUlar mayib bo‘lib qolishsa, mening oldimga kelishadi, - uqtirdi erkak. Ularga kimdir men davolash san’atidan xabardor ekanligimni bildirib qo‘ygan bo‘lsa kerak. Va men ularni shaytonvachchalar deb haqorat qilmasligimni ham".
"œQora mushuk bilan gaplashgan kishi rostdan ham qamaladimi?" — so‘radi Anton. Bu hol hamon uning aqliga sig‘mayotgandi.
Erkak boshini quyi soldi. "œMushuk qora tukli, odam esa qizil sochli bo‘lmasligi kerak. Va kishi juda ko‘p narsani bilishi ham man etiladi. Biz ikkimiz mana shunday g‘alati zamonda yashayapmiz".
"œFaqat Siz, - tuzatdi Anton. — Men boshqa zamonda yashayman".
"œNega unday deyapsan?" — so‘radi erkak.
Anton qo‘lida ushlab turgan cho‘ntak fonusini yoqdi. Erkak undan fonusni oldi-da, unga bir lahza tikilib turdi va dedi: "œSen qayerdan kelib qolding?"
"œBoshqa zamondan, — dedi Anton. — Men o‘tgan zamonga ozgina sayohat qilgandim". Shunday qilib u zamon gardishi bilan bog‘liq voqeani batafsil aytib berdi.
Erkak fonusni yoqib ko‘rdi va jiddiy ohangda dedi: "œDemak, sizlar mana shu singari zararsiz narsalar ixtiro etarkansizlar. Unda sen iloji boricha tezroq qaytib ketganing ma’qul. Chunki bu zamon sen uchun juda xatarli".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:04:25

Qayerdandir qiy-chuv eshitildi. "œOchinglar, tez ochinglar!"
"œUlar eshik oldida turishibdi, - dedi erkak. — Agar seni bu yerdan topib olsalar, ikkalamizga ham yomon bo‘ladi".
"œBo‘pti, endi qaytaman, - dedi Anton. — Bu zamon rosa jonimga tegib ketdi".
Erkak Antonga yarqirab turgan billurni uzatdi.
"œBu senga esdalik uchun".
Anton billurni qo‘liga oldi. Uning yassi sirti va burchaklari dilga zavq bag‘ishlardi. Antonda shunday bir tuyg‘u paydo bo‘ldi-ki, go‘yo qandaydir mo‘jizaviy quvvat shu billurdan unga o‘tayotganday edi.
"œMenga mumkin emas-da, - dedi u e’tiroz bildirib. — Agar men bu zamondan biror nima olib ketadigan bo‘lsam, undan qaytib ketolmay qolaman".
"œUnda men o‘zim bir yo‘lini qilib, uni senga yuborishga harakat qilaman", - dedi erkak. — Men zamonga sayohat qilolmayman. Bu yerda ayrim tadqiqot ishlarini amalga oshirishim kerak"¦"
Taqillatish va qiyqiriqlar kuchaydi.
"œEndi eshikni ochmasam bo‘lamaydi", - dedi erkak.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:05:01

Hikmatli so‘zlar! "œKecha, erta, baland, past, - boshladi Anton. — Unday emas shekilli". Kimdir eshikni yana taqillatdi. Anton hikmatli so‘zlar yozilgan qog‘ozni orqaga ilib yuradigan xaltachadan olmoqchi bo‘ldi.
"œNarsalarim! Ularni o‘sha yerda qoldiribman-ku! — qichqirdi Anton. — Hikmatli so‘zlarni ham unutib qo‘yganga o‘xshayman".
Taqillatish yanada kuchaydi. Mushuklar allaqachon yashirinib olishgandi.
"œXavotirlanma, - dedi erkak qat’iy ohangda. — Sen uni bilasan".
Anton chuqur nafas oldi.
"œBaland, pastmi — kechami, erta,
bir lahzada bo‘lar mangulik.
Xohlaganlar ko‘rishi mumkin,
hech nima o‘tmaydi — vaqt ham shuningdek".

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:05:44

Oxirgi so‘z aytilishi bilan Antonning atrofi qorong‘ilashdi va qorong‘iligicha qoldi.
"œEndi qachon qaytarkanman? — o‘yladi Anton. — Tezroq o‘zimning zamonimga qaytgim kelyapti!"
Qorong‘ilik hamon hukm surardi. "œEndi hecham zamonga sayohat qlmayman", - ahd qildi Anton. Shundan so‘ng u ko‘zlari yumuq bo‘lgani uchun qorong‘ilikda qolganday bo‘lganini angladi. U ko‘zlarini ochib qarasa, kun yorishib turgan tushdan keyingi payt ekan. Mushuk uyg‘onib ketdi, cho‘zilib qaddini rostladi va xotirjamgina esnadi. Anton cho‘ntak fonusini qo‘lida ushlab turardi. Anjomlarining qolgani boshqa zamonning qaysidir joyida qolib ketgandi.
"œUhhh, - dedi Anton, - hayriyat bu safar ham hammasi yaxshilik bilan tugadi".
U devordan zamon gardishini oldi va uni karavotning tagiga tiqib tashladi. Eng to‘riga.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:07:14

BILLUR

Anton maktabdan qaytganida qorong‘ilashib qolgandi. Sovuq shamol esayotgandi. Anton kurtkasining yoqasini ko‘tardi va qo‘llarini cho‘ntaklariga tiqib oldi. U qo‘lqoplarini yana yo‘qotib qo‘ygandi. Keksa soatsozning ustaxonasi oldidan o‘tayotganida, ichkarida chiroq yonayotganiga ko‘zi tushdi. "œSoatsoz qaytib kelganmikan?" Anton eshikni ochishga urindi, ammo u yopiq edi. Endi eshikda boshqa yozuvli taxtacha ilingan turardi. "œVaqtincha yopiq. Sozlash ishlari qabul qilinmaydi".
"œQulfbuzarlar kirib olgan emasmikan? Zamon gardishi ham sirli holda chayqov bozoriga chiqib qolgandi. Har holda qulfbuzarlar chiroqni yoqib qo‘ymagan bo‘lardilar. Hech bo‘lmasa, cho‘ntak fonusidan foydalanardilar".
Anton eshikni taqillatdi. Bir zumdan so‘ng ustaxona ortidagi xonadan bir kishi chiqib keldi. Bu soatsoz edi. U Antonning tanib eshikni ochdi.
"œShu yerda ekansiz-ku! — baqirib yubordi Anton suyinib. — Qanday bo‘ldi?" Keyin u soatsozning tashvishli yuziga nazar tashladi.
"œBiror nima bo‘ldimi?" - so‘radi u.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:07:23

Soatsoz uh tortdi. "œMen katta xato qilib qo‘ydim. Oxirgi marta zamonga sayohat qilganimda, zamon gardishini ham o‘zim bilan olib ketishim kerak edi. Shuning uchun ataylab qaytib kelgandim, biroq u joyida emas ekan. Tushunyapsanmi: uni men ixtiro qilganman. Demak, uning javobgarligi ham mening zimmamda. Chunki har kim o‘z ixtirosi uchun o‘zi javobgar". U stol yoniga o‘tirdi va dedi: "œBuning ustiga endi qaytib kelolmayman. Boshqa zamonga judayam o‘rganib qoldim".
"œMeni shu yerda kutib turing! Xo‘pmi? Men hoziroq qaytib kelaman", - dedi Anton.
"œYaxshi, - boshini quyi soldi soatsoz. — Sen kelganingcha men ikkalamizga choy qaynatib turaman".
Anton uyiga yugurib bordi va karavotining tagidan zamon gardishini chiqardi.
Anton qaytib kelgach, soatsoz ikki chashka choyni stolga qo‘ydi. Anton ham indamaygina zamon gardishini stolga qo‘ydi. Keyin u uni qay holda va qayerdan topganini aytib berdi.

Nom: Re: Anton bo'rini uchratgan kecha (qissa). Anton Shrayber-Vike
Yuborildi: shoir 03 Noyabr 2007, 15:08:43

 "œZamonga sayohat qildingmi?" - so‘radi soatsoz vahimaga tushib.
"œOzgina, xolos, - tinchlantirdi Anton. — Endi hech qachon unday qilmayman: hech qachon. Ochig‘ini aytsam, bu narsadan qutulayotganimdan o‘zim ham juda xursandman".
"œBu safar men uni olib ketaman, - dedi soatsoz. - Ammo buning evaziga senga esdalik uchun bir narsa bermoqchiman". U ko‘p qutilarning ichini titkilab, nihoyat izlagan narsasini topganday bo‘ldi.
"œAjdodlarimdan biri olim va tabib bo‘lgan. Shunisi hayratlanarli-ki, o‘shanda ular uni jodugarlikda ayblamaganlar. Mana bu narsa unga tegishli, endi esa seniki bo‘ladi. U Antonga oq billurni uzatdi. Antonning barmoqlari muzdek sirt va burchaklar ustida yopildi. U undan o‘ziga qandaydir g‘ayritabiiy quvvat o‘tayotganini his qildi.
Anton hecham ikkilanmadi: bu o‘sha billur edi.

Nemis tilidan Odiljon Safarov tarjimasi.

© Copyright Odiljon Safarov

http://www.ziyouz.com

Nom: Re: Anton bo'rini uchratgan kecha (qissa). Anton Shrayber-Vike
Yuborildi: AbdulAziz 08 Yanvar 2009, 07:29:20

Anton bo'rini uchratgan kecha (qissa)

(http://www.ziyouz.com/images/books/buri.jpg) (http://www.ziyouz.com/index.php?option=com_remository&Itemid=57&func=fileinfo&id=30)

Muallif: Edith Shrayber Vike
Hajmi: 127 Kb
Fayl tipi: pdf, zip
(http://www.ziyouz.com/components/com_remository/images/download_trans.gif) Saqlab olish (http://www.ziyouz.com/index.php?option=com_remository&Itemid=57&func=fileinfo&id=30)
Online o'qish (http://forum.ziyouz.com/index.php?topic=351.0)