Хурматли форумчилар, хар хил ширинликлару- пишириқлар, таомлару-салатлар ҳақида мавзулар бор скану, шу ичимликларга оид мавзу йсқ скан бу мавзуда, Чой, кофе, сок, коктейль ва бошқа ичимликлар ҳақида, қандай тортиқ қилиш ва қандай дамлаш ва тайёрлаш хусусда ссз юритсак... Хар холда чой, кофени дамлаб, тортиқ қилиш хам бир санъат : )
Kofe tayyorlayotgan paytda, kofega ozgina tuz solinsa yanada mazaliroq bo`ladi. Ovqatlanish paytida ovqat bilan hech qanday choy ichib bo`lmaydi. Chunki ovqat tarkibidagi foydali minerallarni xazm qildirmaydi, ya`ni kamqonlik, qorin qisishi va shunga o`xshash salbiy oqibatlarga olib keladi. Choyni ovqatlangandan 1-1.5 soatdan keyin iste`mol qilinishi foydali.
OFF: hech kim yozmiydigan eskirib ketgan mavzularga yozish yoqadi-de :D
O'rikli choy. Buning uchun Armanica sogdiana yoki Armanica vilgaris kabi o'riklarning qoqisi zarur. O'rik suviga damlangan choy qadimdan xalq tabobatida qabziyatga qarshi, tiqilmalarni ochish va qattiq shishlarni yumshatish vositasida qo'llanib keladi. O'rik ivitilgan suv og'izdan keladigan qo'lansa hidni yo'qotadi,oshqozon faoliyati susayganda,qon shiddatlanganda shifo.
Abu Ali ibn Sinoning aytishicha: "Yaxshisi arman o'rigidir,chunki u tez buzilmaydi va tez achimaydi... Turshak suvi tashnalikni qondiradi. O'rik me'da uchun shaftolidan ko'ra muvofiqroqdir" ( Ibn Sino. Tib qonunlari, 11 jild, 1956,404-bet)
Zamonaviy bioximiya fanining ma'lumotiga qaraganda,turshak (qoqi) tarkibida 4 foizgacha oqsil,76 foiz qand (glyukoza), 3 foiz kletchatka ( hujayra) moddalari mavjud ekan.
O'rikli choy quyidagicha tayyorlanadi : 10-11 dona turshak sovuq suvda chayilib,yarim litr choynakka solinadi,unga kichkina qoshiqda hind choyi tashlanib,qaynoq suv quyiladi, 10-12 soat dimlab qo'yiladi. So'ng dokadan suzilib,kuniga bir piyoladan 3 mahal ichiladi,bo'rtgan o'riklar ham ham har safar 3-4 donadan iste'mol qilinadi.
Nom: Olmali choy...
Yuborildi: Хадича29 Yanvar 2013, 14:38:43
Olma- ilmiy nomi Molus domastica deb ataluvchi ko'p yillik daraxt o'simligining mevasidir. Olma navlarining nihoyatda ko'p va xilma-xilligi uning subtropik zonalardan to Shimolga, Sibir va Uzoq Sharqqacha tarqalishiga imkon bergan. MDH.da olma barcha mevali daraxtlarning 3/4 ulushini tashkil etadi. Bundan tashqari Qrim, Kavkaz, O'rta Osiyo o'lkalarida hamda Kursk va Voronej viloyatlarida yovvoyi olma ayniqsa ko'p.
Choy uchun olmaning barcha navlari yaroqlidir: shirin,nordon-shirin, nordon, ertaki, o'rtaki, kechki, qishga g'amlangani ham bo'laveradi,faqat qartillama bo'lsa bas.
Qora choy odatdagicha damlanadi. Kesilgan olma va shakar solingan piyolaga quyiladi. Bir ho'plam choy, bir bo'lak olma tishlanadi. Har piyola choyga 1/4 yoki 1/2 bo'lak olma va 1 choy qoshig'ida shakar kerak bo'ladi.
Olma bilan ichilgan choy yurak, oshqozon,jigar va ichak kabi a'zolarni mustahkamlaydi, ovqatni yaxshi hazm qiladi, ovqatdan oldin iste'mol etilsa, ishtahani qo'zg'atadi.
" Olma kishini bardam qiladi,kayfiyatini rostlaydi, xursandchilikka moyil etadi. Nafas olish qiyinlashganda, yurak o'ynaganda olma ayniqsa foydalidir. Asab buzilganda, hayol qochganda olma yeb,hididan chuqur nafas olish g'oyatda foyda qiladi. Yangi olma miyaga ijobiy ta'sir qilib,uning faoliyatini yaxshilaydi" ( " Мудростъ веков", Душанбе, " Ирфон" нашриёти, 1981, 191-bet )
Shunday ekan,choyga olma to'g'rab ichish keksa odamlarga, ijodiy hamda aqliy mehnat kishilariga, yurak- qon tomir hastaligi bo'lgan bemorlarga juda foydalidir.
Nom: Olma va asalli choy...
Yuborildi: Хадича29 Yanvar 2013, 14:54:36
Bu choy ham xuddi yuqorida aytilganidek damlanadi,farqi -dasturxonga asal qo'yiladi. Bu xil choyning shifolik xosiyatlari yuqorida aytilgan olma va shakarli choyga qaraganda kuchliroq va tez ta'sir qiluvchandir. Shu munosabat bilan Ibn Sinoning asalning kishi a'zolariga foydaliligi to'g'risidagi fikrlari bilan ham tanishib o'tamiz.
" ...Asalning eng yaxshisi shirin mazali,yoqimli hidli,bir oz o'tkirligi bor,qizg'ish rangli va suyuq bo'lmay,uzilmaydigan yopishqoq bo'lganidir. Eng yaxshisi bahorgisi bo'lib,undan keyin yozgisi turadi, qishkisi eng pastidir... Unda tozalovchi, tomir og'zini ochuvchi, ho'llikni shimdiruvchi quvvat bor. U ho'llikni badanning chuqur yerlaridan tortadi,go'shtni sasish va buzilishdan saqlaydi" ( Ibn Sino. Tib qonunlari, VI jild, 1956, 488-bet ).
Nom: Chilonjiydali choy...
Yuborildi: Хадича29 Yanvar 2013, 15:31:01
Chilonjiyda- unobi bo'lib, shu nomli dorivor daraxtning mevasi. U jumrutdoshlar oilasiga mansub,botanikaviy nomi Ziziphus jujuba , asl vatani Xitoy, O'rta Osiyoga feodalizm davrida tarqalgan. Endilikda bog' va hovlilarimizda uning madaniylashtirilgan uch navi : " таксн-язао ", " да-бай-язао" va " у -сун - хун " o'stirilmoqda. Ularning jaydari nomi ham bo'lib, " chilonjiyda" ( " ilon jiyda " ) , " annab", "unobi" , " chelon " , " chilon" , " jilan" deb yuritiladi. Mevasi yong'oq kattaligida, noksimon, olxo'risimon shakllarga ega. Yovvoyi navining mevasi maydaroq, zo'ldirsimon,gilos kattaligida. Barcha navlari- qizil po'stli, quruq, xamirsimon etli,mazasi shirin. Tarkibida organik javharlar,oqsillar, C va P darmondoriga serobligi jihatidan limondan 15 barovar ustun turadi.
Chilonjiyda choy unutilgan bo'lib, ba'zi tayyorlaydiganlar ham unobini sovuq suvli idishda qaynatib,og'zi ochiq idishda sovutishadi. Bu Xato. Aslida mevalar sovuq suvda chayiladi. Keyin yarim litrli choynakka 10-12 dona tashlab, kichkina qoshiqda oliy nav ko'k choy qo'shib,sharaqlab turgan qaynoq suv quyiladi,choynak sochiqqa o'ralib, 10-12 soat tindiriladi. So'ngra dokadan o'tkazilib,bir stakandan kuniga 3 mahal bir oy davomida ichiladi. Bo'rtgan mevalar ham har gal 3-4 donadan iste'mol qilinadi.
Xalq tabobatida chilonjiydadan tayyorlangan choy qon bosimi kasalida qo'llanilgan.
Ibn Sinoning yozishicha, " ... Yaxshisi eng yirik,chiroyli va rangi qizilidir. U issiq va o'tkir qonga foyda qiladi. O'ylashimcha,bu uning qonni tozalashidan bo'lsa kerak... Unobining ko'krak va o'pkaga foydasi bor... Bir guruh kishilarning aytishicha, u buyrak va qovuq og'rig'iga foyda qiladi" ( Ibn Sino. Tib qonunlari, 11-jild, 1956, 481-bet ).
XVIII asrda yashagan taniqli tabib Sayyid Muhammad Hasrat chilonjiydaning foydaliligiga atab maxsus she'r yozgan,unda aytilishicha : unobi o'pka,nafas yo'llari, qovuq uchun foydali bo'lib, qonni suyultiradi va ko'payib g'alayon qilsa,o'rniga tushiradi. Bu ne'mat yana jigar va buyrak og'rig'ini bosadi.
Nom: Kokteyl tayyorlaymiz...
Yuborildi: Хадича31 Yanvar 2013, 15:02:12
InshaAlloh,retseptlari va bezatishlarini yana joylaymiz.
Nom: Javob: Чой, кофе, сок, коктейль ва бошқа ичимликлар...
Yuborildi: Zumrad199516 Avgust 2013, 10:21:56
Bexili kvas maxsulotlar: 5 litr sovuq suv, 1kg bexi, 1 piyola shakar, 25 gramm quruq xamirturush. Tayyorlanishi: Bexini yaxshilab yuvib mayda bo'laklarga bo'linadi. Sirlangan idishga solib ustidan suv quyiladi, yarim soat o'rta olovda qaynatgach sovutiladi. So'ng suzg'ichdan o'tkazib shisha idishlarga quyiladi. Ustiga shakar, xamirturush solinadi qapqoq yopib bijg'ishi uchun 10 soat qorong'u , issiq joyda saqlanadi.
Nom: Javob: Чой, кофе, сок, коктейль ва бошқа ичимликлар...
Yuborildi: Zumrad199516 Avgust 2013, 10:23:05
Kokteyl eng mazali ichimliklardan biridir. Bananli kokteyl qanday tayyorlanishini bilasizmi? Bu kokteylni qilish juda oson. Mahsulotlarini ham xohlagan joydan topsak bo’ladi. Banan hamma yerda sotiladi. Hozirgi maslahatimizda ushbu kokteylning qanday tayyorlanishi haqida bilib olishingiz mumkin. Buning uchun bizga kerak bo’ladi: • Banan 2 ta • Shakar 4 choy qoshiq • Sirok 1 ta • Sut 0,5 litr • Stakan 2 ta Tayyorlanishi: • 2 dona bananni po’stini olib, bir necha bo’laklarga bo’lamiz. • So’ng kesilgan bananlarni blendrga solib quyuq massa holatiga keltiramiz. • 4 choy qoshiq shakarimizni solib blendrda aralashtirishda davom etamiz. • Keyin esa sirokni ham solib aralashtiramiz. • Qorishmamiz quyuqlashgani uchun unga ozgina sut solamiz. • Shundan so’ng uni qolgan sut bilan aralashtiramiz. • Tayyor bo’lgan suyuqlikni stakanlarga quyamiz. • Agar ozgina shokolad bo’lsa, uni qirg’ichdan o’tkazib ustiga sepib yuborsak bo’ladi.
Nom: Javob: Чой, кофе, сок, коктейль ва бошқа ичимликлар...
Yuborildi: Zumrad199516 Avgust 2013, 10:25:02
Limonad tayyorlash Limonad yoz faslining issiq kunlarida xush keluvchi ichimlik hisoblanadi. Lekin har kim ham uy sharoitida uni tayyorlay olmaydi. Ushbu maslahatda oddiy usulda limonad tayyorlash sirlaridan boxabar bo'lasiz. Masalliqlar: • 2 osh qoshiq limon suvi • 3 osh qoshiq shakar • 2 stakan gazli suv • Yarimta limon Tayyorlanishi: • 1 ta bokalga 2 osh qoshiq limon suvini solamiz. • Ustidan gazli suv quyamiz. • Bokalga bir parra limon solamiz. • va didingizga qarab shakar qo’shamiz. • Yaxshilab aralashtiramiz. Limonadimiz tayyor!
Nom: Javob: Чой, кофе, сок, коктейль ва бошқа ичимликлар...
Yuborildi: Zumrad199516 Avgust 2013, 10:26:28
Mevalardan salqin ichimliklar
1. Olmadan... 1 kg olmani sharbat siqqichdan o'tkazib, hosil bo'lgan suviga ta'bga ko'ra shakar, 1 litr sovuq suv va ozroq limon kislotasi kukuni solib qaynating. 10 daqiqadan so'ng olovdan olib, sovuting-da, dolchin kukuni sepib, stakanlarga quyish mumkin.
Nom: Javob: Чой, кофе, сок, коктейль ва бошқа ичимликлар...
Yuborildi: Zumrad199516 Avgust 2013, 10:27:09
2. O'rikdan...
1-2 kg o'rikni sharbat siqqichdan o'tkazib, teng miqdorda sovuq suv bilan aralashtiring. Ta'bga ko'ra shakar solib, 15-20 daqiqa o'rta olovda qaynating. Tayyor bo'lgach, idishga solib, muzlatkichga qo'ying.
Nom: Javob: Чой, кофе, сок, коктейль ва бошқа ичимликлар...
Yuborildi: Zumrad199516 Avgust 2013, 10:27:52
3. Malinadan...
1,5 kg malinani sharbat siqqichdan o'tkazib, ta'bga ko'ra shakar va ozroq dolchin kukuni bilan aralashtiring. 1 litr sovuq suv qo'shib, 15 daqiqa olovga qo'ying. Sharbat sovugach, muz bo'laklari bilan dasturxonga tortish mumkin.
Nom: Javob: Чой, кофе, сок, коктейль ва бошқа ичимликлар...
Yuborildi: Zumrad199516 Avgust 2013, 10:28:42
4. Qorag'at mevasidan...
2 kg qorag'at mevasini 1 kg shakar bilan aralashtirib, 1 soatga qoldiring. So'ng mevasini olib sharbat siqqichdan o'tkazing. Shakarni qo'shib, 15 daqiqaga olovga qo'ying. Sovugach, muz bo'laklari solib, stakanlarga quyiladi.
Nom: Javob: Чой, кофе, сок, коктейль ва бошқа ичимликлар...
Yuborildi: Zumrad199516 Avgust 2013, 10:29:27
5. Uzumdan
Keraklicha qora uzum mevasini cho'pidan ajratib, ikki qavatli dokaga soling. So'ng dokani tugun shaklida yig'ib, mevalarni asta siqing. Hosil bo'lgan sharbatga teng miqdorda sovuq suvni aralashtirib, ta'bga ko'ra shakar qo'shing. 15 daqiqa olovda qaynatib, sovugach iste'mol qilish mumkin.
Nom: Javob: Чой, кофе, сок, коктейль ва бошқа ичимликлар...
Yuborildi: Zumrad199516 Avgust 2013, 10:30:26
6. Tarvuzdan...
1 ta kichik tarvuzni ikkiga bo'lib, po'chog'idan ajrating. Bo'laklarga bo'lib, danaklaridan tozalang-da, sharbat siqqichdan o'tkazing. Hosil bo'lgan sharbatni stakanlarga quyib, muz bo'laklaridan qo'shing.