forum.ziyouz.com
Umumiy bo'lim => Islom => Ro'za => Mavzu boshlandi: Ansora 20 Avgust 2009, 17:41:13
-
Assalomu-alaykum azizlar. Ertadan Xudo hohlasa Ramazonga "Hush kelding" deymiz.
Bu munosabat bilan, sizning yoki yaqinlaringizning Ramazon bilan bog'liq hotiralarini eslashga nima deysiz?
-
2chi Kursdamiz, yotoqxonada (Turkiyada "yurt" deyishadi, bizda ham yotoqxona'dan boshqa isim qo'yilsa yaxshi bo'lardi:)honadoshim bilan iftor vaqtini kutyapmiz. Aslida ovqat yeyish uchun emas, shunchaki kutyapmiz. Chunki ikkalamizda ham juda oz pul qolgan, hatto 1 buxanka olishga ham pul yetmayapdi. Hozir buxanka bormi, necha pul hech habarim yo'q. Hullas, iftor bo'ldi. Biz ham talabani mashhur ovqati "mastava" qildik. Bazan hazil qilardim, talabani kambag'allashganini qayerdan bilsak bo'ladi, mastava qilganidan, deb javob berardim. Chunki 1 qoshiq yog', 30-40ta guruch donasi, Xudono bergan suvi yetadida:) Hayotimdagi eng faqir iftorlardan birini o'sha kuni o'tkazdim, uyalganimizdan hech kimdan na qarz oldik, na non so'radik. Bu ham bir imtihon dedik, kunlarimiz o'tdi.
Oradan bir necha yil o'tib, allaqachon o'qish tugagan, men ham bir shirkatda ishlay boshlagan edim. Eng yaqin o'rtog'im Alloh qabul qilsin, ishxonada boshqalar bilan birgalashib qurbon so'yishdi. U Turkiyalik bo'lgani uchun sening taniydigan, go'shtga ihtiyoji bo'lgan insonlar bormi, deb so'radi? Meni aqlimga darrov yotoqxona keldi. U bilan darrov yotoqxonaga keldik. Har doimgiday eshikni yonida "vahtyorsha hola" o'tirardilar. U kishi kimga kelding, dedilar, men ham talabalarga go'sht tarqatamiz, desam bu kim o'zi, deb shubhalanmasin, dedim va Vodiylik qizlardan bormi, ulardan bittasini chaqiring iltimos, dedim. Darrov bir qizni chaqirishdi, o'zimni chalama-chatti tanishtirdim, qizga bu yerda shuncha go'sht bor, butun qizlarga 1 kilodan bersangiz hursand bo'lar edim, dedim darrov qochdim. Qiz hayratlangani sari meni yig'lagim kelardi...
Oradan yana yillar o'tdi, ortiq Turkiyada talabaman, Ramazon iftorlarida shunchalik izzat hurmatdamizki, O'zbekistonlik bo'lganimiz uchun bu hurmat ikki barobar ortadi. Voy qardosh o'lka, voy O'zbeklar deb mehr bilan kutib olindik har honadonda. Lekin eng oz 6 hil ovqat, 2-3 hil pishiriq qilingan honadon bo'lsin, hatto mahsus chaqirilganimiz "Chırag'an saroyi bo'lsin, (Çırağan sarayı) ilk luqmamni og'zimga olganimda yillar oldin o'rtog'im bilan och qolganimiz mahzun talabalik iftorim aqlimga kelaveradi...
-
Bu voqeani bir o'rtog'im aytib bergandi. Matematika darsida domla hammaga misol beribdi. Hamma yechibdi lekin qizlardan biri masalani yecha olmabdi. Domla qizdan nimaga yecha olmading, juda oddiy masala edi, deb so'rabdi, qiz esa, domla men bugun ro'za tutganman, suv ichmadim, ochman, kallam ishlamayabdi deb javob beribdi. Domla esa, men sening to'q holingni ham bilaman, o'tgan yildan farqing yo'q debbi. Qiz aybni ro'zaga to'nkayman, deb o'ylar ekan, gapini eshitib mulzam bo'libdi:)
-
Man ham maktabda o'qib yurgan paytimda (yo 8 yo 9 chi sinf edik), biologiya o'qituvchimiz, ham direktor ham o'qituvchilik qilardi.
Juda qxri qattiq ayol edi.
U payt ro'zani unchalik tushunmasdim.
Shunchaki tutgim kelsa tutardim, bo'masa yo'q.
Bir andijonlik yangi kegan qiz boridi.
Darsda doskaga chiqib mavzuni gapirib turib, sal mazasi qochgandek bo'ldiyu yana o'zini qo'lga oldi.
Shunda o'qituvchimiz: "Ro'zamisan?" deb qattiq qaradi.
Qiz uyalibgina boshini qimirlatib qo'ydi.
Shu endi natatsiya boshlandi... "Sizlar hali yoshsizlar, o'sayotgan organizmga ro'za tutish kerak emas, vaqti kesa tutarsizlar..." deb ensasini qotirdi.
Hech kim hech nima deyolmadi.
Rus maktabi bo'lganligi uchun o'qituvchilar ham ruslashib ketgan, urflar ham ruslashib ketgan, diyonatlariniyam kere bo'sa ruslashtirvorishganidi...
Alloh hidoyat bersin.
-
:as:
ko'pincha o'qishdan unda tayorlov kursiga borardik ,kech qaytar edik shom kirishi bn darslar tugardi ,shunda avtobus da ko'pchilik bb o'tirvolib iftor qilardik ,zo'r edi , :7 :D kimdir qaraydimi yo'qmi e'tibor ham bermasdik asosiysi sunnatga muvofiq ro'zani vaqtida ochardik,magiz shunga o'hshagan ne'matlarni 1 donadan qo'llarimizi ochib bo'lvolardik ,ajoyib kunlar edi .
-
Qaysidir yili mahallamizda odatdagidek taroveh namoziga chiqqandik(masjid emas). Yoshi ulug' otahonlar oldingi safga turishadi, keyingi safda yoshlar va hk. Farz namozi uqilayotgan edi. Imom ikkinchi raka'tdan uchinchi raka'tga turdida "Alhamdulillahi robbil a'lamiiiiyn..."dedida jimib qoldi. Shu payt oldingi safda turgan yoshi ulug' birodarlardan biri "Ar rohmanir rohiiym" dedi...
-
Assalamu alaykum.
1987 yil edi. Ramazon oyi keldi. Unda ochiq oydin ibodat qilishni ilojisi yo'q edi. Ro'za tutib maktabga chiqdim. Rus tili o'qituvchimiz, ro'za salomatlikka zarar ekani haqida ancha bizlarga "nasihat qildi". Va kim ro'za tutgan deb savol berdi. Hamma qo'rqqanidan jim o'tiribdi. Shu payt o'qituvchimiz tashqaridan suv olib keldida hammaga majburlab bo'lsa ham ichirishni boshladi. Albatta ro'za tutmaganlar ham bor edi, lekin ro'za tutgan sinfdoshlarimga rahmim kelib qarardim. (U paytda majburan yoki bilmasdan narsa tanavvu qilinsa ro'za ochilmasligini bilmasdim-da) Naqd menga kelganda suv tugan qolgan. Ancha shaddodligim borligi uchun, o'qituvchiga qarab:"Domla, siz ovora bo'lmang, men o'zim tashqariga chiqib ichib kelaman, juda chanqab turgandim", dedim.O"qituvchi:"Baribir sen ro'za tutmagansan, bor chiqaver", dedi.
Chunki meni ota-onam, shu maktabda o'qituvchi bo'lib ishlashardi....
-
Bundan 4-5 yil oldin, kichik qizim 3-4yoshlarda edi. Ramazon keldi. U ham saharlikka turib olardi. Peshin bo'lgach esa qorni ochib, yeyishga narsa topardi, hech kimga indamasdi va qorong'u xonamiz bo'lardi, shu yerga ustilarini o'rab hech kimga ko'rsatmasdan, berkitib olib ketardi. Biz esa ko'rsak ham ko'rmaganga olardik. Iftor vaqtida esa xuddi ro'za tutgandek o'tirib duo qilib ovqatlanardi. Agar birortamiz, sen ro'za tutmadingku, desak uyni boshiga ko'tarib:"Men ham ro'za tutdimku, nega yolg'on gapirasan", deb yig'lashni boshlardi....
SHu kunlarni eslasam doim kulgim keladi.
Hozir o'ziga aytib bersak ishonmaydi....
-
9-10 Yoshlarimda bo'lsam kerak, ayam singillarim va menga namoz o'qishni o'rgatdilar. Agar namoz o'qimasalaring, molxonadagi novvosni yoniga bog'lab qo'yaman,deb qo'rqitdilar. O'sha yili dadam fermerga o'hshab 2 ta novvos olib boqishga boshlagan edilar, bir semirishdi asti qo'yaverasiz. Zanjirlarini shaqirlashi uzoqdan eshitiladi. Boshda ayamga achchiq qilgan edim, nimaga qo'rqitadilar, deb keyinchalik Alloh u kishidan roz bo'lsin, dedim. Hullas namoz bilan birgalikda ro'za ham tuta boshladik. Bir kuni saharlikka ayam go'sh qovurgan edilar. Azgina tuzi ko'proq bo'lganmi deyman, tushda chanqashga tushdim. Peshinni o'qish uchun tahorat oladigan payt keldi. Og'zimni yuvayotganimda qattiq chanqaganim uchun suvni og'zimda uzoooq ushlab turdim, lekin ichimga yutmadim:) Haligacha eslab kulaman, Alloh kechirsin, bolalikda:)
-
Ayam ramazonlarda hammamizni uyg'otar edilar. Biz esa nozlanib hech turgimiz kelmas, ohiri ayam bechora, bo'ldi kim tursa tursin, men ovqatimni yeyabman, derdilar. Biz darrov sakrab turardik. İshtahamiz bo'lmagani uchun azgina tashqarilarni aylanib kelgin bolam, ishtahang ochiladi, deb yumshoq gapirar edilar.
O'zim ham talaba bo'lib uydan uzoqlashgan keyin odatda xonadoshlarim mendan kichkina bo'lar edi, hammasini turg'izguncha jonim chiqib ketardi. Zarda qilardim, ularga nima savoblaringdan menga berasanlarmi deb:) O'sha paytlari onaginamning qadriga yana bir bor yetardim. Onaginam, Xudo shu muborak kunlarda barcha onalar qatorida sizga ham sog'lik sihhat bersin iloyim...
-
Assalamu alaykum.
1987 yil edi. Ramazon oyi keldi. Unda ochiq oydin ibodat qilishni ilojisi yo'q edi. Ro'za tutib maktabga chiqdim. Rus tili o'qituvchimiz, ro'za salomatlikka zarar ekani haqida ancha bizlarga "nasihat qildi". Va kim ro'za tutgan deb savol berdi. Hamma qo'rqqanidan jim o'tiribdi. Shu payt o'qituvchimiz tashqaridan suv olib keldida hammaga majburlab bo'lsa ham ichirishni boshladi. Albatta ro'za tutmaganlar ham bor edi, lekin ro'za tutgan sinfdoshlarimga rahmim kelib qarardim. (U paytda majburan yoki bilmasdan narsa tanavvu qilinsa ro'za ochilmasligini bilmasdim-da) Naqd menga kelganda suv tugan qolgan. Ancha shaddodligim borligi uchun, o'qituvchiga qarab:"Domla, siz ovora bo'lmang, men o'zim tashqariga chiqib ichib kelaman, juda chanqab turgandim", dedim.O"qituvchi:"Baribir sen ro'za tutmagansan, bor chiqaver", dedi.
Chunki meni ota-onam, shu maktabda o'qituvchi bo'lib ishlashardi....
:ms: :D :D
-
Assalomu alaykum!
Ramazon xotiralari xayolimga kelarkan, bolaligim o'tgan xonadonimiz, munchoqdek marg'ilon do'ppilarni kiyib, masjidlarni to'ldirib o'tirgan go'zal jamoat esimga tushaveradi. U paytlarda atrofdagi barcha mahalla masjidlari faoliyat yuritar, hali hech qaysisi "mahalla oromgohi", "qariyalar maskani" yoki "axborot-resurs markazi"ga aylantirilmagan, jamoatda yoshlar soni juda yoshlar soni juda ko'p bo'lardi. Tarovih namozida masjidga odam sig'may, garchi sovuq bo'lsa-da, tashqariga joy solinib, shu yerda ham tumonat jamoat yig'ilardi...
* * *
Tarovih namoziga qariyalar ertaroq chiqib olishardi. Chala-yarim yonayotgan pechka atrofiga o'tirib olib, namoz vaqtini kutishardi. Men ham ularning go'zal suhbatlaridan bahramand bo'lish uchun ertaroq chiqardim. Ba'zida menga turkiy kitoblardan mutolaa qilib berishimni aytishardi. Bir kuni "Ibodati Islomiya"dan "Qiyomat va oxirat" bo'limini o'qib berayotgan edim. Masjid jamoat bilan liq to'la, men turkiychasiga "Undan so'ng ne bo'ladur?" degan savol-javoblarni o'qib borardim. Bir payt rosa qiyomat dahshatlari mavzusiga kelganda chiroq o'chib qolgandi. Mening oxirgi o'qigan kalimam, "Undan so'ng ne bo'ladur?" edi. Shunda mahallaning eng yoshi ulug'laridan biri Hasanboy tog'a, "Undan so'ng svet o'chib qolodur", degani ko'pchilikda tabassum uyg'otgan edi...
-
Bunda 3 yil oldin saharlikka turdim.Ovqatlanib bo'lib , o'g'iz yopib,dasturxonni bitta olmani eb yig'ishtirganman. Keyin birdan esimga tushib qoldi ro'za ekanligim.Lekin bilmay qolsa ro'za buzilmaydi deyishadiku
Xar ro'za tutganimda shu voqeani kulib eslayman.
-
Bir savolga xaligacha etarli javob olmagan. Ro'zani boshida 3 kun o'rtasida 3 kun oxirida 3 kun tutsa xam bo'ladi degan gapni eshitganman. Shu rostmi ? Javobingiz uchun oldindan raxmat.
-
Yaqinda Trukiya tv-dagi iftor programmalaridan birida İlohiyot bilimlari Dotsent Doktori Mustafa Karatsh Ramazonning boshida, o'rtasida, ohirida tutsa bo'ladi, degan gapning insonlar tarafidan uydirma ekanligini aytib o'tdi.
-
Rosa ajoyib mavzu ochibsiz Kapalak Ramazon oyida haqiqatdan ham hotiralar kup buladi. Mani uzim guvohi bolgan bir hotirlatma haqida yozmoqchi edim bir hotirlatmani yozishni lozim deb topdim aslinda bir emas kup buladi.Ayniqsa MusoFirlikda yurgan brodarlar ham bilishadi.
Hullas kechan yil anigrogi ramazon oyi edi hammamiz ruzadormiz qizigi iftor harakatini boshladik hammamiz birlikda qarasak 2.3 daqiqa bor ekan shu asnoda gaplashib utirgan edikki bir brodarimiz shoshilib qulini yuvdide yonimizdagi bir bush erga utirdida apil tapil duodi uqigande buldide eb ketdi hamma hayron buldi kegin qarasaki hammamiz kutib emasdan utiribmiz ha azon uqilmadimi deb yubordiyu birdan ushanda hamma utirganlar urtasida tabassum urtaga chiqqan edi usha usha esda qolgan edi. :)
-
Turkiyada tvi-ni burchagida qaysi shaharda iftor vaqti bo'lgani yozilib azon o'qilib turadi. Bir qizni bobosi o'qish yozishni bilmas ekan, boshda iftor bo'lgan shaharga azon o'qishi bilan darrov duo qilib su ichibdi. Voy deyishibdi, bobo to'htab turing. Nima debdi bobo bechora, hali bizniki kelmadimi? Keyingi shaharga kelganda otahon yana bir marta duo qilib suv ichibdilar. Bu safar nabiralar, hali bo'lmadi, biz sizga aytamiz deyishibdi. Bechora otahon arazlab, xonasiga kirib ketib, too Turkiyadagi butunnn shaharlar o'qilguncha xonasidan chiqmagan ekanlar...
72 ta viloyat bor:(
-
Yana bir voqea aytib beray: Bir talaba o'rtog'lari bilan uylarida iftorni qilishibdi lekin saharga juda oz narsa qolgan ekan, cho'ntaklari ham taptaqir. Ustiga uyga 2ta mehmon ham kelibdi. Talaba bechora, hay mayli Allohga omonat, bir gap bo'lar debdi, taroveh o'qigani jome'ga chiqishibdi. Namozda yig'lab duo qilibdi, ey Allohim sen bizga rizq ber, uyaltirma, mehmonlarga nima yediraman, deb rosa qayg'uribdi. Namozini o'qib Jome'dan chiqar ekan, bir otahon, bolam sen talabamisan, deb so'rabdilar. Talabamiz, ha otahon, buyuring, debdi. O'g'lim, debdi, men necha kundan beri bir talaba topib ularga oziq-ovqat bermoqchiydim, atab qo'yganman. Bizni talaba hursandchilikdan nima deyishini bilmay, hayajondan yig'lab yuboribdi. Otahon ularga bir dunyo oziq-ovqat beribdi hatto ertasiga uylariga iftorga chaqiribdilar.
Alloh o'zi uchun ro'za tutgan qullarining duosini qanchalar tez qabul qilibdi qarang, barchamizning duolarimiz qabul bo'lsin insholloh.
-
Bu voqeani dadam aytib bergan edilar:
Qayta qurish yillarida, odamlarning islomiy e'tiqodi endi shaklanayotgan bir paytda dadamning bir do'stlari, Ramazon oyida iftorga aytibdi. Og'izni ochib, biroz tamaddi qilganlaridan so'ng, shom namozini o'qishga kirishishibdi. Uy egasi va boshqa mehmonlar birgalikda namozni o'qishibdi. Namoz so'nggida, imom "Assalomu alaykum alaykum va rahmatulloh" deb ikki tarafga salom bersa, uy egasi ham ovozini chiqarib, "Assalomu alaykum Ibrohim aka!", "Assalomu alaykum Ibrohim aka!" deb namozni tugatibdi : )
Gap shundaki, uy egasining ismi Rahmatulloh, imomning ismi Ibrohim aka ekan. Rahmatulloh aka, esa shu kuni birinchi marta namoz o'qib, ibodat so'nggida yonidagilarga salom berarkan-da, deb o'ylab, imomga salom berib yuborgan ekan : )
-
Bir savolga xaligacha etarli javob olmagan. Ro'zani boshida 3 kun o'rtasida 3 kun oxirida 3 kun tutsa xam bo'ladi degan gapni eshitganman. Shu rostmi ? Javobingiz uchun oldindan raxmat.
FARZ amallarda unaqa bo'lsa bo'ladi, munaqa bo'lsa bo'ladi degan gaplarni odamlar o'zi uchun o'ylab topgan!
Alloh taolo Qur'oni Karimda FARZlarni aniq qilib belgilab bergan!
Faqatgina sunnat yo nafl ibodatlarida ihtiloflar bo'lishi mumkin.
Shuning uchun FARZ da odamlarni gapiga emas Allohning kalomi Qur'onga qarab ish tutiladi.
Lekin inson biron bir sabab bilan kasal yoki ro'za tuta olmaydigan holda bo'lsa bu uchun ham aniq fatvolar berilgan.
Abu Hurayra roziyallohu anhudan rivoyat qilinadi: "œKim ruxsatsiz va kasal bo'lmay turib,
Ramazonda biron kun ro'za tutmasa, garchi umr bo'yi ro'za tutsa ham, o'sha kunning
qazosini o'tay olmaydi".
Termiziy rivoyati
Shu so'zlarning o'zi ham KIFOYA!
-
Ramazonni barakati boshqacha bo'ladida:) Kecha no'hotimiz tugabdi, olishimiz kerak, deb gapirib turgandim. Hech ko'rmagan qo'shnim qishlog'idagi hovlilarida yetishtirgan no'hotdan qizi orqali menga ham berib yuboribdi. Alloh shunday ulug' kunda bir-birini o'ylaganlardan rozi bo'lsin.
-
O'tgan yilimidi aniq eslomiman, net kafeda o'tirganimizda birto'da bo'lib kichkina bolachalar kelib eshikni tagida turvolishdida birdaniga
"Ramazon aytib keldik eshigingizga
Qo'chqordek o'g'il bersin beshigingizga
..."
deya RAMAZON aytib ketishdi.
Uyma uy yurib etishganini ko'rganmanu
BUNAQASINI ENDI KO'RISHIM :D
Biz ham Ramazon aytardik.
Esimda opam, man va yana Kamola digan dugonam bn hali juda kichkina paytimizda Kamolani akasi va yana shu domda yashidigan Shavkat aka bizlarga Ramazon ettirib o'zlari bekinib turishardi.
Pul berganlarni pulini o'zlariga olishardiyu, shirinliklar tushsa bizga tegardi. :D
Yosh bolani aldagani YAXSHI ... :D
-
Rostdan ham yosh bolalarni Ramazon aytishlarda aldashganiga men ham shohid bo'lganman. Ayam odatda bizga Ramazon aytishga ruhsat bermasdilar. Bolam, birovda bor, birovda yo'q. İnsonlarni bezovta qilmanglar, derdilar. Kichkina ukam -6-7 yoshlarda edi, bir kun mahallani bolalari ukamni aldab-suldab chaqirishibdi,kel pul to'playmiz, deb. Yo'q bolib qoldi, desak, Ramazon aytishga ketgan ekan. Oradan 1-2 soat o'tgandan keyin kirib keldi.Qo'lida atlas belbog', aaa dedik sen katta bo'lib Ramazon aytadigan bo'lib qoldingmi:) ukaginam, burnini tortib, menga faqat suvi qochgan non berishdi, dedi:) mahallani "akalari" pullarni bo'lishib, qolgan narsalarni yosh bolalarga "ulashishgan" ekan:) ukam yig'lamasin, deb unga o'zimiz pul bergandik:)
-
Mem endigina 5-sinfda o'qiyotgan paytlarim edi. Onajonim ro'za tutgan paytlarda men ham juda qiziqardim. Tutgim kelardi. Ana shunday Ramozon oylarining birida onamni rosa qo'ymay men ham ro'za tutdim. Tutganimning ikkinchi kuni onam qaerdandir juda ham katta katta o'rikning quritilganini olib keldi. Akalarim ham bor edi. Oldimizga englar deb qo'ydi. ... Buni qarangki men ham akalarimga qo'shilib o'rikdan eb boshladim. Shunda aklarimning biri ikkinchisini eyotganimda "... iya sen ro'zamasmiding" deb qoldi. Rosti ro'zaligim esimdan chiqib ketgan ekan. Shunda og'zimdagi o'rikni olib tashladim. Lekin o'shanda onam bilgan ekanlar meni to'yib eb olsin degan bo'lsa kerak indamabdi. O'shanda rosa afsus qilganman. Lekin bilmay esa hech narsa qilmaydi deyishgani uchun biroz ko'nglim xotirjam bo'lgan... :)
-
Ozgina oldin, İstambul uchun azon o'qildi. Tv kanallarining birida hayirsevar er-xotin haqida qisqa ko'rsatuv bor edi. 2-3 kun oldin bu er-xotin uylariga qariyalar uyidan 15 ga yaqin yoshi ulug' kishini davat etishibdi. Bechora mehmonlar, ularga ko'rsatilgan izzat-hurmat qarshisida uyalib-siqilib o'tirishar, oilalari tarafidan qariyalar uyiga tark etilganliklari uchun yuraklarida g'am, ko'zlarida esa yosh qotib qolgan edi. Mehmonlarga turli tuman ovqatlar ikrom edildi. Ovqatlar yeyib bo'lingandan keyin ular bilan tv hodimi suhbatlasha boshladi. Hammasining yuzlarida minnatdorchilik, uy egalariga uzundan uzoq duo qilishardi. Qariyalardan biri 1 o'g'li 1 qizi borligini, bir onalariga qaray olmay, qariyalar uyiga olib borib tashlashganini aytib, yig'lay boshladi. Birdaniga qolgan qariyalar ham huzunlandilar. Shu asnoda uy egasi otaxon qo'lida bir quti bilan mehmonlar o'tirgan xonaga kirib keldi. Mehmonlarga buning nima bo'lishi mumkin ekanligini so'radi. Mehmonlar kulimsirab, qiymatli narsa bo'lishi kerak, dedilar. Uy egasi, qutining ichida Payg'ambarimizning soqoli-shariflari bor ekanligini aytganida mehmonlar birdaniga hayajonlana boshladilar. Uy egasi Payg'ambarimizning soqollarini 40 qavat matoga o'ralgan joyidan chiqardi. Soqolni chiqarar ekan mehmonlardan Payg'ambarimiz uchun salovot aytishlarini iltimos qildi. Soqoli-sharif shishaning ichiga qimirlamaydigan qilib joylashtirilgan edi. Tv kanalidan ko'rar ekanman, men ham juda hayajonlandim. Mehmonlar birma bir shishani qo'llariga olib o'pib ko'zlariga surtdilar. Ozgina oldin yaqinlaridan shikoyat qilib, ko'zlariga yosh olib turgan insonlar endi dunyoviy hollardan tamoman uzoqlashgan edilar. Yuzlarida ajib bir hotirjamlik, ko'z yoshi to'kardilar. Lekin endi bu ko'z yoshlarini insonlarning eng sharaflisi, eng qadirlisi uchun to'kayotgan edilar. Ularni ko'rib men ham juda tasirlandim va dedimki, dunyoda unim yo'q, bunim yo'q shu menga buni dedi, vahokazo sabablar bilan moddiyat uchun yig'lab siqtaymiz...
Alloh Jella ve Jelaluhu ko'z yoshlarimizni o'tkinchi, foniy sabablar uchun to'kishdan o'zi saqlasin insholloh.
-
Yuqoridagi uy egasi mehmonlarni iftorga chaqirgan edi, yozish esimdan chiqibdi, uzr.
-
Savobdan qochish yo'q!
Mehmet O'zguvenning(Turkiya) Ramazon hotirasi:
Agar yanglishmasam 1988-yil, Ramazon oyining ohirgi kunlaridan biri edi. 10-12 o'rtog'imiz bilan bizga iftor berish uchun uyiga chaqirgan kishining qo'ng'irog'ini chaldik. Eshik ochilib, bizni ichkariga kiringlar, deb taklif qilishdi. Faqat ichkarida yerga kichkinagina dasturxon solingan, uydagilar iftorlarini qilib bo'lishgan edi. Bu ishda yanglishlik bo'lsa kerak, deb o'yladik. Uy egasi esa, biz namozlarimizni o'qir ekanmiz, yon tarafdagi xonada bizga yangidan dasturxon soldiribdi. Telefon qilib bildikki, yanglish adresga kelibmiz. İftorimizni qilib bo'lgandan keyin uy egasi Ali bey bilan biroz suhbat etdik. U kishi esa, bizlarni hayajonga solgan shu so'zlarni aydilar: 20 kundan beri uyimda farqli farqli talabalar guruhiga iftor beryabman. Kecha, ertaga hech kimni chaqirmay, oila-azolarim bilan iftor qilay, dedim. Ko'rdimki Alloh Taolo bunga rozi bo'lmadi, bugun ham sizlarni jo'natdi:)
-
Sulton II-Mahmud Xon Ramazonda o’z davrining tanilgan zotlarini iftorga davat etibdi. Mashhur shoir İzzat Mulla Xon ham davatlilar orasida ekan.
Xufton azoni o’qilib, jamoat namozga boshlabdi. İmomlik qilayotgan zot, namozni ikki sajdani bir sajdaga ketadigan vaqt ichida tez tez qildira boshlabdi. Qisqa vaqt ichida namozning Attahiyotu duosiga kelibdilar. Shu payt tashqaridan bir kishi kelib namoz o’qiyotganlarini ko’rib: "œTayyor tahoratim bor ekan men ham jamoatga yetishib olsam yaxshi bo’lardi, safga qanday tursam ekan, deb o’ylab turgan vaqti İzzat Mulla salom berib, odamga shunday degan ekan:
"œHay birodar! Biz namozning ichida ekan yetisholmayabmiz, sen tashqaridan kelib qanday yetishmoqchisan?"
-
Bir Ramazon kuni Usmonli Sultoni III-Mahmudning vaziri Koja Ragip Pashaning ko’shkidagi suhbat asnosida Ragip Pasha Shoir Hashmetga qarab:
-Sening ham qarzing bormi Hashmet?, deb so’rabdi va undan shu javobni olibdi:
- Ha afandim, mahalladaki baqqolga ming so’m, qassobga besh yuz so’m.
Ragib Pasha savolining anglashilmaganini o’ylab shu izohlar bilan savolini takrorlabdi:
-Men ularni so’rayamayabman, ro’za qarzing bormi? Shoir Hashmet bu savolni shunday javoblabdi:
-Pasham, ro’za qarzini Olloh so’rar, sizning so’raydigan qarz esa qul qarzidir.
-
Bir kishi Ramazon kuni turshak yeyayotgan ekan, buni ko’rgan boshqa bir kishi:
-Voh voh, Musulmon odam ro’zasini buzadimi hech?; debdi.
-Yo’q men ro’zaman, debdi. Lunjining shishganini ko’rib hayratga tushgan kishi;
-Bo’lmasa og’zingdagi nima?, deb so’rabdi. Ro’zasini buzgan odam esa:
-Turshak, debdi. İftorgacha yumshasin, deb og’zimda ushlab turibman, degan ekan:)
-
Bu yil İstambuldagi Esenler semtida dunyodagi eng uzun iftor dasturxoni tashkil etildi. Bu tadbirning shiori "Bir dasturxon ham sen yoz" bo'lib, xalq o'z kuchi va istagi bilan dasturxon ochibdi. Bu dasturxonning uzunligi esa 3 kilometr bo'libdi. Bu Ramazon barakati, Alloh din qardoshlarimizning iftorlarini qabul etsin insholloh.
Yana Esenlardagi Jome'lardan birida bugun peshin namozidan keyin xalqqa "Namoz o'qishni o'rganyabman" kitobi pulsiz tarqatilar ekan.
Alloh rozi bo'lsin.
-
TRT 1, Turkiyaning 1-Davlat kanalining saharlik dasturining bugungi mehmonlaridan biri, Quddusda yashaydigan O'zbek Shayhi Abdulaziz Buxoriy edilar. U kishi Quddusdagi O'zbeklar madaniyat markazidan ham bahsettilar. Muslulmonlar asosan Makka va Madinaga boradilar, Quddus esa unutildi, deb ko'zlariga yosh oldilar. Qachon Quddusga kelsangiz sizlarni mehmon qilishga tayyorman, deb o'zlarining mail adreslarini berdilar.
[email protected]
Biz ham u kishiga bir salom berib qo'ysak yaxshi bo'lardi, deb o'yladim.
-
Ayam gapirib bergandilar. Kichkinaliklarida holamlar bilan ro'za tutishar, keyin kun bo'yi saqich chaynab yurisharkan:) Ham qora saqich. Nima bo'lsa ham ichimizga ketmayabdiyuu, deyisharkan:)
-
Ozgina oldin iftor dasturida din ilmi ustozlaridan biri juda ma'noli gaplarni aytdilar:
"Ramazonda shaytonlar zanjirga bog'lanadi, lekin nima uchun biz insonlar haliyam gunoh qilyabmiz? Bizning nafslarimiz qiynoqqa solinadi, lekin nafsimiz bizdan tamoman olinmadi.
Futbol antranyori stadionga tushmasa ham futbolchilar to'pni tepishavergani kabi, shayton bo'lmasa ham bizning nafsimiz gunoh ishlashda davom etaveradi. Demakki avvalo shaytonni emas, o'z nafsimizni ablashimiz kerak ekan"...
-
Turkiyaning 7 ci kanalida Ramazoni Sharifning so'nggi kuniga oid iftor dasturi berilyabdi. Dastur mehmoni Finlandiyalik bo'lib yaqinlarda Musulmon bo'lgan bir qardoshimiz edi. O'ziga O'mer ismini tanlabdi. Kasbi Bokser ekan. Musulmon bo'lishiga sabab Musulmon hamkasbining unga hadiya etgan Qur'oni Karim bo'libdi. O'merdan bilgan suralarini o'qishlarini iltimos qildilar. Ollohim...Endigina Musulmon bo'lgan va Fin tilida gapirishiga qaramay Arab tilidagi suralarni shunaqangi chiryoli talaffuz bilan o'qidiki, etlarim jimirlab ketdi. Agar O'mer boshqa kasbda bo'lsa edi bunchalik hayron bo'lmasdim, chunki odatda sportsmenlar o'zlarining inonchlarida ko'p bahs etishmaydi. Bu ham bo'lsa Ollohning nasibi. Shu daqiqalarda unga ertagangi Bayram namozini qanday o'qishlarini o'rgatishyabdi.
Rabbim bu yilgi Ramazon oyi ichida qo'ldan kelguncha Ramazonga odi hotiralar bilan o'rtoqlashishni nasib etdi. Tilaymanki, keyingi yilga ham Yaratgan safimizdan kamaytirmasdan, yana ham ortgan holda, bu forumda bir-birimiz bilan halollashib , Ramazon hotiralarini yozishni nasib aylasin.
Assalamu-alaykum va barakatullahu...
-
Ramazon tugayapti.Ey Allohim O'zing ojiz bandangdan rozi bo'l...Kelasi yil Ramazon kirib kelishiga bundanda etiqodimizni kuchli holda,senga tinmay ibodat qiladiganlar qatoridan qilgin...
Ramazon oyini yoshligimda intiqlik bilan kutardim.Saxarlik qilib bo'lgandan keyin,oq shafaqni kuzatardim.Saxarlikdan keyin iymon lazzati yana ham totli tuyuladi.Iymon yana kuchayganini,shijoatini his qilardim.Xayrulla Hamidovning eshittirishlari saharlik qilib bo'lgandan keyin tugardi,keyin esa Allohni madh etuvchi qo'shiqlar berib borilardi.Uyimdagi Qur'on tafsirini ham ilk marotaba Ramazonda sotib olganman,uyga kelib eng birinchi Yusuf surasini o'qib ko'rganman.Bu men uchun katta baxt ato etgan.Har Hayit ayyomining birinchi kuni birodarlarim Guli va Siddiqa bilan uchrashamiz.Ko''p iymonlashamiz.InshaAlloh bundan keyin ham shunday ulug' kunlarda uchrashib,iymonlashishimiz bardavom bo'lsin..
-
Assalomu-alaykum. Mana vaqtni tez o'tishini qarangki oradan 1 yil o'tib yana "Marhabo yo Shahri Ramazon", deyish nasib bo'ldi. Rabbimizga hamdlar bo'lsin.
Bu yil yana Ramazonga oid xotiralaringizdan kutib qolamiz azizlar. : )
Barchangizga Hayirli Ramazonlar nasib bo'lsin...
-
Sog’inchli taroveh...
Orziqib kutilgan Ramazonning birinchi kechasi"¦Hamma sog’ingan taroveh namozini"¦Hufton namoziga azon aytildi. Jamoat farz namoziga saf tortdi. Takbir iqomatdan keyin imom farz namozini boshladi. 4 ra’katli farz namozi salom berish bilan tugadi, shu payt jamoat ichidan bir kishi kutilmaganda baland ovozda tasbeh aytishni boshlab qolsa bo'ladimi: - "œSubhana zil mulki val malakuut"¦"....
-
Qaynonam aytib berdilar:
"Bolaligimizda bizni saharlikka uyg'otishmasdi. Ertalab turiboq darrov oshxonaga qarab yugirardik. Nima yedinglar bizsiz, deb so'rardik : )Oshxonada tarvuz,olma po'choqlarini ko'rib yig'lmasirardik, bizga yo'qmiiii, deb:) Vaholanki tarvuz, olma bor, yesak bo'ladi, lekin saharlikda yeyilganda huddi mazasi boshqachaday tuyulardi...Nimaga bizni uyg'otmaysizlar, bizdan bir narsalarni yashiryabsizlar, deb hunob bo'lardik : ) Bolalik ekan-da, bizga Ro'za saharligi juda sehrli, mo'zizakor tuyulardi"...
-
Yoshligimda Tarovehdan Bo'lgan Voqea.
Bir Kun Unda Juda Ham Yosh edim Adashmasam 12 yoshlarda,masjitga tarovehga Chiqdim.Namoz Boshlandi,Yonimda Bir odam Aksi Urgandi Man BILmasdan Sog' bo'lin Deb Yubordim,Ie deb Og'zimni Qo'lim Bilan To'sganimi Bilaman,Unisi ham Hech narsa Emas Oldimda Turgan O'sha Odam Ham Rahmat Deb Qo'ysa Bo'ladimi..
-
Oyim etadila yoshliklarida kichkina ukalari va o'zlarni saharlikda turg'izishmasakan kichkinasan kasal bo'b qolasan dib,, osha paytlarda kunlaaa uzun ifotrlik 9 yarim-u 10lada bo'larmush ishqib kechasi bilan uxlmasakanla sahalika turaman dib.. iftorlik paytlarida hamma bir-birga narsa jo'natarmush agar ro'za tutmasala u narsalarni eshik-ma eshik hamma berib anchadan kiyin hamma iftorlikni qib bo'gandan kiyin kelarkanla oshanchun ro'za tutib huddi malikalarde dasturhonga ottirarkanlaa..
-
Assalomu aleykum. Menda ham Uzmuslim bilan bo'gan voqeaga o'xshash bir voqea bo'gandi. Tog'amni qizi bilan yoshimiz teng bo'lgani uchun birga 9 yoshimizda namoz o'qishni boshlaganmiz.Ayni ramazon paytlari edi o'shanda.Hullas bir kuni u bizikiga iftorlikka keldi. Asr namozini birga o'qimiz dedik. Ikkalamiz ham namozda yangimiz.. Namoz o'qiyotganda u ovozini chiqarib o'qirkan,men adashib kettim bir ikkita joylarda, keyin nima qilding deng, Sajdaga ketayotganda " menga halaqit beryapsan, sekin o'qi" dedim. Uyam menga " Hop" deb javob bergandi.Namoz o'qib bo'gandan keyin namozda gapirish mumkinmasligi esimizga tushib qogandi.Hozir shu voqea esimga tushsa biram kulgim keladi :D
-
:as:
Ilk marotaba ro'za tutganimda dunyoda eng totli ne'mat bu suv ekan deb o'ylagandim ,
suvni ichayotganda Rabbimning nechog'lik buyuk sanatiga qoyil qolishdan o'zga iloj yo'q edi,
Rabbimiz unga bo'lgan muhabbatimizni muzdek suvga tashnaligimizdanda suyukliroq qilsin .
-
Yoshligimizdan esliman uyda qari buvim borla...bir yili ko'zlarini operatsiya qilish kere deb qolishdi, 2 kundan ken Ramazon kiradi...xech esimdam chiqmiydi kechasi bilan bu yil Ramazonni ro'zasiz o'tkazamanmi yig'lab chiqqandila, jonlari sog' bo'sin...
-
Bu Yilgi Ramazondan Qolgan Eng YAxshi Hotiram BU Laylatur Qadr Kechasini Jamo'at Bo'lib,Kechdan To sahargacha Toat Ibodatda O'tkazdik...
-
Hali judayam yosh bo'lgan vaqtimda dadam ro'za tutishlik qanday yahshi narsa, bu hudoning bandalariga qilgan amri ekanligini menga tushuntirib birinchi marta ro'za tutkizgandilar. O'sha paytlarda hali kichkina bo'lsam ham dadajonim aytgan gaplarni eslab, ro'zani rosa fahrlanib tutgandim. Buning uchun hozir padari buzrikvorimga mingdan ming rahmatlar aytaman.
-
Bu yilgi Ramazonning ohirgi kuni. Iftorlikka palovxon to'ra pishiryapman. Zirvagi qaynayotganda o'zi tuzi yaxshi chiqibtimikan deb biroz ta'tib ko'rdim, sal kamroq ekan yana biroz tuz qo'shib yana yeb ko'rdim shundayam esimga kelmabdi ro'zadorligim. Keyin osh bilan birga yeyish uchun salat tayyorlayapganda sekin esimga tushishni boshladi. Boya osh yedimmi? diyman o'zimga o'zim.Esimga tushgandan keyin ancha shubhaga borib yurdim ro'za ochildimikan yo yo'qmi deb. Onam yo'q bilmasdan, esidan chiqib yeb qo'ysa ro'za ochilmidi deganlaridan keyin sal hotirjam bo'ldim.
-
Qadr kechasidegi xotiralarni yoshgina bolakaydan eshitdim, ko'zlarida yosh bilan aytib berayapti, ibodatimiz qoq o'rtasida kelganda duoga qo'l ochildi, imom xazratlari shunday va'z qildiki jamoat xo'ngrab yig'layapti, birorta odamni topa olmaysizki yig'lamayotgan busa, chiroq yog'dusida otaxonlarning soqollarini yuvib tushayotgan ko'z yoshlari tovlanib ko'rinayapti, oxiri imom xam piqqilllab yig'lab yubordi...bundanda chiroyli manzara bumasa kere...
-
Ассалому алайкум ва раҳматуллоҳ!
Ашлигимда ота-онамга саҳарлик тайёрлашга ёрдам берардим. Анғоқ, майиз, чой-пой... Хотирамда қолгани, ҳозиргача ссласам бошқача хис пайдо қиладигани бу - саҳардаги ажойиб исломий фильмлар. Ўша пайтларни жуда соғинаман.
Яқинда А амазон ойида намойиш стилган фильмлар ёзилган диск қслимга тушиб қолди. Маза қилиб тамоша қилган.
Дискда «Данислик келин», «Ҳасан Басрий», «Бизни кечиринг», «Фузайл», «Ҳасад», «Замин фарзанди», «Бишри Ҳофий хазратлари» каби видеофильмлар бор скан.
-
Bundan 2-3 yilcha oldin
Akam qurulish qilgandi, devorlarini ko'tarib bo'lganidan keyin tomni loysuvoq (lomboz deyiladimi) qiulinadigan vaqt keldi. O'zi ustalar ertaroq ishni tugatishi va sentyabir (ro'za oyi edi) kirmasidan tomni loysuvoq qilishga tushishga kelishgandik
Bilsalariz bu ish ko'pchilik mehnatini talab qiladi. Sentyabir ham keldi, vadaga vafo deb tomni loysuvoq qilishimizga to'g'ri keldi.
Akam, men va ikkita hasharchi ro'zamiz, ustalar esa ro'za tutishmagan, kun juda isib ketdi, Kechgacha arang 11-21 metrli hududni loysuvoq qilib chiqdik. Rosa qiyin bo'ldi, tep[adan quyosh qizdiradi, uni ustiga paqirda loyni tomga olib chiqish...
Hammaiz tezroq iftorlik vaqti bolishini kutib turardik, Dasturhon atrofiga yig'ilganimizda hama qo'liga muzdek minirlakani ushlab olgan, og'iz ochish bilan ichamiz deb :)
Ozon ham aytildi, ogizni ham ochdik, ammo
bundan 5 minut oldingi chanqoq, och qolishlikdan asar ha yo'q edi, tushlik vatida shayton ming hil hayolar bilan ro'zani buzishga undagandi, qorini och qoldirgandi, eng yomoni issiq vaqtda rosa susatgandi, endi esa...
Endi go'yo hech narsa bo'lmaganday, hech qanaqa chanqash och qolish bo'lmaganday o'tirgandik, vaholangki ogizni ochish uchun bor yo'g'ri 2-3 dona mayiz yedik halos
Shayton o'ta aqili fitnachi ekanligiga shunda yana bir bor amin bo'ldim, Kishini extiyojidan kelib chiqib qanday hujum qilishni juda yaxhsi biladi.
Alloh o'sha kungi va jamiiyki ro'zalarimizni kamchilik va nuqsonlarini kechirib to'g'rilar qatorida qabul qilgan bo'lsin
-
40 kundan keyin bu mavzuda postlaringizni kutamiz : )
-
Men 40 kunni kutmay yozvorordim. Bog'chaga borardim 1-marta ro'za tutishni boshlaganimda. Tupukni yutib yuborsa ro'za ochiladi deb kun bo'yi tupurib yurganim esimda, tushlik ham qilmaganim ham esimda...
-
Aqoid boshlavoribdi biz ham yozoramizda endi.
Har yili romozonda biz dostlar bilan goh Qoqon,goh Andijon ,Asakayu Shahrihon,Marg'ilonu Chimyonga safar qilib hatmlarda bòlamiz. Bazida 3 kunlab uyqusiz qolib ketamiz.ancha ulamolarni duolarini olish nasib qilgan.Döstlar ham bisyor.Hehhe tariflash qiyin buni rohatini.
-
Bu yil meni ham qo'shvolaslar endi aka.
-
Bu yil meni ham qo'shvolaslar endi aka.
Insha Alloh.
-
Juda kichkinalik paytim, manam ro'za tutaman dib saharda uyg'onib olardim..
Hamma qatori saharlik qilardim..
Keyin tushlik paytida onajonim chaqirib, kichkina bolalar tushlikda "kichkina iftorlik" qilib oladi deb ovqatlantirib qo'yardilar. Ovqatlanib olgach yana og'zimni yopib yurvurardim, manam ro'za tutvomman dib xursaand bo'lib.. :)
Yana bir kun ko'p yong'o tozalash kere bo'gande, ro'zaligim esimda yo' , yong'oqni yeeb tozalab o'tirsam, opam kelib:
- Iye, ro'zamasmisan?
disala, voy dib og'zimni ushlab qobmande..
Shunda onajonim, "Alloh bir mehmon qilibdi-da qizim" degandilar.. :-)
ehh o'sha damlar... ))
-
7-8 sinfda oqib yurgan paytlarim rozani yakshanba kuni tutmasidim :),chunki bu kuni dam olish maktabga borilmidi,uyda vaqt otish qiyin bopketardi..
adamla bir kun bilib qoldilade jaxllari chiqdi,yakshanba kuniyam roza tuta boshlagamman :)
-
ukam kichkina bola edi,biza bn roza tutvolip obedda sekin ovqatlanvolardi..hamamiz kulardu uydegla ;)
-
birinchi sinfligim elas elas esimda, saharlikka turomasdan uyqusirab bir nimalar deb gapirib o'tirardim
-
Maniyam Saharlika turg'izishmasdi..
Bir ko'zim ochiq uxlardim.. Ozgina shovqin bo'lishi bilan turib, yuzimi yuvlardim..
uydagilar... ufff yana turdi diyishardi..
-Saharlik qib narsa yeb tursam, esimda oyim qaytama-qayta etardilar... qizim hozir yevogin ertalab turib yana ye-de kiyin ro'za tutvur..Kasal bob qolasan, dirdila..
-Saharlikni qilib uxlab, ertalab tursam, yana qornim ochib, oyim etganlari-dey, yana saharlik qilib ana undan kiyin ro'za turardim..
FIkrimcha, bola qancha yosh ro'za tutishni o'rgansa, shuncha tez to'liq tutadi.. Oldin ro'za tutmagan bola, 14 yoshdan 30 kun tutish amri maholdur.
-
Bizni mavzuyam "yetim" bo'lib qolmasin, yo'qlab turinglar yaxshilar : )
-
Утган йилги А амазон ссимда колди.
Мен учун скин булган инсонимга "Бу балки сен учун сунги А амазондир" деган маколани жунатган сддим, шунчаки узим укиб ёктирганим учун унга хам илингандим. Шундан куп утмай унинг огир касал сканлиги хакида хабар олвудим. Хатто бир дусти хазиллашиб комада ётибди, хушини билмайди деб куркитганди. Куп дуо килардим ва йиглардим тузалиб кетиши учун Аллохга ёлвориб.
Согайганида жунатган маколангизни олдин хам укиган сдим, аммо бу сафар бошкача таъсир килди деди. айнан шу маколани жунатганим учун жуда хижолатда сдим. Кунглини кутариш учун бир суз тополмагандим ушанда...
Бугун СубханАллох бутунлай тузалмаган булса хам, бу йил А амазонга етказди Аллох уни хам сизларнинг каторингизда.
Аллохга хамдлар булсин беадад.
-
1 yo 2-sinfda o'qirdim. Iftorlikdan keyin og'zimni yopvolardim. Saharlikda og'zimni ochib, ovqatlanib yana yopardim. Lekin to'liq tutardim ro'zani.
-
"Ramazon aytib keldik eshigingizga......." deb kelgan bolachalardan "jiddiy tarzda" - oxirigacha ayttirib keyin pul berdik!
Bechoralar noto'g'ri aytmayapmikanmiz deb rossa mo'ltirashdi ;)
-
1 yo 2-sinfda o'qirdim. Iftorlikdan keyin og'zimni yopvolardim. Saharlikda og'zimni ochib, ovqatlanib yana yopardim. Lekin to'liq tutardim ro'zani.
10-11 yoshlarimda ilk ramazon tutish uchun tayyorlanayotgandik, ayam qonun qoidalarni tushuntirar ekanlar, aygan gapimni haliyam eslab, kulgim keladi:
"Voy aya kechasi bilan yesak bo'laveradimi, unda zo'r ekan-u" ;D
-
Bu yil iftorlardan biriga yana qaynonamlarni chaqiradigan bo'ldik, Ramazonni ohirgi kunlari edi. Ho'jayinim ovqat qilaverib chachading, sen qiymasini tayyorla, men tandirga olib borib pide (qiymli non, desak ham bo'ladi), qildirib kelaman, dedilar. Men ham "siz bilasiz," deb ichini tayyorladim pideni. Sho'rva pishirdim faqat, undan tashqari qovun, tarvuz so'ydim. Ho'jayinim iftorga 10 daqiqa qolganda telefon qilib qoldilar: Men uyga kelyabman, pide navbati yetmadi bizga, uyda nima bo'lsa shuni yeymiz, deb:(
Voy, dedim xazilmi bu? Ho'jayinimni ovozlaridan jiddiy ekanligini sezdim, jahllari chiqib turgandi:(
Tandirdagilar yetkazib beramiz, deb va'da berib, keyin kechirim so'rashibdi.
Qaynonamlar kelishdi, men darrov u bu narsa pishiray, desam ham yo'q, deyishdi, sho'rva yetadi. Zotan ular kelgandan 5 daqiqa keyin azon o'qildi. Xullas o'sha kuni faqat sho'rva ichdik, qovun tarvuz bilan non yedik:)
Nasib emas ekan-da:) ertasi kuni esa qiymadan duxovkada juda zo'r taom pishirdim internettan qarab. Ertasi kuniyam qaynonamlarni chaqirdik, bir kun oldin rejalashtirgan pidemizni taom qilib yedik, alhamdulillah.
Yaxshiyam mehmonlar begona emasdi ;D
-
:asl3:
Adashmasam 2sinfda edim shekilli,
U davrlarda Ramazon rosa yoz fasliga to'gri kelgan,kunlar ha hozirgidan anchayn uzoq edi shekilli,,
zamonni ta'siridanmi ko'pchilik yoshi kattalar ham ro'za tutishmas edi,
biz ham uydagilarga qiziqib saharlikka turardik,asr vaqitiga zo'o'rg'a chidab keyin qorong'u uyni burchagiga borib,sochiqcha solib "iftor" qilvolardik : )
Bir kuni Qishloqqa qarindoshimizikiga mehmonga bordik,man yozgi kanikulligichun 1 kunga u yerda qoladigan bo'ldim,
Yoshligimdan qishloqni yahshi ko’raman ,havosi juda yoqimlik soylarni aytmaysizmi,yalpizlarni gapirmasa ham bo’ladi,
Man uydagilarga qiziqib ro’za tutgan edim
oh issiqkii o'sha kuni chidab bo'lmas darajada edi,
mani ro'za tutganimni eshitgan qarindoshimiz "vahimaga" tushdilar " ee shugina qizchagayam ro'za tuttirishadimi" deb
man bo’lsam tinmay noliyman "œ uymizga ketaman ,sizlar tomon yomonakaan ,muncha issiiiq" deb
(oilada 8chi farzand bo'lib,ozgina erkalikmi, injiqlikmi ishqilib "serharhasha" qizcha ekanman,aytishlaricha :13 )
keyin qo’shnilar ham bilib qolishib "œrahmilari keldi"
kamiga qo'shni qishloqqa bir ish bn piyoda borib keladigan bo'ldik qarindosh opalar bn,
yo’l bo’yi suv uchrasa yugiirib borib og’zimni chayaman,ular bo’lsa "œsekiin suvdan ichib oling biz sizni o’rab to’sib turamiz , hech kim ko’rmaydi" deyishadi,va ko’ylaklari bn yelpib navbat bn manga qarashardi,(shunqangi zaril ekan mani ro'za tutishim ularga ;)) man bo’lsam tushinibmi tushinmaymi ishqilib suvdan ichmasdim
shunaqa qilib asrga yaqinlashyapti iftorlikka 3 soatcha bor ,
yana boshladim "œDasturhon somaylizlarmiii"
hali asr ham bo’lmay dasturhonlar solinib kaatta katta piyolalarga sovuq choylarni to’ldirib ro’paramga qo’yishgan "œshular hammasi sizga "œ
sovuq muzdek choylarni ko’rib endi battardan
Oh-Voh qilib u yoqqa tashlab bu yoqqa tashlab o’zimni aldayapman ,
Bir uy odam man bn ovora :D
Eng qizig’i hamma bir bo’lib ro’zangizni ochavering yosh bolaga bo’laveradi deyishsa ham ochmaganman,
hozirgacha eslab aytib yurishadi
Shunaqa qilib o’sha kuni to’liq "œRo’za tutganman" ;D
-
Kichkinaligimda kattalr ro'za tutamiz deyishsa meniyam uyg'otinglar dedim
ro'zani tovuqqa o'xshagan biror parranda deb hayol qilib saharlikda turib tomga chiqib "ro'za"ni tutaman deb rosa qidirganman bundan bexabar kattal allaqachon saharlik qilib ro'za tutib bo'lishgan ekan
-
Ramazonda ro'za aytish hech nasib qilmagan qanchalik xoxlamey dadam ruxsat bermasdi. Hamma o'rtoqlarim chiqib ketar men esa xafa bo'lib o'tirardim
-
a.a.
ohirgi 10 kunliklar keldi.
ohirgi 10 kunlikning to'q kunlariyam keldi.
bugun 21- kecha.
To'q kechalar: 21 23 25 27 29
-
bolaligimda, maktabda boshlang'ich sinfda öqib yurgan paytim maktabdan kelib har xil bahonalar bn rözamni ochib yuborishga harakat qilardim. Qizig'i, ochib yuborishdan oldin taqvimga qarab duo öqirdimda keyin ochardim :P
-
Bu yilgi ramazon nechchi kunli bo'votti? bilgalla bosa etila.
28 mi 31 mi yo .....