forum.ziyouz.com

Umumiy bo'lim => Islom => Islomiy kitoblar => Mavzu boshlandi: ЖАМШИДЖОН 15 Dekabr 2009, 08:35:44

Nom: Imom Sha’roniy. Payg'ambarimizning (s.a.v) hazrati Aliga (r.a.) nasihatlari
Yuborildi: ЖАМШИДЖОН 15 Dekabr 2009, 08:35:44
Imom Sha’roniy

PAYG’AMBARIMIZNING
(S.A.V.) HAZRATI ALIGA
(R.A.) NASIHATLARI

(matn va izoh)

Tarjimon va nashrga tayyorlovchilar:
Abdulloh Murod TILAV,
Olimjon RAHIMJON o‘g‘li

Toshkent
«Movarounnahr»
2005

Mas’ul muharrir: Shuhrat ISMOILOV
Taqrizchi: Anvar TURSUN
Musannif: Ibrohim JUJUK
Muhammad Sharif JUMANning umumiy tahriri ostida
Muharrir: Bahodir NURMUHAMMAD

O’zbekiston Respublikasi Vazirlar Mahkamasi huzuridagi Din ishlari bo‘yicha qumitaning 2005 yil, 29 avgust, 772-raqamli ruxsati bilan chop etildi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:37:18
Bismillahir rohmanir rohim

Alloh subhanahu va taologa hamdu sano bo‘lsin. U hamma narsani Kitobida bayon qildi, kalomi sharifining barcha asrorlarini Rasuliga bildirdi va bizga yo‘l ko‘rsatuvchi etdi. Hazrati Muhammadga sollallohu alayhi vasallam, ul janobning hidoyat yulduzlari deb vasflangan, oli ashoblariga salotu salom bo‘lsin.
Ushbu kitob Imom Sha’roniyning "Al-minahus-saniyya alal vasiyyatil matbuliyya» nomli kitobining hoshiyasidagi "Vasiyyatul Mustofa sollallohu alayhi vasallama lil Imomi Aliyyin karramallohu vajha" nomli risolaning tarjimasidir. Mazmun mohiyatidan kelib chiqqan holda kitobni "Hazrati Payg‘ambarimizning (sollallohu alayhi vasallam) Hazrati Aliga (roziyallohu anhu) tavsiyalari" deya nomladik.
Bu kitobni azizimiz, muhtaram ustozimiz (Taqriz muallifi nazarda tutilmoqda. — Tarj.) bizga ba’zan o‘qib, izohlab berardilar. Bu ma’rifiy darslar hammamizga shu qadar xush yoqardiki, ustozimiz huzurlarida, barcha do‘stlarimiz foydalanishlari uchun mazkur asarning tarjimasini amalga oshirish so‘raldi. Ustozimizning amri, tasdig‘i, yordam va duolari ila ushbu tarjima vujudga keldi. Kitobning o‘quvchiga tushunilishi oson bulishi, hamda ilmiy asoslari haqida to‘laroq tasavvur yuzaga kelishini nazarda tutib, hadislarning manbalarini ko‘rsatdik va mo‘‘tabar sharhlardan iqtiboslar keltirdik.
Bu tavsiyalarni o‘qiganda, aslida bu tavsiyalar bizga qilinganini bilmog‘imiz va mumkin qadar amal etmog‘imiz lozim.
Tarjimadagi qusur va kamchiliklar ojizligimizdan. Islohimizni so‘rab duo kilishingizni umid etamiz.
Alloh taolo xayrli ishlarga bizlarni muvaffaq aylasin. Omiyn.

Ibrohim Jujuk.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:37:51
TAQRIZ

Rahmon va Rahim Alloh nomi bilan. Hamdu sano olamlarning Rabbi Allohga xosdir. Salotu salom sayyidimiz, sarvarimiz, iftixori olamiyon - Payg‘ambarimiz Muhammadga (sollallohu alayhi vasallam) va Ul zotning oli ashobiga bo‘lsin.
Imom Sha’roniy rahmatullohi alayh tomonidan jam etilgan "Hazrati Payg‘ambarimizning (sollallohu alayhi vasallam) Hazrati Aliga (roziyallohu anhu) tavsiyalari" nomli asarning tarjima etilishi juda muhim ish, shuningdek, har musulmon foydalana olishi mumkin bo‘lgan bir xazinadir.
Ushbu ma’rifiy darslar ma’naviy kamolot safariga otlangan har yo‘lovchi uchun sodiq hamroh bo‘lajakdir.
Bunday foydali va qimmatli asarlarni tafakkur qilib, diqqat-e’tibor bilan o‘qib-o‘rganib, ularga imkon qadar amal qilish har birimizning saodatimiz uchun lozim deb o‘ylayman.
Men avvalo o‘zimga. so‘nfa esa barcha musulmon qardoshlarimga bu go‘zal asarni diqqat bilan o‘qib shu xazinadan istifoda etishlarini tilayman.
Ushbu asar tarjimasi uchun mehnati singgan har kimdan Alloh taolo rozi bo‘lsin va o‘z inoyati, lutf va rahmatiga ularni noil qilsin. Omin.
Buyuk ilohimiz, rabbimiz hashrimizni solih bandalari bilan birga qilsin. Omiyn. Valhamdulillahi robbil a’lamiyn.

Al-Miskin Umar Foruq Saydo al-Jazariy
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:38:12
BIRINCHI QISM
ASOSIY MATN

Hazrati Ali roziyallohu anhu aytadilarki: "Rasululloh (s.a.v.) meni chaqirdilar. U zot bilan uylarida yolg‘iz qoldim. Menga bunday dedilar:
- Ey Ali! Muso alayhissalomning ukasi Horun alayhissalom unga qanday maqomda bo‘lsa, sen ham menga xuddi shunday maqomdasan. Mendan so‘ng biror payg‘ambar kelmaydi. Bugun senga bir qancha tavsiyalar beraman. Ularga amal qil, huzur-halovatda yashaysan, (hukman) shahid bo‘lasan1. Qiyomat kuni Alloh jalla jalaluhu seni faqih2, olim qilib tiriltiradi.
Kim halol narsalarni yesa3, dini komil bo‘ladi, qalbi yumshaydi, duosining qabuliga hech qanday to‘siq qolmaydi.
Kim shubhali narsalarni yesa, dnni zaif bo‘ladi, qalbi qorayadi. Kim harom yesa4, qalbi o‘ladi, aqidasi zaif bo‘ladi, Alloh taolo uning duosini qabul qilmaydi, ibodati ham kamayadi.
Harom yo‘llar bilan mol to‘plagan Alloh taoloning g‘azabiga yo‘liqadi. Alloh u kimsaga buzuq amallarini chiroyli ko‘rsatadigan5, boyligi tufayli dinini unuttiradigan, dunyo ishlarini yengil hisoblatadigan, fosiq amallar qilganida "Alloh G’ofur6 va Rohiym-ku" deguvchi bir shaytonni hamroh7 qilib qo‘yadi.
Ey Ali! Haromni qo‘lga kiritish, harom mol topish uchun yo‘lga chiqqan har qanday odamga albatta shayton ergashib oladi. Harom mol to‘plagan odam molidan shayton yeydi. Jimo paytida Allohning nomini unutg‘an har qanday kimsaning bolasida shaytonning hissasi bo‘ladi. Ushbu oyat bunga ishoradir: "(Alloh) aytdi: "Bor, (senga qiyomatgacha umr berdim). Bas, ulardan kim senga ergashsa, u holda, shak-shubhasiz, jahannam sizlarga yetarli jazo bo‘lur! Ulardan kuching yetgan kimsani ovozing bilan qo‘zg‘at, ularning ustiga otliq va piyoda (lashkaringni) tort, topgan mol-davlat va bola-chaqalarida ularga sherik bo‘l (ya’ni ularni haromdan mol-davlat va bola-chaqa orttirishga unda), ularga (yolg‘on) va’dalar qil". Darhaqiqat, shayton ularga faqat aldov-yolg‘on narsalarnigana va’da qilur" (Al-isro, 63-64-oyat)8.
Alloh taolo tahoratsiz (o‘qilgan) namozni va harom moldan berilgan sadaqani qabul qilmaydi9.
Mo‘min harom yemasa, dinida sobit bo‘ladi10. Kim olimlardan ayrilsa, qalbi o‘ladi, Allohga iyuatdan adashadi11.
Kim Qur’oni karimni o‘qib, unda bayon etilgan halolni halol, haromni harom demasa (yoxud ularni tasdiqlab amalda rioyat etmasa), Allohning kitobini tark etgan bo‘ladi12.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:39:13
TAHORAT VA NAMOZ

Rasululloh sollallohu alayhi vasallam marhamat qildilar:
- Ey Ali! Tahoratni mukammal qil. Chunki tahorat iymonning yarmidir13. Tahorat olishda (suvni) isrof qilma14! Oyoqlaringni yuvib, tahoratni tugatganingdan so‘ng "Inna anzalnahu fiy laylatil qadr"ni (Qadr surasini) o‘n marta o‘qi, Alloh seni qiyinchiliklardan qutqaradi15.
Farishtalar tahorat bilan yurgan insonlar ning gunohlarini kechirishini so‘rashadi16.
Kim juma kuni g‘usl qilsa, Allohuning o‘tgan jumadan keyingi gunohaarini (agar katga gunohlar qilmagan bo‘lsa) kechiradi17.
Tishlaringni misvok bilan tozala! Misvokda din va badan uchun yigirma to‘rtta foyda bor19.
Namozlarni vaqtida o‘qi. Namoz fazilatlarning boshi va ibodatlarning cho‘qqisidir20.
Insonlarga xos xislat tufayli Jabroil alayhissalom Odam farzandi bo‘lishni orzu qilgan. Ul yetti xislat quyidagilardir:
1. Jamoat bilan besh vaqt namoz o‘qish20.
2. Olimlar majlisida bo‘lish21.
3. Bemorni ziyorat qilish22.
4. Janozada hozir bo‘lish, janoza namozini o‘qish va mayyitni dafn etish23.
5. Suv ichirish24.
6. Ikki kishini yarashtirish25.
7. Qo‘shni va yetimni hurmatlash26.
Sen ham ana shu amallarni bajarishga g‘ayrat qil.
Qo‘yni sog‘ishga ketadigan vaqt bo‘lsa ham, tahajjud namozini o‘qi27! Tahajjud namozini o‘qigan kishining yuzi eng go‘zal yuzdir28.
Bomdod namozini tong yorishganda o‘qi29. Shom namozini quyosh botgandan so‘ng o‘qi30. Bu payg‘ambarlarning sunnatlaridandir.
Namozni jamoat bilan o‘qishga harakat qil31. Bu Alloh nazdida Haj va Umra ibodati bilan tengdir32. Namozni jamoat bilan o‘qishga faqat Alloh sevgan mo‘min kishi intiladi. Jamoat namozidan faqat Alloh g‘azab qilgan munofiqqina qochadi33.
Choshgoh (zuho) namozini safarda bo‘lsang ham, muqim bo‘lsang ham o‘qi34. Qiyomat kuni bunday nido qilinadi: "Choshgoh (zuho) namozini o‘qiganlar qaerdasiz, jannatga zuho eshigidan amniyat (eson-omon) va salomat-la kiring"35. Alloh taolo barcha payg‘ambarlariga istisnosiz, zuho namozini buyurgandir36.
Ey Ali! Uch narsa mo‘minga qilingan ikromdir:
1. Soliha ayol.
2. Jamoat bilan o‘qilgan namoz.
3. Uni yaxshi ko‘ruvchi qo‘shnilar37.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:39:29
RO’ZA

Rasululloh solallohu alayhi vasallam bunday dedilar:
- Ey Ali! Kim Ramazon ro‘zasini haromdan va birovga tuhmat qilishdan saqlanib tutsa, Alloh undan rozi bo‘ladi, jannatni unga vojib qiladi38.
Ey Ali! Kim Ramazon ro‘zasidan keyin Shavvol oyida olti kun ro‘za tutsa, Alloh taolo unga yil bo‘yi ro‘za tutganlik savobini beradi39.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:40:23
SADAQA

Rasululloh sollallohu alayhi vasallam bunday dedilar:
- Ey Ali! Alloh taoloning valiy qullari uning rahmati va rizvoniga faqat badan bilan ibodat qilganlari uchun erishganlari yo‘q. Balki ilohiy rahmat va rizvonga saxiylik va dunyoga rag‘batsizlik bilan yetishdilar40.
Saxiy Alloh taologa, Uning rahmatiga yaqin, azobidan uzoq kishidir. Xasis Alloh taolodan, Uning rahmatidan uzoq, azobiga yaqin kishidir41.
Jannat eshigi ustida quyidagi yozuvni ko‘rdim: "Sen xasisga, ota-onasiga oq bo‘lgang‘a va gap tashuvchi kimsaga harom qilinding"42.
Alloh taolo jannatni yaratgach, jannat so‘radi:
- Meni nega yaratding? Alloh aytdi:
- Seni saxiy va muttaqiylar uchun yaratdim.
- Rozi bo‘ldim, - dedi jannat43. Jahannam so‘radi:
- Meni nega yaratding? Alloh taolo aytdi:
- Xasis va kibrlilar uchun yaratdim. Jahannam dedi:
- Ularning hisobini qilaman44. Nafsining xohishiga qarshi bo‘lganning joyi jannatdir. Nafs xohishiga itoat qilganning joyi jahannamdir45.
Saxiyning qarg‘ishiga uchrama! Saxiyning oyog‘i toysa, Alloh taolo uni to‘g‘rilaydi .
Musulmonga ochiq ko‘ngil bilan taom bergan kishiga, Alloh taolo ming-ming savob yozadi, ming-ming gunohini o‘chiradi va darajasini ming barobar ko‘taradi47.
O’zingga yaxshi ko‘rganingni (ravo ko‘rganingni) birodaring uchun ham yaxshi ko‘r (ravo ko‘r)48.
Yaxshilikni chehrasi ochiq kishilardan izla49. Mehmonga izzat-ikrom ko‘rsat. Mehmon o‘z rizqi bilan birga keladi va xonadon ahlining gunohlarini olib ketadi50.
Rahmat Farishtalari but va sanamlar bor uylarga51, ota-onasiga oq bo‘lgan kimsalar bor joyga52 va hech mehmon kelmaydigan xonadonlarga kirmaydilar53.
Safalachi bo‘lsa hamki, yaxshilikni buyur54-55.
- Safala kim, ey Allohning rasuli? — deya so‘radilar Hazrati Ali roziyallohu anhu.
Rasuli Akram (s.a.v.) aytdilar:
- Va’z qilib, unga o‘zi amal etmagan, ogohlantirib, o‘zi saqlanmagan, o‘z gapirganlariga, unga gapirganga ham parvo qilmagan kimsadir56.
Yashirin berilgan sadaqa Rabbingning g‘azabini so‘ndiradi57, baraka va mo‘l rizq boisi bo‘ladi58. Sadaqani erta tongda ber. Baloni yerga tushmay qaytaradi59.
Sadaqani mulkning eng yaxshi narsalaridan ber60.
Haloldan qilingan bir luqma sadaqa haromdan qilingan ming misqol sadaqadan Allohga sevimlidir61.
O’lmasdan oldin bergan bir misqol sadaqang o‘lganingdan keyin beriladigan ming misqol sadaqangdan afzal62. Alloh taolo bunday marhamat qiladi: "(Ey Makka kofirlari), darhaqiqat biz sizlarni yaqin(da voqe bo‘ladigan) azobdan ogohlantirdik. U KUNda (har bir) kishi o‘zi qilib o‘tgan narsani (ya’ni barcha yaxshi-yomon amallarini) ko‘rur"¦" (Naba’ surasi, 40-oyat)63.
O’lganlaringga sadaqa savobini hadya qil64. Alloh taolo tiriklarning sadaqalari savobini o‘liklarga yetkazuvchi farishtalar tayin qilgan. O’liklar sadaqadan dunyoda sevinganlaridan ziyoda sevinadilar65 va bunday deb duo qiladilar: "Allohummag‘fir liman navvara qabrana va bashshirhu bil jannati kama bashshara nabiyyuna"66.
Ey Ali! Allohga xolis amal qil67, Alloh jalla jalaluhu faqat O’ziga xolis qilingan amalni qabul etadi68. Alloh taolo aytadiki: "Bas kim Parvardigoriga ro‘baro‘ kelishidan umidvor bo‘lsa, u holda yaxshi amal qilsin. Va Parvardigoriga bandalikda biron kimsani (unga) sherik qilmasin! (ya’ni barcha amallarini adg‘kz Alloh uchun qilsin)" (Qahf, 110-oyat) 69.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:41:17
QUR’ON, DUO70, ISTIG’FOR VA BOSHQA ZIKRLAR

Rasululloh sollallohu alayhi vasallam bunday dedilar:
- Ey Ali! Azon va takbir orasida duo qil, chunki bu duo qaytarilmaydi71.
Duo qilayotganingda qo‘llaringni ko‘kraging barobarida och72. Qo‘llaringni boshing ustiga (boshingdan yuqoriga - tarj.) ko‘tarma. Duo qilayotganingda o‘ng qo‘lingning ishora barmog‘iga qarab duo qil73.
Boshqa birovlar namoz o‘qiyotganida ovoz chiqarib qiroat qilma. Bunday qilish ularning namozlariga xalaqit beradi74.
Alloh taoloni tong otmasdan, quyosh chiqmasdan va quyosh botmasdan oldin eslagan kishini Alloh otash bilan azoblashdan hayo qiladi75.
Bomdod namozini ado qilganingdan so‘ng, quyosh chiqqunga qadar o‘tir. Alloh jalla jalaluhu bir Haj va Umra yoki bir qul ozod etish yoxud Alloh yo‘lida bir dinor sadaqa qilish savobini beradi76.
Har kun yigirma besh marta "astag‘firullohal aziym liy va livaliddayya va lijamiy’il - muslimiyna val-muslimat, val muminina val mu’minati, al-ahyai minhum val amvoti" degan kishini, Alloh taolo do‘stlari qatoriga yozadi77.
Har kuni: «La ilaha illalloh qobla kulli ahad, La ilaha illalloh ba’da kulli ahad, La ilaha illalloh yabqo robbuna va yafna kullu ahad»78 degan kishi uchun samodagi har bir malak mag‘firat so‘raydi79.
Quyosh chiqmasdan va quyosh botmasdan oldin yuz marta takbir (Allohu akbar) aytgan kishiga, Alloh yuz obidning va Alloh yo‘lida mujohada etgan kishi savobini beradi80. Va menga har kuni va har kecha yuz marta salovat aytganga shafoatim vojib bo‘ladi81. Ko‘p istig‘for aytish tavba qilganlar uchun qal’adir82.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:41:35
SIDQ VA SADOQAT

Rasululloh solallohu alayhi vasallam aytdilar:
- Ey Ali! To‘g‘ri bo‘l, to‘g‘rilik dunyoda zarar bersa ham, oxiratda foyda beradi. Yolg‘on gapirma, dunyoda foyda bersa ham, oxiratda zarardir83.
Ko‘p gunoh qilish qadr-qiymatni ketkazadi84.
Rostgo‘y bo‘l85, rostgo‘ylikni asra,86 omonatga xiyonat qilma87, saxiy bo‘l88, halol va iffatli bo‘l89.
Do‘stlikka rioya qilmay90, siringni fosh etuvchi91 do‘st eng yomon kimsadir!
Ming do‘st ham oz, bir dushman ham ko‘pdir92.
Sadoqatli do‘stning alomatlari quyidagilardir: molini, nafsini va sharafini sening moling, nafsing va sharafing o‘rniga qo‘yadi93.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:41:48
TAVBA94

Rasululloh sollallohu alayhi vasallam marhamat qildilar:
- Ey Ali! Kishi halqumini haromdan saqlamaguncha va halol kasb qilmaguncha tavbasi qabul bo‘lmaydi95.
Olim muttaqiy bo‘lmasa, uning kishilarga va’zu nasihati tuyaqush tuxumi va qoyadagi tomchi kabi (foydasiz) bo‘ladi96.
Mo‘min qirq kun olimlar majlisida bo‘lmasa, katta gunohlar qila boshlaydi97. Chunki ilm qalbning hayotidir98.
Ey Ali! Alloh taolo o‘g‘ri boyni va fosiq olimni albatta azoblaydi99.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:42:04
TILNI ASRASH

Rasululloh sollallohu alayhi vasallam marhamat qildilar:
- Ey Ali! Hech kimni kamchiligi tufayli ayblama! Zero, suyaksiz go‘sht bo‘lmas100. G’iybatning kafforati g‘iybat qilingandan rozilik olish yoki uning uchun Allohdan pinhona mag‘firat so‘rashdir101.
Alloh jalla jalaluhu inson jismida tildan kesxir narsa yaratmadi. Kishi tili orqasidan jannatga yoki jahannamga kiradi. Tilingni tiy! Til (yomonlik borasida) qopag‘on bir it (kabi)dir102.
Hech bir musulmonni va hayvonni la’natlama (agar ular la’natga loyiq bo‘lmasa) la’nat o‘zingga qaytadi103.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:44:55
HAYO

Rasululloh sollallohu alayhi vasallam aytdilar:
- Ey Ali! Dinning hammasi hayodir. Hayo boshni va undagilarni, qorinni va ichidagilarni (gunoh qilishdan) asrashdir104.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:45:15
VARO

Rasululloh sollallohu alayhi vasallam bunday dedilar:
- Ey Ali! Allohdan qo‘rqmaganning dini yo‘q105. Gunohlardan saqlanmaganning aqli yo‘q106. Varosi yo‘qning (shubhalardan saqlanmaganning) iymoni bo‘lmaydi107. Bilmaganning ibodati yuq108. Sadoqati yo‘qda insoniylik bo‘lmaydi109. Sirni saqlamagan omon bo‘lmaydi110. Tavfiqsiz tavba qilmaydi111. Hayosi yo‘q saxiy bo‘lmaydi112.
Gunohdan qo‘rqmagan kimsa uchun yer osti ustidan yaxshiroqdir113.
Alloh harom qilgan narsalarni tark etish varoning asosidir114. Mukarramlik boshi gunohlarni tark etishdir115.
Kishi go‘zal axloq bilan Alloh yo‘lida g‘azot qilgan, tun bo‘yi namoz o‘qigan va doimo ro‘za tutgan kishi darajasiga yetadi116.
Ochiq chehrali bo‘l117! Alloh jalla jalaluhu ochiq chehralilarni yaxshi ko‘radi,118 xo‘mrayganga g‘azab qiladi119.
Ibodatning boshi indamaslikdir120.
Ko‘p uxlash qalbni o‘ldiradi, farosatni yo‘qotadi121. Ko‘p gunoh qalbni qoraytiradi va pushaymonlik keltiradi122.
Alloh bergan ne’matga shukr, baloga sabr etgan va nogoh gunoh qilganida darhol istig‘for aytgan kishi jannatning xoxdagan eshigidan kiradi123.
Behad sevinma! Alloh jalla jalaluhu behad sevinganlarni sevmaydi124. Alloh taolo xato va gunohlariga mahzun bo‘lgan125 kishini sevadi126.
Ey Ali! Har bir yangi kun bunday deydi: «Ey Odam farzandi, men yangi kunman va amalingga guvohman»127.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:45:29
DUNYO

Rasululloh sollallohu alayhi vasallam aytdilar:
— Ey Ali! Halokat sababiga intilganlardan qoch!128
Hazrati Ali roziyallohu anhu so‘radilar:
— Ey Allohning nabiyi, ular kimlar?
— Ular boylar va dunyoparastlar. Ular ona bolasiga talpingani kabi dunyo to‘plashga talpingan kimsalar. Ular ertaga pushaymon qiladigan kimsalardir129.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:45:44
ALLOH HUZURIDA INSONLARNING DARAJALARI

Rasululloh sollallohu alayhi vasallam aytdilar:
- Alloh huzurida insonlarning eng yaxshisi o‘zgalarga foydasi eng ko‘p tegadiganidir130. Eng yomoni umri uzun, amali buzuq bo‘lganidir131. Insonlarning eng yoqimsizi yolg‘iz o‘zi ovqat yeb, mehmonini tunab qolishga taklif qilmagan132, qulini urgan, boyga izzat-ikrom ko‘rsatib, kambag‘alni xo‘rlagan kimsadir133. Bundan-da yomoni harom ichida yashab, harom ichida o‘lganidir134. Bundan ham yomoni umri uzun, amali yomon va gunohlaridan tavba etmagan hamda shu holda Allohning kechirishini orzu qilganidir135. Bundan-da yomoni musulmon birodariga o‘zini sadoqatli ko‘rsatib, orqasidan xoinlikni rejalashtirgandir136. Bundan-da yomoni umrining boshini g‘aflatda o‘tkazib, oxirini Allohga toat qilishda sustlik qilgan kimsadir137.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:46:18
YAXSHILIK ALOMATLARI

Rasululloh sollallohu alayhi vasallam bunday dedilar: «... Alloh nazdida haqiqiy go‘zallik - botin go‘zalligi va xizmat go‘zalligidir»138.
Ey Ali! Mo‘minning uch alomati bor:
1. Mol-dunyoga mukkasidan ketmaydi.
2. Xotinga o‘ch bo‘lmaydi.
3. Insonlar sha’nida gapirishni yoqtirmaydi139.

Aqlli insonning uchta alomati bor:
1. Oxiratni qo‘lga kiritish uchun dunyoni ishlatadi.
2. Jafoga bardosh beradi.
3. Qiyinchiliklarga sabr qiladi140.

Olimning uchta alomati bor:
1. To‘g‘ri so‘z bo‘ladi.
2. Haromdan tiyiladi.
3. Kamtar bo‘ladi141.

Muttaqiyning uchta alomati bor:
1. Yolg‘ondan va yomonlikdan saqlanadi.
2. Yomon do‘stdan saqlanadi.
3. Haromga yaqinlashishdan qo‘rqib, mubohdan ham saqlanadi142.

Siddiqning uch alomati bor:
1. Nafl ibodatini yashiradi.
2. Sadaqani yashirincha beradi.
3. Musibatni yashiradi143.

Obidning uchta alomati bor.
1. Nafsiga jahl qiladi144.
2. Nafsini tergaydi145.
3. Uzoq namoz o‘qiydi146.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:46:30
Solihning uch alomati bor:
1. Alloh uchun solih amal qiladi.
2. Dinini amal bilan isloh qiladi.
3. O’ziga ravo ko‘rganini boshqalarga ham ravo ko‘radi147.

Sa’id (baxtli va jannat ahli) KISHINING uch alomati bor:
1. Halol yeydi.
2. Olimlar bilan hamsuhbat bo‘ladi.
3. Besh vaqt namozini jamoat bilan (imom bilan birga) o‘qiydi148.

Mo‘minning uch alomati bor:
1. Allohga itoat etadi.
2. Haromlardan uzoq turadi.
3. Yomonlik qilganga yaxshilik qiladi149.

Saxiyning uch alomati bor:
1. (O’ch olishga) qurbi yetgani holda afv etadi.
2. Zakotini beradi.
3. Sadaqa berishni yaxshi ko‘radi150.

Halim insonning uch alomati bor:
1. Aloqani uzgan bilan aloqa o‘rnatadi.
2. Bermaganga beradi.
3. Zulm qilganni kechiradi151.

Sabrli kishining uch alomati bor:
1. Alloh taolo toatiga,
2. Musibatga,
3. Qazo va qadarga sabr qiladi152.

Tavba qilganning uch alomati bor:
1. Haromdan saqlanadi.
2. Ilm talab qilishga intiladi.
3. Sut ko‘krakka qaytmagani kabi gunohga qaytmaydi153.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:46:52
SHIRKNING ALOMATLARI

Rasululloh sollallohu alayhi vasallam aytdilar:
— Ey Ali! Kofirning uch alomati bor:
1. Alloh taologa shubha qiladi.
2. Alloh jalla jalaluhuning qullariga g‘azab qiladi.
3. Allohga itoatdan g‘ofil bo‘ladi154.

Munofiqning alomati uchta:
1. Gapirsa yolg‘on gapiradi.
2. Va’dasida turmaydi.
3. Omonatga xiyonat qiladi155. Hech bir va’z-nasihat unga kor qilmaydi156.

Riyokorning uch alomati bor:
1. Namozning ruku va sajdalarini jamoatda mukammal qiladi, yolg‘iz o‘qiganda mukammal qilmaydi.
2. Maqtagan kishining ishini bitiradi.
3. Faqat zohirida va jamoat orasida Alloh taoloni zikr etadi157.

Ahmoqning uch alomati bor:
1. Alloh taoloning amrlarini bajarishga sustlik qiladi.
2. Alloh taoloni zikr etish o‘rniga ko‘p gapiradi.
3. Allohtaologa e’tiroz bildiradi158.

Ilohiy yordamdan mahrumlik alomati uchta:
1. Ko‘p yolg‘on so‘zlash.
2. Ko‘n yolg‘on qasam ichish.
3. Insonlarga muhtojlik159.

Baxtsizning uch alomati bor:
1. Harom yeydi.
2. Olimlardan qochadi.
3. Namozni yolg‘iz o‘qiydi160.

Zolimning uch alomati bor:
1. Ilinganini yeydi.
2. Qarz olganga zulm qiladi.
3. Kuchi yetganni ayamaydi161.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:48:22
DUOLAR

Rasululloh sollallohu alahi vasallam aytdilar:
- Ey Ali! Masjidga o‘ng oyog‘ing bilan kir, chap oyog‘ing bilan chiq162.
Tong va shomda (ertayu kech) Yosin surasini o‘qi163. Kim Yosin surasini yashirincha o‘qisa, Alloh subhanahu va taoloning himoyasida bo‘ladi.
Kim xar kecha Hashr surasini o‘qisa, dunyo va oxirat yomonligiga qarshi kifoya qiladi164.
Kim juma kechasi Baqara surasini o‘qisa, yet-tinchi qavat osmondan yerning ostigacha nur tug‘iladi165. Kim juma oqshomi Duxon va Mulk surasini o‘qisa, Alloh uning gunohlarini mag‘firat etadi va bu qabr fitnasidan qutulishiga kifoya qiladi166. Kim uyquga yotishda Kahf surasining oxirini o‘qisa, boshdan oyoq nurga g‘arq bo‘ladi167.
Kim uxlash oldidan Toriq surasini o‘qisa, u kimsaga osmondagi yulduzlar sanog‘icha savoblar yoziladi.
Kim Mulk surasini o‘qigandan so‘ng ushbu duoni aytsa, insonlar va hayvonlardan kelishi mumkin bo‘lgan qiyinchiliklardan (balo-ofatlardan) Alloh uni asraydi:
"Allohumma’simniy bil islami qoiman, Allohumma’simniy bil islami qoidan va roqidan va la tushmit fiyya aduvvan vala xosida. Allohumma inni a’uzu bika min sharri kulli dabbatin anta axizun binasiyatihi va as’alukal-xayrollaziy biyadik"168.
Bir tilaging bo‘lsa, "Oyatal kursi"ni o‘qi169, g‘am va anduhlarni bartaraf etishini so‘rab bunday duo et: "Ya Hayyu ya Qoyyum, la ilaha illa anta birohmatika astag‘iysu fag‘firliy va aslihliy sha’niy va farrij hammiy"170. Shubhasiz Alloh u g‘amlarni sendan ketkazadi, qiyinchiliklardan seni xalos etadi va hojatlaringni ravo aylaydi.
Mabodo sen bir xafagarchilik yoki qiyin ahvolga tushib qolsang, ushbu duoni o‘qi: "Subhanaka robbiy, la ilaha illa anta, alayka tavakkaltu anta robbul arshil aziym"171.
Ey Ali! Sen qo‘rqqan kishiga duch kelganingda ushbu duoni o‘qi: "Allohumma inniy adrou bika fiy nahrihiy va astakfiyka g‘ozabahu va a’uzu bika min sharrihi"172.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 15 Dekabr 2009, 08:48:56
HAR XIL MAVZULAR

Rasululloh sollallohu alayhi vasallam aytdilar:
- Ey Ali! Musulmonlardan kim bilan ko‘rishsang, (gapni. - tarj.) salom bilan boshla, Alloh senga yigirma savob yozadi. Salom berganning salomini ol (salomiga alik ol), Alloh jalla jalaluhu salomga alik olganga qirq savob yozadi173.
Ey Ali! G’azablanma174, shayton g‘azablangan paytingda sendan g‘olib bo‘ladi175. Mazlumning duoibadidan saqlan176! Alloh taolo mazlumning duosini (mazlum kofir bo‘lsa ham) qabul qiladi177.
Yolg‘on qasam ichishdan saqlan! Yolg‘on qasam molni tugatadi, rizq va umrni yo‘q qiladi178.
Kim amri ma’ruf179 va nahyi munkar180 qilsa, Alloh u kishi dushmanining burnini yerga ishqaydi181. Kim ishlarida sodiq (to‘g‘ri) bo‘lsa, u kishi g‘azablangan kimsaga Alloh ham g‘azab qiladi182.
Ey Ali! Yetim yig‘laganida Arsh larzaga keladi va bunday deydi: "Ey Jabroil, uni yig‘latganga jahannamni keng qil, uni kuldirganga esa jannatni kengaytir»183.
Din Allohga, Uning Rasuliga va mo‘minlarga nasihatdir184.
Ey Ali! Ummatimdan yetti (toifa) kishi jannatdadir:
1. Tavba qilgan yosh yigit185.
2. Yashirin sadaqa bergan kishi186.
3. Choshgoh namozini o‘qigan kishi187.
4. Molining zoe bo‘lishi imom bilan (jamoat bilan) bir namozni o‘qiyolmay qolishdan ahamiyatsiz bo‘lgan kishi188.
5. Alloh taolodan qo‘rqib, ko‘zlari yoshlangan kishi189.
6. Ulamo majlisiga borishda musobaqa qilgan kishi190.
7. Shuhratli va chiroyli ayolning taklifini "Men Allohdan qo‘rqaman", deya rad etgan kishi191.
Kim ko‘zi ojizning chap qo‘lidan tutib, unga yo‘l ko‘rsatsa, (qiyomat kuni) u kimsaning o‘ngi sening chap tomoningda keladi192.
Ey Ali! Bu tavsiyalarimni tadbiq qil193.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:32:08
IKKINCHI QISM

IZOHLAR

1 «Kim qorin og‘rig‘idan (ich ketishi dardidan tarj.) o‘lsa, u ham shahiddir» dedilar Rasululloh salollohu alayhi va sallam.
«Shahidlar besh qismdir. Vabodan, ich og‘rig‘idan, suvga cho‘kib, narsa ostida qolib va Alloh yo‘lida o‘lganlar shahiddir» (Muclim "Imom», 164).
Boshqa bir rivoyatda: «Yonib, zotiljam bo‘lib, homila sababli, molini himoya qilib o‘lganlar shahiddir», deyilgan (Muslim, "Imon", 226).
Ulamoning bayon etishicha, mazkurlarni Alloh yo‘lidagi kurashda o‘lganlardan o‘zgalarni shahid hisoblanishi ular tortgan achchiq alam va iztiroblar evaziga beriladigan bir ehsondir. Harb maydonida o‘lganlardan boshqa, shahid hukmida bo‘lganlarning jasadi yuvilib janoza namozi o‘qiladi.
Shahidi a’lo Alloh yo‘lida, Alloh uchun o‘lgan yoki o‘ldiriltanlardir. (Ahmad Dovud o‘g‘li, "Sahihi Muslim tarjimasi, Buxoriy, «Muxtasar»i, "Tajridi Sarih " tarjimasi va sharhi», 81/292, 293).
1. Ta’rif etilgan tarzda yashaganning shahid bo‘lib o‘lishi, hukman shahid savobiga yetishib o‘lishi demakdir.
2. Olimdan so‘ragan va o‘rgangani bo‘yicha yashagan kishi olimona yashaydi, olim singari vafot etadi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:32:21
2 Oyatlar va hadislarning ma’nolaridan voqif bo‘lgan, oyat va hadisdan hukm chiqara olgan, ijtihod shartlariga ega kishiga "faqih" deyiladi.
Olim bilguvchi demakdir. Olim olimlarning komilidir. Olim Qur’onning usul va tafsirini, hadislarning usul va sharhini, e’tiqodiy va axloqiy masalalarni yaxshi bilib amal qilishi kerak. Shuningdek, Payg‘ambar (s.a.v.) va ashobi hayotini batafsil bilishi, Islom tarixidan boxabar bo‘lib, dunyoga berilmagan, Payg‘ambarimiz (s.a.v.) axloqi ila xulqlangan bo‘lishi lozim.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:32:47
3 Qur’oni karimda bandalar halol narsalarnigina yeyishga, shukr qilishga buyurilgan: "Ey mo‘minlar, Allohgagina ibodat qiluvchi bo‘lsangiz, Sizlarga Biz rizq qilib bergan, pokiza narsalardan yeb, U zotga shukr qilingiz». (Baqara, 172.)
Hadisi sharifda: «Namoz (iymonning) dalil(idir). Ro‘za qalqondir. Suv olovni so‘ndirgan kabi sadaka ham gunohlarni so‘ndiradi. Haromdan shakllangan go‘sht uchun olov (jahannam) munosib», deyiladi (Termiziy, "Solat", 79; Dorimiy, "Riqoq". 6).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:32:59
4 Bir odam Sufyon Savriyga: "Taqsir, bizga namozda birinchi safda turganlarning fazilatini gapirib berasizmi?" dedi. U kishi: "Birodar, sen noningni qaerdan ishlab topyapsan, shunga nazar solgin! Sen haloldan yegin-da, qaysi safda xohlasang, o‘sha safda namoz o‘qi. Bu xususda senga hech bir qiyinchilik (majburiyat) yo‘q", dedilar.
Abdulloh ibn Abbos roziyallohu anhu aytadi: "Me’dasida harom biror narsa turgan banda ibodatini Alloh taolo qabul qilmaydi".
Sariyi Saqotiy (q.s.) aytadilarki: "Najot uch narsadadir:
 1.Hidoyatning;
2. Taqvoning;
3. Ozuqaning halolida".
Vuhayb roziyallohu anhu bunday deydilar: "Qarshingdagi shu terak kabi (ingichka - tarj.) bo‘lgunga qadar ro‘za tutib, namoz o‘qisang, biroq me’dangga kirayotgan rizqning halol yo haromligiga e’tiborsiz bo‘lsang, ibodatning foydasini ko‘rolmaysan!" (Imom Sha’roniy. "Islom buyuklaramizning o‘rnak axloqi va hikmatli so‘zlari ". Umar Termizi tarjimasi, "So‘nmas" nashriyoti).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:33:29
5 Dunyo asbobdir. Nimaga ishlatilsa o‘shaning hukmini oladi.

6 Mo‘min mo‘‘tadil insondir. U ruh bilan jasad, dunyo bilan oxirat orasida muvozanatni saqlaydi. Xavf (qo‘rquv) va rajo (umid) orasida bo‘ladi. O’lim onida umidi g‘olib bo‘ladi. "Alloh G’ofur va Rahmlidir", deydi.
Gunoh qilib: "Alloh G’ofurdir", deyish shayton aldovidir.
Oyat: Bas hargiz sizlarni hayoti dunyo (o‘zining o‘tkinchi ne’matlari bilan) aldab qo‘ymasin va hargiz sizlarni g‘urur (ya’ni shayton) Alloh (har qanday gunohni kechaveradi degan aldov) bilan aldab qo‘ymasin (Luqmon surasi, 33-oyat).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:33:52
7 Harom mol topishga harakat qilgan kishi Alloh taolo g‘azabiga uchraydi. Kim Rasululloh sollallohu alayhi vasallam sunnatlaridan tashqariga chiqsa, falokatga yo‘liqadi. Falokatning bir alomati harom mol topishdir. "Kim Rahmon eslatmasidan (ya’ni Qur’on pand nasihatlaridan) ko‘r bo‘lib olsa yuz o‘girsa, Biz unga shaytonga yaqin qilib qo‘yurmiz, bas, u o‘sha(kofir)ga doimiy hamroh bo‘lur. Shak-shubhasiz (shaytonlar kofirlarni to‘g‘ri) yo‘ldan to‘surlar, (ammo kofirlar) o‘zlarini hidoyat topguvchilar deb hisoblaydilar" (Zuhruf surasi, 36-37-oyatlar mazmuni).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:34:50
8 Shayton haromga, shirkka, kufrga, jahannamga chaqiradi.
Alloh taolo marhamat qiladi: "Ey odamlar, yerdagi halol pok narsalardan yenglar va shaytonning izidan ergashmanglar! Shubhasiz, u sizlarning ochiq dushmanigizdirp (Baqara surasi, 268-oyat mazmuni).
«Kimga shayton do‘st bo‘lsa, u eng yomon do‘st bo‘lur» (Niso surasi, 38-oyat mazmuni).
«Kimki Allohni qo‘yib», shaytonni do‘st tutsa, bas, u ochiqdan ochiq ziyon qilibdi» (Niso surasi,119-oyat).
"Ichkilik, qimor sababli shayton o‘rtalaringizga bug‘zu adovat solishni hamda sizlarni Allohni zikr qilishdan va namoz o‘qishdan to‘sishni istaydi, xolis! Endi to‘xtarsizlar" (Moida surasi, 91-oyat).
"Ey mo‘minlar, shaytonning izidan ergashmanglar! Kim shaytonning izidan ergashsa, bas, albatta (shayton) buzuqlik va yomonlikka buyurar. Agar sizlarga Allohning fazl marhamati bo‘lmasa edi, sizlardan biron kishi (biron gunohdan) pok bo‘lmas edi. Lekin Alloh (fazli marhamati bilan) O’zi xohlagan kishini poklar. Alloh eshitguvchi va bilguvchidir (Nur surasi, 21-oyat).
«...Isrof qilguvchilar shaytonlarning do‘stlari bo‘lgan kimsaladir. Shayton esa Parvardigoriga butunlay kofir bo‘lgandir''
(Isro surasi, 27-oyat mazmuni).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:35:37
9 Tahorat namoznish shartidir. Tahoratsiz namoz o‘qib bo‘lmaydi.
Haromdan qilingan sadaqa qabul bo‘lmaydi. Rasululloh sollallohu alayhi vasallam shunday marhamat qilganlar: "Ey insonlar! Shubhasiz Alloh taolo pokdir, faqat pokiza bo‘lgan amal va ehsonni kabul qiladi». Alloh taolo marhamat qiladi: «Ey rasullar! Halol narsalardan yeng va solih amallar qiling, Chunki Men sizning bajarayotgan (amallar)ingizii bilguvchidirman» (Mo‘minun surasi, 51-oyat mazmuni).
Rasuli Akram sollallohu alayhi vasallam bunday dedilar; iBir kimsa Haq yo‘lida uzoq safarga chiqib sochlari to‘zgigan, chang tuproqqa belangan bir holda qo‘llarini samoga ko‘tarib: iYo Rabbiy, yo Rabbiy!" deya duo qiladi. Holbuki uning yegani harom, ichgani harom, kiygani haromdan bo‘lsa, o‘zini harom bilan oziqlantirgan bo‘lsa bunday kimsaning duosi qanday qabul bo‘lsin?" (Muslim. "Zakot", 65).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:36:53
10 Ma’naviy yuksalishning asosi halol yemoqdir. Zero amal qabul bo‘lishining asosiy sharti iymon va halol daromaddir. Halol yegan kishiga, halol amallarni bajarish oson qilib qo‘yiladi.

11 Alloh taolo buyuradi: "... agar bilmaydigan bo‘lsangiz zikr (Qur’on, ilm) ahlidan so‘ranglar!", (Anbiyo surasi, 7; Nahl surasi, 43-oyatlar mazmuni).
 Bu oyat bilmagan mavzularni olimlardan so‘rash lozimligini ko‘rsatuvchi bir dalildir. (Muhammad Jamoliddin Qosimiy, Mahosinut-ta’vil»,
«Bordi-yu biror narsa haqida talashib qolsangiz, agar haqiqatan Allohga va oxirat kuniga ishonsangiz, u narsani Allohga va payg‘ambariga qaytaringiz. Mana shu yaxshiroq va chiroyliroq yechimdir». (Niso surasi, 59).
Ilm va olimning darajasi haqida shunday deyilgan:
"Alloh sizlardan iymon keltirishni va ilm ato etilgan insonlarni (baland) daraja-martabalarga ko‘tarur" (Mujodala surasi, 11-oyat mazmuni)
«Allohdan bandalari orasida olim bilimdonlarigia qo‘rqur» (Fotir surasi, 28-oyat)
«Alloh kimning yaxshiligini istasa, uni dinda faqih qilib qo‘yadi" (Imom Buxoriy, Imom Muslim, "Zakot", 100)
"Kimki ilm tahsili uchun yo‘lga chiqsa unga jannat yo‘lini oson qiladi (Abu Dovud hadisi Ibni Moja, 223-hadis).
«Olimning obiddan ustunligi mening (ilm jihatdan) eng pastda bo‘lgan kishidan ustunligim kabidir" (Termiziy, 295-hadis).
Olimlardan uzoqlashish ilmdan mahrum bulish demakdir. Jaholat qalbni qoraytiradi, ilm yoritadi. Ilmiga amal qilgan kishining qalbida irfon hosil bo‘ladi. Ilm va irfon sohibining qalbi nurga chulg‘anadi.
Ilmsizlik gunohga boshlaydi. Qalb gunoh kirlari tufayli qorayib, Haqni anglamaydigan bo‘ladi, oqibatda o‘ladi. Qalb o‘lgach, haq yuldan toyadi, Allohga isyon qiladi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:37:06
12 Alloh taolo nozil qilgan Kitobga amal etmaganlarni hayvonga o‘xshatadi. Ular kabi bo‘lishdan saqlanmoq uchun Qur’oni karimni hayot dasturiga aylantirish, Payg‘ambarimizning (s.a.v.) izlaridan ergashish lozim.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:37:30
TAHORAT VA NAMOZ

13 Rasululloh (s.a.v.) marhamat qiladilar: "Tahorat iymonning yarmidir" (Termiziy, "Da’vat", 85; Nasoiy, "Zakot", 1; Ibni Moja, "Tahorat", 5).
"Poklik iymonning yarmidir" (Muslim, "Taho-rat", 1; Termiziy, "Da’vat", 86; Doramiy, "Vuzu’", 2; Ahmad, 4/260, 5/342, 344, 363, 370, 372.)
Poklik iymonning yarmi ekanligidan maqsad quyidagilardir:
1) Poklikning darajasi iymonning yarim darajasiga tenglashadi.
2) Iymon avvalgi gunohlarni ketkazgani kabi tahorat ham ketkazadi.
3) Bu yerda iymondan maqsad namozdir. Alloh jalla jalaluhu marhamat qiladi: "Alloh sizlarning iymoningizni zoe kilmang (Baqara surasi, 143-oyat mazmunidan), Ushbu oyati karimadagi «iymon» lafzidan murodni mufassirlar namoz deganlar. Namoz maqbul bo‘lishi uchun poklik shart. Shunga ko‘ra poklik namozning yarmi deb izohlanadi.
4) Iymon ikki narsani takror qiladi. Birinchisi nafsini yomonliklardan poklash, ikkinchisi a’zolarni poklash. Bunga ko‘ra, badan zohirini (ko‘ringan ust qismini) poklash iymonning yarmi hisoblanadi. Agar qalbi ham botil e’tiqodlardan poklansa, iymoni to‘liq bo‘ladi (A. Dovud o‘g‘li, «Sahihi Muslim", tarjima va sharhi, 2/270, 271).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: ЖАМШИДЖОН 16 Dekabr 2009, 11:54:06
14 Tahorat qilishda a’zolarni uch martadan ko‘p yuvish, suvni bekorga oqizish isrof hisoblanadi. Agar suv o‘ziniki bo‘lsa, tahorat qilishda uning isrofi tanzihiy makruh, agar suv vaqf bo‘lsa tahrimiy makruhdir. Vaqf suvini isrof qilishni harom deganlar ham bor.
Bir kuni Sa’d (r.a.) tahorat olayotganlarida rasululloh (s.a.v.) ning yonlaridan o‘tib qoldilar va iltifot qildilar: "Bu qanday isrof!?"
"Tahoratda ham isrof bo‘ladimi" deb so‘radilar Sa’d (r.a.).
Shunda Rasululloh (s.a.v.) marhamat qildilar: "Oqar daryo bo‘yida tahorat olinsa ham (tahoratda isrof bor)" (Ibni Moja, "Tahorat", 48, 425-raqamli hadis.)
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:56:24
15 Tahorat olib bo‘lgandan so‘ng Qadr surasini o‘qish haqida ushbu hadisi sharif vorid bo‘lgan: "Kimki tahorat olib ortidan "Inna anzalnaahu fiy laylatil qadrni bir marta o‘qisa, siddiqlardan bo‘ladi. Ikki marta o‘qisa shahidlar devoniga qayd qilinadi, uch marta o‘qisa, Alloh taolo uni payg‘ambarlar jamoasi orasida tiriltiradi" (Daylamiy).

16 Tahorat bo‘lmasa, namoz bo‘lmaydi. Masjidda o‘tirib namozni kutish qanday ibodat bo‘lsa, namoz o‘qish niyatida tahoratli bo‘lib yurish ham ibodatdir. Ana shuning uchun malaklar doimo tahoratli kimsalar uchun Allohdan mag‘firat so‘raydilar.

17 Rasululloh (s.a.v.) iltifot qildilar: "Sizlardan kim juma kuniga yetsa g‘usl qilsin" (Muslim, "Juma", 2).
"Musulmonlar har yetti kunda g‘usl kilib boshi, badanini yuvishi — Alloh taoloning undagi haqqidir" (Muslim, "Juma», 9).
"Kimda kim g‘usl qilib, juma namoziga borsa, namoz o‘qisa va xatib xutbasini tugatguniga qadar uni eshitsa, juma namozini o‘qisa, uning bu juma bilan avvalgi juma o‘rtasidagi gunohlari va yana uch kungi gunohi afv etiladi" (Muslim,"Juma", 26).

18 Misvok bilan tishni tozalash sunnatdir. Rasuli Akram (s.a.v.) marhamat qildilar: "Agar mo‘minlarga mashaqqati bo‘lmaganida har namoz uchun tishlarini misvok bilan tozalashni buyurar edim" (Muslim, "Tahorat", 42).
Avzoiy aytadilar: «Misvok tahoratning yarmisidir. Xususan namozdan avval, tahorat olishda, Qur’oni karim o‘qish oldidan, uyg‘ongach va og‘izning hidi o‘zgargan vaqtda misvok bilan tishni tozalash kerak. Tungi namozlarning har ikki rakati orasida, juma kunida, uxlashdan avval, vitr namozidan keyin, tongda va taom yeyish oldidan misvok bilan tishni tozalash mustahabdir" (Ahmad Dovud o‘g‘li, "Sahihi Muslim», tarjima va sharhi, 2/350).
Rasululloh (s.a.v.) uylariga kirgan, ilk ishlar misvok bilan tishlarini tozalash bo‘lar ekan (Muslim, «Tahorat", 44).
Ahmad ibn Hanbal (r.a.) "Musnad"larida Termiziy Abu Ayyub Ansoriydan (r.a.) shu hadisi sharifni Rasulullohdan (s.a.v.) rivoyat qiladilar: «To‘rt narsa payg‘ambarlarning sunnatlaridan: xatna, tishni misvok bilan tozalash, xushbo‘y surtish va nikoh».
Tabaroniy Abu Hurayradan (r.a.) rivoyat qiladilar: "Poklanish to‘rt qismdir: Mo‘ylabni qisqartirish, kindik osti va qo‘ltiq tuklarini olish, tirnoqlarni olish, tishni misvok bilan tozalash". Hadisi sharifda shunday vorid bo‘lgan: "Tishlarni misvok bilan tozalab o‘qilgan namoz, tishlarni misvok bilan tozalamay o‘qilgan namozdan yetmish barobar afzaldir" ("Sahih Buxoriy, Muxtasari Tajrid Sariyh», tarjima, 3/37). Qurayshiy abu Dardodan (r.a.) shunday keltiradi: "Tishlarni misvok bilan tozalashda davomli bo‘ling. Chunki unda yigirma to‘rt hislat bor. Bulardan eng muhimi Alloh taoloning rozi bo‘lishidir. Va yana, namoz yetmish yetti daraja yuksaladi, og‘iz hidi poklanadi, tish milki mustahkam bo‘ladi. Bosh va tish og‘rig‘i ketadi. Tishini misvok bilan tozalovchining yuzi va tishlari porlagani sababli malaklar u bilan musofaha qiladilar" (Ahmad Dovud o‘g‘li, "Sahihi Muslim", tarjima va sharhi, 2/350).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:56:42
19 Qur’oni karimdagi o‘ttiz sakkizta suraning to‘qson bitta oyati namozga taalluqlidir. Qaysi masala muhim bo‘lsa, Qur’oni karimda ko‘p zikr kilinadi. Alloh jalla jalaluhu, muhimligini ta’kid qilgan narsaning, biz mo‘‘minlar ahamiyatini bilishimiz lozim bo‘ladi. Alloh taoloni taniganlar Uning amrlarini bajarishi lozim. Allohni sevgan Uni yod etadi. Uni yod etish ibodat qilish bilan bo‘ladi. Ibodatlarning eng muhimi namozdir. Alloh taologa yaqin, muqarrab qiluvchi amallar boshida namoz o‘rin olgan.
Namoz mo‘minni yomonliklardan va yomon ishlardan saqlaydi: "Kitobdan - Qur’ondan Sizga vahiy qilinganni o‘qing! Namozni to‘la to‘kis ado qiling! Albatta, namoz faqh va buzuq ishlardan to‘sadi" (Ankabut surasi, 45-oyat mazmunidan).
Abdulloh ibn Mas’ud (r.a.) rivoyat qiladilar: "Ey Allohning Rasuli, amallarning qay biri jannatga yaqinlashtiradi?" deb so‘radim.
- Namozlarki vaqtida o‘qimoq, deb javob berdilar.
- (Bundan keyin) nima, ey Allohning elchisi? — deb yana so‘radim.
- Ota-onaga itoat, — dedilar.
- (Bundan) keyinchi, ey Allohning Payg‘ambari! — deb yana qayta so‘radim.
- Alloh yo‘lida jihod, — deb iltifot qildilar u Zoti Muborak (s.a.v.)" (Muslim, "Iymon", 138-140; Buxoriy, "Mavoqit", 5; "Tavhid", 48; "Jihod", 1; Abu Dovud, "Solat", 9; Termiziy, "Mavoqit", 13; "Birr", 2; Nasoiy, "Mavoqit", 51;Dorimiy, "Solat", 24;Ahmad, 1/410, 418, 421).
Solihlardan Muhammad ibn Vosiy shunday deydilar: "Dunyoda uch narsani alohida orzu qilaman:
- Adashganimda to‘g‘ri yo‘lni ko‘rsatuvchi birodarni;
- Halol rizqni; Xatolarimni afv etilishiga va fazilatim ziyoda bo‘lishiga sabab bo‘ladigan jamoat namozini."
Ibn Abbos (r.a.) shunday deydilar: "Muazzinning ovozini eshitib, unga javob bermagan (masjidga yoki jamoatga bormagan — tarj.) kishi yaxshilikni istamagan kishidir. Unga ham yaxshilik istalmaydi."
Abu Hurayra (r.a.) shunday deydilar: "Odam (a.s.) o‘g‘illarining qulog‘iga eritilgan qo‘rg‘oshin quyilishi, azonni eshitib unga javob bermaslikdan yaxshiroqdir" (Imomi G’azzoliy, "Yahyo ulumuddin», Ali Arslon tarjimasi, 1/500, 501).
Rasululloh (s.a.v.) marhamat qiladilar: «Qiyomat kuni banda ilk so‘raladigan amal — namozdir» (Abu Dovud. "Solat», 145).

20 Rasululloh (s.a.v.) iltifot qildilar: "Jamoat bo‘lib o‘qilgan namoz (farz va taroveh — tarj.) yolg‘iz o‘qilgan namozdan yigirma yetti daraja fazilatlidir." (Buxoriy, "Azon», 30; Muslim, "Masajid", 245-247).
Bir kimsaning jamoat bilan o‘qigan namozi shu namozni uyida yoki tijoratxonasida o‘kishidan yigirma besh daraja fazilatlidir. Bu shundaydir: kishi chiroyli tahorat olib faqat namoz o‘qish niyatida, boshqa narsani ko‘zlamay jome’ga borsa, qo‘ygan har bir qadami evaziga maqomi bir daraja ortadi va bir gunohi o‘chiriladi. Namoz o‘qib bo‘lgach, so‘zlashguncha malaklar: "Allohim, uni afv et, Allohim, unga marhamat qil", deb uning uchun istig‘for aytadilar. Namozni kutgan kishi namozda hisoblanadi" (Buxoriy, "Azon", 30; Muslim, "Masjid», 248).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:56:49
21 Hasan Basriy (r.a.) shunday deydilar: "Olimlarning majlislaridan tashqari butun dunyo qorong‘udir" (Ibni Abdulbarr, "Jami’ul ilmi va fazluh", 1/51).
Hasan Basriy do‘stlaridan Ash’as ibn Abdulloh shunday deydilar: "Biz Hasanning huzuriga kirib, u yerdan dunyoga hech ahamiyat bermaydigan bo‘lib chiqardik" (Abu Nuaym, "Hiyatul avliyo",2/158)
Yunus ibn Ubayd deydilar: "Hasan Basriyni ko‘rgan odam uning amalini ko‘rmasa ham, so‘zini eshitmasa ham undan iste’foda qilar edi" (Ibni Kasir, "Al bidoya van nihoya", 9/267).
Abu Muso Ash’ariy deydilar: «Abdulloh ibn Mas’udning (r.a.) huzurida bir marta bo‘lishim nafsim uchun bir yillik amaldan (nafl tarj.) ham ta’sirli bo‘lar edi" (Qozi Iyoz, "Tartibul madorik" 2/52).
Alloh taolo Qur’oni Karimda marhamat qiladi: "Ey iymon keltirganlar! Allohdan qo‘rqing va sodiqlar bilan birga bo‘ling" (Tavba surasi, 119-oyat mazmuni).

22 Insonning o‘lim oni so‘nggi ondir. Uning eng qiymatli oni ham so‘nggi onidir. Birodarining bu onida yonida bo‘lib unga talqin qilish (tavhid kalimasini aytib turish — tarj.), Qur’oni Karim o‘qish, so‘ngra janozasi va dafnida qatnashish birodarlik vazifalaridandir. Rasululloh (s.a.v.) marhamat qildilar: "Kim musulmonning janozasida, savobini Alloh taolodan umid qilib, ishtirok etsa, janoza namozini o‘qisa va dafn ustida ishtirok qilsa har biri Uhud tog‘i qadar bo‘lgan ikki qiyrot savobga noil bo‘ladi. Kim faqat janoza namozini o‘qib dafnida hozir bo‘lmasa, u bir qiyrot ajr bilan qaytadi" (Buxoriy, "Mumin», 35).

23 Xastalik kishini zaiflashtiradi. Xastaga qaragan kishi uning sevgisini qozonadi. Mo‘minning sevgisini qozonish Alloh taoloning roziligini qozonishdir.
Hazrati Ali (r.a.) aytadilar: "Rasulullohning (s.a.v.) marhamat qilganlarini eshitdim: "Qaysi musulmon bir musulmonning xastaligi chog‘ida ertalab ziyorat qilsa, kech kirgunicha unga yetmish ming farishta istig‘for aytadi. Kech mahal ziyorat qilsa, tongga qadar yetmish ming farishta unga istig‘for aytadi. Bu musulmon uchun jannatda xos mevalar bordir" (Termiziy, 963-hadis; Abu Dovud, 3098; Ibni Moja, 1442).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:56:57
24 Rasululloh (s.a.v.) marhamat qildilar: "Shubhasiz, Alloh jalla jalaluhu Qiyomat kuni marhamat qiladi: Ey Odam o‘g‘li! Sendan suv istagan edim, Menga suv bermading!
— Ey Rabbim, Sen koinotning Rabbisan. Senga qanday suv beraman? — deydi banda.
Alloh taolo marhamat qiladi:
— Falon bandam sendan suv so‘ragan edi, sen suv bermading. Unga suv berganingda, nazdimda evazini olmasmiding?" (Muslim, "Birr", 43; 2569-hadis).
Boshqa bir rivoyatda shunday deyiladi: "Qaysi bir mo‘min o‘zi och bo‘lsa ham, boshqa mo‘minga (och mo‘minga - tarj.) taom yedirsa, Qiyomat kuni Alloh taolo unga jannat mevalarini yediradi. Qaysi bir mo‘min o‘zi suvsagan bo‘lsa ham, boshqa mo‘minga suv ichirsa, Qiyomat kuni Alloh taolo unga oltin muhrli sharobdan ichiradi. Qaysi bir mo‘min o‘zi kiyimsiz bo‘lsa ham, boshqa mo‘minni kiyintirsa Qiyomat kuni ALLOH taolo unga jannatning yashil liboslaridap kiyintirar"
 
25 Abu Dardodan (r.a.) rivoyat qilinadi: Rasuli Akram (s.a.v.): "Nafl namoz o‘qish, nafl ro‘za tutish va nafl sadaqa berishdan ham fazilatli bir amalni xabarini aytaymi?" deb so‘radilar. Sahobalar: «Albatta (ayting)", deyishdi. Shunda ul Zoti Muborak (s.a.v.) iltifot qildilar: "Ikki kishi orasini isloh qilishdir. Ikki kishi orasini buzulishi dinni asosini yuqotadi" (Abu Dovud, "Adab", 58).
Boshqa bir rivoyatda shunday deyiladi: "Kim mo‘min birodaridan bir yil xafa holda yursa, buning qonini to‘kish kabidir" (Abu Dovud, "Adab", 55).

26 Rasululloh (s.a.v.) iltifot qildilar: "Kimning Allohga va oxirat kuniga iymoni bo‘lsa, qo‘shnisiga yaxshilik qilsin" (Muslim, "Iymon", 77). Rasuli Akram (s.a.v.) ko‘rsatkich va o‘rta barmoqlariga ishora qilib marhamat qildilar: "Men va yetimni boqqan kimsa jannatda shundaymi" (Buxoriy, "Adab", 24; "Taloq", 25; Muslim, "Zuhd", 42; Abu Dovud, 123; Termiziy, "Birr», 14).
Rasululloh (s.a.v.) iltifot qildilar: "Musulmonlar yashaydigan uylarning eng xayrlisi yetimga go‘zal muomala qiluvchining uyidir. Va eng yomoni yetimga yomon muomala qiluvchining uyidir" (Ibni Moja, "Adab", 6).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:57:05
27 Hazrati Ali (r.a.) rivoyat qiladilar: "Payg‘ambarimiz (s.a.v.) shunda uyimizga kelib, eshikni taqillatib men va qizlari Fotimaga (r.a.): "Namoz o‘qimaysizlarmi?" deb iltifot qildilar" (Buxoriy, "Tahajjud", 5; Muslim, "Musofiriyn", 206). Rasuli Akram (s.a.v.) marhamat qildilar: "Ey insonlar! Salomni yoying, taom ulashing, tunlari, insonlar uxlaganda, namoz o‘king! Shunda omonlik bilan jannatga kirasiz" (Termiziy, "Qiyomat», 43; 2487-hadis).
"Tunning shunday bir qismi bor: unda dunyo va oxirat uchun xayrli bo‘lgan narsani so‘ragan musulmonga Alloh taolo, albatta, so‘raganini beradi. Bu vaqt har kechada mavjuddir" (Muslim, "Musofiriyn", 167).
Kunduzlar ichida faqat juma kuni ijobat soati bordir. Kechalar ichida esa har kechada ijobat soati bor.
Bir kishi Ibrohim Adhamga debdi: "Men kechalari ibodatga tura olmayabman. Buning chorasini ayta olasizmi?" U zot javob beribdilar: «Kunduzlari Unga isyon etma, U seni kechalari bedor qiladi. Yaxshi bilki, kechasi toat qilishing eng buyuk sharafdir. Alloh taologa isyon qilgan kimsa bu sharafga loyiq emas" (Imom Sha’roniy, "Islom buyuklarning o‘rnak axloqi va hikmatli so‘zlari», 109-sahifa).

28 Tungi namozni doimo o‘qiganlar Ilohiy fayzga noil bo‘ladilar demakdir. Ilohiy fayzga noil bo‘lganlarning siymolarida ham o‘sha fayz ko‘rinishi shubhasiz.
Tahajjud namoziga uyg‘ona olishi uchun kunduzi gunohlardan uzoq bo‘lish, uyqudan oldin taomni kam yeyish, kunduzi makruh vaqtdan tashqari qaylula qilish (quyosh tik holatiga kelmasdan uxlash - tarj.) va barvaqt uxlash lozim bo‘ladi.

29 Rasululloh (s.a.v.) marhamat qildilar: "Bomdod namozini kun yorishgach o‘qing. Savoblaringiz buyuk bo‘ladi" (Abu Dovud, "Solat", 8; 424-hadis; Termiziy, "Tahorat", 117; 154-hadis; Nasoiy, "Mavoqshp», 2; 549-hadis; Ibni Moja, 672-hadis). Tong yorishsa jamoat ko‘payadi, erta vaqtida jamoat oz bo‘ladi. Ko‘payishiga bois hol fazilatlidir. Bunga rioya qilish mustahabdir. (Shurunbiloliy, «Maroqil falah", 207-208- sahifa).
Abu Barzo (Nadla ibn Ubaydi Aslamiy) (r.a.) aytadilar: Nabiy Akram (s.a.v.) bomdod namozini yonimizda o‘tirganni taniy oladigan vaqtda o‘qir edilar. Unda oltmish yoki yuz oyatgacha tilovat qilar edilar..."(«Sahihi Buxoriy», «Muxtasari tajridi sariyh»), tarjima va sharh, 2/485).

30 Shom namozini vaqti kirishi bilan o‘qish mustahabdir. Azon va iqomat orasida faqat uch oyat o‘qiganchalik vaqt o‘tishi mumkin.
Rasululloh (s.a.v.) iltifot qildilar: «Mening ummatim yahudiylar kabi yulduzlar ko‘ringunicha shom namozini kechiktirmasalar, albatta yaxshilikda davom etadilar» (AbuDovud, 418-hadid; Bayhaqiy, 1/370).
Shom namozini kechiktirish makruhdir. Faqat osmon bulutli bo‘lib, quyosh botmagani aniq bo‘lmasa, quyosh botgani aniq bo‘lguniga qadar kechiktirish mustahabdir (Shurunbiloliy, «Maroqil falah", 210-sahifa).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:57:12
31 Alloh taolo shunday buyuradi: "Namozni to‘kis ado qiling, zakot bering va ruku qilgan (mo‘min)lar bilan birga ruku qiling (jamoat bo‘lib o‘qing)" (Baqara surasi, 43-oyat mazmuni).
Rasululloh (s.a.v.) marhamat qildilar: "Qishloqda yashaydigan uch kishi (bo‘lsa ham) o‘zaro jamoat bo‘lib namoz o‘qimasa, bularning shaytonga mag‘lub bo‘lganidandir. Jamoatga davomli qatnashing. Bo‘ri faqatgina suruvidan ajralgan qo‘yni yeydi" (Abu Dovud, "Solat", 46; Nasoiy, "Imoma", 48; Ahmad, 5/196, 6/446).
Bomdod va xufton namozlarini jamoat bilan o‘qishga intilish kerak. Rasuli Akram (s.a.v.) marhamat qildilar: "Kim xuftonni jamoat bilan o‘qisa, kechaning yarmini namoz o‘qib o‘tkazgan bo‘ladi. Kim bomdod namozini jamoat bilan o‘qisa, butun kechani namoz o‘qib o‘tkazgan bo‘ladi" (Muslim, "Masajid", 260; Termiziy, "Solat", 165; Abu Dovud, "Solat", 48).

32 Rasululloh (s.a.v.) iltifot qildilar: iKim uyida tahorat qilib, farz namozini masjidda o‘qish uchun chiqsa, Haj ibodatining savobiga erishadi. Kim (to‘shagini) faqatgina namoz uchun tark qilib bomdod namozini masjidda o‘qish uchun uyidan chiqsa, Umra ibodatining savobiga erishadi. Bir namoz so‘ngidan so‘zlashmasdan o‘qilgan boshqa namoz illiyyunda yoziladi" (Abu Dovud, "Solat", 49).

33 Ibn Mas’ud (r.a.) bunday deganlar: "Kim ertaga Alloh taologa musulmon holida qaytishni hohlasa, namozga azon aytilgan joyga (masjidga) doim qatnasin! Alloh taolo Rasulining (s.a.v.) "sunani hudaa"si bor. Bu (namozni jamoat bilan o‘qish) "sunani hudaa"dandir. Agar jamoatni tark qilib namozni uyingizda o‘qisangiz, Payg‘ambarimizning (s.a.v.) sunnatlarini tark qilgan bo‘lasiz. So‘ng, albatta yo‘ldan adashasiz. Kim komil tahorat qilib, masjidlardan biriga borsa, Alloh taolo uning har qadamiga bir savob yozadi, darajasini bir pog‘ona ko‘taradi, bir gunohini afv etadi. Vallohi, men shunday kunlarni ko‘rganman, unda ochiq munofiqdan boshqa hech bir kishi jamoatni tark etmasdi. Vallohi, kishi ikki birodari orasida oyoqlari sudralib kelib ham safda turar edi" (Muslim, «Masojid", 257; Nasoiy, "Imomat», 50; Ibni Moja, "Masojid», 14).
Rasululloh (s.a.v.) iltifot qildilar: «Bomdod va xufton namozlari munofiqlarga eng og‘irdir. Bu namozlarni jamoat bilan o‘qish savobi qanchaligini bilganlarida emaklab bo‘lsa ham masjidga kelar edilar» (Buxoriy, "Azon", 34; Muslim, "Masojid", 252).
Munofiq bomdod va xufton namozlarini uyda o‘qiydi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:57:20
34 Rasululloh (s.a.v.) marhamat qildilar: "Har kuni, har suyak, har bo‘g‘iningiz uchun sadaqa lozim bo‘ladi. Har bir tasbih sadaqa, har bir hamd sadaqa, har bir takbir sadaqadir. Har yaxshilikka chaqirish sadaqa, har yomonlikdan qaytarish sadaqadir. Zuho vaqtida ikki rakat namoz o‘qish ularning o‘rniga kifoya bo‘ladi" (Buxoriy, "Sulh", 11; "Jihod", 72, 128; Muslim, "Musofiriyn", 84; Abu Dovud, "Tatavvu’"; 12; "Adab", 160; Ahmad, 2/316; 328).

35-36 Tabaroniy hazratlari "Al-Avsat" kitoblarida Abu Hurayradan (r.a.) rivoyat qiladilar: "Jannatda "Zuho" deb nomlangan eshik bor. Qiyomatda bunday chaqiriladi: «Zuho namozini davomli o‘qiganlar qani? Siz kiradigan eshik mana budir. Alloh taoloning rahmati bilan undan kiring» (Ahmad Dovud o‘g‘li, "Sahihi Muslim», tarjima va sharh, 4/177).

37 Ahmad ibn Hanbal (r.a.) hazratlarining "Musnad" kitoblarida rivoyat qilinadi: Rasuli Akram (s.a.v.) marhamat qildilar: "Solih qo‘shni, keng uy va rohatli bir markab musulmon kishining baxtidandir (baxtini to‘liq qiluvchi unsurlardan)" (Ahmad, 3/407).
Soliha ayol uyning ichki huzurini ta’min qiladi. Iliq muomalasi, farzandlar tarbiyasi, uyining tartibi va pokizaligi bilan eriga orom beradi. Bu Alloh taoloning ato etgan sir va ikromdir.
Jamoat namozi - qalb huzuri, jamiyat inoqligi, ruhga quvvat garovidir. Allohga yaqinlik boisidir.
Kishini yaxshi ko‘radigan qo‘shnisi - haqiqatan ikromdir. Sening harakating, yaxshilik va foydang ularda aks etadi. Bu yaxshilikni kishi o‘ziga qilgandek dalil bo‘ladi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:57:43
RO’ZA

38 Alloh taolo marhamat qiladi: "Ey mo‘minlar! Sizdan avvalgilarga farz qilishanidek, sizlarga ham ro‘za tutishlik farz qilindi. Shoyadki taqvodor bo‘lasizlar" (Baqara surasi, 183-oyat mazmuni).
Barcha a’zolari bilan ro‘za tutgan kishi taqvodor bo‘ladi. Haromlardan saqlanish, g‘iybat, bo‘hton qilmay, foydasiz so‘zlarni so‘zlamay, behuda ishlar qilmay ro‘za tutish barcha a’zolar bilan ro‘za tutish bo‘ladi.
Rasululloh (s.a.v.) marhamat qildilar: "Ro‘za qalqondir" (Buxoriy, "Savm", 2; "Tavhid", 35; Muslim, "Siyam", 161, 162).
Rahmon jalla jalaluhu, ko‘rsatgan tarzda yashagan bandalaridan rozi bo‘ladi. Rozi bo‘lgan bandalarini abadiy saodat va jannatga vosil etadi.

39 Imom Muslim (r.a.) rivoyat qiladilar: Payg‘ambarimiz Sarvari koinot (s.a.v.) iltifot qildilar: "Kim Ramazon oyida ro‘za tutsa, so‘ng Shavvol oyidan ham olti kun tutsa, bir yil ro‘za tutgan bo‘ladi" (Muslim, "Siyam", 204; Termiziy, 4: 759-hadis; Abu Dovud, 2433).
Amallar savobi birga o‘n darajada yoziladi. Ya’ni Ramazon o‘ttiz kun bo‘lsa, Shavvol oyidagi olti kun bilan o‘ttiz olti kun bo‘ladi. Birga o‘n yozilishiga ko‘ra uch yuz oltmish bo‘ladi. Ramazon va Qurbon bayramlari kunida jami besh kun ro‘za tutish joiz emas.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:58:01
SADAQA

40 Bandaning amallari xolis Alloh taolo uchun va Payg‘ambarimizning (s.a.v.) sunnati saniyyalariga muvofiq bo‘lmasa qabul bo‘lmaydi. Mo‘minning niyati — Alloh taoloning roziligini istashdir. Kofirning niyati — dunyodir.
Saxiy odam Alloh taolo roziligini ustun biladi. Baxil esa dunyoni. "Dunyo" so‘zi, agar o‘zagi "danoat" (pastkashlik) bo‘lsa, "eng pastkash narsa" ma’nosida bo‘ladi. Agar "dunuv" (yaqinlik) bo‘lsa, "eng yaqin narsa" ma’nosida bo‘ladi. Dunyo agar, mo‘minni Alloh taolodan uzoqlashtirsa, eng pastkashdir. Agar yaqinlashtirsa, eng yaqindir. Zero, dunyo vosita va sababdir. U nimaga vosita va sabab bo‘lsa, uning hukmini oladi.
 Alloh taoloning do‘stlari dunyoni Alloh taolo yo‘lida sarflaydilar. Alloh taolo marhamat qiladi: "Sizlar sevganingiz (dunyoviy) narsalardan (Alloh taolo uchun) ehson qilmaguningazcha aslo yaxshilikka (yaxshilardan bo‘lishga) noil bo‘la olmaysiz. (Har qanday) narsani ehson qilsangiz shubhasiz, U yaxshi biladi" (Oli Imron, 92-oyat).

41 Termiziy (r.a.) hazratlari Payg‘ambarimizdan (s.a.v.) ushbu rivoyatni keltiribdilar: "Ikki yomon xislat borki, ular mo‘minda bir vaqtda bo‘lmaydi: baxillik va yomon axloq" (Tsrmiziy, "Birr", 41).
"Jo‘mard (saxiy) Allohga yaqin, jannatga yaqin va insonlarga yaqindir, jaxannamdan uzoqdir. Baxil esa Allohdan uzoq, jannatdan uzoq va insonlardan uzoqdir, jahannamga esa yaqindir. Saxiy johil Alloh taologa baxil olimdan sevimli" (Termiziy. "Birr", 40).
Bu hadisi sharifda jaholat ilmdan ham sevimli emas, balki saxiylik baxillikdan sevimli ekani anglatilmoqda.

42 "Hech bir hiylakor, minnatchi va baxil jannatga kirmaydi" (Termiziy, "Birr", 41).
Rasululloh (s.a.v.) ona-ota haqida so‘ralganida marhamat qildilar: "U ikkovi sening jannating va yo jahannamingdir" (Ibni Moja, "Adab", 1).
Mashru’ bo‘lgan ishlarda ularga itoat qilib, roziliklarini topsang — jannating. Itoatsizlik qilsang - jahannaming. Ya’ni, ota-onaga itoat yo itoatsizlik jannat yoki jahannamga kirishingga sabab bo‘ladi.
Boshqa bir hadisi sharifda marhamat qildilar: "Allohning roziligi ona-otaning roziligidir, Allohning g‘azabi ona-otaning g‘azabidadir" ("Kanzul Ummol", 4555; "Targ‘ib", 3/322; "Kashful xofaa", 1/520).
Imom Muslim (r.a.) rivoyat qiladi: "Gap tashuvchi jannatga kirmaydi" (Muslim, "Iymon", 168-170; Termiziy, "Birr", 79; Ahmad, 5/389, 391, 396, 399, 406).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:58:09
43 Alloh taolo marhamat qiladi: "Rabbingizdan keladigan mag‘firat (vasilasi bo‘lgan amallarga) va kengligi osmonu yer kengligicha bo‘lgan jannatga (kirish uchun) shoshilinglar. U (jannat) taqvodorlar uchun hozirlangan. Ular (taqvodorlar) mo‘llikda ham, muhtojlikda ham sadaqa beradilar, g‘azablarini yutadilar, insonlarni (qilgan xatolarini) kechiradilar. Alloh taolo (shunday bo‘lgan) muhsinlarni sevadi" (Oli Imron surasi, 133-134 oyashlar mazmuni).
Taqvo, "viqoya" o‘zagidan kelgan ismdir. "Viqoya" - himoya qilish ma’nosidadir. Taqvo uch qismdir:
1. Qalb taqvosi: qalbni kufrdan, shirkdan, ujbdan (amalga mag‘rurlanish), kibrdan, riyo va boshqa yomon xislatlardan himoya qilish bilan bo‘ladi.
2. Til taqvosi: tilni yolg‘ondan, g‘iybatdan, gap tashishdan, bo‘htondan, birovning dilini og‘ritish va boshqa shu kabi ishlardan himoya qilish bilan bo‘ladi.
3. Badan taqvosi: zinodan, o‘g‘rilikdan, qotillik va boshqa shu kabi fe’llardan himoya qilish bilan bo‘ladi.
Kufr va shirkdan saqlangan inson mo‘min, katta-kichik gunohlardan va hatto shubhalilardan saqlangan mo‘min taqvodor o‘zini g‘aflatdan saqlagan taqvodor avliyo bo‘ladi.
Rasululloh (s.a.v.) marhamat qildilar: "Jaholatdan yomon faqirlik yo‘q, aqldan yaxshi boylik yo‘q, o‘ziga ishonishdan yomon yolg‘izlik yo‘q, maslahatdan yaxshi suyanch yo‘q, tadbir qilish eng buyuk aqldir, go‘zal axloq eng sharafli nasabdir, shubhali narsalardan yiroq bo‘lish eng zo‘r taqvodir, hayo va sabr komil iymondandir" (Tabaroniy, 3/68, "Kashful-xofaa", 2/499).

44 Alloh taolo marhamat qiladi: «Rabbingiz shuni buyurdi: «Menga duo qilinglar, qabul qilaman!» Albatta Menga ibodat qilishga kibrlari yo‘l bermagan kimsalar yaqinda haqir va zalil holda jahannamga kiradilar!» (G’ofir surasi, 60-oyat mazmuni).
Rasululloh (s.a.v.) marhamat qildilar: "Sizga do‘zaxiylar kimligini aytaymi? Ular har kimga dushman, baxil va kibrli kimsalardir" (Buxoriy, "Ayman", 9; "Adab", 6; Muslim, "Jannat", 46; Termiziy, "Jahannam», 13; Ibn Moja, "Zuhd", 4; Ahmad, 4/306).
"Jannat bilan jahannam bahslashdi. "Zolimlar bilan kibrlilar menda", dedi jahannam. "Zaiflar bilan yo‘qsillar menda", dedi jannat. Alloh taolo ularga shunday hukm qildi va: "Sen, ey jannat, Mening rahmatimsan. Xohlaganimni sen bilan rahmat qilaman. Va sen, ey jahannam, Mening azobimsan. Xohlaganimni sen bilan azoblayman. Ikkovingizni ham to‘ldirish Menga oid" (Muslim, "Jannat", 34-36; Termiziy, "Jannat", 22; Ahmad, 3/79).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:58:17
45 Ruh latif, nozikdir. Badan kasif, dag‘aldir. Nafs bu ikkisining o‘rtasida bo‘lib, ruhoniy latofatni, noziklikni va jismoniy kasiflikni, dag‘allikni qabul qila oladi. Nafsda yaxshilik g‘olib va hokim bo‘lsa, dinning amrlarini bajaradi. Bu nafs nafis bo‘ladi, nafsi mutmainna bo‘ladi, shafqat etilishga loyiq bo‘ladi va jannatga to‘g‘ri kiruvchi nafs bo‘ladi. Nafsda yomonlik g‘olib va hokim bo‘lsa, bu nafs o‘z istagiga tobe’ bo‘ladi. Bu nafsga qarshi turish, u bilan kurashish lozim. Dinimiz nafsi ammoraga, havoi nafsga qarshi kurashish dinidir. Janobi Sarvari koinot (s.a.v.) marhamat qildilar: "Sizlardan hech biringiz, havoi nafsini men keltirgan shariatga tobe’ qilmaguncha iymonli bo‘lmaydi" (Bag‘aviy, "Sharhus sunnah", 1/213).
Payg‘ambarimiz (s.a.v.) keltirgan shariat ikki qismdir: etiqodiy va amaliy. E’tiqodiy qismini qabul qilib, amaliy qismini qabul qilmagan yoki ishonmagan, kofir bo‘ladi, o‘lsa jahhannamga kiradi. Amaliy qismiga tobe’ bo‘lib, e’tiqodiy qismiga tobe’ bo‘lmagan, munofiq-kofir bo‘ladi, o‘lsa jahannamga kiradi. E’tiqodiy va amaliy qismlariga tobe’ bo‘lgan, komil mo‘min bo‘ladi, vafot etsa jannatga kiradi.

46 Saxiy kishi haqida Rasululloh (s.a.v.) marhamat qildilar: "Saxiyning xatosidan ko‘z yuming. Saxiy adashsa, Alloh taolo uni ogoh etadi, saxiy Allohga yaqindir, jannatga yaqindir. Saxiy johil, baxil olimdan (yoki obiddan) ko‘ra Allohga suyuklidir" (Muslim, "Zuhd", 45; Ahmad, 2/296).
Alloh taolo sevgan bandasini asraydi, yo‘ldan toysa ogoh qiladi. Alloh jalla jalaluhu saxiy kishini, gunoh qilsa, gunohida davom ettirmaydi. Qilgan gunohiga tavba etishga muvaffaq qiladi. "Kimki (xayr yo‘llariga) bersa, (taqvo yo‘lini tutib) saqlansa va "husnaa"ni (dini va Qur’ondagi haqiqatlarni) tasdiq qilsa, unga eng qulay bo‘lganni (hisobni, jannati amallarni) muyassar qilamiz" (Layl surasi, 5—7 oyatlar mazmuni).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:58:24
47 Rasulullohdan (s.a.v.) bir kimsa: "Islomning amallari orasida qaysi (amal) eng xayrlidir?" deb so‘radi. Shunda: "Taom ulashishing, taniganing va tanimaganingga salom berishingdir", deb javob berdilar ul Zot (s.a.v.). (Buxoriy, "Iymon", 6, 20; "Istizon", 9; Muslim, "Iymon", 63; Abu Dovud, "Adab", 142; Nasoiy, "Iymon", 16; Ibni Moja, "At’ima", 1).
Musulmon bo‘lgan yahudiy Abdulloh ibn Salom (r.a.) aytdilar: "Payg‘ambar (s.a.v.) (Makkadan xijrat qilib) Madinaga kelishlarida xalq kutib olish uchun peshvoz chiqdi. Shunda ''Rasululloh keldilar", degan ovoza bo‘ldi. Men ham "bir ko‘raychi" deb xalq orasiga kirdim. Ul Zotning (s.a.v.) muborak yuzlarini ko‘rganimda, bu yuzda yolg‘on yo‘qligini bildim. Payrambarimizdan (s.a.v.) ilk eshitganim farmon shu edi: "Ey insonlar! Salomni ko‘paytiring, yoyiig. (Muhtojlarga) taom bering, qarindoshlaringiz bilan yaxshi munosabatda bo‘ling va tunlari xalq uxlayotganida namoz o‘qing — omonlik bilan jannatga kirasiz" (Ibni Moja, "At’ima", 1).
Savob miqdori amallarning oz yo ko‘pligiga ko‘ra emas, balki, ixlosga ko‘radir. Ixlos bilan bajarilgan zarra qadar amal, ixlossiz botmon amaldan qiymatlidir, hatto bu qiyosdir. Amallarning savob miqdori haqida ko‘rsatilgan son ko‘plikka kinoyadir.

48 Rasululloh (s.a.v.) iltifot qildilar: "Hech biringiz o‘z nafsi uchun xohlagan narsani birodariga ham xohlamasa (komil) iymonli bo‘lmaydi" (Buxoriy, «Iymon", 7; Muslim, "Iymon», 71).
Birodarlik - do‘stlik ikki qismdir: diniy birodarlik, insoniy birodarlik. Mo‘minlar diniy birodarlarimizdir. Qolgan insonlar ikkinchi qism birodarlikka mansub.
Mo‘minlar o‘zlariga ravo ko‘rgan narsani diniy birodarlariga ham ravo ko‘rmasalar komil mo‘min bo‘la olmaydilar.

49 Insonning fe’li bilan siymosi o‘zaro uyg‘un bo‘ladi. Odatda surati go‘zal, axloqi xunuk bo‘lgan insonlar juda ozdir. Yuzning porloqligi, oydinligi sohibining go‘zal xulqiga ishoratdir.
Shunday deyilgan: ehtiyojlaringizni go‘zal yuzli kimsalarga bildiring. Ular ehtiyojlaringizni ado etsalar, faqatgina go‘zal yuz bilan ado qiladilar. Ammo bu umumiy qoida emas, zero shunday "go‘zallar" borki, ehtiyoj so‘ralsa ozor beradilar. Va shunday "xunuklar" borki, ulardan so‘ralsa go‘zal yuzli muomala ko‘rsatadilar.
Demak, yuzning go‘zalligi sohibining hayosiga, insoniyligiga dalil va alomat bo‘lishining ehtimoli ko‘pdir. Aksi bo‘lishi nodir holatdir. (Munoviy, "Fayzul-Qodir", 1/540).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:58:33
50 Rasululloh (s.a.v.) marhamat qildilar: "Kim Allohga na oxirat kuniga ishonsa, mehmonini ishlatlasin. Kim Allohga va oxirat kuniga ishonsa, qarindoshlari bilan bog‘lansin. Kim Allohga va oxirat kuniga ishonsa, faqat yaxshi so‘zlarni so‘zlasin yo sukut qilsin" (Buxoriy, "Adab", 31, 85; Muslim, "Luqota», 14; "Iymon", 74, 75, 77).
"Shubhasiz, malaklar (mehmonlar uchun) dasturxon yozayotganingizda gunohlaringiz kechirilishini so‘rab duo qiladilar" (Suyutiy, "Al-Jome’ us-sog‘iyr", 2129-hadis).

51 Payg‘ambarimiz (s.a.v.) iltifot qildilar: "It va surat (but yoki tana surati) bor uyga malaklar kirmaydi" (Buxoriy, Bad ul-xolq", 17, 7; Abu Dovud, "Libos", 44-45; Termiziy, "Adab", 44; Nasoiy, "Tahorat"( 167; "Sayd", 19, 20; Muvatto, "Istizon", 6, 8).
Malaklar Alloh taolo rozi bo‘ladigan joylarda bo‘ladi, norizo joyda bo‘lmaydi. Kotib malaklar insondan hech ham ayrilmaydilar. O’lim malaklari ham shunday. Kotib malaklar faqat, nomunosib joylarda (xalo kabi) insondan ayriladilar.

52 Rasululloh (s.a.v.) iltifot qildilar: "Ona-otaga aziyat berganni Alloh taolo la’natlaydi" (Ahmad, 1/317).
Alloh taolo la’natlagan kimsani farishtalar ham la’natlaydilar. La’nat — uzoq bo‘lish, rahmatdan mahrum qilish demakdir. Malaklar rahmatdan mahrum bo‘lganning yoniga bormaydi.
Rasululloh (s.a.v.) marhamat qildilar: "Alloh jalla jalaluhu Qiyomat kuni uch toifa kimsaning yuziga boqmaydi: ona-otasiga osiy bo‘lganlarga, erkakka o‘xshagan ayollarga, oilasini (onasi, singlisi, ayoli va qizlarini) rashk qilmagan erkaklarga. Uch toifa jannatga kirmaydi: ona-otasiga osiy bo‘lganlar, ichkilikka berilganlar, minnat qiluvchilar" (Nasoiy, "Zakot», 69; "Ashriba", 46; Dorimiy, "Ashriba", 5; Ahmad, 2/69, 128).

53 Rasululloh (s.a.v.) iltifot qildilar: "Mehmon kutmagan (xohlamagan) kimsada yaxshilik yo‘qdir" (Ahmad, 4/155).
Malaklar yaxshilik yo‘q uyga kirmaydilar.
Alloh taolo mehmonni siylaganni siylaydi. Alloh taolo siylagan bandalari farishtali bo‘ladi. Kishining farishtali bo‘lishi undan Alloh jalla jalaluhu rozi bo‘lganining alomatidir.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:58:41
54 Qur’oni Qarimda va Payg‘ambarimizning (s.a.v.) hadisi shariflarida ta’kidlab buyurilgan farzlardan biri "amri ma’ruf"dir.
Luqmon (a.s.) o‘g‘illariga aytdilar: "Ey o‘g‘lim! Namozni to‘kis ado qil, ma’rufga buyur, munkardan qaytar. Senga kelgan sabr qil. Bular, albatta, azmga muvofiq ishlardir" (Luqmon surasi, 17-oyat mazmuni).
Alloh taolo Payg‘ambarimizga (s.a.v.) marhamat qildi: "œSiz afv yo‘linn tuting, ma’rufga buyurish va johillardan yuzingizni buring!" (A’rof surasi, 199-oyat mazmuni).
Bu oyati karimani quyidagicha tushunishimiz mumkin: avvalo, insonlarni afv etish yo‘lini tut, yomonlikni yomonlarga xos bil, ammo yomonliqda davom etishlarini xush ko‘rma. Tushuntir - bilsin; keyin buyur. Agar so‘zlaringga e’tibor bermay johillik qilsalar, sen ularga johillik qilma, johillarga til va qo‘l bilan yomon javob berishdan yuz o‘gir.
Alloh taolo Islom ummatining fazilatini bayon etib marhamat qiladi: "Sizlar insonlar uchun chiqarilgan ummatning eng yaxshisisiz. Yaxshilikka buyurasiz, yomonlikdan qaytarasiz va Allohga iymon keltirasiz" (Oli Imron surasi, 110-oyat mazmunidan).
Qur’oni Karim amri ma’ruf va nahiy munkar etish farzligini erkagu ayolga bayon etgan.
Payg‘ambarimiz (s.a.v.) iltifot qildilar: iAllohga qasamki, yo amri ma’ruf nahiy munkar qilasizlar yoki Alloh taolo sizlarga bir azob (jazo) yuboradi. Keyin sizlar (bu jazoning ko‘tarilishini so‘rab) duo qilsalaringiz ham duolaringiz qabul bo‘lmaydi" (Termiziy, "Fitan", 9).
Jamiyatning osudaligi, ma’rufning (yaxshilikning) ko‘pligi munkarning (yomonlikning) yo‘qligiga bog‘liq. Yaxshilik ko‘payishi uchun harakat bo‘lmasa, yaxshilik va yaxshilar vaqt o‘tishi bilan yo‘qoladi. Yomonlikni yo‘qolishi uchun qilinadigan "fe’liy duo" (jismoniy harakat ham duo hukmida - tarj.) bo‘lmasa, "qavliy duo" (qo‘l ochib duo qilish - tarj.) ham qabul bo‘lmaydi.
«Sizlardan kim munkar ishni ko‘rsa, qo‘li bilan qaytarsin, bunga kuchi yetmasa tili bilan, bunga ham kuchi yetmasa qalbi bilan (rad qilsin, g‘azablansin). Bu iymonning eng zaifidir» (Muslim, "Iymon", 78; Termiziy, "Fitan", 11; Nasoiy, "Iymon", 17; Ahmad, 3/20, 49).
Barcha insonlar toqatlari doirasida o‘z oilalarida, ish joylarida, yon-atroflarida amri ma’ruf va nahiy munkar qilishlari lozim. Munkar ishni qalbdan rad etish va uni yoqtirmasligi iymondandir. Mo‘min qalbi bilan kufrni, shirkni, gunohlarni rad qilmasa, mo‘min bo‘la olmaydi.

55 Dinimiz barchaga, butun insoniyatga yuborilgan. Uning oliyjanob da’vatlarini hammaga yetkazmoq, xususan, yomonlarga tushuntirmoq, saodatimiz boshidir.
Jamiyat farovon bo‘lishi uchun undagi yomonlar yaxshilikka yuz burishlari kerak. Bu amri ma’ruf va nahiy munkarsiz bo‘lmaydi.
Demak, barchaga amri ma’ruf qilinadi, hatto «safil»ga (va’z aytib o‘zi bajarmagan, qaytarib o‘zi qaytmagan, o‘zi aytganiga va o‘ziga aytilganga beparvo qaragan kimsaga) ham.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:58:47
56 Yaxshilikka buyurgan o‘zi yaxshilik qilmasa, yomonlikdan qaytargan o‘zi yomonlikdan qaytmasa, tubanlashgandan tubanlashadi. Shuning uchun, amri ma’ruf avvalo ularga yetkaziladi. Zero, ulamo va umaro (amirlar, idora qiluvchilar) tuzalsa, jamiyat ham tuzaladi.

57 Payg‘ambarimiz (s.a.v.) iltifot qildilar: "Shubhasiz, sadaqa Alloh taoloning g‘azabidan va yomon o‘limdan saqlanish boisidir" (Termiziy, "Zakot", 28).
Alloh taoloning g‘azabiga yo‘liqish, Uning azobiga yo‘liqishdir. Alloh roziligi uchun berilgan sadaqa, Uning azobidan saqlanishning boshi ekanligini Rasululloh (s.a.v.) aytdilar.

58 Alloh jalla jalalluhu, sadaqa, ehson qiluvchilarning rizqini orttirishni va’da qiladi: "... (Xayr uchun) nimani sarflasangiz, U buning ortidan (yanada yaxshisini) lutf qiladi. U rizq beruvchilarning yaxshisidir" (Saba’ surasi, 39-oyat mazmunidan).
Rasululloh (s.a.v.) iltifot qildilar: "Rizqning (sizga) kelishini sadaqa bilan so‘rang" (Bayhaqiy, Munaviy, "Fayzul-Qodir", 1/494).
 Alloh taolo marhamat qildi: "Ey Odam o‘g‘li! Infoq qil, senga ham infoq qilinadi " (Buxoriy, "Tafsir", 11/2; Muslim, "Zakot", 36).
"Sadaqa molni hech kamaytirmaydi" (Muslim, "Birr", 69; Termiziy, "Birr", 2; Dorimiy, "Zakot», 34; Muvatto, "Sadaqa", 12).
"Har tongda ikki farishta nozil bo‘lib, biri: "Allohim! Molidan infoq qilganga xalaf (ortidan yanada yaxshisini) ber", ikkinchisi: "Allohim! Molidan bermaganga talaf (talofat) ber", deydi" (Buxoriy, "Zakot", 44; "Vasoya", 17,26; "Vaqola», 10; "Tafsir", 3/5; "Ashriba", 13; Muslim, "Zakot", 42; Dorimiy, "Zakot", 23; Ahmad, 3/141, 256, 285).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:58:57
59 Payg‘ambarimiz (s.a.v.) iltifot qildilar: "Sadaqa yetmish yomonlikning eshigini yopadi " (Tabaroniy).
Sadaqani erta tongda berilishida ko‘p foydalar bor. Barvaqt berilganida yashirin berish imkoni bo‘ladi va oluvchining sharafi himoyalanadi. Va uning ehtiyoji ertaroq yo‘qoladi. Bu ila duosini olishga sabab bo‘ladi.
Sadaqani yashirin berishda ham savob ko‘p. Alloh taolo marhamat qiladi: "Agar sadaqalarni oshkora bersangiz bu ham go‘zaldir. Ammo yashirin holda faqirlarga bersangiz bu o‘zingiz uchun yaxshiroqdir (Alloh taolo bu sababli) gunohlaringizdan bir qismini kechiradi. Alloh nima qilsangiz barchasidan xabardor" (Baqara surasi, 271-oyat mazmuni).
Rasululloh (s.a.v.) Qiyomat kuni Arsh ostida soyalanadigan yetti kimsadan birining "...o‘ng qo‘li berganni chap qo‘li bilmaydigan..." kimsa ekani xabarini berdilar. (Muslim, "Zakot", 91).

60 Alloh taolo marhamat qiladi: "Sevganingiz narsalardan Alloh uchun sarflamaguningizcha aslo yaxshilikka noil bo‘lmaysiz, Sadaqa qilib nimani bersangiz, shubhasiz, Alloh uni juda yaxshi biladi" (Baqara, 272-oyat).
Inson, qo‘lidagi molning eng yaxshisini Alloh roziligi uchun infoq qilsa, qalbidan uning sevgisi yo‘qoladi, Allohning sevgisi hosil bo‘ladi.

61 Alloh taolo halol moldan berilgan sadaqani qabul qiladi, harom moldan berilgan sadaqani rad etadi. Rasuli Akram (s.a.v.) iltifot qildilar: "Kimki halol topgan molidan bir xurmo qiymatida sadaqa bersa, Alloh u sadaqani, sohibi uchun tog‘dek bo‘lgunicha — sizlar sutdan ayirganingiz toyni katta qilgandek — asraydi" (Buxoriy, "Zakot", 8; "Tavhid", 23; Muslim, "Zakot", 63; Termiziy, "Zakot», 28; Nasoiy, "Zakot" 27, 48; Ibni Moja, "Zakot», 28; Dorimiy, "Zakot», 35; Muvatto, "Sadaqa», 1; Ahmad, 2/268, 331, 381, 418).
Mo‘min uchun eng qiymatli narsa halol luqma, halol boylik topishdir. Halol yegulik halol yo‘l bilan keladi. Halol yo‘l - huzurli yo‘ldir. Halolning avvali huzur, topilishi huzur, oxiri huzur. Halollik dunyomizni ham, oxiratimizni ham obod qiladi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:59:06
62 Rasululloh (s.a.v.) iltifot qildilar: Kishining sog‘lom hayotligida bergan bir dirham sadaqasi, o‘lim onida beradigan yuz dirham sadaqasidan yaxshiroqdir" (Abu Dovud, "Vasoya», 3).
Alloh taolo marhamat qiladi: "Namozni to‘kis ado qiling. Zakotni bering. Allohga "qarzi hasana" bering (xayrli ishlarga mol sarf eting). Xayrli ishlardan o‘zingiz uchun nimani taqdim etsangiz, uni Alloh huzurida yanada xayrli hamda savobi yanada ko‘p holda topasiz. Va Allohdan mag‘firat so‘rang. Albatta, Alloh G’ofur va Rahimdir» (Muzzammil surasi, 20-oyat mazmunidan).

63 Kishi bu dunyoda oxirat uchun qaysi savob-xayrli ishni bajargan bo‘lsa, albatta uni Qiyomat kuni ko‘radi. Hayotligida nima qilgan bo‘lsa, shuni topadi. U o‘lgandan so‘ng ortida qolganlar unga foydali bo‘lgan ishlarni qilishlari gumondir.

64 O’lgan kishi nomidan uning qarzini to‘lash, haj qilish va sadaqa berish joizdir.
Bir ayol Payg‘ambarimizdan (s.a.v.) so‘radi: "Ey Allohning Rasuli! Onam haj qila olmadi. Uning nomidan haj qilsam bo‘ladimi?" Rasululloh (s.a.v.): "Uning nomidan haj qilsang bo‘ladi" deb iltifot qildilar. (Muslim, "Siyam", 157).
Payg‘ambarimiz (s.a.v.) huzurlariga bir odam kelib so‘radi: iEy Allohning Rasuli! Onam to‘satdan vafot etdi, vasiyat ham qila olmadi. Agar onam nomidan sadaqa qilsam, onamga savobi boradimi? Payg‘imbarimiz (s.a.v.): "Albatta", deb marhamat qildilar. (Muslim, «Zakot», 51).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:59:13
65 Hazrati Anasdan (r.a.) rivoyat qilinadi: Rasulullohdan (s.a.v.) biz o‘lganlarimizga duo qilamiz, ular nomidan sadaqa beramiz, haj qilamiz. Ularga savobi yetadimi", deb so‘radim. Rasululloh (s.a.v.) iltifot qildilar: "Albatta, savobi ularga yetadi. Sizlar berilgan hadyadan sevinganingizdek sevinadilar (Ahmad Dovud o‘g‘li, "Sahihi Muslim», tarjima va sharhi, 5/366).
Sa’d ibn Uboda (r.a.) Payg‘ambarimizdan (s.a.v.) o‘lgan onasining to‘lay olmagan nazri haqida hukm so‘radi. Payg‘ambarimiz (s.a.v.) iltifot qildilar: "Onang nomidan sen ado qil. (Muslim, "Nuzur", 1).
Jumhur ulamoga ko‘ra, o‘lganning nazri mol bo‘lmasa, merosxo‘rga uni ado qilish lozim bo‘lmaydi. Agar nazri mol bo‘lsa lekin orqasida hech qanday moli qolmagan bo‘lsa ham merosxo‘r to‘lamaydi. Ammo merosxo‘rga o‘z molidan to‘lashi mustahab bo‘ladi. (Ahmad Dovud o‘g‘li, "Sahihi Muslim», tarjima va sharhi, 8/201).

66 Duoning mazmuni: "Allohim! Qabrimizni nurli etgan bandangni mag‘firat qil. Bizga jannatni xushxabar berganingdek ularga ham xushxabar ber"

67 Alloh taolo marhamat qiladi: "Ular faqat Allohga ibodat qilishadi, dinlarida ixlosli bo‘lishga, haniflardan bo‘lishga (to‘g‘ri yo‘lla yurishga), namozni to‘kis ado qilishga va zakot berishga buyurildilar'' (Bayyina surasi, 5-oyat mazmunidan),
Ixlos - amalni faqat Alloh taolo uchun qilish, yomonlikni faqat Alloh taolo uchun tark etish, umuman, har ishni Uning roziligi uchun bajarishdir.
Hanif - barcha botil tushuncha va harakatlardan voz kechib Haqqa yo‘nalgan kimsa.
Ixlos amallar qabul bo‘lishining asosiy shartidir. Alloh taolo roziligi boisidir.
Ba’zi buyuk zotlar: "Ixlosli kimsa — amali uchun maqtalishni xohlamaydi", degan ekanlar.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:59:19
68 Imomi Muslimning (r.a.) "Kitabul imora" nomli asarlarida shu mavzuga oid hadisi sharif rivoyat qilingan.
Unda mujohid nomi uchun jihod qilgan olim nomi uchun Quroni Karimni o‘rganib, o‘rgatgan; saxiy nomi uchun molini sadaqa qilgan kimsalarning amallari ixlosi bo‘lmagani, riyo bilan qilganlari sababli do‘zaxga tushish xabari berilgan.

69 Muhammad Hamdiy Yazir (r.a.) bu oyat tafsirida aytadilar: "Alloh taoloning huzuriga borish, hisoblardan najot topib savobga kirishish, roziligini topish, jamolini ko‘rishni umidida bo‘lgan banda shunga loyiq amal qilsin va Rabbiga ibodatda hech kimni sherik qilmasin. Oyatning avvalida aytilganidek, kofirlar kabi ochiq shirk ham, yashirin shirk ham qilmasin" (Muhammad Hamdiy Yazir, "Haq dini Qur’on tili", 5/398)
Hasan Basriy (r.a.) hazratlari nafslarini ko‘p bora hisobga tortib der ekanlar: "Sen, Allohning obid, zohid va solih bandalari kabi so‘zlab, fosiq, munofiq va muroilarning (riyokor) ishini qilasanmi?! Vallohi, ixlosli bandalarning sifati bunday emas!"
Hazrati Ali (r.a.) aytdilar: Riyokorlikning uch alomati bo‘ladi:
1. Yolg‘izligida erinib va nafl namozlarni o‘tirib o‘qiydi.
2. Insonlar oldida o‘zini g‘ayratli ko‘rsatadi.
3. Maqtalmasa kam, maqtalsa ko‘p amal qiladi. (Umar Temizel, "Tanbehul-mug‘tarriyn" tarjimasi, 29-sahifa, 33).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:59:31
QUR’ON, DUO, ISTIG’FOR VA BOShQA ZIKRLAR

69 Nu’mon ibn Bashirdan (r.a.) rivoyat qilinadi. Payg‘ambarimiz (s.a.v.) iltifot qildilar: "Duo - ibodatdir." Keyin bu oyati karimani tilovat qildilar: "Rabbingiz buyurdi: "Menga duo qiling. Sizni ijobat (va duoingizni qabul) qilaman. Menga ibodat qilishdan o‘zlarini katta olganlar xor va haqir holda jahannamga kiradilar" (Mo‘minlar surasi, 60-oyat mazmuni). (Termiziy, "Da’avot", 2; "Tavsir", 2/16; Ibni Moja, "Duo", 1; Ahmad, 4/267; 271, 276),
"Duo - ibodatning (qullikning) eng yaxshisidir" (Termiziy, "Da’vat", 2).

71 Rasuli Akram (s.a.v.) marhamat qildilar: "Azon va takbir orasida qilingan duo qaytarilmaydi" (Termiziy, "Solat", 44; "Da’vat", 128; Abu Dovud, "Solat", 35, 37; "Jihod", 39; Ahmad, 3/119, 155,225, 254).
"Kim Allohga duo qilmasa, unga Allohning g‘azabi keladi" (Ahmad, 2/443; Ibni Moja, "Duo", 1).
"Alloh taolo duo qiluvchilarning zerikmasdan, davomli so‘raganlarini sevadi" ("Kashful-xofaa" 1/287).
Duo qabul bo‘lishining bir necha shartlari bor:
1. Duoning qabul bo‘lishiga ishonish.
2. Alloh jalla jalaluhu buyurgani uchun duo qilish.
3. Duo qilishda g‘aflatda bo‘lmaslik.
4. Toatda davomli bo‘lish.

72 Hazrati Anas (r.a.) aytadilar: "Men Rasulullohning (s.a.v.) duoga qo‘l ko‘targanlarida, qo‘ltiqlari oqini ko‘rdim" (Muslim, "Istisqo’", 5, 7; "Fazoil", 165).
Payg‘ambarimizning (s.a.v.) qo‘llarini ko‘tarib duo qilganliklari haqida o‘ttizdan ortiq rivoyat sobit bo‘lgan. (Ahmad Dovud o‘g‘li, "Sahihi Muslim", tarjima va sharhi, 10/410).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:59:44
73 Bu duoning odoblaridandir. Eng komil odobli Rasuli Akramdirlar (s.a.v.). U Zotni (s.a.v.) odoblantirgan Allohdir, jalla jalaluhu. O’ng qo‘lning ko‘rsatkich barmog‘iga qarash qalb va til ila zorlanib, diqqat bilan duo qilish uchundir.

74 Imomi Muslim (r.a.) Abu Hurayradan (r.a.) rivoyat qiladilar: "Abu Muso (r.a.) aytib berdilar: "Bir safarda Rasululloh (s.a.v.) bilan birga edik. Jamoat oshkora takbir ayta boshladi. Payg‘ambarimiz (s.a.v.) shunda marhamat qildilar: "Ey insonlar! O’zingizga achining! Sizlar duo qilayotgan na kar va na g‘oibdir. Sizlar shubhasiz eshituvchi va yaqin Zotga duo qilyapsizlar. U sizlardan ogohdir" (Muslim, "Zikr", 44).
Odamlar namoz o‘qiyotganlarida boshqalarning ovoz chiqarib Qur’oni karimni tilovat qilishi va oshkora duo qilishi joiz emas. Bu ularning namozlari buzilishiga sabab bo‘lishi mumkin.
Bir savob ish uchun boshqalarning savob ishlariga mone’lik qilinmaydi.
 
75 Alloh taolo Qur’oni Karimda marhamat qiladi:
"U holda Siz ular nima desalar sabr qiling. Quyosh chiqishidan avval va botishidan avval Rabbingizga hamd va tasbeh ayting. Tunning bir qismida va kunning atrofida ham (peshin va asr mahalida) tasbeh aytingki (Uning) roziligini topasiz" (Toha surasi, 130-oyat mazmuni).
Alloh taoloning hayo qilishi bandani azobdan jahannamdan uzoqlashtiradi demakdir.
Haromlardan saqlangan, amrlarni imkon qadar bajargan kishi bu vaqtlarda zikrda davomli bo‘lsa, jahannam azobiga tushmaydi. Payg‘ambarimiz (s.a.v.) xabar berdilar: iAlloh taolo aytadi: "Meni bir kun zikr qilgani va yoki bir marta Mendan qurqqanni jahannamdan chiqaraman!" (Termiziy, "Jahannam", 9).
Rasululloh (s.a.v.) iltifot qildilar: "Allohning azobidan Allohni zikriday qutqaruvchi yo‘qdir" (Termiziy, "Da’avot", 6; "Adab", 53).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 11:59:52
76 Asosiy ishini bajarib qo‘shimcha ish qilgan ziyoda qilib beriladi. Bu bomdod namozini jamoat bilan o‘qib, so‘ng masjidda quyosh chiqquncha o‘tirgan kimsaga beriladi.
Ibodatning darajasi uning qiyinchiligi va zahmati bilan bog‘liqdir. Nafsga eng og‘ir ish o‘limdir. Shuning uchun shahidlik barcha gunohlarga kafforat bo‘ladi. haj qilgan kishi onasidan tug‘ilgandek gunohlardan pokiza bo‘dadi. Bomdod namozining savobi juda ham ulug‘. Bomdod vaqti malaklar hozir bo‘ladigan va navbat almashadigan ondir. Duolar qabul bo‘ladigan vaqtdir.
Paygambarimizniig (s.a.v.) bu tavsiyalaridagi haj va umra savobidan maqsad nafl haj va nafl umra savobidir.
Alloh taolo uchun ming dinor sadaqa qilishning savobidek ko‘p savob olishga ishoradir.

77 Istig‘forning ma’nosi: "O’zimga, ona-otamga, barcha mo‘min-musulmon erkak-ayollarga, ulardan hayot bo‘lganlarga va vafot topganlarga buyuk Allohdan mag‘firat so‘rayman."
Alloh taolo marhamat qiladi: "Allohdan mag‘firat so‘rang. Shubhasiz, U G’ofur va Rahimdir" (Niso surasi, 106-oyat mazmuni).
"... gunohlarga mag‘firat so‘rab turganlari holida Alloh ularni azoblamaydi" (Anfol surasi, 33-oyat mazmupidan).
"Rabbingizdan mag‘firat so‘rang, tavba qilingki, sizlarni ma’lum vaqtga (o‘limga) qadar go‘zal holatda qoldiradi va (oxiratda) har bir fazilat sohibiga mukofotini beradi" (Hud surasi, 3-oyat mazmunidan).
Rasululloh (s.a.v.) iltifot qildilar: "Allohga qasamki, men har kuni yetmish mahaldan ko‘p istig‘for aytaman va Unga tavba qilaman" (Termiziy, "Jannat", 2; "Daavot " 98).
"Duoniig eng xayrlisi istig‘for aytishdir" ("Kanzul-Ummol", 2085, 2112).
Rasululloh (s.a.v.): "Banda bilmay gunoh qilib qo‘yib, ortidan tahorat olib namoz o‘qisa va Alloh taolodan mag‘firat so‘rasa, Alloh taolo uning gunohini albatta kechiradi", — dedilar va Bu oyati karimani o‘qidilir: "Ular biror yomon ish qilsalar yoki nafslariga zulm qilsalar Allohni yod etadilar, gunohlariga istig‘for aytadilar. Gunohlarni kechiruvchi Allohdan o‘zga kim bor? Va ular qilgan (gunohlari) uzra davomli bo‘lmaydilar" (Termiziy, "Tafsir», 3/135, 3009-hadis).
Komil mo‘min katta gunohlar qilmaydi, kichik gunohlarda davom etmaydi. Unga darhol istig‘for aytadi va tavba qiladi. Istig‘for va tavba kichik gunohlarni ketkazadi. Komil mo‘min bo‘lgan Allohning do‘stlari, ya’ni valiylar faqat o‘zlari uchun emas, balki mo‘min birodarlari uchun ham istig‘for aytadilar.
Haromni qilish qanday gunoh bo‘lsa, buyruqlarni tark etish ham shunday gunohdir.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:00:00
78 "Allohdan o‘zga iloh yo‘q, Uning borligini avvali yo‘q. Allohdan o‘zga iloh yo‘q, Uning borligini so‘ngi ham yo‘q. Allohdan o‘zga iloh yo‘q, Rabbimiz Boqiy, har narsa foniy".

79 Alloh taolo marhamat qiladi: "Arshni ko‘targan (malaklar) va uning atrofidagilar Rabbilariga hamd ila tasbeh aytadilar, Unga iymon keltirurlar. Hamda iymon keltirgan zotlar uchun istig‘for aytadilar: "(Ey) Rabbimiz! Barcha narsa ilming va rahmating qamrovida. Tavba qilib, yulingda bo‘lganlarni kechir Ularni jahannamdan saqla" (G’ofir surasi, 7-oyat mazmuni).
Duolar ikki qismdir:
1.Fe’liy duo,
2. Qovliy duo.
Qovliy duo fe’liy duodan so‘ng bo‘lsa ijobat bo‘ladi. Namoz o‘qimay, faqatgina namoz so‘ngidagi duoni o‘qishlikda ma’no yo‘q. Parhezni tark etib dori ichish bilan qaerga boriladi? Barcha duo va zikrlar fe’liy duolarga ilova tarzidagi ibodatlardir.
Mo‘minning iymoni qalbidadir. Qalbdagi iymonni tilda va jismda ko‘rinishi farzdir. Til qalb tarjimoni, vujud tasdig‘idir. Til va vujud qalb bilan bo‘lsa, iymon qiymatli bo‘ladi.
Alloh jalla jalaluhu marhamat qiladi: "Alloh kimniki ko‘ksini islomga yoygan ekan, u Rabbidan bir nur uzra emasmi? Allohning zikridan qalblari qattiq bo‘lganlarga voy bo‘lsin. Ular ochiq zalolat uzradirlar" (Zumar surasi, 22-oyat mazmuni).
Ibni Mas’ud (r.a.) hazratlari rivoyat qiladilar: "Biz so‘radik: "Ey Rasululloh! Alloh kishi qalbini islomga yoyishi qanday bo‘ladi?" U Zot (s.a.v.) iltifot qildilar: "Nur qalbga kirgach qalb ochiladi, kengayadi (va rohat topadi)." Biz so‘radik: "Ey Allohning Rasuli, buning alomati nima?" U Zot (s.a.v.) iltifot qildilar: "Abadiy yurtga (oxiratga) yo‘nalmoq, aldoqchi yurtdan (dunyodan) yuz o‘girish va o‘lim kelmasidan avval o‘limga hozir bo‘lish" ("Tafsiri Qurtubiy", 15/247).
Mo‘min oxiratni topish uchun dunyoni qo‘lga kiritsa, har kuni o‘lishim mumkin deb o‘limga hozir bo‘lsa, oxirat yo‘lchisi ekanini unutmay jannatga eltuvchi amallarni ixlos bilan qilsa, Allohning zikrini, shukrini qilsa va shu holda o‘lsa behisob jannatga kirishidan umid qilinadi.
Alloh xayr istovchiga xayr beradi, xayrli amal istovchini unga muvaffaq qiladi. Fe’liy duosi qavliy duosiga, qavliy duosi fe’liy duosiga zid bo‘lmagan kimsalar iymon bilan o‘lsalar, oson hisob qilinadi yoki hisobsiz jannatga kiradilar.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:00:08
80 Savob va daraja bir-biridan farqlidir. Anbiyo bilan avliyoning darajalari farqli. Avliyo bilan sahobai kiromlarning (r.a.) darajalari farqli. Ularni solishtirib bo‘lmaydi. Avliyoning savobi qanchalar ko‘p bo‘lmasin sahobalar darajasiga yetolmaydi. (Suhbati Nabaviyyadan (s.a.v.) olgan fayzlari ularni shariatimiz "osmoni"ning "yulduzlari" maqomiga chiqardi - tarj.)
Bomdod namozi vaqti ayni uyqu mahali, to‘shakdan ayrilish qiyin bo‘lganidan, u vaqtda turish va takbir, tahlil aytish savobi ko‘p. Asr vaqti ham xuddi shunday. Dunyo ishlari mashg‘uloti orasidan ma’nan ajralib takbir, tahlil aytish ko‘p savoblidir. Shuning uchun ham nafsi bilan jihod qilganlar tashqi dushman bilan jihod qilgandan ustun bo‘ladilar. Chunki tashqi dushman ochiq ma’lum. Ichki dushman esa do‘st ko‘rinadi. Tashqi dushmanga yengilib o‘lgan kimsa shahid bo‘ladi, darajalarning eng balandiga erishadi. Ichki dushmanga yengilgan kimsa esa Allohdan uzoqlashadi, shaytonga do‘st bo‘ladi.

81 Rasululloh (s.a.v.) iltifot qildilar: "Kim menga bir salavot aytsa, Alloh unga o‘nta salavot (marhamat) etadi" (Muslim, "Solat", 70).
Payg‘ambarimizga (s.a.v.) salovat aytish Alloh taoloning amridir: "Shubhasiz, Alloh va malaklar payg‘ambarga salavot aytadilar. Ey mo‘minlar! Sizlar ham unga salotu salom ayting" (Azhob surasi, 56-oyat mazmuni).
U Zotta (s.a.v.) Alloh taoloning salavoti marhamatidir. Malaklarning salavoti - istig‘for, mo‘minlarning salavoti duodir.
Rasuli Akram (s.a.v.) marhamat qildilar: "Kim menga bir salavot aytsa, Alloh taolo unga bir qiyrot (savob) yozadi. Qqyrot Uhud tog‘i qadardir" (Munaviy, "Fayzul - Qodir", 6/170, 8813-hadis).
Payg‘ambarimizga (s.a.v.) salavot "Sallollohi alayhi va sallam" deyish bilan bo‘ladi. Alloh taolo oyati karimada buni amr qilgan.
Payg‘ambarimizga (s.a.v.) salotu salom aytish u zotning shafoatlariga bois ekanligi haqida shunday deganlar: "Muazzin azonini eshitganingizda uning aytganlarini takrorlang. Keyin menga salavot ayting. Kim menga bir salavot aytsa, Alloh unga o‘nta salavot (marhamat) etadi. Allohdan meni vasila bo‘lishimni so‘rang. Vasila jannatdagi bir maqomki, Allohning bandalaridan biriga nasib bo‘ladi. Umid qilaman, u menga nasib bo‘ladi. Kim meniig vasilaga noil bo‘lishimni duo qilsa unga shafoatim vojib bo‘ladi" (Muslim, "Salot", 11).
Imomi Buxoriy (r.a.) rivoyat qiladi: iKim azon eshitganda: Allohim, bu yetgan da’vat va boshlangan namoz Xojasi! Muhammadga vasila va fazilat ber. Uni va’dang — Maqomi Mahmudga erishtir" desa, u kimsaga Qiyomat kuni shafoatim vojib bo‘ladi" (Buxoriy, "Azon", 8).

82 Istig‘for - duo va zikrdir. Duo va zikr ko‘p aytilsa qal’a bo‘ladi. Qal’a himoya unsuridir. Istig‘for ham qal’a kabi mo‘minni himoya qiladi. Alloh taolo mo‘minlarni istig‘for aytgan hollarida azoblamasligini va’da qilgan.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:00:15
SODIQ VA SADOQAT

83 Alloh taolo marhamat qiladi: «Alloh sodiqlarni sadoqatlari tufayli mukofotlantiradi» (Ahzob surasi, 24-oyat mazmuni).
Sodiq bo‘lish uchun avval «egrilikni» va «egrilarni» tashlash kerak. Keyin sodiqlarni topib, ular bilan birga bo‘lish lozim. Alloh taolo marhamat qiladi: «Ey mo‘minlar! Allohdan qo‘rqing va to‘g‘rilar (sodiqlar) bilan birga bo‘ling!» (Tavba surasi, 119-oyat mazmuni).
Rasululloh (s.a.v.) iltifot qildilar: «Unda (rostgo‘ylikda) halokatni ko‘rsangiz ham rostgo‘ylikni axtaring (va undan chetlashmang). Chunki najot rostgo‘ylikdadir» (Munaviy, «Fayzul Qodir», 3/232) «(So‘zda va ishda) to‘g‘rilik insonni yaxshilikka yetaklaydi. Doimo to‘g‘ri so‘zlovchi banda Alloh huzurida «siddiq» deb yoziladi. Yolg‘onchilik, insonni yomonlikka, yomonlik esa jahannamga yetaklaydi. Doimo yolg‘on so‘zlovchi banda Alloh huzurida «yolg‘onchi» deb yoziladi» (Buxoriy, «Adab» 69; Muslim, «Birr» 103, 104, 105; Abu Dovud, «Adab» 80; Termiziy, «Birr» 46; Ibn Moja, «Muqaddima» 7; «Duo» 5; Dorimiy, «Riqoq» 7).
Siddiq halokatli joyda ham haqni aytishdir, siddiq amal bilan so‘zning uyg‘un bo‘lishidir.
Junayid Bag‘dodiy aytadilar: «Siddiqning haqiqati yolg‘ondan o‘zga qutqarmaydigan o‘rinda to‘g‘ri so‘zlashdir» (Sulaymon Ulug‘tog‘, «Qushayriy Risolasi» tarjimasi 356—358-sahifa).
Mo‘min dunyoda foydali narsani bilganidek, oxirati uchun foydali narsalarni bilishi lozim. Dunyosi uchun foydali narsaga intilib, oxirati uchun zahira yig‘magan kimsa mo‘min emas. Mo‘minning dunyosi oxiratga narvon bo‘ladi. To‘g‘rilikni ushlash, oxiratni ushlashdir. Aqlli kimsa - foniy yo boqiydan birini tanlashi lozim bo‘lsa, albatta, boqiyni tanlaydi. Aql mo‘minlikni taqazo qilganidan mo‘min dunyoda zarar ko‘rsa ham, oxiratda foydali bo‘lgani uchun to‘g‘rilikni tanlaydi. Dunyoning o‘tkinchi foydasidan oxiratning boqiy foydasini ustun tutadi.

84 Gunoh Alloh rozi bo‘lmaydigan, man’ etgan ishlarni qilish va buyurgan ishlarni qilmaslikdir.
Gunoh qilgan Alloh g‘azabiga loyiq bo‘lganidan payg‘ambarlar, malaklar, solihlar va aqlli insonlar e’tiborida hurmatini yo‘qotadi. Gunoh fitratga zid ishdir.
Gunoh nafs va shayton xohishidir. Nafs va shayton Alloh taolo dushmanlaridir. Dushmanga ergashgan xoin sanaladi. Xoin tuban, manfur va qiymatsizdir.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:00:25
85 Payg‘ambarimiz (s.a.v.) iltifot qildilar: «Kim menga jag‘lari, oyoqlari orasidagi a’zolarini muhofaza qilishga kafolat bersa, men uni jannatga kirishiga kafolat beraman!» (Buxoriy, «Riqoq», 23, «Hudud», 19; Ahmad, 5/279, 281).
«Inson bolasi tong ottirganida barcha a’zolari tilga zorlanib, yolvorib deydilar: "Bizning haqqimizda Allohdan qo‘rq! Biz barchamiz senga bog‘liqmiz. Sen to‘g‘ri bo‘lsang, biz ham to‘g‘ri bo‘lamiz. Sen egri bo‘lsang, biz ham egri bo‘lamiz!» (Termiziy, «Zuhd», 61).

86 Narsani qo‘lga kiritishdan ko‘ra qo‘lga kirgan narsani muhofaza qilish mushkul. To‘g‘ri so‘zli bo‘lish, doimo to‘g‘ri so‘zlash - to‘g‘ri ish qilishning boshi va asosidir. So‘zi to‘g‘rining ishi to‘g‘ri bo‘ladi. Hamisha to‘g‘ri so‘zlash hayotda to‘g‘ri odam bo‘lish, to‘g‘ri ishlash omilidir.

87 Alloh taolo marhamat qiladi: «Biz omonatni osmonlarga, yerga va tog‘larga taklif qildik, ular esa olishdan chekindilar, qo‘rqdilar. Inson esa (bu omonatni) oldi. Haqiqatan u juda zolim va juda johildir» (Ahzob surasi, 72-oyat mazmuni).
«Alloh sizlarga omonatni egalariga berishingizni amr qildi» (Niso surasi, 58-oyat mazmuni).
«Ular (najot topuvchi mo‘minlar) omonatlariga va bergan so‘zlariga rioya qiladilar» ( Mo‘minlar surasi, 8-oyat mazmuni).
Payg‘ambarimiz (s.a.v.) iltifot qildilar: «Munofiqning alomati uchtadir: so‘zlasa yolg‘on so‘zlaydi, va’dasini bajarmaydi, omonatga xiyonat qiladi» (Buxoriy, «Shahodat». 28; Muslim, «Iymon», 107, 109; Termiziy, «Iymon», 14).
Begonalar orasida gapirilishi istalmagan so‘zni eshitgan kishiga, u so‘z omonatdir.
Ibni Abbos (r. a.) shunday deydilar: «Omonat Alloh jalla jalaluhuga va Rasuliga (s.a.v.) itoat. Va Haq taoloning farz qilgan narsalaridir» (Hasan Basriy Chantay, «Kur’oni Hakiym va Maoli Karim», 2/757).
«Namoz va tahorat omonatdir, o‘lchov va tarozi omonatdir... Bularning eng og‘iri vadiyadir (saqlashga berilgan narsa)» (Ibni Kasiyr, 1/515).
Payg‘ambarimiz (s.a.v.) «Qiyomat qachon?» deb so‘ragan badaviyga javob berdilar: «Omonatdorlik yo‘qolganda qiyomatni kut!» Badaviy: «U qanday yo‘qoladi?», deb so‘radi. Shunda Rasululloh (s.a.v.) iltifot qildilar: «Ish layoqatsizlarga berilsa, qiyomatni kut!» (Buxoriy, «Ilm», 2).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:00:53
88 Payg‘ambarimiz (s.a.v.) marhamat qildilar: «Saxiylik Allohning saxovatidandir. Siz saxovat ko‘rsatsangiz, Alloh ham sizga saxovat ko‘rsatadi Saxovat jannatdagi bir daraxtdir. U daraxtning shoxlari dunyoga bo‘y cho‘zgandir. Kim u daraxtning bir shoxidan tutsa, Alloh uni jannatga kirgizadi, saxiylik iymondandir. Iymon esa jannatdadir» («Itxafus sadah», 8/195; «Kanzul Ummal», 16/217).
 Rasulullohning (s.a.v.) hazrati Aliga (r.a.) saxovat haqidagi tavsiyalaridan murod ko‘ngil to‘qligi bo‘lishi ham mumkin. Bu borada U zot (s.a.v.) iltifot qildilar: «Boylik mol ko‘pligi emas. (Haqiqiy) boylik ko‘ngil to‘qligidir» (Buxoriy, «Riqoq», 15; Muslim, «Zakot», 120; Termiziy, «Zuhd», 40; Ibni Moja, «Zuhd» 9; Axmad, 2/243, 261, 315, 390, 438, 443, 539, 540).
Ko‘ngli to‘q bo‘lgan kimsa na yo‘qotganiga xafa bo‘ladi, na topgan narsasiga xursand bo‘lib havolanadi.

89 Iffat deganda xalqum va jinsiy a’zolarni haromdan asrashni tushunish kerak. Halol luqma yeyish muhimligini yuqorida oyat-hadislar bilan tushuntirildi. Jinsiy a’zoni haromdan saqlash lozimligi haqida Rasululloh (s.a.v.) iltifot qildilar: «Avratingni ayoling va joriyangdan boshqasidan saqla! Uni boshqaga ko‘rsatma!» So‘radilar: «Ko‘pchilik bir joyda bo‘lsachi, unda nima qilamiz?»
«O’zgalar ko‘rmasligini imkonini qilsang, hech kimga ko‘rsatma!»
Yana so‘rashdi: «Yolg‘iz o‘zimiz bo‘lsakchi?» Shunda Rasululloh (s.a.v.) iltifot qildilar: «Hayo qilishlikka Alloh insonlardan ko‘ra loyiqdir» (Abu Dovud, «Hammom», 2; Termiziy, «Adab», 22; Ahmad, 5/3-4).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:01:00
90 Oxirat saodatiga yetishga ko‘mak bergan dunyo qiymatlidir. Do‘stlik ham shunday. Eng yaxshi do‘stlik qiyomat kuni foyda beradigan do‘stlikdir. Bu haqda Alloh taolo marhamat qiladi: «Do‘stlar (gunoh ishda do‘st bo‘lganlar) u Kuni (qiyomat kuni) bir-biriga dushman bo‘ladi. Taqvo sohibi (bir-birini gunohdan saqlagan do‘stlar) zotlar mustasnodir» (Zuxruf surasi, 67-oyat mazmuni).
Do‘st bo‘lganlar do‘stlik haqqiga rioya etishlari lozim. Agar do‘stlik haqqiga beparvo bo‘lsalar, do‘stliklari haqiqiy bo‘lmaydi. Do‘sting senga nisbatan vazifasini bajarmasa ham, sen uning oldidagi vazifangni bajar!
Do‘st tanlash haqida Rasululloh (s.a.v.) marhamat qildilar: «Mo‘mindan boshqa bilan do‘stlashma. Taomingni taqvodorlar yesin!» (Ahmad, 2/168; Termiziy, «Birr», 28; Dorimiy, «Siyar», 3).
«Kishi do‘stining dinidadir. Do‘stingiz kim ekaniga diqqat qiling!» (Termiziy, «Zuhd», 45).
Xorun Rashid aytadilar: «Ehtiyoj jiqatidan do‘stlik uch turli bo‘ladi:
1. Ozuqa kabi zarur do‘stlik, busiz mumkin bo‘lmaydi.
2. Dori kabi lozim do‘stlik. Bunga ba’zan zarurat bo‘ladi.
3. Zahar kabi ziyon do‘stlik. Bu hech ham lozim emas».
Imom G’azzoliy «Ihyou-ulumiddin» asarlarida shunday yozadilar: «Do‘stlik yaxshi ko‘rinish jihatidan uch qismga bo‘linadi:
1. Xizmatkoridek yaxshi ko‘radigan do‘st, unga molidan ortganini beradi.
2. O’zini yaxshi ko‘rgandek yaxshi ko‘radigan do‘st. Unga molining yarmisini beradi.
3. O’zidan ortiq yaxshi ko‘radigan do‘st. Unga, o‘zi muhtoj bo‘lsa ham, molini beradi. O’zidan uni afzal ko‘radi».
Kishi narsa xarid qilsa, olganda do‘stidan olib, unga ko‘proq foyda beradi. Sotganda do‘stiga sotib, o‘zi ozgina foyda ko‘radi.
Mutarrif ibn Abdulloh (r.a.) shunday der ekanlar: «Kimni menda bitadigan ishi bo‘lsa qog‘ozga yozib, menga jo‘natsin. Chunki men musulmonning yuzida tilanish illatini ko‘rishni xohlamayman. Zero, istalgan narsani berish qanchalar ulug‘ ish bo‘lmasin so‘ramoq juda og‘irdir.

91 Rasululloh (s.a.v.) Anas ibn Molikka (r.a.) iltifot qildilar: «Sirimni saqla! (Komil) mo‘min bo‘lasan» (Abu Yama).
«Bir majlisda bo‘lgan kimsa omonatga (sirga) rioya qilsin. Undagi (sirini) hatto do‘stiga fosh etishi halol emas» (Abdurrazzoq).
«Kimsa uchrashganda bir so‘z aytsa, ketgach, so‘zi eshitganga omonatdir» (Ibni Abu Shayba, Abu Dovud, Ibni Hojar Asqoloniy, Fathul Boriy, «Sharhi sahihil Buxoriy», 11/82).
Sir omonatdir. Omonatga rioya qilish farzdir. Omonatga xiyonat qilish munofiqlik alomatidir. Munofiqlik alomati bo‘lgan kimsa yomon do‘stdir. U do‘stlikka loyiq emas.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:01:09
92 Do‘stdan zarar kelmaydi. Faqat oz bo‘lsa ham foyda keladi. Dushmandan faqat zarar keladi. Dushmanning zarari oz bo‘lsa ham ko‘p bilib, undan himoyalanish kerak.

93 Shunday hadisi sharif vorid bo‘lgan: «Hech biringiz o‘ziga xohlagan narsani (din) birodariga ham xohlamasa (komil) iymonli bo‘lmaydi» (Buxoriy, «Iymon», 7; Muslim, «Iymon», 71, 72; Termiziy, «Qiyomat» 59; Nasoiy, «Iymon» 19, 33; Ibni Moja, «Muqaddima», 9, «Janoiz», 1; Dorimiy, «Istizon», 5).
Sadoqat shu uch narsada ko‘proq namoyon bo‘lgani uchun, bu uch narsani zikr qilganlar. Do‘stni bilish uchun bu uch mavzuda sinash lozim.
Termiziyda bu hadis keltirilgan: «Nafsing uchun istagan narsani insonlar uchun ham ista (komil) musulmon bo‘lasan» (Termiziy, «Zuhd», 2; Ibni Moja, «Zuhd», 24; Ahmad, 2/310, 3/473, 4/70,77).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:01:19
TAVBA

94 Tavba ruju’, ya’ni qaytish degani. Tavba asosan uch qismga bo‘linadi:
1. Kufr va shirkdan tavba;
2. Katta - kichik gunohlardan tavba;
3. G’aflatdan tavba.

95 Halol amalga halol rizq topish istagi yetmaydi. Halol rizq istagi uning hisobini yaxshilaydi. Taomini halol yo haromligining farqiga bormay, ajratmay tanovul qiluvchi kimsa ishlariga ham befarq bo‘ladi.
Luqma poklansa ko‘rinish ziynatlanadi. Buning uchun haromdan kechib, harom luqma iste’mol qilmaslik kerak.
Avval haromdan topganlardan tavba qilish, ularni egalariga qaytarish kerak. Tavbaning asosi harom topishdan tavbadir. Asossiz (tamalsiz) bino bo‘lmaganidak, haromdan tavba bo‘lmasa, boshqa gunohlardan tavba bo‘lmaydi.
Avval xato tark qilinmay to‘g‘ri ish qilib bo‘lmaydi. «Yolg‘onni olib tashlanmasa, haqiqatni joylab bo‘lmaydi».

96 0lim taqvodorligi bilan haqiqiy olim bo‘ladi. Haqiqiy olim o‘ziga ta’sir eta olgan nafsini yenggan kimsadir. O’zi nafsiga ta’sir etganning so‘zi boshqalarning nafsiga ham ta’sir etadi.
Payg‘ambarimiz (s.a.v.) iltifot qildilar: «Ilm amaldan xayrlidir. Dinni quvvashlantiruvchilar — varo (Allohdan qo‘rquv, ta’zim, itoat) bilan taqvodir. Olim oz bo‘lsa ham, ilmiga amal qilgandir» («Kashful Xofa», 2/1755).
Haqiqiy olim avval o‘z nafsiga va’z qiladi. Nafsi va’zini qabul etsa, boshqalarga ham va’z qiladi. So‘zlari shundagina ta’sirli bo‘ladi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:01:26
97 Har qaysi masalada, ilmga ega bo‘lmaganlar, ilm sohiblaridan halol-haromni, amrlarni so‘rashlari va shunga ko‘ra amal qilishlari kerak. Paydo bo‘lgan masalalarni biluvchilardan so‘ramasa, amr va ta’qiqlarga e’tiborsiz harakat qilsa gunohkor bo‘ladi. Gunohlar g‘aflatni, g‘aflat qalbning «qattiq» bo‘lishini, qalb «qattiqligi» Allohdan yiroq bo‘lishni, Aploh taolodan yiroq bo‘lish jahannamni lozim qiladi.

98 Insonning vujudi ruh bilan tirik. Uning ma’naviy hayoti esa ilm bilandir. Ruhsiz jasad yo‘q bo‘lganidek, ilm bo‘lmasa qalb o‘ladi.

99 Dunyoparastlik o‘g‘irlik boshidir, dunyoparastlik haromga yetaklaydi. Harom azobga duchor qiladi. Boy bo‘lib o‘g‘rilik qilish kishining tubanligi, razilligi, haqdan qo‘rqmasligi va shaytonga qulligidandir. Uning azoblanishi muqarardir.
Olim adashsa, boshqalarning ham adashishiga sabab bo‘ladi. Ularning gunohlariga sherik bo‘ladi. Fosiq olim haqida Rasululloh (s.a.v.) iltifot qildilar: «Yomon olimlar Kiyomat kuni keltirilib jahannam otashiga otiladi. Har birlari jahannamda, tegirmon aylantiruvchi hayvon kabi harakatda bo‘ladi. Unga: «Senga voy bo‘lsin! Biz sendan to‘g‘ri yo‘lni topgandik. Nega bu holdasan?» deyiladi. U aytadi: «Sizlarni qaytargan narsalardan o‘zim qaytmagan edim. Aksini qilar edim» (Al-Hodiy, «Kanzul Ummal», X, 29097)
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:01:42
TILNI SAQLASH

100 Inson inson bo‘lganda qadrlidir. Qadrli kishini qadrlash lozim bo‘ladi. O’zining qadrli bo‘lishini xoxlagan kimsa boshqalarni ham qadrlashi lozim. Senga yomon munosabat bo‘lishlarini istamasang sen ham boshqalarga shu munosabatni qilma. Bir insonni qilgan xatolari uchun ayblamoq u bilan yaqinlikni o‘rtadan ko‘taradi. Hamsuhbat kofir bo‘lsa ham, uning ulfatligini hosil qilish lozim. Ulfat hosil qilish haqoratdek bo‘lgan so‘zini aytish bilan bo‘lmaydi. Do‘st aybini oshkor etish orani ajratadi.
Inson degani xatosiz bo‘lsagina inson bo‘ladi degani emas. Hatto buyuk inson ham xato qilishi mumkin. Balki suyaksiz go‘sht bo‘lmaganidek xatosiz insonlar ozdir.
Inson ayblashga loyiqish qilsa ham, haqorat etilishga loyiq bo‘lsa ham, sen uni ayblashni, haqorat qilishni o‘zingga ravo ko‘rma. Yomonlik qilinishga loyiq bo‘lsa ham, unga yomonlik qilishni o‘zingga munosib bilma!

101 G’iybat haromdir. G’iybat qilinganda ikki haq poymol bo‘ladi:
1. Alloh taoloning haqi.
2. Bandaning haqi. Bandaning haqi u rozi bo‘lishiga bog‘liq. Alloh taoloning haqi tavbaga bog‘liq; qayta g‘iybat qilmaslik niyatida tavba qilinsa, Alloh taolo tavbani qabul qiladi.
G’iybatni halol deb g‘iybat qiluvchi kofir bo‘ladi. U shahodat kalimalarini aytib iymonni yangilashi lozim. G’iybat gunohidan (kishi haqidan) qutulishning yo‘li g‘iybat qilingan kimsa bilan rozilashmoqdir. Buning iloji bo‘lmasa, unga ham o‘ziga ham Allohtaolodan afv mag‘firat so‘rashi lozim bo‘ladi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:01:53
102 Rasululloh (s.a.v.) iltifot qildilar: «Bir banda Alloh taoloni xushnud etuvchi kalimalardan bir kalimani o‘zi beparvo bo‘lib, bilmasdan aytsa ham shu sababli Amoh uni darajasini bir necha pog‘ona yuksaltiradi. Bir banda Alloh taoloni g‘azablantiruvchi kalimalardai bir kalimani beparvolik bilan aytsa ham shu sababli uni jahannamga kirgizadi» (Buxoriy, «Riqoq», 23).
Tilning fazilati oliy narsalarga vosita bo‘lganidir. Vositaning qiymati yetishgan narsaga bog‘liq Alloh taoloning roziligi dunyoyu oxiratdan ham qiymatlidir.
Til Alloh taoloning roziligini topish vositasi bo‘lganidan afzal hisoblanadi. Til bu maqomni tashlab, agar boshqalarga zarar yetkazsa «qopag‘on it»ga aylanadi.

103 Abu Dardo (r.a.) Rasulullohdan (s.a.v.) rivoyat qiladilar: «Banda bir kimsani la’natlasa, la’nati osmonga ko‘tariladi. Osmonning eshiklari unga yopiladi. Keyin yerga tushadi, yerning ham eshiklari unga yopiladi, o‘ngu so‘lda ham chiqish yo‘lini topa olmagach, la’nat aytilganga boradi, agar u loyiq bo‘lsa unga tegadi, loyiq bo‘lmasa, aytgan kimsaga tegadi» (Abu Dovud, «Adab», 45).
Payg‘ambarimiz (s.a.v.) iltifot qildilar: «Siddiq kimsaga la’natchi bo‘lish yarashmaydi» (Muslim, «Birr», 84).
Abdulmalik ibn Marvon Ummu Dardoga o‘zining ba’zi uy anjomlarini jo‘natdi. Bir tunda Abdulmalik o‘yg‘onib xizmatchisini chaqirdi. Xizmatchi kechikkani uchun, unga la’nat aytdi. Tong otgach Ummu Dardo unga: «Bu kecha xizmatchingni chaqirganing paytda unga la’nat aytganingni eshitdim», «Men Abu Dardoning shunday deganini bilaman: «Rasululloh (s.a.v.) aytdilar: «La’natchilar qiyomat kuni shafoatchi ham, guvoh ham bo‘la olmaydilar» (Muslim, «Birr», 85).
Rasululloh (s.a.v.) bilan «Batni buvad» g‘azotida safarga otlandik. O’zlari Majdiy ibn Amr Juhaniyni axtardilar. Uning suv yuklangan tuyasiga bizlardan besh, olti va yetti kishi navbat bilan minardik. Ansorlardai bir kishining navbati kelgach, u o‘zining tuyasi oldiga ketib koldi. Va uni cho‘kka o‘tkazib mindi. Keyin yurgazmoqchi bo‘lgan edi, tuya ozgina to‘xtab koldi. «Alloh seni la’natlasin!» dedi. Shunda Payg‘ambarimiz (s.a.v.): «Tuyasini la’natlagan kim?», deb so‘radilar. «Men, ey Allohning Rasuli», deb javob qildi boyagi odam.
«Ustidan pastga tush! La’natlangan hayvon bilan bizga hamroh bo‘lma!
O’zlaringizni duoibad qilmang! Bolalaringizni duoibad qilmang! Mulkingizni duoibad qilmang!», deb iltifot qildilar Rasululloh (s.a.v.) (Muslim, «Zuhd», 74, 3009-hadis)
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:02:05
HAYO

104 Payg‘ambarimiz, Sarvari olam (s.a.v.) iltifot qildilar: «Allohdan haqiqiy hayo bilan hayo kiling!»
«Ey, Allohning Rasuli! Allohga hamdlar bo‘lsin, biz Undan hayo kilamiz», deb aytishdi sahobalar. «Bu (sizlar tushungandek) emas. Allohdan haqiqiy hayo bilan hayo qilgan boshi va boshidagi a’zolarini muhofaza etsin! Qorni va undagi a’zolarini saqlasin! O’limni (va tuproq ostida) chirishini o‘ylaydi. Dunyo hayotining ziynatini tark etadi. Kimda kim bularni qilsa Allohdan haqiqiy hayo bilan hayo qilgan bo‘ladi», deb iltifot qildilar ul Zot (s.a.v.) (Ahmad, 1/387; Termiziy, «Qiyomat», 24).
Bu yerda hayo - itoat ma’nosidadir. Din esa to‘laligicha Allohga itoatdan iboratdir. Qalbning itoati iymondir, Allohning hukmlarini tasdiqlash va qabul qilishdir. Boshning itoati, boshdagi a’zolarning Allohga qulligi va Uning roziligiga mos bo‘lmagan holatlardan muhofaza qilinishidir. Qorinni harom luqma va zinodan saqlash ham hayo-itoatdir.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:02:20
VARO

105 Alloh taolo marhamat qiladi: «Rabbilarining huzuriga qaytajaklaridan yuraklari titragan holatda zakotlarini beradilar» ("Mo‘minlar" surasining 60-oyati).
Hadisi sharifda shunday deyilgan: «Hikmatning boshi Allohdan ko‘rkishdir» («Kashful Xofa», 1/507).
Qo‘rqish darajasi ilm va ma’rifatga bog‘liq. Bu borada Alloh taolo marhamat qiladi: «Albatta, bandalari orasida olimlar Allohdan ko‘proq qo‘rqadilar" (Fotir surasi, 28-oyat mazmuni).
Imom Roziy aytadilar: «... Bu mukofot (jannat va Allohning roziligi) Rabbilaridan qo‘rqqanlarga maxsusdir» (Bayyina surasi, 8-oyat mazmuni) oyati bilan «Albatta, bandalari orasida olimlar Allohdan ko‘proq qo‘rqadilar (Fotir surasi, 28-oyat mazmuni) oyati olimlar va ilm fazilatiga dalil bo‘ladi.
Jannat ahlidan bo‘lishi xushxabari berilgan olimlarda Allohdan qo‘rqish hissi oshib borishi lozim bo‘ladi. Rasululloh (s.a.v.) iltifot qilganlar: «Alloh eng yaxshi taniganingiz, Undan eig ko‘p qo‘rqqaningizdir. Men orangizda Allohdan eng ko‘p qo‘rqaman» (Mahmud Hamdiy Yazir, «Haq dini, Kur’on tili», 9/366, 367. Faxri Roziy, «Tafsiri Kabir», 32/56).

106 Aqlli kimsa nafsini jilovlaydi va uni havaslariga tobe’ bo‘lishidan saqlaydi (A. Dovud o‘g‘li, «Sahihi Muslim», Tarjima va sharhi, 1/350).
 Aql farqlash xususiyatiga ega. Aqlli inson haqni botildan, boqiyni foniydan, xayrni sharrdan, (yaxshini yomondan) farqlagan insondir. Aqlli odam boqiyni tanlaydi. Boqiy vosil qiluvchi amallarga yo‘naladi, boqiydan mahrum qiluvchi amallardan - gunohlardan uzoq bo‘ladi. Bu haqda Payg‘ambarimiz (s.a.v.) iltifot qildilar: «Aqlli inson nafsga hokim bo‘lgan va o‘limidan keyingi (boqiy oxirat) uchun harakat qilgan kishidir. Ojiz - bechora inson o‘zini orzu havaslariga tutqun qiladi. Allohdan (ushalmas narsalarga) orzumand bo‘ladi» (Termiziy, «Qiyomat», 25; «Zuhd», 31; Ahmad, 4/124).
Mahmud Oqif Erso‘y «Safahot»ida shunday yozadi:
«Baqoni haq bilgan, sa’yni bir vazifa bilur,
Sa’y qil, ishlaki, baqo sa’y yo‘liyla topilur».

107 Taqvo deb harom narsalardan o‘zni tiyishga aytiladi. Varo shubhali narsalardan ham saqlanishdir. Iymon tasdiq, u qalb fe’lidir. Amal tatbiq, u badan fe’lidir. Amallar komil iymon taqozosidir. Shubhali narsalarni qilish iymon yemirilishiga sabab bo‘ladi. Shuning uchun varosi bo‘lmagan kishining komil iymoni bo‘lmas.

108 Allohning ilk amri «O’qi!» — ilm ol, Allohni tani demakdir. Allohni tanimaganning iymoni bo‘ladimi? Ibodat neligin bilmagan ibodat qiladimi? Ibodatdan avval iymon, iymondan avval bilmoq kerak bo‘ladi. Bilish uchun olimdan ilm olish, talaba bo‘lish yoki olimni tinglash kerak. So‘ng mo‘‘tabar kitoblardan foydalanib, olimlardan maslahat olib, ilmni yana ham kengaytirish "O’qi" amrining ijrosi bo‘ladi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:02:35
O’QI! TUSHUN! ISHON! TATBIQ ET!

109 Sadoqat do‘stlik va to‘g‘rilik ma’nosidadir.
Imomi Qushayriy hazratlari aytadilar: «Sadoqat - ma’nosi faqat «so‘z» to‘g‘riligini bildirmaydi, balki e’tiqodda shubhadan, amalda xatodan yiroq bo‘lishga ham sadoqat deyiladi». Ba’zi olimlar sadoqatni yetti qismga ajratganlar: «So‘zda, niyatda, irodada, azmda, vafoda, din va amalda to‘g‘rilik». To‘g‘rilik - qalbning bahori va odamzotning mevasidir. Sadoqatli kimsaga atrofdagilar ergashadi. Uning guvohligi bilan ixtiloflar hal bo‘ladi. (Ahmad Rifat, «Tasviri axloq», 289-sahifa.) To‘g‘rilik ichi tashiga, tashi ichiga mos bo‘lish, komil insonga xos xususiyatdir.

110 Sir saqlay olmaganga ishonilmagan. Sir aytish kishiga ishonish va omonat berishdir. Sirni omonat saqlash narsani omonat saqlashdan ham muhim. Sir saqlay olmagan kishi ishonchli emas. Ishonchsiz kishi jamiyatda yolg‘izlikka mahkumdir.

111 Tavfiq Allohning insonga yaxshi ishlarni bajara olishi uchun bergan yordamdir. Alloh taolo Muborak Kalomida marhamat qiladi: «Tavfiq faqatgina Allohning yordami bilandir. (Shuning uchun) Men yolgiz Unga tavakkal qildim. Va yolg‘iz Unga yo‘nalaman» (Hud surasi, 88-oyati mazmuni).
Kim agar yaxshi amal qilsa, Alloh taolo uni muvaffaq qiladi, yaxshi amal yuzaga chiqadi. Yaxshi amalni bajarish kishiga osonlashtiriladi. Tavba ham xuddi shunday. Avval tavbaning ma’nosini bilish, keyin azm va iroda qilish kerak bo‘ladi. Alloh taolo hidoyatini O’zi xohlaganiga, Unga intilgan kishiga beradi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:02:49
112 Alloh taolodan hayo qilgan kishi U ato etgan mulkni Uning roziligi yo‘lida sarflaydi. Uning roziligiga teskari harakat qilishdan uyaladi. Allohdan umid qilgan, Uning roziligiga ishongan kishi saxiy bo‘ladi. Allohni tanigan kishi Uning amrlarini bajaradi, Alloh roziligi uchun ehson qilish, Uning amrlaridan biri hisoblanadi.

113 Har bir muboh ishni hojatsiz ko‘p qilish tanzihiy makruh bo‘lgan ishga boshlaydi. Tanzihiy makruhlar tahrimiy makruhga, tahrimiy makruhlar haromga yetaklaydi. Harom ishlarni ko‘p qilgan kimsa gunohdan ko‘rqmay qoladi. U odam qancha uzoq yashasa shuncha zararkor bo‘ladi. Uning uchun yerning osti yerning ustidan yaxshi bo‘ladi. Zero agar iymonli bo‘lsa, qancha oz yashasa, shuncha oz gunoh qiladi. Barvaqt o‘lim topishi o‘zi uchun ham jamiyat uchun ham foydali bo‘ladi. Agar iymonsiz bo‘lsa, uning o‘lishi atrofdagilar uchun yaxshi bo‘ladi.
Kishi haromlarni qilaversa, bir kun kelib harom ishni halol deya boshlaydi. Kofirga aylanadi, qalbidan iymon o‘chadi.

114 Asl bo‘lmasa kamolot hosil bo‘lmaydi. Taqvo asl, haromni tark etishdir. Varo taqvoning kamolidir. Taqvo bo‘lsa, varo bo‘ladi. Avval haromlardan uzoqlashiladi, so‘ng shubhalilardan uzoqlashish hissi tug‘iladi. Karam yaxshilik, saxiylik, afv etish demakdir.
Yaxshilik qila olmagan yomonlik ham qilmasligi lozim. Har bir gunoh zamirida yomonlik bor.

115 Karamli bo‘lish avval gunohni tark qilishdan boshlanadi. Gunoh — gunohkorning o‘ziga ham yomonlik va chirkinlik qilishdir. Yomonlikni tark qil, yaxshilik qilgan bo‘lasan!
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:02:58
116 Rasululloh (s.a.v.) iltifot qildilar: «Qiyomat kuni tarozida hech bir narsa mo‘minning go‘zal axloqidek og‘ir bo‘lmaydi. Alloh taologa qo‘pol, og‘zi buzuq kimsa aslo sevimli emas. Unga dushman bo‘ladi» (Termiziy, «Birr», 62; Abu Dovud, «Adab», 8)
«Haqiqatdan, mo‘min go‘zal axloqi bilan (nafl) ro‘za tutgan va namoz o‘qigan kimsadek bo‘la oladi» (Abu Dovud, «Adab», 8; «Muvatto» - Husnul xulq, 6; Ibni Hibbon, 1927-hadis).
Go‘zal axloq, namoz, ro‘za, jihod kabi farzdir. Bir farz boshqa farz o‘rniga o‘tmaydi. Barcha farzlarni bajarib, axloqida nuqson bo‘lgan kimsa noqisdir. Axloqi go‘zal bo‘lib boshqa farzlarni ado qilmagan kimsa ham noqis hisoblanadi.

117 Payg‘ambarimiz (s.a.v.) marhamat qildilar: «Shubhasiz, siz insonlarning qalblarini mollaringiz bilan zabt eta olmaysiz, faqat, tabassum va go‘zal ahloqingiz bilan ularni mamnun qilishingiz mumkin» («Kashful Xofaa», 1/252; Abu Ya’la va Bayhaqiy rivoyat qilishgan).
«Birodaringizga tabassum bilan qarashingiz ham siz uchun bir sadaqadir» (Termiziy, «Birr», 36).
Tabassum eng xunuk insonni ham go‘zallashtiradi. Qovoq uyish eng go‘zal insonni ham xunuklashtiradi.

118 Payg‘ambarimiz (s.a.v.) iltifot qildilar: «Birodaringni tabassum bilan kutib olishdek bir yaxshilikni ham kichik ko‘rma!» (Muslim, «Birr», 144; Abu Dovud, «Libos», 24; Termiziy,«At’ima», 30).
Yaxshilik Allohning xush ko‘rgani, dinimizning va aqlning yaxshi deb topgan narsasidir. Mo‘min birodariga tabassum bilan boqish ham Allohga xush keladi, shuning uchun yaxshilik deb ifoda etilgan.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:03:42
119 Payg‘ambarimiz (s.a.v.) marhamat qildilar: «Alloh taolo mo‘minga, birodariga qovog‘ini uyub qaragan uchun g‘azab qiladi» (Munoviy, «Fayzul Qodir», 2/285, 1854 - hadis).

120 Payg‘ambarimiz (s.a.v.) marhamat qildilar: «Kim Allohga va oxirat kuniga ishonsa, faqat yaxshi so‘z so‘zlasin yohud indamasin!» (Muslim, «Iymon», 74; «Luqota», 14; Buxoriy, «Adab», 32, 85; «Riqoq», 23; Abu Dovud, «Adab», 123; Termiziy, «Qiyomat», 50; «Muvatto», «Sifatun Nabiy», 22; Ahmad, 2/174, 267, 433, 4/31, 5/247, 6/69, 384, 385).
«Payg‘ambarimizning (s.a.v.) sukutlari uzoq, kulishlari oz edi» (Ahmad). Bu bir haqiqat. «Faqat yaxshi so‘z so‘zlasin yohud indama!» degan hadislaridan murod shuki:
Bir kimsa so‘zlamoqchi bo‘lsa, avvalo yaxshilab o‘ylasin, agar so‘zlari aniq yaxshi bo‘lsa, savobli bo‘lsa so‘zlasin. Yaxshi bo‘lmasa so‘zlamasin. Agar so‘zlari muboh bo‘lsa ham so‘zlamasligi manzubdir. Muboh so‘zlar juda ko‘p. Hatto aksariyatni tashkil etadi. Alloh taolo marhamat qiladi: «O’ng va chap tarafda kuzatib turgan ikki (farishta) nima so‘z aytilsa yozib turadi» (Qof surasi, 17-18-oyatlari mazmuni).
Imom Shofe’iy aytganlar: «So‘zlamoqchi bo‘lgan kimsa avval o‘ylasin, agar so‘zlaridan o‘ziga biror zarar kelmasa, so‘zlasin. Zararli bo‘lsa yoki zarar shubhasi bo‘lsa voz kechsin!»
Fuzayl ibn Iyoz aytadilar: «Har kim so‘zini amalidan deb bilganida, keraksiz narsalar haqida gapirar edi». Xulosa shuki, inson o‘rnida sukut saqlasin, o‘rnida so‘zlasin. Chunki: «Haqni so‘zlash o‘rnida sukut qilgan shaytondir», deyilibdi. Shunga ko‘ra o‘z o‘rnidagi sukut ham, so‘z ham, sharaf bo‘lar ekan. (A. Dovud o‘g‘li, «Sahihi Muslim», tarjima va sharhi, 1/272, 273).
Bu mavzuda mezon ushbu hadisi sharifdir: «Yaxshi so‘zni aytish sukut qilishdan xayrli. Sukut esa (yomon) so‘z aytishdan xayrli» («Mustadrak», 3/343; «Kanzul-ummol», 2/4846; «Kashful Xofa», 2/463).
Hazrati Ali (r.a.) rivoyat qiladilar: «Rasulullohdan (s.a.v.) shuni o‘rgandim: «Balog‘atga yetgan yetim emas. Kun bo‘yi sukut kilish yo‘qdir» (Abu Dovud, «Vasoya», 9).
Hadis shorihlaridan Xattobiy bu hadis sharhida aytadilar: «Johiliyat zamonida ibodat sanalgan narsalardan biri sukut qilishlik edi. Dinimiz bundan qaytarib, ularga xayrli so‘zni aytish va zikr qilishni buyurdi» (Al-Xattobiy, «Maolimus sunan», 3/294).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:03:57
121 Ko‘p uxlaydiganlarning dangasa bo‘lishi ochiq haqiqatdir. Inson nima uchun yaratilgan bo‘lsa, unga intilishi kerak. Inson Alloh taologa qullik qilishi uchun yaratilgan. Yeyish, ichish va uxlash Allohga qullik qilishda quvvat bo‘lishi uchun berilgan. Vositalar asosiy g‘oya o‘rnini olmasligi kerak. Kifoya qiladigan miqdorda yeyish, ichish va uxlash lozim bo‘ladi. Qalb zikr, ilm va tafakkur bilan mashg‘ul bo‘lish o‘rniga uyqu bilan mashg‘ul bo‘lsa, albatta, zaiflashadi va zamon o‘tishi bilan o‘ladi. Vujud ma’naviy muvozanatini yo‘qotsa, moddiy muvozanatini ham yo‘qotadi.

122 Imom Muhosibiy «Risola»larida shunday deydilar: «Ey birodar, shuni bil! Gunohlar g‘aflatning, gaflat qalb qattiqligining, qalb qattiqligi Allohdan uzoq bo‘lishning boisidir. Allohdan uzoqlik natijasi jahannamdir» (Horisul Muhasibiy, «Risolatul-Mustarshidiyn», 154-155-sahifalar).
Imom Abu Hanifa (r.a.) mushkul masala bilan to‘qnash kelganda talabalariga: «Bu faqat qilgan gunohlarim tufaylidir», der ekanlar. So‘ng istig‘for aytib, namoz o‘qir so‘ng masalani hal qilsalar: «Tavbalarim qabul bo‘libdi», der ekanlar.
Fuzayl ibn Iyoz shunday deydilar: «Bu uning gunohi ozligidan. Bu holat boshqalarda uchrasa, hech ham bunday qilmaydi» (Aliyyul Qori, «Tabaqatul Hanafiyya», 2/482).
Ibni Qoyyum al-Javziy shunday deydilar: «Gunohlar yaralar kabi bo‘ladi. Kishini o‘limga olib boradigan yaralar ham bor. Bandaga Allohdan uzoqlashishi va qalbining qattiqligidan ham buyuk azob yo‘q. Qalb qattiqlashsa, qalb ko‘zi ko‘r bo‘ladi. Bu to‘rt narsa: yeyish, ichish, so‘zlash va (bo‘lar-bo‘lmas insonlar bilan) arazlashishning ehtiyojdan ko‘ra ko‘p bo‘lishi qalbni qattiqlashtiradi. O’zini omonlikda deb gumon qilishi va g‘aflat qalbni xarob qiladi. Xolos bo‘lish Allohdan qo‘rqish va zikr bilan bo‘ladi» (Ibnul Qayyum al-Javziy, «Al Favoid», 262-263-sahifalar).
Kichik gunohlarni ko‘p qilish katta gunohlariga yo‘l ochadi. Katta gunohlarni qilish qalb oynasini kirlatadi. Tozalab bo‘lmas holga keltiradi. Shunda inson gunohlarni oddiy hol hisoblaydi. Ana o‘shanda qalb muhrlanadi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:04:19
123 Mo‘min imtihondadir. Allohtaolo oyati karimada marhamat qiladi: «Biz sizlarni yomonlik (siqilish, mashaqqat, faqirlik, xastalik, g‘am) bilan va yaxshilik (rohat, kenglik, boylik, sihat) bilan imtihon qilyapmiz (va qilamiz)» (Anbiyo surasi, 35-oyat mazmuni).
Demakki, mo‘min har ikki holda ham imtihondadir. Unga shukr qilarmikan deb ne’mat, sabr qilarmikan deb balo berilgan.
Mo‘minga g‘am, balo va musibat, uning gunohlariga kafforat yoki darajasini orttirish uchun beriladi. Xatosini tushungan istig‘for aytsa, kechirilishini so‘raydi, Alloh taolo tavbasini qabul qiladi. Sabri va shukri sababli ajrga noil qiladi. Jannatiga kiritadi. Alloh taolo marhamat qiladi: «Kim bir gunoh ish qilsa yoki nafsiga zulm qilsa, so‘ng Allohdan mag‘firat so‘rasa, Uning kechiruvchi va o‘ta rahmli ekanini topar-ko‘rar» (Niso surasi, 110-oyat mazmuni).

124 Alloh taolo marhamat qiladi: «Haqiqatan Qorun Musoning (a.s.) qavmidan edi va ularga qarshi yo‘ldan ozdi. Unga shunchalar xazina bergan edikki, kalitlarini kuchli-quvvatli bir jamoa olib yurardi. Qavmi unga aytardiki: «Ortiqcha xursand bo‘laverma. Chunki Alloh haddidan oshib sevinganlarni suymaydi» (Qasos surasi, 76-oyat mazmuni).

125 Uqba ibn Amr (r.a.) aytdilar: «Men so‘radim: «Ey Allohniig Rasuli! Najot nimada?» iltifot qildilar U Zoti muborak (s.a.v.): «Tilingga hokim bo‘l, uying senga keng bo‘lsin (uyingda yasha) va xatolaringga yig‘la!» (Termiziy, «Zuhd», 61).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:04:26
126 Tavba qabul bo‘lishining sharti gunohlarga pushaymonlik his qilish va xafa bo‘lish hisoblanadi. Agar banda pushaymon bo‘lmasa, gunoh qilishda davom etaveradi. Tavba qilganni Alloh taolo yaxshi ko‘radi. Gunohiga afsus-nadomatda bo‘lganni ham yaxshi ko‘radi. Chunki bu holat uni tavba qilishga yetaklaydi.

127 Inson har kuni yo foyda, yo zarar ko‘radi. Shubhasiz, foyda yo‘lini tutsa foyda ko‘radi, zarar yo‘lini tutsa zarar ko‘radi. Insonga berilgan ne’matlarning eng qiymatlilaridan biri umrdir. Zero, jannat yoki jahannam mana shu qisqa umr bilan topiladi. Kunlar ham boshqa ne’matlar singari: yo foydamizga, yo zararimizga guvohlik beradi. Mo‘minning vazifasi umriing sarmoya ekanini bilish va uni bergan Zotning roziligi yo‘lida sarflashdir. Bu umrimizni rejali ravishda o‘tkazishimiz lozim. Bunday bo‘lish uchun Qur’onga va «Axloqi Qur’on» bo‘lgan Zotga (s.a.v.) ergashish kerak. U Zot (s.a.v.) nimani amr qilgan bo‘lsalar, qanday bajargan bo‘lsalar, shunday bajaramoq shart. Ya’ni, qalbda niyat Alloh taoloning roziligi bo‘lishi, amallarimiz Payg‘ambarimizning (s.a.v.) sunnati saniyyalariga muvofiq kelishi lozim.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:04:41
DUNYO

128 O’lim ruhning badandan ayrilishidir. Qachon amri ilohiy kelsa, malak shu zahoti jasaddan ruhni chiqaradi, kishi o‘ladi. Demak, o‘limning illati xastalik va ofatlar emas. Xastalik va ofatlar bir jihatdan ne’mat hisoblanadi. Chunki ular gunohlarga kaforat bo‘ladi. O’lim bilan insonning hayoti abadiy xotima topmaydi. Balki, dunyo hayoti tugaydi. O’lim buyuk haqiqatdir. O’limdan qo‘rqishdan Allohdan panoh tilaylik va o‘limni sevaylik, zero o‘lim muhib va mahbub o‘rtasidagi ko‘prikdir.

129 Boylik va faqirlik kishiga ne’mat ham, azob sababi ham bo‘lishi mumkin. Zero, inson boylik yo faqirlik bilan imtihon qilinadi. Boylik Allohning bir omonati, jannatni topishda bir vasila, deb bilinsa haqiqatan ham bir ne’mat bo‘ladi.
Faqirlik gunohlarga yetaklovchi ishlardan qaytarsa, haqiqatan ham buyuk sanaladi.
Hadisi qudsiyda marhamat qilinadi: «Buyuk Alloh azza va jalla Dovud alayhissalomga vahiy qildi: «Ey Dovud! Dunyo itlar to‘planib talashgan bir o‘laksaga o‘xshaydi. Sen ham ular bilan barobar talashishni xoxlarmiding?» (Suyutiy , «Addurorul muntasira», 85-sahifa).
Yana hadisi qudsiyda Alloh taolo marhamat qiladi: «Ey dunyo! Menga xizmat qilganga xizmat qil, senga xizmat qilganga xizmatingni qildir!» («Tazkirotul mavzuot», 175-sahifa).
Dunyo bir vosita. Nimaga vosita bo‘lsa, shuning hukmini oladi. Agar jannatni qozontirsa, dunyo qiymatli bo‘ladi. Jahannamni qozontirsa, dunyo eng past narsa bo‘ladi.
Mo‘min dunyo va oxirat muvozanatini saqlagan kishidir. Dunyo oxiratni topish uchun kerak. Ko‘p insonlarning dunyoni yomonliklarga va gunohlarga vosita qilganlaridan dunyo yomonlanadi. Ammo oxiratni qozontirgan dunyo yomon emasdir.
Alloh taolo huzurida dunyoning qiymati bo‘lganida, uni O’zi sevgan bandalariga ato qilar edi. Sarvari Koinot (s.a.v.) marhamat qildilar: «Alloh huzurida dunyoning chivinning kanotichalik qiymati bo‘lganida, kofirlarga bir qultum suv bermas edi» (Termiziy, «Zuhd», 13).
Dunyoning hammasi kichkina bir qanotchalik bo‘lmasa, uning bir juz’i qanday ekan.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:04:55
ALLOH HUZURIDA INSONLARNING DARAJALARI

130 Rasululloh (s.a.v.) iltifot qildilar: «Sizlarning yaxshingiz yaxshiligi kutilgan va yomonligi bo‘lmagan kimsadir. Sizlarning yomoningiz yaxshiligi bo‘lmagan va yomonligi kutilgan kimsadir» (Termiziy, «Fitan», 76; Ahmad, 3/368, 378).
«Alloh huzurida eng yomon kimsa, yomonligidan qo‘rqib kishilar qochgan kimsadir» (Muslim, «Birr», 73;AbuDovud, «Adab», 5; Ibni Moja «Fitan», 11).
«Insonlarning eng yaxshisi insonlarga manfaat yetkazuvchi bo‘lganlaridir» (Suyutiy, «Al-jo-me’ as-sag‘iyr», 4044-hadis).
«Insonlarning eng yaxshisi umri uzun va amali go‘zal bo‘lganidir» (Termiziy, «Zuhd», 21. Dorimiy, «Riqoq», 30; Ahmad, 4/188; 190).

131 Nima Alloh huzurida yaxshi bo‘lsa yaxshidir. Nima Alloh huzurida yomon bo‘lsa yomondir. Umrning yaxshi yo yomonligi natijaga bog‘liq. Umr natijasida nimaga erishilsa, shunga ko‘radir. «Kishining oynasi ishidir, so‘ziga qaralmaydi» Yaxshi ish qilsa yaxshi, yomon ish qilsa yomondir. Qiymatli bo‘lgan umr faqat qiymatli narsalarga sarflashga berilgan.
 
132 Alloh taolo marhamat qiladi: «Dinni yolg‘on deganlarni ko‘rdingizmi? Ana o‘shalar yetimga qo‘pollik qiladilar, yo‘qsillarni to‘ydirishga tashviq etmaydilar. Namozlarini g‘aflatda o‘kigan namozxonlarning holiga voy! Ular riyokorning o‘zidirlar. Ular zakotga (yordamga, yaxshilikka) to‘sqinlik qiladilar» (Mo’un surasi, 1—7-oyatlar mazmuni).
 
133 Bir jamiyatda boylar qadrlanib, faqirlar xo‘rlansa, hayot muvozanati buziladi. Faqirlar boylarga dushman bo‘ladi. Ijtimoiy «portlashlar» maydonga chiqadi. Shuning uchun Allohning suyukli Habibi (s.a.v.) iltifot qildilar: «Zakot islomning ko‘prigidir». Faqir bilan boy orasidagi nizoning oldini oluvchi «ko‘prik», faqirning boyga dushman bo‘lishini oldini oluvchi «ko‘prik».
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:05:03
134 Harom ishlar, harom boylik, harom fe’llar jamiyat binosini tamalidan qo‘porib tashlaydi. Harom haromga yetaklaydi. Bora-bora harom uzra o‘lishga olib keladi.

 135 Alloh qaytargan amaldan tavba qilmagan kimsa o‘sha amalga rozi demakdir. Bu gunohga rozilik demakdir. Najot gunohlardan qutilishda. Gunohlardan qutilish gunohlarga tavba qilish va gunohlardan voz kechishdir. Tavba qilmasdan Allohning kechirishini kutish axmokdikdir. Albatta, Alloh xohlasa kechiradi, xoxdasa azoblaydi.

136 O’z birodarini aldagan haqiqatda yomon kishidir. Bu mavzuda Payg‘ambarimiz iltifot qildilar: «Aldovchi bizdan emas» (Termiziy)
Aldash munofiqlik, yolg‘onchilik, insonlar ishonchini yo‘qotish va kishilar orasidagi huzurni buzish demakdir.

137 G’aflat deb nima uchun yaratilganini bilmaslikka aytiladi. Umrning boshi yoshlik. Yoshlik umr binosining tamali. Tamalning chirishi binoga zarar yetkazadi. Tuyg‘ularning hassos (o‘ta tez ta’sir qiluvchan) zamoni yoshlikda buladi. Bu hassosiyatni boshqa narsalarga sarflash yoshlik uchun zulm bo‘ladi. G’aflatning falokatini bildirgan oyatlar ko‘p. «Insonlarning hisoblari yaqinlashdi. Ular esa hamon g‘aflatda (iymon keltirib yaxshi amallar qilishdan) yuz o‘girmoqdalar (Anbiyo surasi, 1-oyat mazmuni).
 «Ular dunyo hayotidan ko‘rinib turgani biladilar, xolos. Ammo oxiratdan tamomila g‘aflatdalar» (Rum surasi, 7-oyat mazmuni).
Inson yoshlikda tushunmaganlarini, ko‘pincha qarilikda tushunadi. Bu uni ko‘proq amal qilishga yetaklaydi. O’zini ibodatga, toatga, insonlarga xizmat va marhamatga bag‘ishlaydi. Agar qariganida ham tushunmasa, tanballik qilsa, halokatning haqiqiysi shu bo‘ladi. Bu holat bilan bog‘liq bir duoda Rasulullohdek (s.a.v.) biz ham duo qilishimiz lozim bo‘ladi: «Allohim, xafalik va g‘amdan, ojizlik va dangasalikdan, qo‘rqoqlik va baxillikdan, qarz va insonlar qahri ostida qolishdan Senga yukinaman» (Buxoriy, 4/23, Nasoiy, 8/ 257; Muslim, «Zikr», 49-51).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:05:21
YAXSHILIK ALOMATLARI

138 Insonning tashqi ko‘rinishi ichki dunyosi uchun oynadir. Xizmat buyuklarning fe’lidir. Rasululloh (s.a.v.) iltifot qildilar: «Qavmning boshlig‘i ularga xizmat qilganidir» (Suyutiy, «Al-jome’ as-sag‘iyr», 4751-hadis),
Insonning ichki go‘zalligi uning buyuklik maqomining ulug‘ligiga bog‘liq bo‘ladi.

139 Molning haloliga hisob bor, haromiga azob. Molparastlik azobga boshlaydi.
Ayollarning so‘nik holga tushishi insoniyatning so‘nishi demak. Mo‘min komil inson bo‘lishi kerak. Komil inson shahvatga berilmaydi. Shahvat botqoqlikka o‘xshaydi. Unga botgani sayin cho‘kib ketaveradi. Shahvat aqlning amri ostida, aql ilmning amri ostida, ilm iymonning amri ostida bo‘lishi lozim.
Insonlarning sha’nlari haqida bo‘lar bo‘lmas narsalarni gapiraverish johillarning ishidir.

140  Aqlli inson farqlaydigan kishidir. Dunyo foniy, oxirat esa boqiydir. Foniyni berib boqiyni olish juda ham foydali savdo hisoblanadi. Zotan, dunyo oxiratni qozonish uchun berilgan.
Jafoga sabr qila olgan kishi jafodan qutiladi.
G’amdan qutulishning alomati sabrdir. Imtihon sabrni talab qiladi. Alloh taolo marhamat qiladi: «Albatta, sizlarni qo‘rquv, ochlik bilan, mollaringiz, jonlaring va mahsullaringizdan kamaytirish bilan sinab ko‘ramiz. Sabrlilarga xushxabar bering!» (Baqara surasi, 155-oyat mazmuni).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:05:29
141  Olim Alloh va Rasulining (s.a.v.) sevgisini topishga harakat qilgan insondir. Buning uchun to‘g‘ri so‘zli bo‘lish lozim. Payg‘ambarimiz (s.a.v.) marhamat qiladilar: «Kim o‘ziga Alloh va Rasulining sevgisini xohlasa, so‘zida to‘g‘ri bo‘lsin, omonatni (sohibiga) bersin va ko‘shnisiga aziyat yetkazmasin» («Kanzul ummal», 43360, 44293).
Olim o‘rnak bo‘lgan insondir. U har narsada, xususan to‘g‘ri so‘zlikda o‘rnak bo‘lishi lozim. Haromdan saqlanish man qilingan amallardan uzoq bo‘lish natijasidir. Harom taomdan saqlangan, harom amallardan saqlanadi.
Rasululloh (s.a.v.) marhamat qildilar: «Haromlardan saqlan! Insonlarning obidrog‘i bo‘lasan!» (Termiziy, «Zuhd», 2; Ahmad, 2/310).
Rasululloh (s.a.v.) tavsiya etdilar: «Sizga Allohdan qo‘rqishni (taqvoni) va itoat kilishni tavsiya etaman» (Abu Dovud, «Sunnat», 6; Termiziy, «Ilm», 16; Ahmad, 4/126; 127; Dorimiy, «Muqaddima», 16).
Olimning ilmi ortgan sayin tavozu’si ortadi. Tavozu’li inson Allohga yaqin bo‘ladi. Kibrli inson muhabbatga loyiq emas. Olimni hurmatlash, ilmni hurmatlashdir, ilmni qadrlash esa dinni himoyalashdir.

142 Kishi saqlanishi kerak bo‘lgan narsalarning boshida yolg‘on, yomonlik va yomon do‘stlardan uzoqlashish turadi.
Harom qilish ehtimoli bo‘lgan joyda halolni ham tark etish taqvoning talabidir.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:05:37
143 Haqiqiy sodiq kishi amallarini Alloh uchun qilib, ularni insonlar nazaridan saqlagan kishidir. Sodiqlar yolg‘iz bo‘lganda ham, insonlar orasida bo‘lganda ham ibodatni bir tarzda qiladilar, balki yolg‘iz bo‘lganlarida toat ibodatga ko‘p mashg‘ul bo‘ladilar.
Ibodatni yashirish riyodan asraydi. Sadaqani yashirish ham shunday. Bunda yana sadaqa berilgan kimsaning izzati ham saqlanadi.
Musibatni yashirishda ham riyodan saqlanish bor. Musibat sabri bilinsa, riyo bo‘lishi mumkin. Sabrki yashirish bilan riyodan qutilgan bo‘ladi.

144  G’azablanishga loyiq nafsga «nafsi ammora» deyiladi. U doimo yomonlikka boshlaydi. Yomonlikka buyurgani uchun unga doimo g‘azablanish darkor. Toki bosh qo‘tarmasin va senga hukm o‘tkazmasin.
 
145 Hazrati Umar (r.a.) aytadilar: «Nafsingdan hisob so‘ralmasdan avval, hisob so‘rang. Amallaringiz tortilmasdan avval, tortib ko‘ring. Hech bir siringiz yashirin qolmaydigan buyuk hisob Kuniga tayyorgarlik ko‘ring!» (Muhosibiy, «Risolatul mustarshidiyn», 48-sahifa).
Hasan Basriy (r.a.) hazratlari aytadilar: «Mo‘min nafsi ustidan g‘olibdir. Nafsini Alloh uchun hisobga tortadi. Dunyodalik chog‘ida nafsini hisobga tortganlarga qiyomatning hisobi oson kechadi. Nafsidan hisob so‘ramagan qavmga esa qiyomatning hisoblari og‘ir bo‘ladi» (Abu Nu’aym «Hilyatul avliyo», 2/157; Ibni Kasir, «Al-bidoya van-nihoya», 9/272)
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:05:45
146 Obid kimsa yolg‘iz o‘zi nafl namozini uzoq o‘qiydi, qiyomda uzoq turadi, jamoatga imom bo‘lganida qisqartiradi. Rasululloh (s.a.v.) bir rakatda bir necha uzun suralarni o‘qiganlari rivoyat qilingan. Namozxonga Alloh o‘zgacha bir huzur holati beradi. Huzuriga kirishning eng qulay va go‘zal yuli namoz, huzurida uzoq qolishning chorasi esa qiyomdir.

147 Solih so‘zi uyg‘un, to‘g‘ri va ixlos ma’nolarida qo‘llaniladi. Solih inson degani, amali iymoniga uyg‘un, tashqi olami ichki dunyosiga mos, Qur’on yo‘lida yurgani ixlosli inson solih amal iymonga uyg‘un, Qur’onga mos va ixlosli amal demakdir.
Ixlosli amal Allohnining roziligini topish uchun qiligan amaldir.
Dinning islohi, to‘g‘rilanishi, uni hayotga tatbiq etish unga muvofiq amal qilish bilan bog‘liqdir inson kamolga yetgach, muslih (isloh kiluvchi) bo‘ladi. Solih inson boshqalarni xam tortadi. O’zining najot topishiga harakat qilganidek, boshqa insonlarning najot topishlariga harakat qiladi. Zero, har mo‘min kuchi yetganicha boshqalarning najot topishiga mas’ul.

148 Haloldan topib, halol yeyish olimlar bilan suhbatlashish, besh vaqt namozni jamoat bilan o‘qish kishining baxtidir. Kishi amali qabul bo‘lishi uchun haloldan yesa, e’tiqodi va toatlari to‘g‘ri bo‘lishi uchun olimlar suhbatida bo‘lsa, ular bilan aloqa bog‘lasa yaxshiliklar baxsh etuvchi, Allohga yaqinlashtiruvchi, yomonliklardan uzoqlashtiruvchi namozini jamoat bilan o‘qisa ikki dunyoda baxtli bo‘ladi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:05:52
149 Mo‘min Alloh tomonidan yetkazilgan hamma narsalarni tasdiq qilib ishongan kishidir. Komil mo‘min ishongan narsalariga amal qiladi. Alloh taologa itoat etadi. Rasulullohga (s.a.v.) ergashadi. Payg‘ambarimiz (s.a.v.) yomonlikka yaxshilik bilan javob qilar edilar. Komil mo‘minning borada ham u Zotning (s.a.v.) sunnatlariga ergashadi.

150 Saxiyning komili «o‘z haqqidan» saxiylik qiluvchi kishidir. Bu ma’naviy zakot bo‘ladi. Molidan zakotdan tashqari sadaqa beradi. Haqiqiy saxovat farz va vojib bo‘lgan moliyaviy ibodatlarni qilishdir.

151 Sahoba Uqba ibn Amr (r.a.) aytadilar: «Allohning Rasuliga (s.a.v.) ro‘baro‘ keldim. Qo‘llaridan mahkam ushlab oldim. So‘zni birinchi boshlab so‘radim: «Yo Rasululloh! Amallarning eng afzali qaysi, ayting!»
Shunda u Zot (s.a.v.) iltifot qildilar: «Ey Uqba! Sen bilan aloqasini uzgan kimsa bilan aloqa bog‘la! Senga bermaganga sen ber! Senga zulm qilgaini kechir!» (Ahmad, 4/148, 158).
Hilm bu bosiq, sabrli, yumshoq tabiatli va g‘azabini otuvchi demakdir. U sabrning sarmoyasi va insonga tahdid solgan ofatlar to‘sig‘i. Halim kishi sarmoyasi halm bo‘lgan sabrli kishidir. Alloh taolo Ibrohim (a.s.) payg‘ambarni maqtab marhamat qiladi: «... shubhasiz, Ibrohim ko‘p tazarru’ qilgan, yumshoq tabiatli va halim edi» (Tavba surasi, 114-oyat mazmunidan).
Yumshoq tabiatli bo‘lish «axloq dasturxonining» «tuzi»ga o‘xshaydi. (Ahmad Rifat, «Tasviri Axloq», 116, 117-sahifalar).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:06:40
149 Mo‘min Alloh tomonidan yetkazilgan hamma narsalarni tasdiq qilib ishongan kishidir. Komil mo‘min ishongan narsalariga amal qiladi. Alloh taologa itoat etadi. Rasulullohga (s.a.v.) ergashadi. Payg‘ambarimiz (s.a.v.) yomonlikka yaxshilik bilan javob qilar edilar. Komil mo‘minning borada ham u Zotning (s.a.v.) sunnatlariga ergashadi.

150 Saxiyning komili «o‘z haqqidan» saxiylik qiluvchi kishidir. Bu ma’naviy zakot bo‘ladi. Molidan zakotdan tashqari sadaqa beradi. Haqiqiy saxovat farz va vojib bo‘lgan moliyaviy ibodatlarni qilishdir.

151 Sahoba Uqba ibn Amr (r.a.) aytadilar: «Allohning Rasuliga (s.a.v.) ro‘baro‘ keldim. Qo‘llaridan mahkam ushlab oldim. So‘zni birinchi boshlab so‘radim: «Yo Rasululloh! Amallarning eng afzali qaysi, ayting!»
Shunda u Zot (s.a.v.) iltifot qildilar: «Ey Uqba! Sen bilan aloqasini uzgan kimsa bilan aloqa bog‘la! Senga bermaganga sen ber! Senga zulm qilgaini kechir!» (Ahmad, 4/148, 158).
Hilm bu bosiq, sabrli, yumshoq tabiatli va g‘azabini otuvchi demakdir. U sabrning sarmoyasi va insonga tahdid solgan ofatlar to‘sig‘i. Halim kishi sarmoyasi halm bo‘lgan sabrli kishidir. Alloh taolo Ibrohim (a.s.) payg‘ambarni maqtab marhamat qiladi: «... shubhasiz, Ibrohim ko‘p tazarru’ qilgan, yumshoq tabiatli va halim edi» (Tavba surasi, 114-oyat mazmunidan).
Yumshoq tabiatli bo‘lish «axloq dasturxonining» «tuzi»ga o‘xshaydi. (Ahmad Rifat, «Tasviri Axloq», 116, 117-sahifalar).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:07:49
152 Sabr inson tabiatiga nomuvofiq holatlarga bardosh berishdir. Sabrnipg turli ko‘rinishlari bor. Musibatga qarshi sabr iffat, harb holatida shijoat, g‘azabu kinni ichiga yutganda hilm, zavq beruvchi halol narsalarning oziga kifoyalanganda qanoat deyiladi.
Sabr asosan ikki qismdir. Birinchisi badan bilan bog‘liq hollarga, qiyinchiliklarga chidash. Bunday sabr dinimiz va aql tamaliga muvofiq bo‘lsa olqishlanadi. Ikkinchi qism tabiiy is-taklar va aqldan yiroq orzularga qarshi sabrdir. Bu eng maqtovli sabrdir. Qur’oni karimda yet-dishdan ko‘p oyatda, hadisi shariflarda sabru sabot maqtaladi. (Ahmad Rifash, «Tasviri axloq»,285-sahifa).

153 Tavba - qaytish, voz kechishdir. Yomondan qaytib yaxshiga erishishdir. Gunohni aslo takrorlamaslikdir. Yaxshiga erishuii uchun yomondan voz kechish lozim. Yaxshiga erishishni xohlagan kimsa yaxshi nima ekanini bilishi shart. Buning uchun ilm kerak.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:08:07
SHIRKNING ALOMATLARI

154 Kofir haqni inkor qilgan kimsadir. Haqqa shubha qilgan iymonli bo‘lmaydi. Qur’oni karimda marhamat qilinadi: «Mo‘minlar shunday kimsalarki, Alloh va Rasuliga iymon keltiradilar, so‘ng hech shubha qilmaydilar. Va mollari, jonlari bilan Alloh yo‘lida mujohada qiladilar. Ana o‘shalar sodiq kimsalar» (Hujurot surasi, 15-oyat mazmuni).
Mo‘min Alloh taolo sevganlarni sevadi. Allohga dushman bo‘lganlarga u ham dushman bo‘ladi.
«Alloh uchun sev va Alloh uchun yomon ko‘rish iymondandir» (Buxoriy, «Iymon», I. Abu Dovud, «Sunnat», 2; Ahmad, 5/146).
Alloh sevgan bandani Alloh sevgani uchun yomon qo‘rish kufrdir.
Alloh sobirlarni, muhsinlarni, odillarni, tavakkal qiluvchilarni, jismoniy va ruhoniy pok bo‘lgan bandalarni sevadi. Alloh isrof qiluvchilarni, kibrlilarni, maqtanchoqlarni, zolimlarni, fasodchilarni, haddidan oshganlarni, xoinlar va noshukrlarni sevmaydi. Alloh taolo marhamat qiladi: «Albatta, biz insonlar va ulardan bir jamoani jahannam uchun yaratdik. Ularning qalblari bor, lekin tushunmaydilar. Ko‘zlari bor, lekin ko‘rmaydilar. Quloqlari bor, lekin eshitmaydilar. Ular hayvon kabidir, balki undan ham adashganroq. Ular g‘ofillarning o‘zidir» (A’rof surasi, 179 oyat mazmuni).

155 Muslim rivoyatida munofiq haqidagi hadisda shunday qo‘shimcha bor. «Qancha ro‘za tutsa ham, namoz o‘kisa ham, musulmon ekanini da’vo etsa ham...» (Buxoriy, «Iymon», 24; «Shahodat», 28, «Adab», 69; Muslim, «Iymon», 107, 109).
Munofiq sifatlari haqida Rasululloh.(s.a.v.) shunday deganlar: «Kimda 6u to‘rt narsa bo‘lsa, u ochiq munofiqdir. Agar bulardan biri bo‘lsa, xalos bo‘lmagunicha unda nifoqdan bir parcha bo‘ladi.
—   Omonatga xiyonat qiladi;
—   So‘zlasa, yolg‘on so‘zlaydi;
— Va’dasida turmaydi;
— Nizoda haddidan oshadi»
(Buxoriy, «Iymon». 24; «Jizya», 17; «Mazolim», 17; Muslim, «Iymon», 102; Termiziy, «Iymon», 14; Nasoiy, «Iymon», 20; Ahmad, 2/189).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:08:19
156 Inson va’zni jon qulog‘i bilan eshitmasa, aytilgan mavzuni qabul qilmasa foydasi bo‘lmaydi.

157 Payg‘ambarimiz (s.a.v.) marhamat qildilar: «Muroining (riyokorning) uch alomati bor:
— insonlar orasida bo‘lganda g‘ayrat bilan bajaradi;
— yolg‘iz paytida dangasalik qiladi;
— hamma ishlarida boshqalardan maqtov kutadi»
(Ibni Bobavayh, Izzatdin Belik, «Oyat va hadislarda islomiy hayot», tarjima va sharhi, 2/190).
Rasululloq (s.a.v.) iltifot qildilar: «Kim shuhratparastlik libosini kiysa, qiyomatda Alloh taolo unga bir libos kiydiradi. Keyin o‘sha libos ichi olovlanadi (va uni yoqadi)» (Abu Dovud, «Libos», 5; Ibni Moja, «Libos», 27; Ahmad, 2/92, 139).
«Shirk amal(ning tamali)ni yo‘q qiganinidek, chayon ham amalni(ng kamolini) yo‘q etadi» (Rabi’,«Musnad», 1/18).
Abu Zarr (r.a.) rivoyat qiladilar: «Payg‘ambarimizdan (s.a.v.) so‘rashdi: «Bir odam yaxshi bir ish bajarsa, keyin xalq uni maqtasa, siz shunga nima deysiz?»
«Bu mo‘minga beriladigan mukofotning dunyodagi bir qismidir», deb iltifot qildilar u zoti Muborak (s.a.v.). (Muslim, «Birr», 166).
Payg‘ambarimiz (s.a.v.) bayon qildilar: «Haqiqatda, riyo kichik shirkdir» (Ahmad, 5/428, 429).
Muslihning (isloh qiluvchining) fazilatlaridan biri shuki, uning zikr qilganini deyarli hech kim bilmaydi. Chunki u yashirin holda zikr qiladi.

158 Axmoqlik aqlning ozligidan paydo bo‘lgan xastalikdir. Uning shifosi o‘limdir.
Axmoqlikka ishorat qiluvchi ba’zi alomatlar quyidagilardan iborat: so‘z aytishda va ish qilishda shoshadi, so‘z berib, undan qaytadi, insonlar haqqiga rioya qilmaydi, hammadan g‘ayrat va sadoqat kutadi, sinalmagan kishiga ish topshiradi, aql va qobiliyatini ishlatmasdan badanini qiynab charchatadi, bilimsiz kimsalar yonida bilag‘onlik qiladi, har qanday hukmni dalilsiz qabul qiladi va rad etadi. (Ahmad Rifat, «Tasviri axloq», 118-120-sahifalar).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:08:26
159 Yolg‘on so‘zlash, yolg‘on qasam ichish va ehtiyojlarini insonlardan so‘rash (zaruratsiz), ya’ni tilanchilik qilish dunyoda ham, oxiratda ham mahrumlikka sabab bo‘ladi.
Yolg‘on so‘zlash ishonchni yo‘qotadi, insonlar orasidagi huzurini buzadi. Yolg‘on qasam ichish nohaqlik va adolatsizlikka sabab bo‘ladi. Yolg‘on qasam ichish haq va adolatning dushmani sanaladi. Tilanchilik jahannam otashini to‘plashdir.

160 Shaqiy - badbaxt, mahrum, jahannamiy demakdir. Sa’id baxtli, lutflarga noil bo‘lgan, jannatiy demakdir. Alloh taolo marhamat qiladi: «Qiyomat kuni kelganida Alloh taolo iznisiz hech kim so‘z ayta olmaydi. Shunda ulardan kimlardir shaqiy, kimlardir sa’id bo‘ladi. Shaqiy bo‘lganlar, ular otashda va unda ohu faryod soladilar» (Hud surasi, 105-106-oyatlar mazmuni).
«Agar nasihat foyda bersa, nasihat qiling! (Allohdan) qo‘rquvchi nasihatni qabul qiladi. Endi shaqiy bo‘lsa, u nasihatdan qochadi. Uning ulkan otashga kiradi. Keyin u yerda na o‘ladi, na yashay oladi» (A’lo surasi, 9-13 oyatlar mazmuni).
«Men sizlarga olovi shiddatlanib borgan jahannam (tahlikasi) xabarini berdim. Unga shaqiydan boshqalar (abadiy) kirmaydi» (Layl surasi, 14-15-oyatlar mazmuni).
Harom taom yeyish, olim suhbatidan kechish, namozni yolg‘iz o‘qish shaqiyning alomatlari sanaladi. Harom taomdan shakllangan go‘sht jahannamga loyiqdir. U zanglagan temirga o‘xshaydi agar chirib bitmagan bo‘lsa faqat olov bilan asliga qaytadi.
Olimdan uzoqlashish haqiqatdan, ilmu irfondan uzoqlashishdir. Haqiqatdan, ilmu irfondan yiroq kishi haqiqiy baxtsizdir.
Namoznni yolg‘iz o‘qishdan ko‘ra jamoat bilan o‘qish yigirma yetti daraja ortiqdir. Namozni masjidda o‘qimaslik, jamoatdan ajralishga, jamoatdan ajralish islomiyatdan ajralishga sabab bo‘ladi. Dinimizdan ajralish abadiy baxtsizlikka olib keladi.
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:08:38
161 Kishining o‘z-o‘ziga zulm qilishi eng katta zulm sanaladi. O’z-o‘ziga zulm qilishning eng kattasi haromdan rizq topishdir.
Rasuli Akram (s.a.v.) bunday deydilar: «Sizlardan avval o‘tgan ummatlardan bir kishini hisobga tortildi. Ammo uning hech ham yaxshiligi yo‘q ekan. Faqat boyagi odam boshqalar bilan barobar harakat qilar va boy edi. O’z kishilariga faqirlarning qarzlarini kechishni amr qilar edi. Allah taolo u haqda: "Biz kechirishga undan ham haqlimiz», deb iltifot qildi va uni afv etdi (Muslim, «Musoqot», 30).
«Kim bir faqir kimsaga qarz muddatini uzaytirsa yoki oladiganidan kechsa, hech ham soya bo‘lmaydigan qiyomat kunida Alloh taolo uni arshi soyasida soyalantiradi» (Muslim, «Musoqot», 32)
«Bir biringizga nisbatan shirin muomalada bo‘ling. Bir biringizga qulaylik qiling. Haq egasi haqqini so‘rashni kechiktirishi qanchalar savob ekanini bilganida edi, qarzdordan qochib yurgan bo‘lar edi» («Kanzul Ummol», 1/5410)
Qarzni uzishga imkoni bo‘la turib uni bermaslik zulm hisoblanadi. O’lim har on kelishi mumkin. Rasululloh (s.a.v.) iltifot qildilar: «Mo‘minning ruhi qarzi sababli, u qarz to‘languniga qadar boshliq turadi» (Termiziy, «Janoiz». 76; Ibn Moja).
«Alloh bandalarining zng yaxshisi (qarzini) xush ado qilganlardir» (Muslim, «Musoqot», 114-122).
Rahmli kishiga oxiratda rahm qilinadi, rahmsiz odamga rahm qilinmaydi. Rahmliga Alloh taolo dunyoda ham rahm qiladi va yordam beradi
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:08:50
DUOLAR

162 Payg‘ambarimiz (s.a.v.) ishni o‘ng tarafdan boshlashga juda e’tibor berganlar. Hazrati Oisha (r.a.) onamiz rivoyat qiladilar: «Rasululloh (s.a.v.) har ishda, poklanishda, oyoq kiyimlarini kiyishda o‘ng tarafdan boshlashni xush ko‘rar edilar» (Buxoriy, «Vuzu’», 31; «Libos», 77; Muslim, «Tahorat», 66, 67).
Payg‘ambarimiz (s.a.v.) iltifot qildilar: «Sizlardan kim masjidga kirsa «Allohum maftahliy abvaaba rohmatik» (Allohim! Menga rahmating eshiklarini och), deb duo qilsin. Masjiddan chiqayotganida: «Allohumma inniy as’aluka min fazlik» (Allohim! Sendan fazling so‘rayman), deb duo qilsin» (Muslim, «Musofiriyn», 68; Abu Dovud, «Solat», 18; Nasoiy, «Masajid», 36).

163 Rasululloh (s.a.v.) iltifot qildilar: «Kim kechqurun «Yosinni o‘qisa muhofaza kilingan holda tong ottiradi» (Buxoriy, «Adab»; Abu Nu’aym, «Hilyatul avliyo»).
«Kim har kechkurun «Yosin»ni o‘qisa, shahid holda vafot etadi» (Tabaroniy; Hasan Basriy Chantay, «Qur’oni Hakiym va Ma’noyi Karim», 2/779).

164 «Kim ertalab uch marta «A’uzu billaahis samiy’il ‘aliymi minash shaytotr rojiym» deb, Hashr surasining so‘nggi uch oyatini o‘kisa, Alloh taolo unga kechgacha yetmish ming farishtani muakkal qiladi. Ular unga istig‘for aytib turadilar. U kimsa o‘sha kuni o‘lsa, shahid bo‘ladi. Kechkurun bo‘lganida o‘qisa, yana shunday bo‘ladi» (Ahmad, Termiziy, Tabaroniy, Bayhaqiy, Ibnus Sunniylar Ma’qil ibn Yasardan (r.a.) rivoyat qilganlar).
Daylamiy ibni Abbosdan (r.a.) rivoyat qiladilar: «Allohning Ismi A’zami Hashr surasining so‘nggi olti oyatida» (Hasan Basriy Chantay, 3/ 1030).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:08:57
165 Rasululloh (s.a.v.) marhamat qildilar: «Uylaringiz qabristonga o‘xshab qolmasin! Baqara surasi o‘qilgan uydan shayton qochadi!» (Muslim, «Musofiriyn», 212; Termiziy, «Fazoilul Kur’on», 2).
«Qur’on o‘qinglar! Chunki Qur’on, uni o‘qiganlarni qiyomat kuni shafoat qiladi. Zahrovayi (Baqara va Oli Imron) suralarini o‘qing! Chunki ular qiyomat kuni ikki bulut, ikki soya, ikki qator guruh qushlar bo‘lib keladi, uni o‘qiganlarni mudofaa qiladi. Baqara surasini o‘qing! Uni o‘qish barakot, tark qilish pushaymolikdir. Uning barakotini battollar (sehrgarlar) ketkiza olmaydi» (Muslim, «Musofiriyn», 252).
«Kim kechqurun Baqara surasining oxiridagi ikki oyatni o‘qisa, o‘sha ikki oyat unga kifoya qiladi» (Muslim, «Musofiriyn», 255, 256).

166  Rasululloh (s.a.v.) Mulk surasi haqida iltifot qildilar: "U himoyachi hamda qutqaruvchidir, qabr azobidan qutqaradi» (Termiziy, «Fazoilul Qur’on»).
Rasululloh (s.a.v.) marhamat qildilar: «Qur’ondagi o‘ttiz oyatlik sura bir odamni shafoat qilgandan u mag‘firat qilindi. U sura «Tabarokallaziy biyadihil mulk» surasidir» Bu hadisi hasandir. (Ahmad, Abu Dovud, Nasoiy, Ibni Moja rivoyatlari).
Termiziy Jobirdan (r.a.) rivoyat qiladilar: «Rasululloh (sav.) «Alif, Laam, Miim. Tanziyl...» va «Tabarokallaziy biyadihil mulk...» suralarini o‘qimasdan uxlamas edilar» (Muhammad Hamdi Yazir, «Haq dini, Qur’on tili», 7/5150).
 
167 Rasululloh (s.a.v.) marhamat qildilar: «Kim Kahf surasining boshidan (bir rivoyatda oxiridan) o‘n oyatni yod olsa (va o‘qib yursa,) Dajjoldan omon qoladi» (Muslim, «Musofiriyn», 257).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:09:05
168 «Allohim! Meni tik holimda ham, o‘tirganimda ham, uyquda ekanligimda ham dinim bilan birga himoya qil! Meni dushmanning ham, hasadchining ham tiliga tushirma! Allohim! Har jonlining sharridan Senga sig‘inaman. Ular Sening izmingdadir, ixtiyoringda bo‘lgan yaxshilikni O’zingdan istayman!»
 
169 Asmo binti Yazid (r.a.) aytadilar: «Men Rasulullohdan Allohning «Ismi A’zami» bu ikki oyat ichida, deb iltifot kilganlarini eshitdim (ya’ni «Allohu laa ilaaha illaa huu. Al Hayyul Qayyum» va «Alif, Laam, Miim. Allohu laa ilaaha illaa huval Hayyul Qayyum») (Ahmad, 6/461).
Mo‘min haromlardan qochib farzlarni ado etsa, solih amallarni kuchi yetganicha bajarsa va ikki oyatni o‘qib duo qilsa, duosi qabul bo‘ladi.
Rasululloh (s.a.v.) marhamat qildilar: «Baqara surasi ichida bir oyat bor. O’sha oyat o‘qilgan uydan, shayton qochadi. Bu «Oyatal Kursiy»dir» Bu hadisni Hakim Abu Abdulloh «Mustadrak» asarida keltirgan. (Ibni Kasir tafsiri, 1/307)

170 Ma’nosi: «Ey, Hayy (doimo tirik) va Qayyum (azaliy) Allohim! Sendan boshqa iloh yo‘qdir. Rahmating ila yordam so‘rayman! Meni mag‘firat qil. Holatimni isloh qil, siqilishimni ketkaz».

171 Ma’nosi: «Ey Rabbim! Seni poklab yod etaman, Sendan boshqa iloh yo‘qdir. Faqat Sendan umid qilaman, buyuk arshning Rabbi O’zingsan!»

172  «Allohim! U bilan yuzma-yuz faqatgina Sening (yordaming) bilan mujodala qilaman. Uning (dushmaning) g‘azabiga qarshi Sening kifoya bo‘lishingni so‘rayman. Uning sharridan O’zingga yukinaman».
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:09:20
HAR XIL MAVZULAR

173 Alloh taolo marhamat qiladi: «Qachon sizlarga biron ibora bilan salom berilsa, sizlar undan chiroyliroq qilib alik olinglar yoki (hech bo‘lmasa) o‘sha iborani qaytaringlar. Albatta Alloh hamma narsani hisobga olguvchi bo‘lgan zotdir» (Niso, 86-oyat mazmuni).
Imron bin Husayndan (r.a.) rivoyat qilinadi: «Rasululloh (s.a.v.) huzurlariga bir kishi keldi va: «Assalamu alaykum», dedi. U Zot (s.a.v.) salomiga javob berdilar va u odam o‘tirdi. «O’nta savob (olding)», deb iltifot fildilar Sarvari Koinot (s.a.v). Boshfa bir kishi keldi va: «Assalamu alaykum va rahmatulloh», deb salom berdi. Rasululloh (s.a.v.) salomiga shunday javob fildilar va u odam o‘tirdi. Bu gal: «Yigirmata savob (olding)», deb marhamat fildilar. Yana bir odam keldi va: «Assalamu alaykum va rohmatullohi va barokatuh», deb salom berdi. Nabiy (s.a.v.) xuddi shunday javob qaytardilar. U kimsa ham o‘tirdi. Rasululloh (s.a.v.): «O’ttizta savob (olding)», deb marhamat kildilar» (Abu Dovud, 5195-hadis. Termiziy 2690-hadis).

174 Abu Hurayra (r.a.) rivoyat qiladilar: «Bir odam Rasululloh (s.a.v.) huzurlariga kelib: "Menga nasihat kiling dedi. U zot (s.a.v.) «G’azablanma!» deb nasihat qildilar. Keyin boyagi odam (yana) Payg‘ambarimizdan (s.a.v.) nasihat aytishlarini so‘radi. (Har gal nasihat so‘raganda) unga «G’azablanma!» deb iltifot qildilar» (Buxoriy, «Adab», 76; Termiziy «Birr», 73; Muvatto «Husnul xulq», Ahmad, 2/175, 382, 466, 3/484, 5/34, 370, 372, 373).

175 Payg‘ambarimiz (s.a.v.) marhamat qildilar: «Sizlardan kim g‘azablansa, darhol tahorat olsin!» (Ahmad, 4/226). Zero otashni suv so‘ndiradi. Shayton otashdan yaratilgan. Shayton qalbga ta’sir qilganda unga eng ta’sirli qurol tahorat olmoq va zikr bilan mashg‘ul bo‘lmoqdir. Zikrning nuri g‘azabning olovini so‘ndiradi.
Shuninglek, U zoti Muborak (s.a.v.) g‘azablangan kimsaga: «G’azablanganing zamon sukut qil!» deb ham nasihat qilganlar (Ahmad, 1/283, 365).
«Shubhasiz, g‘azablanish shaytondandir. Chunki shayton olovdan yaratilgan. Olov zsa suv bilan so‘nadi. Sizlardan kim g‘azablansa tahorat olsin!» (Axmad, 4/226).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:09:30
176 Muoz ibn Jabal (r.a.) rivoyat qiladilar: «Rasululoh (s.a.v.) meni Yamanga jo‘natayotib shunday dedilar: «Albatta sen ahli kitob bo‘lgan qavm huzuriga ketyapsan. Ularni Allohdan boshqa iloh yo‘qligiga va Men Allohning Rasuli ekanimga iqror bo‘lishlariga da’vat qil. Agar bunga itoat qilsalar. ularga Alloh har kecha-kunduzda besh vaqt namozni farz qilganini bildir. Bunga itoat etishsa, ularga Alloh boylaridan olinib, faqirlariga beriladigan zakotni farz qilganini ayt. Bunga ham itoatda bo‘lsalar, mollaridan eng qiymatlilarini hech ham olma! Mazlumning duoibadidan saqlan! Chunki uning duosi bilan Alloh orasida to‘siq yo‘qdir» (Buxoriy, «Tavhid», 1; «Zakot», 1, 2; Muslim, «Iymon», 29; Abu Dovud, «Zakot», 5; Ahmad, 1/232).

177 Bu borada Ahmad ibn Hanbal (r. a.) «Musnad» asarlarida boshqa bir hadis keltirilgan:
«Mazlumning duosi, gunohkor bo‘lsa ham, qabul bo‘ladi» (Ahmad, 2/367).
«Uchta duo (borki ularning Alloh huzurida) maqbul bo‘lishi xususida hech qanday shubha yo‘q: Mazlumning duosi, musofirning duosi va otaning bolasiga duoibadi» (Termiziy, «Birr», 7; Abu Dovud, «Solat», 364; Ibni Moja, «Duo «11; Ahmad, 2/ 258, 305; Ibni Hibbon, 2406-hadis).
«Insonlar zolimning zulmini ko‘rib, uning qo‘lidan ushlab zulmiga to‘siq bo‘lmasalar, Alloh huzurida barchalari azoblanishlari ehtimoli bor» (Abu Dovud, «Mazolim», 17; Termiziy, «Tafsir», 5/17; «Fitan», 8; Ibni Moja, «Fitan», 20; Ahmad, 1/ 2, 5, 7).
«Ummatimning zolimga «sen zolimsan» deyolmasligini ko‘rganingiz zamon, ulardan hech kimsaning najot topishiga umid qolmaydi» (Ahmad, 2/190).

178 Rasululloh (s.a.v.) shunday iltifot qildilar: «Qiyomat kuni Alloh taolo uch toifa kishilarga so‘zlamaydi, qaramaydi va ularni poklamaydi. Ularga alamli azob bordir. Ular:
— idishida suvi ko‘p bo‘la turib uni yo‘lovchiga bermagan;
— birortaga molini sotayotib, o‘ziga ishontirish uchun «shunchaga-unchaga oldim» deb, aldab, Alloh nomi bilan qasam ichgan;
— boshliqqa faqat boyligi uchun bay’at qilgan. Mol bersa bo‘ysinadi, bermasa bo‘ysinmaydi» (Muslim «Iymon», 173).
«Oldi-sotdi ishlaringizda ko‘p qasam ichishdan saqlaning. Chunki qasam avval (molni) sottiradi, keyin esa (barakotini) yo‘q qiladi» (Muslim, «Musoqot», 132).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:09:38
179 "Ma’ruf"ning quyidagi ma’nolari bor:
— dinimiz va aql yaxshi deb aytgan narsalar;
— har kim yaxshi deb bilgan narsalar;
— ma’lum narsalar;
Shuni ta’kidlash kerakki, dinimiz yaxshi degan narsa haqiqatda yaxshidir. Dinnimiz yaxshi degan narsaning yaxshiligini aql ham tasdiqlaydi. Aqlni yaratgan Zot aqlga teskari narsani buyurmaydi.

180 Munkar:
— dinimiz va aql yomon ko‘rgan narsalar;
— har kim yomon deb bilgan narsalar;
— yoqtirilmaydigan, qabul qilinmaydigan narsalar.

181 Qur’oni karimda amri ma’ruf va nahyi munkar qilish buyurilgan (Oli Imron, 104-oyat). Bu ummat xayrli bir ummat bo‘lishining sababi amri ma’ruf va nahyi munkar qilinganidandir (Oli Imrom, 110-oyat). Bani Isroil munkar ishni qilganlaridan la’natlandilar (Moida, 78-oyat). Alloh taolo amri ma’ruf va nahyi munkar qilganlarni qutqarishini, zolimlarni esa azobga duchor qilishini bildirdi (A’rof, 165-oyat). Najot faqat iymon keltirgan, iymonga muvofiq ixlosli amal qilgan, haqni va sabrni tavsiya qilganlarga bo‘lishi ochiq bayon etilgan (Asr, 1-3-oyat).
Rasululloh (s.a.v.) shunday marhamat qildilar: «Ummatim orasida Allohning amrini bajaruvchi bir jamoa doimo mavjud bo‘ladi. Ular bu buyruqlarni bajarishda davom etar ekanlar, to Allohtng amri (qiyomat) kelgunicha, dunyoga berilganlar va qarshi turganlar zarar bera olmaydi» (Buxoriy, 4/252, 9/167; «Mishkot», 6276-hadis).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:09:46
182 Sidq so‘z bilan amalning muvofiq bo‘lishidir. Sodiq iymonida, ixlos va sabrda sadoqat ko‘rsatgan kishidir. Siddiq jannat ahlining sifatlari aytilgan oyatda ikkinchi bo‘lib ko‘rsatilgan (Oli Imron, 17-oyat). Haqiqiy sodiq ishida, olish-berishida, savdoda, qo‘shnisi, oilasi va do‘stlari bilan munosabatda sodiq bo‘lgan kimsadir. Bunday kishini Alloh taolo sevadi. Kimni Alloh sevsa, uning g‘azabi kelganiga g‘azablanadi, dushmaniga dushman bo‘ladi.

183 Payg‘ambarimiz (s.a.v.) yetim haqida shunday marhamat qildilar: «Musulmonlar yashaydigan uylarning eng yaxshisi yetimga go‘zal muomala qiluvchshning uydir. Va eng yomoni yetimga yomon muomala qiluvchining uyidir» (Ibni Moja, «Adab», 6).
«Men bilan yetimni boqqan kimsa jannatda shundaymiz» (Bu so‘zlarni aytib. ko‘rsatkich barmoqlari bilan o‘rta barmoqlariga ishorat qildilar) (Buxoriy, «Adab», 24; «Taloq», 25; Muslim, «Zuhd», 424 Abu Dovud, «Adab», 123 Termiziy, «Birr», 14).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:09:58
184 «Allohga nasihat»dan maqsad, unga iymon keltirish, sherik qilmaslik, sifatlarini inkor qilmaslik, Uni barcha kamol va jalol sifatlari bilan yodlash, barcha nuqsonlardan pok bilish, Unga itoat qilish, osiy bo‘lmaslik, Alloh uchun sevish, Alloh uchun yomon ko‘rish, Unga itoat qilganlarga suyanch bo‘lish, osiylarga xusumat qilish, kofirlarga qarshi mujohada qilish, ne’matlariga shukr qilish, har ishda ixlos va samimiyat ko‘rsatish, bu aytilgan barcha vasflarga tashviq va da’vat qilish, bu xususda barcha insonlarga yoki imkoni bo‘lganlarga iltifot ko‘rsatishdir.
«Payg‘ambarga nasihat»dan murod, payg‘ambar ekanliklarini tasdiq qilish, Alloh huzuridan yetkazgan barcha narsalarni qabul qilish, amr va nahiylariga itoat qilish, U Zotga (s.a.v.) sodiq bo‘lish, hurmatda bo‘lish, sunnati saniyyalarini ihyo qilish, shariatlarini yoyish, shariatga bog‘liq ilmlarni o‘rganish, ma’nolarini tushunish, boshqalarni o‘rganishi uchun da’vat qilish, o‘qib va o‘rgatishda ilmga hurmatda bo‘lish, tarbiya va nazokat doirasida o‘qimoq, bilmagani haqida so‘z aytmaslik, ulamoga hurmat va ta’zimda bo‘lish, Payg‘ambarimizning (s.a.v.) axloq va odoblari bilan axloqlanish, u Zotning (s.a.v.) ahli bayt va ashoblarini sevish, sunnatlariga qarshi bid’atchilik qilgan va yoki ashobi kiromdan birortalariga qarshi so‘z aytganlar atrofidan yiroq bo‘lish kabilardir.
«Mo‘minlarga nasihat»dan murod esa, din va dunyolari uchun foydali narsalarni ularga aytish va o‘rgatish, ayblaridan ko‘z yumish, ularga aziyat bermaslik, yordam uchun shoshish, zararlarini oldini olish, yaxshilikka chorlab, yomonlikdan to‘sish, kattalarga hurmat, kichiklarga shafqatli bo‘lish, aldamaslik, hasad kilmaslik, o‘zi xohlagan narsani ularga ham ravo ko‘rish, o‘zi yomon ko‘rganni ularga ham ravo ko‘rmaslik, ularning mollarini, jonlarini, nomuslarini himoya qilish, bu aytilganlarga ularni ham tashviq qilish, toatlarida ishq va shavqni oshirish kabilardir.

185 Tavba bilan gunohlar afv etiladi, tavba qilib o‘lsa, jahannamdan qutilishiga sabab bo‘ladi.

186 Payg‘ambarimiz (s.a.v.) marhamat qildilar: «Yarimta xurmo bilan bo‘lsa ham o‘zingizni jahannamdan qutqarine! Bunga qodir bo‘lmasangiz, (hech bo‘lmasa) shirin so‘z bilan (jahannamdan saqlaning)» (Muslim «Zakot», 68).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:10:04
187 Zuho namozi haqida Payg‘ambarimiz (s.a.v.) marhamat qiddilar: «Har biringizga har bir bo‘g‘ini uchun sadaqa berishi lozim. Har tasbeh sadaqadir. Har tahmid («Alhamdulilloh» deyish) sadaqadir, har tahlil («Laa ilaaha illalloh" deyish) sadaqadir, har takbir sadaqadir. Yaxshilikka chaqirish va yomonlikdan qaytarish sadaqadir, Ikki rakat zuho shamozi bularning barchasi o‘rniga kifoyadir» (Buxoriy, «Sulh; 11; «Jihad», 72, 128; Muslim, «Musofiriyn», 84; Abu Dovud, «Tatavvu», 12; «Adab», 160; Ahmad, 2/316, 328).

188 Jannatni dunyodan ustun etganga, albatta, jannat beriladi. Aqlli inson foniyni boqiyga fido qiladi. Allohning amrini bajarib, roziligini istagan bandani Alloh taolo aziz qiladi. Rasululloh (s.a.v.) shunday iltifot qildilar: «Allohning amrini aziz bil, toki Alloh seni ham aziz qilsin» (Kanzul Ummol», 430 63).

189 Ibodat vaqtini o‘tkazib yuborgani, bir amrni tark qilgani yoki lozim bo‘lgandek bajara olmagani, yohud qilgan gunohi uchun ko‘z yoshi to‘kish iymonga, komil mo‘minlikka ishoradir.
Suvsizlikdan qatqaloq yerga bahor yomg‘iri foyda bo‘lganidek, bu ko‘zyoshlarning foyda berishi haqiqatdir. Arshning soyasi bilan soyalanadigan yetti toifa kimsalardan biri yolg‘izlikda Allohni zikr qilib yig‘lagan kimsadir.

190 Ulamo majlisida haqiqat so‘zlanadi, yaxshilik va yomonliklar bayon etiladi. Payg‘ambarimiz (s.a.v.) marhamat qildilar: «Kim ilm tahsili yo‘liga kirsa, Alloh taolo unga jannat yo‘lini oson qiladi. Malaklar ular uzra qanotlarini yoyadi. Albatta, ko‘klardagi va yerdagi barcha jonzot, hatto suvdagi baliqlar ham olim haqqiga istig‘for aytadi. Olimning obiddan ustunligi, xuddi to‘lin oyning boshqa yulduzlarga nisbatan ustunligiga o‘xshaydi. Shubhasiz, olimlar payg‘ambarlarning vorislaridir. Payg‘ambarlar meros qilib dinor ham, dirham ham qoldirishmagan. Ular meros qilib faqat ilm qoldirishgan. Kim uni olsa, mo‘l-mo‘l nasiba olibdi demakdir» (Termiziy, «Ilm», 19; Abu Dovud, «Ilm», 1; Ibni Moja, «Muqaddima», 17).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:10:12
191 Bu kishi Allohning roziligini nafsi istagidan ustun qo‘yganidan jannatga haqdor bo‘ladi. Payg‘ambarimiz (s.a.v.) shunday marhamat qildilar: «Jannat nafsga yoqmagan narsalar bilan o‘ralgan, jahannam esa shahvatlar bilan o‘ralgan» (Muslim, «Jannat», 1).

192 Ko‘zi ojiz kimsaga yo‘l ko‘rsatish sadaqa ekanini Payg‘ambarimiz (s.a.v.) xabar berdilar (Ahmad, 5/169). Dunyoda yo‘l ko‘rsatganga oxiratda yo‘l ko‘rsatadilar. Dunyoda biror kimsani qo‘llab, yordam berilsa, oxiratda unga ham yordam beriladi. Zero, marhamat qilganga marhamat qilinadi.
Hazrati Ali (r.a.) jannatiyligi bashorat qilingan o‘nta sahobadan biridir. U zot kimning o‘ng tarafida bo‘lsalar, sharofatlari tufayli u ham jannat ahli bo‘ladi demakdir.
Imom Sha’roniy hazratlari aytadilar: «Birodarim Afzalluddin hazratlaridan eshitdim: «Hijr surasida shunday marhamat qilinadi: «Biz ularning qalblaridagi gina-kuduratni olib tashladik. Ular so‘rilarda bir-birlariga ro‘baro‘ qaragan holda o‘tiradilar». Oyatdagi «ro‘baro‘» bo‘lishdan murod, suratning oynada ro‘baro‘ bo‘lishi kabidir. Dunyodagi ikki jismning bir-biriga ro‘baro‘ bo‘lishi kabi emas. Chunki suratini oynada ko‘ruvchining o‘ng ko‘zi to‘g‘risida o‘ng ko‘zi bo‘ladi. Boshqa a’zolari ham shunday.
Dunyoda ikki kimsaning ro‘baro‘ bo‘lishida a’zolar ziddi to‘g‘risida bo‘ladi. Oxiratda bunday emas. U yerda ro‘baro‘ kelish ham ma’no, ham surat jihatidan bo‘ladi. Suratimizni oynada ko‘rgandek. Haqiqiy «ro‘baro‘» mana shudir. Chunki ishlar oxirat to‘liqligicha inkishof etadi. Sen dunyoda jisming bilan zohir, ruhing bilan botinsan. Oxiratda buning aksi bo‘lasan» (Abdulloh Orig‘, «Allohni nega yodga olamiz», 367-sahifa).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:10:20
193 Tavsiya bajarilishi uchun beriladi. Tavsiya qilgan vazifasini bajargan bo‘ladi. Tavsiyani eshitgan uni bajarishi lozim bo‘ladi. Alloh taolo barchamizni ham bu tavsiyalarga rioya qilishimizga muvaffaq etsin!
«Allohumma solli vasallim ‘ala sayyidina va nabiyyina Muhammadin bi’adadi zarrotil kaainaati va murakkabatiha va tasbihatiha va tahlilatiha va ‘ibadatiha va ‘ala olihi va ashabihi ajma’iyn».
«Allohim! Sayyidimiz, nabiyimiz Muhammadga va ahli oilalariga va sahobalariga koinot zarrasi adadicha, undagi tarkiblar adadicha, ularning tasbehlari, tahlillari va ibodatlari adadicha salotu salomlar yubor».
«Allohumma solli ‘ala sayyidina Muhammadin ‘adada solati man solla ‘alayh va solli ‘ala Habiybina Muhammadin ‘adada man lam yusolli ‘alayh. Va solli ‘ala Nabiyyina Muhammadin minna kama amartana bissolati ‘alayhi va solli ‘alayhi kamaa yuhibbu ay yusalla ‘alayh».
«Allohim, Sayyidimiz Muhammadga salovat aytganlarning salovatlari sonicha va Habibimiz Muhammadga salovat aytmaganlarning sonicha salovat yubor. Nabiyimiz Muhammadga nomimizdan, qanday salovat aytishimizga buyurganingdek va qanday aytilsa, yaxshi ko‘rganingdek salovat yubor» (Salovatlar «Daloilil Xoyrot» kitobidan olindi).
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:15:13
Payg'ambarimizning (s.a.v.) Hazrati Aliga (r.a.) nasihatlari

(http://ziyouz.com/images/books/aliga_nasihatlari.jpg) (http://www.ziyouz.com/index.php?option=com_remository&Itemid=57&func=fileinfo&id=479)

Muallif: Imom Sha'roniy
Hajmi: 642 Kb
Fayl tipi: pdf, zip
(http://www.ziyouz.com/components/com_remository/images/download_trans.gif) Saqlab olish (http://www.ziyouz.com/index.php?option=com_remository&Itemid=57&func=fileinfo&id=479)
Online o'qish (http://forum.ziyouz.com/index.php?topic=4230.0)
Nom: Re: PAYG’AMBARIMIZNING (S.A.V.) HAZRATI ALIGA (R.A.) NASIHATLARI
Yuborildi: AbdulAziz 03 Fevral 2010, 12:21:31
MUNDARIJA

So’zboshi (http://forum.ziyouz.com/index.php?topic=4230.msg209814#msg209814)
Taqriz (http://forum.ziyouz.com/index.php?topic=4230.msg209816#msg209816)
Asosiy matn (http://forum.ziyouz.com/index.php?topic=4230.msg209817#msg209817)
Tahorat va namoz (http://forum.ziyouz.com/index.php?topic=4230.msg209819#msg209819)
Ro’za (http://forum.ziyouz.com/index.php?topic=4230.msg209820#msg209820)
Sadaqa (http://forum.ziyouz.com/index.php?topic=4230.msg209822#msg209822)
Qur’on, duo, istig’for va boshqa zikrlar (http://forum.ziyouz.com/index.php?topic=4230.msg209823#msg209823)
Sidq va sadoqat (http://forum.ziyouz.com/index.php?topic=4230.msg209826#msg209826)
Tavba (http://forum.ziyouz.com/index.php?topic=4230.msg209827#msg209827)
Tilni asrash (http://forum.ziyouz.com/index.php?topic=4230.msg209828#msg209828)
Hayo (http://forum.ziyouz.com/index.php?topic=4230.msg209833#msg209833)
Varo (http://forum.ziyouz.com/index.php?topic=4230.msg209835#msg209835)
Dunyo (http://forum.ziyouz.com/index.php?topic=4230.msg209836#msg209836)
Alloh huzurida insonlarning darajalari (http://forum.ziyouz.com/index.php?topic=4230.msg209837#msg209837)
Yaxshilik alomatlari (http://forum.ziyouz.com/index.php?topic=4230.msg209839#msg209839)
Shirkning alomatlari (http://forum.ziyouz.com/index.php?topic=4230.msg209842#msg209842)
Duolar (http://forum.ziyouz.com/index.php?topic=4230.msg209845#msg209845)
Har xil mavzular (http://forum.ziyouz.com/index.php?topic=4230.msg209847#msg209847)
Izohlar (http://forum.ziyouz.com/index.php?topic=4230.msg209984#msg209984)