forum.ziyouz.com

Umumiy bo'lim => Islom => Rasululloh SAV va sahobalar => Mavzu boshlandi: Hadija 07 Mart 2010, 15:33:09

Nom: Umar, sen bizga keraksan!
Yuborildi: Hadija 07 Mart 2010, 15:33:09: :bsm:

Umar, sen bizga keraksan!

Sen bizga keraksan, ey Umar! Muoviya hazratlari aytgan ekanlar: "œDunyo Abu Bakrga boqmadi, Abu Bakr ham dunyoga boqmadi, dunyo Umarga boqdi, ammo Umar unga qiyo boqmadi, biz esa dunyoga botib qoldik".
Seni juda sog’indik Umar. Bugungi kunimizga shunday keraksanki, buni so’z bilan ta’riflab berishimiz, tushuntirib berishimiz juda mushkul. Sening shu alamli kunlarimizga qiyoslanganda, sog’inchimiz o’n chandom oshadi. Ko’zlarimiz namlanadi, seni yaxshi ko’rganimizdan, sening bosib o’tgan yo’lingni hech qanday maslakka almashmaganimizdan ham, o’zimizni ba’zan yomon ko’rib ketamiz nafratimiz keladi o’zimizdan. Kufrlik botqog’idan chiqib, odillik tojini kiygan seningdek inson, har qanaqa zamonga kerakdir. Ammo bugungi kunimizga sen, juda-juda keraksan!
Biz tarix sahifalarini o’qishni yaxshi ko’ramiz. Ko’p kitoblar, asarlar o’qiymiz. Ularning aksarida buyuklik sifatida nom olgan turli xil sarkarda va qahramonlarni ko’ramiz. Buyuk deb atalganlar aslida juda ko’p. ularning ba’zilarini yaqindan taniganimizdan so’ng bu nisbat haqqoniy emasligini tushunamiz. Ular huddi ichiga havo to’ldirilgan meshga o’hshaydilar. Negaki, ularning nomlarini sun’iy ravishda ko’taradigan odamlar bor. Ular o’zlari ixlos qo’ygan odamni ko’klarga ko’tarishdan lazzat oladilar. Vijdonga qarshi boradilar, o’zlarini tiymaydilar. Bunday odamlarga yaqinlashib, ma’lum bo’lmagan jihatlarini bilishga harakat qilsangiz, ular o’z qobiqlarini yopib oladilar. Yelkanlari suvga ko’mgan kema yanglig’, yolg’onlarni yashirishga urunadilar.
Sen esa undaylar sirasiga kirmaysan! Shu bois ham seni sog’indik, Umar! Amirul mo’minin nomi yangraganda, behosdan hayolimiz sening jussang ila to’ladi. Oddiy odamlar o’z qusurlarini berkitishsa, sening hayoting buyukligingni yashirish bilan o’tdi. Ammo buyukliklarning son-sanog’i yo’qligidan, tarix sahifalari Hazrati Umar deb atalmish insonning adolatlari bilan bezaldi. Musulmonlar emas, balki boshqalarning ko’z yoshini oqizding o’z amaling ila. Sababi sen insonlar e’tiborini qozonish emas, balki Alloh rizosi uchun xalqqa xizmat qilding. Bizning suyukligimiz, muhtaram janobimiz payg’ambarimiz Muhammas Mustafo s.a.vning yonlarida yurishdek sharafni yuksak ishonch bilan ko’targan, Umarul Foruq, tingla! Bugungi kunimiz odamlarini, tingla ularning qilayotgan ishlarini va o’zing baho ber seni qanchalik sog’inganimizni! Sen bizga qanchalik zarur ekanligingni!
Nom: Re: Umar, sen bizga keraksan!
Yuborildi: Hadija 07 Mart 2010, 15:34:57: Bugungi kun odamlari hayo ko’chasi qayerda joylashganini bilmaydigan darajaga tushib qolishdi. Biz seni johilyat davrida qanday yashaganingdan ham, habardormiz. Ehtimol sen Alloh taoloning qur’oni karimida kelgan, oyatlaridan yig’lagan, yerga qulagan bo’lsangda, biz o’shandagi hayotingni ham bugungilarga ibrat o’laroq, ayta olamiz. Nahl su’rasining (58-59 oyat)larida Alloh taolo shunday deydi: "Qachon birovlarga qiz ko’rgani haqida xushhabari berilsa, g’azabga to’lib, yuzlari qorayib ketar va u qizni ho’rlagan holida olib qolish, yoki tiriklar tuproqqa qorish to’g’risida o’y surishib, o’ziga hushxabar berilgan narsaning, ya’ni qiz ko’rishning yomonligidan nomus qilib, odamlardan yashirinib olur. Ogoh bo’lingizki, ular bu qilmishlari bilan eng yomon ya’ni, nohaq hukm chiqarurlar".
Nom: Re: Umar, sen bizga keraksan!
Yuborildi: Hadija 07 Mart 2010, 15:36:27: Biz bilamizki islom dini kelishidan ilgari, arablarda vahshiy bir odat bor edi. Ular qiz farzand ko’rishni o’zlari uchun or deb bilishar va ko’plari qizlarini tiriklay yerga ko’mib yuborar edilar.
Bunga sabab, dinsiz iymonsiz kimlasarning jaholat va kibr havolari bo’lib, ayrim tarixchi ulamolari bu razolatni bir voqeaga bog’laydilar:
Uzoq o’tmishda, butun arab jazirasi no’mon ismli podshoh qo’l ostida bo’lib, barcha qavm qabilalari unga boj to’lar ekanlar. Bir yili qabilalardan biri, zimmalaridagi soliqni to’lashdan bosh tortganlarida, podshoh askarlari bositirib kelishib, u qabilaning hamma xotin halaj o’g’il qizlarini asir qilib olib ketishgan va ularni o’z qabilalariga qaytarish uchun, boj to’lanishini shart qilishgan ekan. Bu talab bajarilguncha, oradan o’tgan fursat ichida, qabila boshlig’ining qizi bilan podshohning o’g’li bir-birlariga ko’ngil qo’yib qolishgan ekan. Shuning uchun qiz boshqalar safida o’z yurtiga qaytib ketishdan bosh tortadi. Hech qanday do’q po’pisa va yalinib yolvorishlar kor qilmagach qizning otasi, qabila boshlig’i dushmaniga ko’ngil qo’yib o’zini sharmanda qilgan qizidan nihoyat darajada g’azablanib, bundan keyin qiz ko’rsa, albatta tiriklay yerga ko’mishga qasam ichadi. Shunday qilib, bu qabih odat avloddan-avlodga o’tib, tarqab ketaveradi va qachonki islom dini kelgach, qur’on bu yaramas odatni man etadi. Su’raning davomida ohiratga iymon keltirmaydigan kimsalar, eng yomon sifat egalaridir. Alloh esa eng yuksak sifatlar sohibidir. U qudrat va hikmat egasi bo’lgan zotdir degan oyatni o’qiganingda ey Amirul Mo’minin Umar, o’zingdan ketib qolganing to’g’risidagi rivoyatlarni ham tinglaganmiz!
Nom: Re: Umar, sen bizga keraksan!
Yuborildi: Hadija 07 Mart 2010, 15:39:36: Ey Umar! Sening johiliyat davridagi hayotingdan ham bugungilarga yetarli ibrat bor. Bugungi johillar, hatto johillikni ham eplay olishmayapti. Sen qizingni ko’mish uchun yo’l olar ekansan, uni boqa olmaslikdan emas, balki, katta bo’lgach sharmanda qilmaslikdan or qilib ko’mding. Payg’ambar alayhissalomga risolat nurlari tushirilmasdan oldin ham, sen oriyat, nomus va rashk tuyg’ularini qalbingda joylab ulgurgan eding. Bugungi avlod sening o’sha davrlardagi hayotingni o’qib, biroz ajablanganda, biz bu avlodga hitob aylaymiz. Yo’q, hazrati Umar o’sha vaqtda ham hazrati Umar edi.
Siz Umarning johiliyat davrini mulohaza qilgandan ko’ra, o’zingizning hayotingizga bir nazar soling. Musulmon oilalarga bir qarang. Ulardagi xorlik va bid’atlarga cho’milib qolishlarini ko’ring. Ikkita farzand tug’ib, "œbo’ldi endi boshqa farzand tug’mayman mablag’ masalalarida iqtisod bo’ladi" degan, e’tiqod bilan, qorinlaridagi bolani olib tashlayotgan minglab ayollar xususida nima deysiz?! Umarning hayoti sizga shunchalik qiziqarli bo’lib qolgan ekan, ho’sh, nega siz johiliyatdagi Umar singari farzandingizga olti yilgina umr bermaysiz?! Nima uchun uni dunyoga keltirmaslikning turli yo’llarini izlayapsiz?! Siz kimsiz o’zi?! Siz olti yoshli qizini ko’mib tashlagan Umarning hayotini hayrat ila tinglaysiz-u, o’z qo’llaringiz bilan hatto tug;ulishiga ham to’sqin bo’layotgan farzandlaringiz xususida lom-lum demaysiz?!
Eng daxshatli tomoni shunda-ki, Umar qizini ko’mib tashlagan davrlarni eslaganda, namozini davom ettirolmagan, qulagan, yig’lagan va holdan toyguncha tavba qilgan edi. U "œo’sha payti men johil edim, Alloh o’zing aytgan sanku islom o’zidan oldingi hamma narsani kesib tashlaydi" deb, tavbasini to’xtatsa bo’lardi. Ammo, umrining oxirigacha qur’oni karimning qayerida, ko’milgan qiz farzandlari iborasi kelib qolsa o’sha joylarini alam va xasrat ila, o’qib o’tdi-ku Umar! "œAlloh meni bu gunohim uchun kechirarkanmi" deb, nadomat chekkan ham hazrati Umar bo’ladi-ku! Bizning kunlarimizda esa, islomni da’vo qilayotganlar, o’z farzandlarini sun’iy yo’l bilan oldirib tashlamoqdalar, bunga nima deysiz?!
Nom: Re: Umar, sen bizga keraksan!
Yuborildi: Hadija 07 Mart 2010, 15:43:49: Ey Umar, biz sen orqali bugungi avlod vakillariga qarab xitobimizni qilib oldik. Aslida sen bizga bus butunligingcha keraksan. Birgina farzand masalasida emas, balki barcha jabhada seni sog’indik. Ey Umar sening mardliging, odilliging omonatga vafodorliging tillarda doston bo’ldi. Rasululloh s.a.v o’z hadislarida, garchi sening shunchalik doston bo’lishingni bashorat qilgan bo’lsalar-da, senga hayronligimiz behatdir, bisyordir. Odamzod ko’tarishi mushkul bo’lgan, hayotni hotirjam yashab berishing, bizni juda ham qiynab yuboradi. Adolat oldida mardlar singari turib berishing, bizni ajablantiradi. Chunki, ey Umar! Biz juda ham o’zgarganmiz. Yo’q, sen biz deganda butun dunyo ahlini tushunma, balki, musulmonlarni tushunaver. Bizning ahvolimiz o’nglanishi uchun, sening hayoting juda lozim bo’lib qoldi.
Bugungi avlodning hayotidan hotirjamlik, go’zallik va islomga harislik yo’qolgan. Mardlik nimaligini odamlar unutishgan desak, ozginagina mubolag’a ishlatgan bo’lamiz xolos. Haq aytilganda, kibr ustunlik qilib, "œmen buni tasdiqlamayman" deb, shunga arziydigan javob bera olmaydigan, ammo o’z fikrida qat’iy turib olayotgan minglab johillarni ko’rib, sening hayoting yodimizga tushadi.
Nom: Re: Umar, sen bizga keraksan!
Yuborildi: Hadija 07 Mart 2010, 15:45:06: Bugungi kunda duno taraqqiyot davrini boshdan kechirmoqda, kitoblar qanchadan-qancha tonnalab varoqlarning boshini yemoqda. Ochig’i hech kim bilmaydi. Kampyuter olamidagi yangiliklarni tinglash uchun ham insonning umri o’tib ketadi. Bu jabhalarning bir qismi, diniy ta’limotlar da’vatlar va isbotlardan tashkil topgan. Ana shunday katta ko’lamli ish ketayotgan texnika asrida, odamlarning haqni inkor qilaverishlari, tinmasdan o’zlari bilganliklaridan qolavermasliklari, har qanday mo’min yuragini g’ash qiladi. Sababi yana sening hayoting parchasi ko’z o’ngimizda gavdalanadi.
Nom: Re: Umar, sen bizga keraksan!
Yuborildi: Hadija 07 Mart 2010, 15:48:16: Sen Amr bin Hishomning "œkim Muhammadni o’ldirsa, unga yuzta tuya va’da qilaman" degan, so’zlarini eshitib, hammadan oldin "œbu ishni Hattobning o’g’ligina qila oladi" deb, ovozingning boricha hayqirding. Garchi bu ham Allohning hikmati ila aytilgan baland pardali so’zlar ersada, sendan boshqasi aytmadi. Biz tarixdan shuni bilamiz, qabilang o’ta maqtalgan, undan ko’plab jasur yigitlar tarbiya topib chiqqani aytilsa hamki "œMuhammadni men o’ldiraman" deya olish uchun, faqat sen jur’at qilding. Allohu akbar! Shu o’rinda biz tushunamizki, islomni haqiqatan ham tan olgan va o’z yo’lida sobit turgan insonlar, johiliyatda ham mard insonlar bo’lishgan ekan. Alloh o’zining haq diniga qandaydir ayg’ir, aldoqchi va munofiq tabiyatli kishilarni yaqin yo’latmas ekan. Allohu akbar! Sening o’ta mard inson ekanliging shundan iboratki, payg’ambarimizni o’ldirish uchun bir o’zing chiqib ketding va yo’lda bo’lib o’tgan birgina voqea tufayli ortga qaytding. Kel, o’sha voqeani yana bir bora esga olaylik.
"œYo’l bo’lsin Umar, jangga shaylandingmi?" bu savol Muayn ibn Abdulloh tomonidan berilgan edi. O’sha payti muayn islomni qabul qilgani bois, "œMuhammadning oldiga, oramizga nifoq slogan, dinimizni qoralagan, Xudolarimizga til tekkizgan, otani boladan ayirgan Muhammadning amal daftariga nuqta qo’ymoqchiman" degan javoblarni eshitib, dong qotib qoldi. Nima deyarini bilmasdan, "œoldin oilangni singlingni to’g’irlab olsang bo’larmidi" qabilida javob berdi.
Nom: Re: Umar, sen bizga keraksan!
Yuborildi: Hadija 07 Mart 2010, 15:50:33: Sendan boshqa odam bu payitda, o’z muammosini bir chetga qo’ygan holda, payg’ambarning huzuriga oshiqishni davom etardi. Ammo ey Umar, sen chiday olmading. Sening bu holatda oldinga borishingdan ko’ra orqaga qaytishing, aslida oldingga tashlangan qadam edi. Chunki, sen o’sha johilyatning, qaynoq davrlarida ham, biz bugun yo’qotib qo’ygan holatni ich-ichingdan his qilarding. Ya’ni sen, hamma ishni oiladan boshlab, keyin boshqalarga ta’sir o’tkazish mumkinligini hali musulmon bo’lmasdan turib, bilgan eding. Allohga hamd bo’lsin-ki, sening fitratingni U shunday salomat saqlagan edi.
"œFotima" degancha, singlingning uyiga yo’l olding. Qiziq voqealar rivoji ham, sening mardligingga to’siq bo’la olmaydi. Bilaks, eng asosiy nuqtada mardlik nima bilan taqdirlanishini ko’rsatadi. "œHa Umar, biz Muhammadning diniga kirdik. Haq din turganda, sening botil diningni tutaylikmi" deb, ovozining boricha baqirgan singling ko’ziga tikilib turganingni tasavvur qilib ko’rganmiz, ey Umar. Sen kulib qo’ygan bo’lsang kerak unga. Singling qandaydir hech kim bilmaydigan arab singlisi emas balki, sening singling bo’lgani bois yuziga tarsaki tushganida ham, qonga belangan yuzini senga ko’tara turib, "œqo’lingdan kelganini qil" deganida, qanday ahvolga tushganingni tahmin qilish qiyin emas.
Nom: Re: Umar, sen bizga keraksan!
Yuborildi: Hadija 07 Mart 2010, 15:55:01: Sen mard eding. Hozirgilarga o’hshab, Haq minglab vositalar orqali yetib kelayotganda ham, yuzini itning terisidek qattiq qilib olganlar misoli uydan chiqib ketmading. Yo o’zingning bilganingdan qolmading. Qalbing toza bo’lgani bois, Alloh taolo o’sha damda seni hidoyat nurlari bilan taomlantirdi. "œMuhammad sizga keltirgan narsani bir ko’raychi" deding. O’ldirmoqchi bo’lib ketayotgan insoningga tegishli bo’lgan narsani "œo’qib ko’raychi" deya olding. Islom seni shunday katta sinov evaziga qabul qildi. Bir necha soat avval payg’ambarni o’ldirmoqchi bo’lgan qo’llaring ila mushavni o’qiding, tafakkur qilding, holis bo’lding va yig’lading. Senga qo’shilib farishtalar olami yig’ladi. Dunyo yig’ladi. Tog’-u tosh yig’ladi. "œUmar qur’on tinglayapti" deb. Rasululloh s.a.v huzuriga kirganingda, sarvarimizning ko’z yoshlari ham oqib turardi. Sahobalar yig’lashardi. Ular bunaqa mard yigit arab yarim orolida, hali onasining qornidan tug’ulmaganini yaxshi bilishardi. Hammani yig’latgan oyatlar, sendek amirni yaxshi ko’ruvchi bizlarni ham yig’latadi. "œTo ha. Ey Muhammadur alayhissalom, biz sizga bu qur’onni qiynalib, jafo chekishingiz uchun emas, balki, Allohdan qor’qadigan kishilarga pand nasihat bo’lsin uchun nozil qildik. U yerni va yuksak osmonlarni yaratgan zot tomonidan nozil qilingan. U zot O’z arshiga o’rnashgan Rahmondir. Osmonlardagi, yerdagi va ularning orasidagi, bu tuproq ostidagi bor narsa, Uningdir. Agar siz oshkora gapirsangiz ham va yoki xufyona gapirsangiz ham, U zotga barobardir. Zero U sirni ham, eng maxfiy narsalarni ham bilur. Alloh hech qanday tangi yo’q, yolg’iz Uning o’zi bordir. Uning uchun eng go’zal ismlar bordir".
Sening bu qadar haqni tan ola bilishing ulkan mardlikdir. Adolatdir. Insoniylikdir. Insofiylikdir. Bugungi kun avlodiga sening bu jura’ting, harakating juda ham lozim. Musulmon oilalarida tug’ilgan, ota-bobosi islom urf-odatlariga binoan yashab o’tgan zamondoshlarimiz bor-ki, ularning yurishlari islomning aksi. "œKimki e’tiqod qilayotgandek yashamas ekan, amal qilayotganidek e’tiqoddadir" degan, so’zlaring butun dunyo uzra baralla jaranglasada, "œbiz qilmayotgan amallarimizga e’tiqod qilaveramiz" deb, oyoq tirab olaganlar son mingta topiladi. Ular islom haqida so’z ochilsa, hurk bo’lgan tovuq singari, bo’lib olishadi. Namoz haqida hadis aytilsa, ishlari chiqib qoladi. Sen o’g’illaringga so’nggi vasiyat sifatida, "œO’g’illarim, dinning avvali va ohiri bo’lgan amalni boy berib qo’ymanglar" deganliging va farzandlaring "œbu qanday amal otajon?" deyishganida, "œNamoz, namoz" deb, javob berganing hamon yodimizda. "œNamoz o’qishlik ila, dinga kiriladi. Namoz tashlashlik ila dindan chiqiladi". Bu sening suyumli farzandlaringga bergan oxirgi vasiyating edi. Ana shungga binoan namozsiz tong orttirayotgan kishilarni nima deyishimiz mumkin?! Bugugi kunimizda sening va boshqa sahobiylarning qaysi amallariga nisbat qilib baho berishimiz mumkin?! Ochig’i, bilmaymiz"¦
(davomi bor)
Nom: Re: Umar, sen bizga keraksan!
Yuborildi: Hadija 09 Mart 2010, 22:10:00: Ey Umar, bizga qanchalik kerak bo’lganingni bilganingda edi. Odamlarning boylikka ru’ju qo’yayotganlarini ko’rib, mansab, shon-shuxrat yo’lida yirtqichlar singari ko’zlari qonga to’layotganini ko’rib, sening ajib bir hayoting ko’z o’ngimizda tasvirlanadi. Xalifa bo’lib turib, qo’riqchi olmaganing. Odamlar qatori hokisor yashaganing. Xalqning xizmatida bo’lishi lozim voliylarni xalq qatori yashashga majbur qilganing ohir zamon bolalarini tamom qiynab qo’yadi.
Ey Umar, biz bu holatlarni tushunish tugul, tasavvur qilish shu’uridan ham mahrum bo’lganmiz. Imomi Muslim tomonidan rivoyat qilingan hadisi sharifda, "œ"œUmar ibn Hattob r.a ostida Payg’ambar alayhissalomga bayat qilingan daraxtni kesib tashlashga amr qildi" deyiladi. Chunki, odamlar u joyga borib, daraxt ostida namoz o’qir edilar. Umar ibn Xattob r.a odamlardan shirk amali sodir bo’lib qolishidan qo’rqqan edilar".
Nom: Re: Umar, sen bizga keraksan!
Yuborildi: Hadija 09 Mart 2010, 22:11:51: Bir kitobga ko’zimiz tushib qoldi, unda shunday so’zlar bitilgan edi: "œMusulmonlar amiri Hazrati Umar r.a huzuriga kelgan Rimlik savdogarlar, insoniyat tarixida ro’y bermagan voqea shohidi bo’lishdi. Ular o’z podshohlariga nisbat qilib, Musulmonlardan Amirul Mo’minin qasrini so’rashdi. Odamlar ham gap nima haqida ketayotganini darrov payqab, Umar r.aning uyini ko’rsatishdi. Rimlik tijoratchilar ne ko’z bilan ko’rishsin-ki, Musulmonlar Amiri, kichkina mahalladagi kichkina bir kulbada yashardi. Eshikni qo’rqa-pisa taqqilatar ekan, Rimliklar hali o’zlarining fikrlaridan qaytmagan edilar. Ularning nazdida ichkaridan hozir bir necha ayonlar chiqishadida, Umarning taxtiga olib borishadi. Ammo, eshik oldiga bir qul yaqinlashdi. U Rimliklar tashrifi bilan tanishib chiqqach, shunday dedi: "œAmiro’l Mo’mining bugun tashqariga peshindan so’ng chiqa oladilar. Hov anavu dorga osib qo’yilgan yamoq shalvar, Hazrati Umarniki. U zotning boshqa kiyimlari bo’lmagani bois, uyning ichkarisida o’tiribdi". Rim imperiyasining vajohatli saltanati va Hazrati Umarning yamoq shalvari.tijoratchilarning ko’z o’ngida faqat va faqat shu ikki narsa gavdalanardi. Ular islomning tarbiyasiga ilk daf’a duch kelgan edilar. Rimliklar peshindan so’ng kelishga va’da berib ketishdi. Umarning uyiga ancha kech, asrdan so’ng kelishganida esa, Amiro’l Mo’minin bozorga chiqib ketgan edilar. Qidira-qidira bozorni ham topishdi. "œOdamlar Umarni ko’rmadingizmi? deb, so’ralganda." Bir tepalikda dam olib yotgan Hazrati Umarni ko’rsatishdi. Musulmonlar peshvosini bu galgi holatini ko’rgan Rimliklar, tamom taslim bo’lishdi. Umar r.a huzuriga o’zining qamchisini qo’yib, hech kimga e’tibor bermay uxlab yotardi. Musulmonlar amiri, xalifasi, peshvosi, o’zini eng yaxshi qo’riqchisi Alloh Robbial A’laminga topshirgan kuyi miriqib uhlab yotardi. Bu paytda esa, tijoratchilarning tili birgina kalimani aytardi, "œLa ilaha Illolloh"".
Nom: Re: Umar, sen bizga keraksan!
Yuborildi: Hadija 09 Mart 2010, 22:20:34: Hazrati Umar bo’lishing uchun birgina shu voqea ham kifoya edi. Ammo, sen bunday hodisalarni tarix sahifalariga to’ldirib tashlading. Sening bu kabi nodir hayoting ma’sul shaxslardan ko’ra, bizni o’ylantirib qo’yadi. Biz ham senga ozgina bo’lsada o’hshab yashab olmayotganimizdan afsusdamiz, nadomatdamiz ey Umar. "œBizga juda ham zarursan" deganimizning boisi ham shu. Bir hadisda o’zing aytgan ekan san shunday deb: "œRasululloh s.a.vning huzurlariga kirdim, ul zot bo’yra ustida yotibdilar, oldilariga o’tirdim. Payg’ambar alayhissalomning egnida faqat izor "œlungi" ya’ni beldan pastki kiyiladigan matoh bor edi holos. Bo’yra yonboshlariga botib ketibdi, uydagi narsalarga nazar tashladim, uyning bir chetida uch-to’rt hovuch arpa, devorda osilgan meshni ko’rib ko’zimdan yosh quyildi. "œEy Umar, nimaga yig’layapsiz?" deb, so’radilar. "œYa Nabiyalloh, nega yig’lamas ekanman. Bo’yra yonboshingizga botib ketgan bo’lsa, uyingizda nima borligini ham ko’rib turgan bo’lsam. Kisro va Qaysarlarni qarang, mevalar anhorlar ichra bo’lishsa-yu, siz Allohning payg’ambari, tanlaganining holi shu bo’lsa?!" "œEy Hattobning o’g’li, ohirat bizga va dunyo ularga bo’lishiga rozi emasmisan?! dedilar, sarvari olam.""
Nom: Re: Umar, sen bizga keraksan!
Yuborildi: Hadija 10 Mart 2010, 21:02:38: Payg’ambar alayhissalom vafot etganlarida Hafsa onamizga qarata aytgan gaplaring yurak-yuraklarni ezib yuborgan, ey Amiro’l Mo’minin. Onamiz, "œOtajon, amir bo’lganingizda endi tuzukroq yashang" desalar, sening javobing oddiy bo’lgan. "œSen-mi, shu so’zlarni aytayotgan?! Ahir, sen emasmiding payg’ambar alayhissalom bilan yostiqdosh bo’lgan?! Mo’minlar "œOna" deb, atayotganliklari sen-mi?! Ahir, men dunyoga havas qilishni boshlasam, qanday qilib ikki do’st oldiga yorug’ yuz bilan boraman?!"
Sen Payg’ambar alayhissalom va Abu Bakrni "œikki do’st" deb ataganingdan shuni tushunib yetamiz-ki, inson baribir o’z tengi bilan yurar ekan. Hadisi shariflarda Abu Bakr oldida hamisha sening noming zikr qilinishi ham shundan ekan. Abu Bakrdek, "œSiddiq" zotning oldida yurish, uning taqvosini ko’tarish uchun, buyuk Umar bo’lmog’i kerak ekan. Endi tushundik, qanchalar yo’lchi yulduz sahobiylarni bilamiz. Ammo, ko’p hollarda Abu Bakrning oldida sen yurgan bo’lasan. Odamlarning ahvoli shu qadar xor-ki, ular bugun do’stlaridan shikoyat qilishadi. "œMendek ajoyib odamning qadriga yetishmayapti. Menga xiyonat qilmoqdalar" degan, e’tirozlari aslida noo’rindir. Sababi, dunyo qonuni shunday. Abdulloh ibni Masu’d aytganidek: "œInson o’ziga o’hshagan inson bilan yuradi".
Nom: Re: Umar, sen bizga keraksan!
Yuborildi: Hadija 10 Mart 2010, 21:03:55: Sen ikki do’st bilan yurishdek, ularning taqvosiga ergasha olishdek buyuk maqom egasi bo’lding. Alloh muborak qilsin!
Sarvari koinot davrida, musulmonlar uchun katta manfaat keltirganingni biz bilamiz. O’zing unutib yuborgan bo’lsang ham kerak. Ammo, shunisi aniq-ki, bugungi kun musulmonlari ham Umarni sog’indi. Uning har bir harakatidan ibrat olish ostonasida turibdi. Odamlar bir-birlarini arzimagan narsalarga sotib yuborayotgan, aldayotgan va dushman hisoblayotgan bir davrda turibmiz. Qiyomatga yaqinlashgan bir davr boshimizda, bu to’fonlardan qutqarish uchun Alloh taolo katta bir kemani jo’natdiki, u kema Payg’ambar alayhissalom va ikki do’st boshchiligida boshqarib kelinmoqda. Sening qo’lingda porlagan adolat shamchirog’i har qanday toshbaqir insonni ham yig’latadi. Kel, ularning ikkisini eslaylikda bu holatlardan o’zimizga yetarli hulosalar chiqaraylik.
Nom: Re: Umar, sen bizga keraksan!
Yuborildi: Hadija 13 Mart 2010, 21:49:56: Rasululloh s.a.vning suyukli ayollari mo’minlar onasi Oisha r.a haqida mashhur voqea tarix sahifalaridan o’rin olgan. Ya’ni onamiz, sarvari olam va sahobai kirom bila Mdinaga qaytayotganliklarida, omonatga olgan marjonlarini yo’qotib qo’yadilar va uni qidirish asnosida tuyadan qolib ketadilar. Tuyadan kech kelganlaridan so’ng, odamlar u zoti sharifaga bo’hton qilishadi. Oisha onamiz bir o’zlari tuyada Salfon ismli kishi bilan qaytishlariga to’g’ri kelgani uchun odamlar orasida savollar ko’paya boshladi. "œOisha nega qo’shindan keyin qoldi?, So’fon ibn Muattal bilan yolg’iz qolib nimalar qildi ekan?" Munofiqlar mana shunday pallada o’zlarini ko’rsatishadi. Ularning turli mish-mishlari oxir oqibat Rasululloh s.a.vni ham o’ylatib qo’yadi. Beparvo bo’lib qoladilar Onamizga. Oradan bir oyga qadar vaqt o’tganiga qaramay, bu noxush ish haqida biror bir vahiy kelavermaydi. Janobimiz s.a.v bu mavzuda bir necha erkak va ayol bilan gaplashadilar. Ular Oisha onamizni juda yaqindan tanigan, bilgan kishilar edi. Hafsa, Ummu Salama va Zaynab onalarimizning so’zlarini tinglang. Kundosh haqida turlicha nomaqbul so’zlari ishlatiladigan zamonamiz vakilalariga bu eng yaxshi dalildir: "œYo Nabiyalloh, biz uning biror nojo’ya hatti harakatini ko’rmadik" deyishdi. Usoma ibn Zayd: "œYo Rasululloh, oilangiz haqida bilganlarimiz faqat va faqat yaxshilikdir, siz uni himoyangiz ostiga oling" dedi. Ali ibn Abu Tolibdan so’raldi, hazrati Ali "œEy Allohning Rasuli, ayol ko’p siz unign o’rniga boshqasini topib olasiz, ahvolni joriyadan ham so’rab surishtirsangiz yaxshi bo’lardi, u to’g’risini aytadi" dedi. Payg’ambar alayhissalom eng ohiri, sening ey Umar sening fikrini so’radilar. Sen garchi qizing Hafsani payg’ambar alayhissalomga bergan bo’lib, ana shu pallada onamiz e’tiboridan qolsalar, Hafsa hurmat e’tibor qozonishini, bizdan ko’ra yaxshi bilsang-da, o’rtada oyog’ osti qilinishi joyiz bo’lmagan bir haq bor edi. Abadiyatgacha ketadigan buyuk sharafni o’ziga kafolatlab qo’ygan bir adovat tuyg’usi bor edi. Ulug’vorlik shunaqa pallada haqiqiy ko’rinadi. Payg’ambar alayhissalomga eng katta bo’hton uyushtirildi. Uni eng buyuk insonga yarashadigan bir tarzda kutib olish kerak edi. Bu azm ma’sulyatni ko’tara olish uchun, Hattobning o’g’li buyuk Umar bo’lishi lozim edi. Bu borada u bilan bo’y o’lchashadigan, u bilan hayot-mamot kurashiga bel bog’lay oladigan, hech bir yigit onasidan tug’ulmagan qiyomatgacha ham bunaqasi tug’ulmaydi. Sening javobing quyidagicha bo’ldi:
"œ- Yo Nabiyalloh, Oishani sizga kim nikohladi?!
—Alloh taolo,
- erini aldaydigan, yomon yo’lga kirib ketadigan ayolni Alloh taolo sizga nikohlashiga ishonasizmi?!"
Sen ey buyuk Umar, bu javobni bergach yuzingni ko’kka qaratding. "œSubhanaka haza bo’htanil a’ziym" ya’ni, "œAllohim Seni har turli kamchiliklardan pok deb bilaman. Bu katta bir bo’htondir" deya olding.
Ana o’shandan so’ng bu buyuklikning mukofotini koinotni yaratgan ulug’ Mavloning O’zi berajak. Bu mukofotning bir belgisi sifatida, sening tilingdan to’kilgan "œSubhanaka" jumlasini ayni shu shaklda Qur’onida indirish bilan, uning bu erishilmas buyukligini kitobida abadiy sharaf vasiqasi tarzida tasdiq etajak.
Nom: Re: Umar, sen bizga keraksan!
Yuborildi: Hadija 13 Mart 2010, 21:53:12: Ey Umar, sen hamisha "œmen uchun eng sevimli kishi xatolarimni ko’rsatgan insondir", der eding. Amirul mo’minin bo’lganingdan so’ng hutba o’qirding. Xalq orasida keng su’ratda rivoj olib borayotgan bir muammo "œMahr puli"ning haddidan oshib ketayotganini tanqid qilding. Shunda bir ayol o’rnidan turib, "œey Umar Alloh taolo Qur’oni karimda "œAgar tog’chalik mahr bersangizlar ham" deb, murojaat qilgan bo’lsa-yu, ya’ni Alloh ruxsat berib qo’ygan bo’lsa-yu, sen nega odamlarni mahrdan chegaralayapsan?!" dedi.
Sen shu paytda boshqalar singari ayolga yomon munosabat qilmading. Aksincha, shunday chiroyli javob berding-ki, hali hamon bunga insoniyat bosh egadi. "œBu ayol to’g’ri aytdi, Umar noto’g’ri aytdi, Alloh taoloning kalimasi haqdir!".
Mardlik deganda, ko’pchilik kuch ishlatish kerak bo’lganda, g’oliblikni qo’lga kiritish deb tushunadilar. Sen esa, mardlik har qanday paytda ham adolatli bo’lmoqlik ekanini ko’rsatding. Mo’minlarning raisi bo’la turib, "œBu xotin to’g’ri aytdi" deyish, tan olaylik hech kimning qo’lidan kelmaydi. Mana shu ikki voqeani tinglaganimizda hayron qolamiz, hayratga tushamiz.
Nom: Re: Umar, sen bizga keraksan!
Yuborildi: Hadija 13 Mart 2010, 21:56:38: Chunki, bugungi kunda odamlar xiyonat ko’chasini shu qadar oson tanlamoqdalar-ki, hayron qolmaslikdan boshqa chora qolmayapti. Sen Amirul mo’minin bo’lgan davrlar, islom qo’shini ko’pgina diyorlarni fath qilgan edi. Deyarli hamma fathda xolavachchang Holid ibn Valid qo’shingga qo’mondon bo’lgan. Tarix sahifalarida birgina jang Holidsiz kechgani o’rin olgan. Bizga juda ham zarur bo’lgani ey Mo’minlar Amiri, qatorasiga bir necha fathlarda zafar quchayotgan Holidni, hech qanday sababsiz qo’mondonlikdan olib tashlaganing yodingdami?!
Shunda mag’lubiyat nimaligini bilmagan sarkarda sababini sendan so’ragan ekan: "œEy Amiral Mo’minin, mendan nima ayb o’tdi? Nima uchun meni qo’mondonlikdan olib tashladingiz?" Javobingdan yer-u ko’k zir-zir titraydi: "œEy Xolid, agar har doim qo’shin sen bilan chiqaveradigan va g’olib kelaveradigan bo’lsa, odamlar senga suyanib qolishadi. Bilib qo’y ey Holid g’alaba, nusrat sendan emas, g’alaba Allohdandir. Shuning uchun bugun Abu Ubayda qo’mondon bo’ladi". Biz bu so’zlarni tasavvur qilishdan ojizmiz. Chunki, kim kafolat bera oladi-ki, navbatdagi jangdan Abu ubayda g’alaba bilan qayta deb. Sening ishonganingga ishonamiz biz, Allohga chin dildan tavakkul qilib o’zingning ishtihoding ila odamlarga tavhidni tanitish uchun mana shu g’alabaga ishonganingga ishonchimiz komil. Tarixchilar aytishadiki "œAbu Ubayda garchi sarkardalik borasida Holid ibn Validdan ustun bo’lmasada Holiddan ko’ra tezroq va chiroyliroq g’alaba bilan qaytdi".
Nom: Re: Umar, sen bizga keraksan!
Yuborildi: Hadija 13 Mart 2010, 22:00:47: Bizga sen juda kerak bo’lyapsan Umar. Oilalarimizdan ham fayz ko’tarilgan. Sening ibrat to’la hayoting sog’inchidamiz. Kechalari namoz o’qir ekansan, kechaning yarmida oilaningni uyg’otganing va ularga "œnamozga turinglar, namozga turinglar" deb "œTo Ha" so’rasining 132 oyatini o’qiganing qanday ibrat a?! "œAhlingizni namozga buyuring, o’zingiz ham u namozda chidamli bo’ling. Biz sizdan rizq so’ramaymiz, Biz sizga rizq beramiz".
Chiroyli oqibat ahli taqvo uchundir. Ana shu xitoblar natijasida, sening xonadoningda tug’ulgan o’g’ling Abdulloh ota o’g’il bo’lib ulg’aydi. Yigit bo’ldi, mard bo’ldi! Rasululloh s.a.vga taqlid qilish borasida, misilsiz darajaga ko’tarildi. Uning tunlari ham sen kabi o’tdi. Zumar su’rasining 9 oyatida kelgani singari "œyoki kechalari sajda qilgan va qiyom tik turgan holda ibodat qiluvchi, ohiratdan qo’rqadigan va Parvardigorining rahmatini umid qiladigan kishi bilan kufru isyonga g’arq bo’lgan kimsa barobar bo’lurmi?!"
Uning hayotiy shiori shu bo’ldi. Sening o’g’ling Abdulloh otasiga qiyos qilinadigan darajaga yeta olganidan so’ng yana nima deyish mumkun? Bizning kunlarimizda, bunday baxtga yetishish imkonsiz ekanini bilasanmi ey Amirul Mo’minin?! Otalari ish bilan band, onalari ish bilan band, bolalari ko’cha-kuyda din nima? namoz nima? Ro’za nima? Bilmay o’smoqdalar. Alloh hidoyat berganlari balog’at yoshidan bir necha yil o’tib ketganidan so’ng, islom nimaligini tushunmoqdalar. So’rab surishtirganliklaridan so’ng, qazo namozlarini o’qishlarini ham anglamoqdalar. Otalarining, onalarining aybi deb daftar to’la qazo namozlarini o’qimoqdalar.
Nom: Re: Umar, sen bizga keraksan!
Yuborildi: Hadija 13 Mart 2010, 22:05:27: Bizga juda keraksan ey Umar. Har jabhada sening yordamingni ko’ryapmiz.
Hozirgi zamon erlari, ayollarni boshqara olmagan holatda ularga qo’l ko’tarishni Mardlikning cho’qqisi deb hisoblashadi.
Ammo ajib holat-ki, sen bu borada hech kim kutmagan tomondan dars bermoqdasan. Rivoyat qilishlaricha, bir kishi sening huzuringga xotinining hulqi yomonligidan shikoyat qilish uchun kelgan. Eshik yoniga kelib, chiqishingni kutib turgan. Shu payt eshik ichkarisida senga butun dunyoni turg’uzib o’tirg’izayotgan Hazrati Umarga, amirul Mo’miningga xotin kishi qattiq-qattiq gapirayatoganini eshitdi. Sen esa, hech bir so’z qaytarmay, jim turarding. Haligi kishi, "Amirul Mo’minin bo’la turib, yana shunchalik shiddati va salobati bilan Umarning holi shu bo’lsa, mening ahvolim nima bo’lardi" deb iziga qaytdi. Shu vaqt uyingdan chiqqaning, haligi kishining qaytib ketayotganini ko’rib, yoningga chorlaganing esingdami?! "œNima ehtiyojing bor?" deb, so’rading. U "œEy Amiral Mo’minin, xotinimning hulqi yomonligidan, tili uzunligidan, sizga shikoyat qilish uchun kelgan edim. Qarasam sizning xotiningiz ham shunday ekan. O’zimcha Amiral Mo’mininning holi shu bo’lsa, mening ahvolim nima bo’lardi dedim" deya, javob berdi. Shunda sen, "œEy Birodar, xotinimning menda bir qancha haqlari bo’lgani bois, bu qilig’iga sabr qildim. Zero, u ovqatimni pishiradi, nonimni yopadi, kiyimlarimni yuvadi, bolamni emizadi, hulbuki bularning barchasi ham unga vojib emas. Shu sababli qalbim taskin topadi, haromdan saqlanaman. Shu bois sabr qildim" deding. U "œEy Amiral Mo’minin, mening xotinim ham shunday deganida" sen "œey birodar sabr qil, u ozgina muddat holos" deding.
Sening lug’atingda mardlik degan so’zga, er kishining kuchi yetib turganida xotiniga qo’l ko’tarmasdlik ham yozilgan edi. Shu birgina voqea tufayli biz angladik, tushunib yetdik.
Nom: Re: Umar, sen bizga keraksan!
Yuborildi: Hadija 13 Mart 2010, 22:08:33: Bizga oilaviy ishlarda ham juda kerakligingni bilsang edi ey Amiral Mo’minin. Hozir bir va’dalar unut bo’lgan, omonatga hiyonat qilishning turli uslubi o’ylab topilgan va hayotga tadbiq etilayotgan asrda yashamoqdamiz. Bu jaholatning ko’rinishi yovuz. Nafaqat oilada balki, sening boshqaruving ostida yashagan jamiyatdagi insonlarga havas qilmasdan ilojimiz yo’q. halovat topamizmikan degan umidlarimiz bor. Bir kuni Abdurrahmon ibn Avf sening ziyoratingga kelganini eshitganmiz. Sen shunda yonib turgan shamni o’chirib boshqasini yoqding. Bu ahvol mehmonning diqqatini tortgach u senga "œey Amiral Mo’minin, oldingizda sham yonib turardi, uni o’chirdingiz yana shungga o’hshash boshqa shamni yoqdingiz. Buning bir hikmati bordir?" dedi. "œEy Abdurrahmon, o’chirganim davlatning shami, yoqqanim o’zimning shaxsiy shamim o’z pulimag olganman. Davlat ishlarini qilganimda davlatning shamini yoqaman, hozir sen bilan suhbat qurib o’tirganimda, davlat shamini yoqishim halol bo’lmaydi. Shunday qilmasam, Allohga qanday hisob beraman?" deganingda Abdurrahmon ibn avf "œYo Rabbiy, Hattobning o’g’li Umarni boshimizdan nari qilmagin" deb, duo qildi.
Ushbu foniy dunyo nimalarni ko’rmadi deysiz. XX asrda davlatning moli bilan bola-chaqasini ham dalalarga, dengizlarga sayohatga yuborganlar yaxshilab eshitsinlar. Qiyomatning azobi, qaynoq suv kabi terlatuvchi savol-javobi, ularning hammasi "œMahkamai Kubro" Buyuk Mahkama kuni bo’ladi. Hamma qilingan ishlar o’shanda hisob-kitob etiladi. Bir shamni o’chirib o’zingga tegishli shamni yoqa olganing uchun ham, shu bugun biz seni sog’indik demoqdami. Ko’zimizga yosh olib yig’lamoqdamiz-ki, "œsening hayoting islom o’lchovi bo’lib qolsa, bizning holimiz ne bo’ladi", deb?!
Hozir odamlar ahvoliga nazar tashlasak, achinarli hulosalarga kelinadi. Ko’pchilik ba’zi qilib o’tgan yaxshi ishlariga suyanib qolishgan. Ammo, ularga islom tarixi o’rgatilsa, ey Umar sen ishtirokingda kechgan bir voqeani eshitishsa hayron-u lol qolishardi.
Rasululloh s.a.v o’nta odamni Jannatga tushishlatini bayon qilganlarida seni ham aytganlar, ammo qiziqki sen shunday buyuk bashorat turganida ham, umringning ohirigacha "œmunofiq emasmikanman" degan havotir ila yashab o’tding.
Nom: Re: Umar, sen bizga keraksan!
Yuborildi: Hadija 13 Mart 2010, 22:11:09: Bizning holatimizga voy! Amallarimizning aksari munofiqligimizga dalolat qilib tursa-da, Mo’minlikning eng baland darajalarini da’vo qilamiz. Kamida sahobiylar maqomini istaymiz. Ammo Alloh taolo qur’oni karimda hammasini osongina tushuntirib qo’ygan "œKim Rahmon eslatmasidan ya’ni Qur’on pand nasihatlaridan ko’r bo’lib olsa, yuz o’girsa Biz unga shaytonni yaqin qilib qo’yurmiz. Bas, u o’sha kofirga doimiy hamroh bo’lur. Shak-shubhasiz shaytonlar Qur’ondan yuz o’girgan kimsalarni to’g’ri yo’ldan to’surlar, ammo o’sha shaytonlarning orqasidan adashganlar esa, o’zlarini hidoyat topguvchilar deb, hisoblaydilar". (Zuhruf su’rasi 36-37 oyatlar.) Allohning o’zi asrasin ahvolimiz tang!
Ey Umar! Sen bizga juda keraksan! Sening ajib hayoting lozim bizga! So’zimiz ohirida seni yaratgan Allohga Hamd bo’lsin deb qolamiz! "œShayton Umarning biron yo’lidan yurganini ko’rsa, boshqa yo’ldan yurib ketadi" degan, payg’ambarimiz s.a.vga salot-u salomlar bo’lsin! SENI SOG’INDIK EY UMAR!!!

O'qiganlarga tashakkur!
Manba: H.Hamidov o'qigan mp3 formatidan, yozma ko'chirildi.
Nom: Re: Umar, sen bizga keraksan!
Yuborildi: Hassan 25 Aprel 2010, 09:56:46: http://www.youtube.com/watch?v=C0wqjyFxIkk
Nom: Re: Umar, sen bizga keraksan!
Yuborildi: Lu`lu` 15 Iyul 2010, 11:59:45: Адолат тимсоли, буюк сахоба Хазрати Умар р.а. шохид бслган куни бир чспон ксйларини кайтарар сди, бир бсри унинг сурувига хужум килди ва шу захоти чспон:

- Ей вох! "¦ Хазрати Умар слди. "¦ Адолат куёши слди! "¦ Тартиб бузилди. "¦ , деб фарёд килди.

У чспоннинг бу тарихий ссзи- фарёдини сшитган бошка чспонлар хайратга тушиб, дахшат, ксркув ва ташвиш ичида ундан бу холнинг сабабини ссрадилар:

-"Хазрати Умарнинг слганлигини сен каердан билдинг, кимдан сшитинг? "¦" Чспоннинг жавоби сса, бизга аламли тарихий дарс бслиб колди.

-Ксрмаспсизми, сй одамлар? "¦ Бсри ксйларга хужум киласпти. "¦ У тирик ва соглигида бсрининг ксйларга хужумини хеч кузатмадим...

Тарихий манбаларга ва ривостларга ксра хазрати Умар р.а. замонларида скка бир бсрининг сурувларга хужуми содир бслмаган скан. Хайвонлар орасида хам кабул стилган адолат, инсонлар орасида снг мухташам ва муаззам бир шаклга кирганди. "¦ У даврнинг кишилари чумолининг хам хаккини назорат килар, чивинни хам ранжитишни хаё билардилар.
Nom: Re: Umar, sen bizga keraksan!
Yuborildi: siddiqa 25 Aprel 2011, 02:12:03: :as:

Umar ketgan kuni ilmning o'ndan to'qqizi ketdi .

Abdulloh ibn Ma'sud