J: Ishonch, bu sizning omonatlaringizni saqlay biladigan, har qanday vaziyatda sizni sotmaydigan, sizni har xil gap so'zlardan himoya qiladigan inson borligiga umid qilish, niyat qilish, ishonish. Lekin bu narsa ko'pchilikka ham nasib qilmaydi. Siz kimgadir ishonishingiz mumkin, lekin o'sha kimdir sizning omonatingizni yaxshi saqlay bilmasligi mumkin.
Kimga ko'proq ishonish kerak? Avvalo, to'kis iymonli, Allohning omonatlarini saqlay olgan insonga ko'proq ishonish kerak. Odatda bunaqa insonlar ham kam bo'ladi. Shuning uchun ham siringni do'stim bilganingga ham aytaverma, vaqti kelib u ham sotishi mumkin, deyiladi. Kimga ishoniladi? Qattiq sevgan insonlarga. Masalan, men onamga ishonaman. Qiyomatlik birodarim bor, unga ishonaman. Chunki bilaman, qalbidagi iymoni hech qachon menining ishonchimni suiiste'mol qilmaydi. Boshqalarga ham ishonish mumkin. Lekin bu qadar emas, chuqur emas.
S: Ilmsiz odam o'z bilmagan narsalar haqida sizga aql o'rgatsa qanday munosabatda bo'lasiz?